Նորություններ

ԹԱԼԻՇԸ ՊԵՏՔ Է ԱՄԲՈՂՋՈՎԻՆ ՎԵՐԱԿԵՆԴԱՆԱՑՆԵԼ՝ ՍԱ Է ՕՐՎԱ ՀՐԱՄԱՅԱԿԱՆԸ

Նոյեմբերի 28-ին ԼՂՀ քաղաքաշինության նախարար Կարեն Շահրամանյանը լրագրողների հետ հանդիպման ժամանակ ներկայացրեց Մարտակերտի շրջանի Թալիշ գյուղի վերակենդանացման ծրագրի շրջանակներում իրականացվող աշխատանքները։ Սահմանամերձ այս բնակավայրն ապրիլյան պատերազմի ժամանակ ամենաշատը կրեց մարդկային և նյութական կորուստներ։ Վերջերս իշխանությունները հայտարարել են գյուղի վերակենդանացման ծրագրերի մասին և թափով սկսել կենսագործել այն՝ վերացնելով ավերածությունների հետքերը։ Կ. Շահրամանյանի վկայությամբ՝ գործադիրը կօգտագործի իր բոլոր հնարավորությունները՝ գյուղը վերականգնելու համար։ Նա նշեց, որ այդ աշխատանքներին զգալի աջակցություն է ցուցաբերել, այսօր էլ ցուցաբերում է ՙՀայաստան՚ համահայկական հիմնադրամը, որի կողմից նախաձեռնված վերջին հեռուստամարաթոնի արդյունքում հանգանակված գումարը կնպատակաուղղվի Արցախի տուժած բնակավայրերի վերականգնմանը, խաղաղ բնակչության անվտանգությանն ու պաշտպանությանն ուղղված միջոցառումներին։ Թալիշն այդ առումով, թերևս, առաջին հորիզոնականի վրա է։ Կ. Շահրամանյանը նաև տեղեկացրեց, որ արդեն պատրաստ է Թալիշի հատակագծման նոր նախագիծը, ըստ որի՝ համանքը կունենա նոր մանկապարտեզ, դպրոց, հանդիսությունների տուն։ Նախատեսվում է բարեկարգել գյուղի ողջ տարածքը, բարվոք տեսք հաղորդել գյուղ մտնող ճանապարհին ու նրա շրջակայքին։ Ի՞նչ է Թալիշի վերակենդանացումը մեզ համար. բնակչության կողմից կա՞ այնտեղ վերադառնալու պահանջ, թե՞ այդ քայլով հոգեբանական խնդիր ենք լուծում։ Այս մասին Կ. Շահրամանյանն ասաց, որ հարցը կարելի է դիտարկել տարբեր կողմերից, և բոլոր կողմերն էլ ճիշտ կլինեն։ Ամեն դեպքում խնդիր է դրված Թալիշն ամբողջովին վերակենդանացնել, և այդ խնդրի լուծումը մեզ համար, ինչպես ընդգծել էր նաև հանրապետության Նախագահը, արժանապատվության հարց է։ Կ. Շահրամանյանը նշեց, որ վերջին մեկ շաբաթվա ընթացքում 3-4 անգամ եղել է այնտեղ, և շուտով Թալիշը կվերածվի մեծ շինհարթակի ու առաջիկա ամիսներին կվերացվեն պատերազմի բոլոր հետքերը։ Վերջերս Նախագահ Բ. Սահակյանը պաշտոնատար անձանց ուղեկցությամբ եղել է Թալիշում. ամբողջությամբ կատարվել է գյուղի էլեկտրիֆիկացումը, առաջիկա օրերին կվերականգնվի նաև ջրամատակարարման ցանցը։ Թալիշցի 10 տղամարդ, ովքեր ապրիլյան պատերազմից հետո ստիպված էին հեռանալ գյուղից, վերադարձել և փորձում են օգտակար լինել ջրամատակարարման համակարգի վերականգնմանը։ Թալիշցիների մի մասն այսօր բնակվում է Ալաշան տեղամասում, որտեղ նրանց համար կենսական պայմաններ են ստեղծվել. ապրում են ժամանակավոր կացարաններում, ուստի և շատերը ցանկություն ունեն վերադառնալ հարազատ օջախներ։ Թալիշի վերականգնմանը ներգրավվել է շինարարական մեկ խոշոր կազմակերպություն, անհրաժեշտության դեպքում կներգրավվեն նաև երկրորդը, երրորդը։ Նախատեսվում է գալիք սեպտեմբերի 1-ից շահագործել նաև դպրոցը և Թալիշն այս կամ այն չափով բնականոն կյանքի փոխադրել։ Բնականաբար, առանց անվտանգության երաշխիքների այստեղ դժվար կլինի լուծել վերակենդանացման խնդիրը. Նախագահի աշխատակազմի տեղեկատվության գլխավոր վարչության պետ Դ. Բաբայանն էլ մի առիթով հայտնել էր, որ բոլոր աշխատանքներից առաջ լուծվելու է անվտանգության խնդիրը։ Լրագրողների հարցին, թե կա՞ն անվտանգության երաշխիքներ բնակչության համար, Կ. Շահրամանյանը նշեց. պատերազմող երկրի համար 100¬տոկոսանոց անվտանգության երաշխիքների մասին դժվար է խոսելը, բայց Թալիշը խոցելի է նույնքան, որքան այդ ուղղության մի շարք այլ բնակավայրեր, որտեղ մարդիկ են ապրում։ Իսկ ընդհանրապես, մեր անվտանգության երաշխիքը մեր զինվորներն են, ամուր առաջնագիծը։ ՙԹալիշին նոր տեսք, նոր շունչ պիտի հաղորդենք, մտածենք բնակչության զբաղվածության, սոցիալական, առողջապահական խնդիրների լուծման մասին, իրականացնենք ծրագրեր գյուղատնտեսության, առևտրի և մի շարք այլ ոլորտներում՚,- ասաց Կ. Շահրամանյանը։ Ի՞նչ է արվելու Ալաշանի տեղամասի ժամանակավոր կացարանների հետ, որոնց վրա ևս պետբյուջեից գումարներ են ծախսվել՝ այս մասին Կ. Շահրամանյանն ասաց, որ դրանք կծառայեն որպես ամառային ճամբար, քանի որ ճամբարային հանգստի համար այնտեղ ստեղծվել են լավ պայմաններ։ Բնակչության զբաղվածության հարցին լուծում տալու համար կստեղծվի փոքր արտադրամաս, որտեղ կաշխատեն հիմնականում կանայք։ ՙԹալիշը մեր հյուսիսային սահմանի առաջին բնակավայրն է, այն մշտապես գտնվելու է պետության ուշադրության կենտրոնում։ Սա, իհարկե, չի նշանակում, որ աչքաթող են արվելու մյուս սահմանամերձ գյուղերը, բայց Թալիշն առավել մեծ ուշադրության կարիք ունի՚,- ասաց Կ. Շահրամանյանը։

Կարդալ ավելին 12-14-2016

Նախագահի ուշագրավ հանձնարարականը. հիմնովին վերականգնվում է Թալիշ գյուղը

Արդեն շուրջ մեկ շաբաթ է՝ Թալիշի բնակիչների մի մասը նորից վերահաստատվել է գյուղում, և որոշակի վերականգնման աշխատանքներ է կատարում՝ տների, տնամերձերի և ենթակառուցվածքների հետ կապված։ Այս մասին «Արցախպրես»-ի հետ զրույցում ասել է Թալիշի համայնքի նախկին ղեկավար Վիլեն Պետրոսյանը, ով շարունակում է պաշտոնավարել՝ այժմ արդեն Ալաշան համայնքում: Արցախի հանրային հեռուստատեսության փոխանցմամբ՝ նախօրեին Թալիշ գյուղ այցելած հանրապետության նախագահ Բակո Սահակյանը տեղում աշխատանքային խորհրդակցություն է անցկացրել՝ նշելով, որ անհրաժեշտ է բոլոր ուժերն ու միջոցները ներդնել՝ գյուղը վերականգնելու համար։ Խորհրդակցությանը մասնակցում էին ԼՂՀ էկոնոմիկայի և քաղաքաշինության նախարարները, Մարտակերտի շրջվարչակազմի ղեկավարը, Թալիշում կառավարության լիազոր ներկայացուցիչը, պաշտոնատար այլ անձինք, ինչպես նաև Թալիշի բնակիչներ: Նախագահին զեկուցել են գյուղում ջրամատակարարման ցանցի վերականգնման մասին, և հավաստիացրել, որ ենթակառուցվածքների հարցում Թալիշը գոնե այս փուլում որևէ խնդիր չունի։ Գյուղի վերականգնման աշխատանքները նույն ակտիվությամբ շարունակելու համար հանրապետության նախագահի կողմից նոր հանձնարարականներ են տրվել։ «Այս պահի դրությամբ ամբողջությամբ վերականգնվել է գյուղի էլեկտրաֆիկացումը։ Առաջիկա օրերին կվերականգնվի նաև ջրամատակարարման ցանցը»,- ասել է ԼՂՀ էկոնոմիկայի նախարար Անդրանիկ Խաչատրյանը։ Իսկ քաղաքաշինության նախարար Կարեն Շահրամանյանի խոսքով, առաջիկա ամիսներին Թալիշում մի քանի ուղղություններով կծավալվեն շինարարական մեծ աշխատանքներ: Գյուղ տանող ճանապարհը վերանորոգվում է։ Օրեր անց այստեղ իր տեղակայման վայրը կունենա Արցախի խոշոր շինարարական կազմակերպություններից մեկը։ «Հատակագծման նոր նախագիծ ենք պատվիրել, ըստ որի գյուղը կունենա առանձին մանկապարտեզ, հանդիսությունների տուն, կբարեկարգվի գյուղի ողջ տարածքը և գեղեցիկ տեսք կստանա գյուղ մտնող հատվածը։ Գյուղապետարանի շենքը չափագրված է, այն վերակառուցվում է, այդտեղ կտեղակայվի դպրոցը և նախատեսում ենք շահագործման հանձենլ գալիք տարվա սեպտեմբերի մեկից։ Պետք է ազատվենք գյուղում առկա ավերակներից և վերակառուցենք բոլոր բնակելի տներն ու ներհամայնքային ճանապարհները»,- ասել է ԼՂՀ քաղաքաշինության նախարարը և հավելել, որ հարկ եղած դեպքում ոչ թե կվերանորոգեն հինը, այլ կկառուցեն նոր բնակելի տներ՝ բոլոր հարմարություններով։

Կարդալ ավելին 11-27-2016

Նախագահ Սահակյանը Թալիշում մասնակցել է ապրիլյան պատերազմի զոհված ազատամարտիկների խաչքար-հուշարձանի բացմանը
Նախագահ Սահակյանը Թալիշում մասնակցել է ապրիլյան պատերազմի զոհված ազատամարտիկների խաչքար-հուշարձանի բացմանը

ԼՂՀ Նախագահ Բակո Սահակյանը հոկտեմբերի 29-ին այցելել է Մարտակերտի շրջանի Թալիշ գյուղ, որտեղ մասնակցել է ապրիլյան քառօրյա պատերազմի օրերին Սիսիանի ջոկատի զոհված ազատամարտիկների հիշատակին տեղադրված խաչքար-հուշարձանի բացման հանդիսավոր արարողությանը: ԼՂՀ նախագահի մամուլի գրասենյակից հայտնում են, որ իր խոսքում Բակո Սահակյանը նշել է, որ այս պահին բոլորս համակված ենք տարբեր զգացումներով. մի կողմից, կա խոր թախիծ եւ տխրություն, քանի որ հիշում ենք մեր նահատակված ընկերներին եւ հարազատներին, որոնց կերպարը միշտ կենդանի է մեր սրտերում, իսկ մյուս կողմից, մենք լի ենք հպարտությամբ, որ ունենք այդպիսի հերոս մարտիկներ, ովքեր իրենց խիզախությամբ ու անձնվիրությամբ պաշտպանեցին հարազատ ժողովրդին եւ պետությունը, ում համար հայրենիքին ծառայելը ամենամեծ եւ կարեւոր առաքելությունն էր կյանքում: Երկրի ղեկավարն ընդգծել է, որ սյունեցիները եւ, մասնավորապես, սիսիանցիները միշտ էլ ակտիվ մասնակցություն են ունեցել հայրենիքի պաշտպանության գործում, եւ այդ առումով Արցախյան ազատամարտը բացառություն չէր, որի ընթացքում նրանք պայքարել են թշնամու դեմ եւ իրենց անգնահատելի ավանդը բերել մեր փառավոր հաղթանակների կերտմանը: Միջոցառմանը մասնակցում էին ԼՂՀ Ազգային ժողովի նախագահ Աշոտ Ղուլյանը, ՀՀ Ազգային ժողովի նախագահի տեղակալ Էդուարդ Շարմազանովը, պաշտոնատար այլ անձինք, ներկայայացուցիչներ Հայաստանից ու Սփյուռքից:

Կարդալ ավելին 10-29-2016

ԱՅՑ ԱԼԱՇԱՆ
ԱՅՑ ԱԼԱՇԱՆ

Սեպտեմբերի 29-ին ՙՊահապան Արծիվներ՚ վետերանների հ/կ-ն խորհրդի մի քանի անդամներով՝ ես, Վոլոդյա Զալունցը և Անդրանիկ Ապրեսյանը այցելեցինք Ալաշան, հանդիպելու թալիշեցի մեր հայրենակիցներին: Թալիշի միջնակարգ դպրոցի ուսուցչական կոլեկտիվի խնդրանքով մենք ձեռք էինք բերել մեծ քանակությամբ գրենական պիտույքներ, որոնք էլ հանդիսավոր պայմաններում հանձնեցինք նորաբաց դպրոցին: Ամբողջ գույքը ձեռք է բերվել ռուսաստանում բնակվող մեր հայրենակից Արթուր Զավենի Խաչատրյանի ֆինանսավորմամբ: Հանդիպմանը ներկա էր նաև բարերարը: Դպրոցի տնօրեն Տանյա Մեժունցը դրվատանքի խոսքեր ասաց Ա. Խաչատրյանին և ամբողջ կոլեկտիվի կողմից շնորհակալություն հայտնեց նրան: Սա մեր համայնքի կողմից առաջին օգնությունն էր Ալաշանում բնակություն հաստատած մեր հայրենակիցներին և հուսով եմ, որ այն կլինի շարունակական:

Կարդալ ավելին 10-22-2016

Թալիշի միջնակարգ դպրոցում նշվել է ուսուցչի մասնագիտական տոնը
Թալիշի միջնակարգ դպրոցում նշվել է ուսուցչի մասնագիտական տոնը

Ապրիլի 2-ից 5-ը Ադրբեջանի կողմից սանձազերծված պատերազմի հետևանքով իրենց տներն ու կրթական օջախը լքած ու Մարտակերտի շրջանի Ալաշան տեղամասում հաստատված թալիշցի ուսուցիչները դպրոցում նշել են ուսուցչի մասնագիտական տոնը: «Արցախպրես»-ի թղթակցի հետ զրույցում դպրոցի տնօրեն Տանյա Մեժունցը տեղեկացրել է, որ Ալաշանի տեղամասում գործող դպրոցում սովորում է 23 աշակերտ: «Մինչև ապրիլյան դեպքերը Թալիշի միջնակարգ դպրոցն ունեցել է 102 աշակերտ: Ապրիլի 2-ի չարաբաստիկ օրը մենք ստիպված լքեցինք մեր հարազատ գյուղը, և ժամանակավորապես հիմնավորվեցինք Ալաշանում: Ճիշտ է, այստեղ պայմանները լավ են, բայց մեզ ավելի ձգում է մեր հարզատ գյուղի հարազատ դպրոցը: Առանձնապես իրենց հարազատ կրթօջախին կարոտում են դպրոցահասակ երեխաները: Նրանք անընդհատ հարցեր են տալիս՝ մեզնից իմանալու համար, թե երբ ենք վերադառնալու Թալիշ: Ուսուցիչներով ամեն ինչ անում ենք, որ չընդհատվի երեխաների կրթության ու դաստիարակության գործը»,- ասել է Տ. Մեժունցը՝ հավելելով, որ իրենց դպրոցի կոլեկտիվում աշխատում է 14 ուսուցիչ: Դպրոցին օգնում և աջակցում են ԼՂՀ կառավարության կրթության բաժիններն ու անհատ բարերարներ:

Կարդալ ավելին 10-07-2016

Հարցազրույց Թալիշի միջնակարգ դպրոցի տնօրեն  Տատյանա ՄԵԺՈՒՆՑԻ հետ
Հարցազրույց Թալիշի միջնակարգ դպրոցի տնօրեն Տատյանա ՄԵԺՈՒՆՑԻ հետ

- Մինչև գյուղից տեղահանվելն ի՞նչ պայմաններում էիք իրականացնում Ձեր առաքելությունը։ - Նախքան բռնատեղահանությունը Թալիշի միջնակարգ դպրոցում սովորում էր 102 աշակերտ։ Ապրիլի 2-ի չարաբաստիկ օրը մենք թողեցինք դպրոցը, գյուղը։ Ներկայումս հիմնավորվել-բնավորվել ենք Ալաշան գյուղում և այս պահի դրությամբ ունենք 23 աշակերտ։ Ասում եմ՝ պահի դրությամբ, քանի որ ամեն օր աշակերտ է ավելանում։ Դուք էլ տեսաք, որ մեր պայմանները լավ են, բայց բոլորիս ցանկությունն է վերադառնալ մեր բնօրրանը։ Մեր դպրոցին շատ ենք կարոտում։ - Դպրոցը մասնագետներով ապահովվա՞ծ է։ - Թալիշի դպրոցում քսանհինգ հոգի էինք՝ ներառյալ նաև գրադանավարուհին, իսկ այստեղ դեռ տասնչորսն ենք։ Մեր ուսուցիչների մի մասն ապաստանել է Հայաստանի Հանրապետությունում։ Հուսով ենք՝ նրանք էլ կամա՛ց-կամաց կվերադառնան։ Բնակարանային խնդիր կա, այդ և հարակից հարցերը կարգավորման փուլում են։ Սպասում ենք, որ տնակների թիվն ավելանա, կարծում եմ, և՜ աշակերտները կշատանան, և՜ ուսուցիչները։ - Ինչպե՞ս եք իրականացնում ուսման գործընթացը... Այսօր դուք երկու խնդիր եք կատարում՝ պատշաճ ուսուցմանը զուգընթաց՝ պարտավորված եք դաստիարակչական ու բարոյահոգեբանական մեծ աշխատանք տանել։ - Համամիտ եմ։ Ուսուցումն, իհարկե, մեր հիմնական, կարևոր առաքելությունն է, բայց նաև ամեն ինչ անում ենք, որ մեր երեխաները չընկճվեն, ուսմանը զուգահեռ ստանան ոգեղեն դաստիարակություն։ Սակայն նրանք, առիթով թե անառիթ, հարցնում են, թե երբ պիտի վերադառնան գյուղ, երբ պիտի վերադառնան իրենց դասընկերները, որոնց անչափ կարոտում են։ Ուսուցիչներն էլ իրենց հերթին առավել մեծ նախանձախնդրությամբ են լծված նրանց հայեցի դաստիարակության գործին՝ գլխավոր շեշտը դնելով հայրենասիրության, ազգասիրության վրա։ - Ինչ էլ որ անեն ձեզ համար, ինչ պայմաններ էլ որ ստեղծեն, միևնույն է, հարմարեցված դպրոցում խնդիրներ միշտ էլ լինում են։ - Խնդիրներ, ճիշտ է, միշտ էլ կան, իսկ երբ դրանք լուծելի են, սրտնեղել պետք չէ։ Հընթացս կլուծվեն մեր խնդիրները, նամանավանդ՝ ձեռք մեկնողներն էլ քիչ չեն։ Շնորհակալ ենք բարի կամքի տեր բոլոր նրանց, ովքեր տեղահանության առաջին օրից առայսօր մեր կողքին են։ Նոր ուսումնականից մեզ մոտ չեն դասավանդվում ֆիզիկա և ինֆորմատիկա առարկաները։ Չունենք շախմատի մասնագետ, ժամաքանակն էլ քիչ է, քանի որ միացյալ դասարաններ են։ Մեր կենսաբանության ուսուցիչը երկար տարիներ զինղեկ է աշխատել, հենց նա էլ լրացնում է ֆիզկուլտուրայի ուսուցչի պակասը։ Թափուր տեղերի համար հայտարարությունները տրված են, սպասում ենք։ - Ուսուցչի պատրաստակամությունից, նրա տրամադրությունից, նպատակադրվածությունից շատ բան է կախված. ինչպիսի՞ն է նրանց տրամադրվածությունն ընդհանրապես։ - Մեր ուսուցիչները համախմբված են, միասնական, առավել՝ քան երբևէ։ Մենք պարտադրված ենք, արդեն որերորդ անգամ, ինչպես ասում են, կանաչ խոտի վրա կրակ անել, բայց ի՛նչ կարող ես անել, ճակատագիր է։ Ողջ աշխարհն է այսօր անհանգիստ, մարդուս ճակատագիրն է՝ պայքարել, արարել, դիմանալ՝ ինչ էլ որ լինի։ Մենք քաջ գիտակցում ենք, որ հասարակության ուշադրության կենտրոնում ենք, մեր կեցվածքը կարող է թևավորել, կարող է և թևաթափ անել։ Մենք պարտավորված ենք ուժեղ լինել և աշխատել ոչ միայն ի բարօրություն մեր սաների, այլև մեր համագյուղացիների։ Ի վերջո, նրանք դպրոցից շատ դրական լիցքեր կարող են տանել ընտանիք, իսկ դա, կարծում եմ, պակաս կարևոր չէ։ Ես իմ կոլեկտիվի մասին միայն դրականը կարող եմ ասել. աջակցում ենք մեկս մյուսին՝ որքան հնարավոր է և ինչպես հնարավոր է։ - Չենք կասկածում, բայց ուզում եմ հարցնել՝ ԿԳՍ նախարարությունը ձեռք մեկնո՞ւմ է։ - Խոսք լինել չի կարող, միանշանակ, անձամբ կրթության նախարարն է այցելել մեզ, առաջին ձեռքից տեղեկանալու՝ ինչպես ենք տեղավորվել, ինչի կարիք ունենք։ Նույնը և՝ նախարարության մյուս աշխատողները, միշտ պատրաստակամ են ու հարեհաս մեր հոգսերին։ - Ապրիլյան դեպքերից հետո Թալիշում եղե՞լ եք։ - Ապրիլ ամսին անձամբ եմ գնացել, փաստաթղթերը տեղափոխել Մարտակերտի կրթության շրջանային բաժին։ Համայնքի ղեկավարի և մեր ուսուցիչների հետ միասին տեղափոխել ենք նաև չվնասված գույքը։ Իսկ վնասը շատ մեծ է, մեր համակարգիչները լրիվ շարքից դուրս են եկել, դպրոցի երրորդ հարկն ամբողջովին ավերված է, երկրորդ հարկի պատերը հրթիռահրետակոծությունից ակոսված են։ Նայում ես՝ սիրտդ մղկտում է, ինչպե՛ս կարողացան քրտինքով ստեղծածը մի քանի ժամում հիմնահատակ ավերել, ինչպե՞ս է ձեռքները բարձրանում... Ի՜նչ արած, մեզ էլ այդպիսի հարևաններ են բաժին ընկնել։ Մնում է տոկալ, դիմակայել, վերականգնել, արարել ու ապրել, հուսալ, որ տուն՝ Թալիշ կվերադառնանք մեկընդմիշտ, և այն ավելի շեն ու բարեբեր կդառնա բոլորիս շնորհիվ։ Մեզ այն հույսն է պահում, որ մի օր տուն կդառնանք, ու մեր առջև կբացվեն հիմնանորոգ մեր դպրոցի դռները։

Կարդալ ավելին 10-07-2016

ԱՄԵՆ ԿԵՐՊ ՊԵՏՔ Է ԱՄՐԱՊՆԴԵԼ ԶԻՆՎՈՐԻ ԹԻԿՈՒՆՔԸ
ԱՄԵՆ ԿԵՐՊ ՊԵՏՔ Է ԱՄՐԱՊՆԴԵԼ ԶԻՆՎՈՐԻ ԹԻԿՈՒՆՔԸ

ԼՂՀ ՙՄայրություն՚ հասարակական կազմակերպության նախաձեռնությամբ օրերս մի շարք հասարակական կազմակերպությունների ղեկավարներ, կառավարության ու ԶԼՄ-ների ներկայացուցիչներ այցելեցին Մարտակերտի շրջան։ Այցի շրջանակում նրանք ծաղիկներ խոնարհեցին Արցախյան պատերազմում զոհված մարտակերտցիների հուշակոթողին։ Այնուհետև շրջայցի մասնակիցները հանդիպեցին ապրիլյան իրադարձությունների հետևանքով տեղահանված Ալաշան բնակավայրում ապաստանած թալիշցիների հետ։ Դպրոցի սաները սիրով ընդունեցին և առաջիններից մեկը ողջունեցին Ստեփանակերտից ժամանած հյուրերին։ Այնքան անմիջական, ջերմ ու գեղեցիկ էին նրանց խոսքերը, որ թվում էր՝ վաղուց ու երկար են պատրաստվել հանդիպմանը։ Այնինչ նրանք դա նախաձեռնեցին հընթացս և՝ առանց ուսուցիչների միջամտության։ Իսկ վերջում չմոռացան նաև երգով գովաբանել իրենց. ՙԾաղիկների մեջ, ծաղիկներ ենք մենք, Թալիշի դպրոցի սանիկներն ենք մենք՚։ Հանդես գալով դպրոցի ուսուցչական կոլեկտիվի ու աշակերտների առջև՝ ԼՂՀ ՙՄայրություն՚ ՀԿ նախագահ Հասմիկ Միքայելյանը ներկայացրեց այցի հիմնական նպատակը՝ նշելով, որ իրենք պատրաստակամ են օգնելու թալիշցիներին, իսկ աշակերտներին հորդորեց լավ սովորել, չընկճվել դժվարություններից և հաստատ համոզված լինել, որ մի օր կվերադառնան հարազատ բնօրրանը։ Հ. Միքայելյանը դպրոցի լավագույն երեք աշակերտների պարգևատրեց ՙՄայրական երախտագիտություն տաղանդավոր երեխաներին՚ հուշամեդալով։ ՀՀ ՙՄիջազգային անվտանգության ասպետաց ակադեմիայի՚ ՙՏիգրան Մեծ՚ մեդալին արժանացավ Թալիշի համայնքի ղեկավար Վիլեն Պետրոսյանը։ Հասարակական կազմակերպությունների կողմից դպրոցականներին ու բնակիչներին հանձնվեցին նվերներ, գրենական պիտույքներ, հյուրասիրեցին քաղցրավենիքով։ Միջոցառման կազմակերպիչներն ու մասնակիցները շրջեցին թալիշցիների ալաշանյան բնակարաններում, ծանոթացան նրանց սոցիալ-կենցաղային պայմաններին, բարոյահոգեբանական վիճակին, զրուցեցին գյուղացիների հետ։ Սահակյան Վահրամի հինգհոգանոց ընտանիքը տեղավորված է երեք սենյակում, շրջայցի մասնակիցներիս աչքերով բվականին հարմարավետ է, կահավորված։ Զրույցի ընթացքում պարզեցինք, որ տանտերերը ևս դժգոհ չեն իրենց պայմաններից։ Մի ամիս առաջ Նվեր որդու համար Ստեփանակերտից հարս են բերել։ Նորահարս Հասմիկը դժգոհելու առիթ չունի, սիրած տղամարդու կողքին է, ու կապրի նրա հետ՝ որտեղ էլ որ բնավորվեն։ Տան մեծամայրը՝ 82-ամյա Արաքսյա տատիկը, ինչից խոսում էր, աղոթքի պես էին հնչում բառերը. ՙԹող աշխարհը խաղաղ լինի, մեր զավակներն անփորձանք լինեն, ոչ մի մոր աչք արցունք չտեսնի՚։ Թալիշ ու Ալաշան անունների միացումից գյուղացիներն իրենց բնակավայրը կնքել են նոր անունով՝ Թալիշան։ Մասնագիտությամբ գյուղատնտես՝ համայնքի ղեկավարի ՙձեռքի՚ գործն է, ասում են համագյուղացիները։ Մեծից-փոքր, որին խոսեցնես, Թալիշի մասին է խոսում, իրենց տան մասին։ Նանար Մուսայելյանի գրկի փոքրիկը՝ Արենը, չորս օրական էր, երբ թողեցին գյուղը, արդեն վեց ամսական է, ու այնքան մարդիկ են իրենց դուռը բացել, որ ում տեսնում է, ձեռքերը պարզած գիրկն է նետվում։ Բոլորի ցանկությունն է, որ Արենն իր 1-ամյակը Թալիշում նշի։ Նանարը չորս երեխա ունի՝ 2 տղա և 2 աղջիկ։ Ամուսինը՝ Գագիկը, Մատաղիսի դիրքերում է, սպասում են, շուտով տուն պիտի գա։ Մեր հարցին, թե դիրքերից ինչ խաբար է բերում, Նանարը ձեռքը թափ է տալիս։ Նա միայն երկու բառ գիտի՝ ՙլոխ լյավա՚։ Այդ հույսով էլ ապրում են թալիշցիները, որ մի օր իսկապես ՙլոխ լյավ կլինի՚, միայն թե դիմանալ է պետք, վաղվա օրվան հույսով ու հավատով նայել է պետք։ Իսկ թալիշցիները տրտնջալ չգիտեն, նրանք արարող, ստեղծող ժողովուրդ են, և ինչպես իրենք են վկայում, միշտ լավ են ապրել։ Միջոցառման մասնակիցների հաջորդ կանգառը հյուսիս-արևելյան ուղղությամբ տեղակայված զորամասերից մեկում էր։ Զորամասի նահատակների հիշատակին կանգնեցված խաչքար-հուշարձանի պատվանդանին ծաղիկներ խոնարհելուց և մի խումբ սպաների պարգևատրելուց հետո հասարակական կազմակերպությունների ներկայացուցիչները զրուցեցին նորակոչիկների հետ, լսեցին նրանց, իրենց աջակցությունն ու պատրաստակամությունը հայտնելով սատարել բոլոր հնարավոր միջոցներով։ Ընդամենը երեք ամիս ծառայած նորակոչիկները ձգված ու առնական, զինվորական հագուկապի մեջ, արժանապատիվ կեցվածքով պնդում էին, որ ոչ մի խնդիր չունեն և սպասում են առաջին գիծ մեկնելու իրենց հերթին։ Իսկ թե ինչ են տալիս նման հանդիպումները զինծառայողներին, մեզ հետ տպավորություններով կիսվեց զորամասի հրամանատարի ԱՀՏԱ գծով տեղակալ փոխգնդապետ Ալիկ Սարգսյանը. ՙԱյս տարիների ընթացքում մենք դպրոցների ու հասարակության հետ համատեղ դաստիարակել ենք մի սերունդ, ով փառավորեց իր անունը՝ հայրենասիրությամբ ու նվիրվածությամբ գերազանցելով նախորդներին։ Ես բարձր եմ գնահատում հասարակական կազմակերպությունների դերը, առավելապես մատաղ սերնդի ռազմահայրենասիրական դաստիարակության գործում։ Իսկ հասարակությանը վստահեցնում եմ, որ մեր սպաներն ու զինվորները պատրաստ են պաշտպանելու հարազատ ժողովրդի անվտանգությունն ու խաղաղ կեցությունը։ Եվ թող վստահ լինեն, որ անպարտելի է այն ազգը, որն ունի իր հերոսները բոլոր ժամանակներում՚։

Կարդալ ավելին 10-07-2016

Արցախի նախագահն այցելել է ապրիլյան պատերազմի հետևանքով իրենց տները լքած ու Ալաշանում հաստատված թալիշցիներին
Արցախի նախագահն այցելել է ապրիլյան պատերազմի հետևանքով իրենց տները լքած ու Ալաշանում հաստատված թալիշցիներին

Արցախի Հանրապետության Նախագահ Բակո Սահակյանը սեպտեմբերի 11-ին այցելել է Մարտակերտի շրջանի Ալաշան տեղամաս և հանդիպել ս. թ. ապրիլի 2-ից 5-ը Ադրբեջանի կողմից սանձազերծված պատերազմի հետևանքով իրենց տները լքած ու այնտեղ հաստատված թալիշցիների հետ: Արցախի Հանրապետության նախագահի աշխատակազմի տեղեկատվության գլխավոր վարչությունից հայտնում են, որ հանդիպմանը քննարկվել են թալիշցիների սոցիալ-կենցաղային պայմանների բարելավմանն ուղղված ծրագրերի ընթացքին առնչվող հարցեր: Նախագահը համապատասխան հանձնարարականներ է տվել շահագրգիռ մարմինների ղեկավարներին` աշխատանքների պատշաճ իրականացման ուղղությամբ: Նախագահին ուղեկցել են Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ԼՂՀ ԱԺ նախագահ Աշոտ Ղուլյանը, պաշտոնատար այլ անձինք:

Կարդալ ավելին 09-12-2016

Թալիշի երեխաների համար Ալաշանում դպրոց է բացվել
Թալիշի երեխաների համար Ալաշանում դպրոց է բացվել

Մարտակերտի շրջանի Ալաշան գյուղում, որտեղ արդեն բնակվում է թալիշցի 28 ընտանիք, սեպտեմբերի 1-ին դպրոց է բացվել: «Արցախպրես»-ի հետ զրույցում Թալիշի գյուղապետ Վիլեն Պետրոսյանը՝ տեղեկացրեց, որ դպրոցն ունի 23 աշակերտ: Նրա խոսքով, հակառակորդի կողմից ապրիլին արձակած արկերից Թալիշի ավերված դպրոցի գույքը տեղափոխել են Ալաշանի նորաբաց դպրոց եւ աշակերտների համար հարմարություններ ստեղծել նորաբաց դպրոցում: «Թալիշի դպրոցի գույքի մի մասը տեղափոխել ենք Ալաշանի նորաբաց դպրոց և աշակերտների համար հարմարություններ ստեղծել: Դպրոցը բացվել է Ալաշանի նախկին հոպիտալի շենքում: Այսօրվա դրությամբ դպրոցում ունենք ուսուցիչների պակաս, որն էլ առաջիկայում հայտարարված մրցույթի արդյունքներով կհամալրենք»,- ասել է Պետրոսյանը: Գյուղապետը նշեց նաև, որ այս պահին Ալաշանում վերանորոգվում է եւս 5 կացարան, որպեսզի եւս 5 թալիշցի ընտանիք տեղափոխվի գյուղ: «Մեր դպրոցի տնօրենն ու ուսուցիչներից մեկն այժմ Ալաշանում են, բայց կացարան չունեն մնալու. մի ընտանիքն իմ տանն է մնում, մյուսը՝ մեկ այլ ընտանիքում: Իրենց համար էլ է կացարան պատրաստվում, նաեւ այլ ընտանիքներ են ուզում գալ այստեղ, իրենց համար էլ»,- ասաց գյուղապետը և հավելեց, որ նոր ընտանիքների տեղափոխման հետ կավելանա նաև դպրոցի աշակերտների թիվը:

Կարդալ ավելին 09-07-2016

Արցախի Ալաշան գյուղը բնակեցվում է տնից զրկված թալիշեցիներով
Արցախի Ալաշան գյուղը բնակեցվում է տնից զրկված թալիշեցիներով

Մարտակերտի շրջանի Ալաշան առողջարանային գյուղում սկսվել է թալիշեցիների բնակեցման գործընթացը. շուրջ 20 թալիշեցի ընտանիք, որոնք ապրիլյան պատերազմից հետո զրկվել են իրենց տնից ու տեղից, արդեն տեղավորվել են Ալաշանում, շունչ տվել այդ չբնակեցված գյուղին: Ապրիլյան պատերազմից հետո, երբ Թալիշը դարձավ թշնամու կրակահերթերի ու վայրագությունների թիրախ՝ այնտեղ շարունակում է վտանգավոր մնալ, ինչպես նաև անհնարին է ապրել: Դեռեւս մայիսից ԼՂՀ կառավարությունը նախաձեռնել էր Ալաշան համայնքում եղած եւ նախկինում այնտեղ հանգստացողների համար կացարան ծառայած տների վերանորոգում՝ թալիշեցիներին այնտեղ տեղավորելու նպատակով: Թալիշի գյուղապետ Վիլեն Պետրոսյանը երեկ մեզ հետ զրույցում հայտնեց, որ վերանորոգումն ավարտվել է, արդեն նաեւ որոշակի առաջին անհրաժեշտության ապրանքներով կահավորվել են բնակարանները. սեղան, աթոռ, մահճակալ ու պահարաններ են տեղադրվել: Որոշ ընտանիքներ ստացել են նաեւ հաց թխելու համար նախատեսված էլեկտրական վառարաններ, լվացքի մեքենաներ, հեռուստացույցներ: Մարտակերտի շրջվարչակազմն ու սոցիալական ապահովության վարչությունը բնակիչներին նաեւ առաջին անհրաժեշտության որոշակի սննդամթերք են տրամադրել: Հարցին, թե եւս քանի՞ ընտանիք կարող է տեղավորվել Ալաշանում՝ Պետրոսյանը պատասխանեց՝ 26: Այսինքն, դեռ շուրջ 6 ընտանիքի տեղ կա Ալաշանում: Սկզբնական շրջանում նախատեսված էր, որ Ալաշանում որոշակի ժամանակ հանգրվանելուց հետո թալիշեցիները կտեղափոխվեն Իջան ու Քոլատակ գյուղեր: Սակայն, երեկ Թալիշի գյուղապետը մեզ հետ զրույցում հայտնեց, որ օրերս, երբ Ալաշան էր այցելել ԼՂՀ նախագահը, բնակիչները բարձրացրել են չտեղափոխվելու հարցը: Խնդիրն այն չէ, որ բոլորը գոհ են Ալաշանում. «Դե գիտե՞ք ոնց, սկզբի համար հարմար է: Եթե մեր տանը չենք, մեզ համար միեւնույնն է: Համարում ենք, որ սա ժամանակավոր է եւ փորձում ենք հարմարվել: Այստեղ լավն այն է, որ բնակչություն չկար, որ մենք խառնվեինք ուրիշ գյուղի բնակիչների հետ: Իջանի ու Քոլատակի լավ կողմերը միգուցե կան, բայց դրա հետ միասին մեր ժողովուրդը պիտի գնար, խառնվեր այնտեղի ժողովրդին: Ամեն դեպքում, մենք կարեւորում ենք մեր համայնքի դեմքը, սովորույթները, պաշտպանելը: Մենք մեր սովորություններն ունենք, ավանդույթներն ունենք, նրանք իրենցն ունեն: Մերոնք աշխատասեր ժողովուրդ են: Տեսնենք կարո՞ղ ենք մի բան ստեղծել»,- ընդգծեց նա: Ալաշանում առկա էր նաեւ դպրոցի, մանկապարտեզի, բուժկետի եւ այլ առաջին անհրաժեշտության հաստատությունների խնդիր: Վիլեն Պետրոսյանն ասում է, որ դպրոցի խնդիրը եւս կարծես թե լուծվում է. հնարավոր է, որ սեպտեմբերի 1-ից Ալաշանում դպրոց բացվի: «Դասերը կարող են անցկացվել նախկին հոսպիտալի շենքում: 2 հարկանի շենք է, սենյակները որպես դասարաններ կարող են օգտագործվել: Երեխաները քիչ են. այսօրվա դրությամբ 14 դպրոցահասակ երեխաներ կան այստեղ: Տեսնենք ոնց կդասավորվի. եթե դպրոց լինի՝ որոշ մարդիկ արդեն կուզենան գալ, ապրել այստեղ: Դպրոցի բացակայությունը եւս մարդկանց տեղափոխվելու համար խոչընդոտ էր հանդիսանում, շատ էր անհանգստացնում մարդկանց: Ինչ վերաբերում է գյուղապետարանին՝ այն գործելու է վերանորոգված բնակարաններից մեկում: Ապրելով Ալաշանում՝ փաստաթղթերով բնակիչները շարունակելու են համարվել թալիշեցիներ: Խոսելով Թալիշում եղած իրավիճակի մասին՝ Վիլեն Պետրոսյանը նշեց, որ ժամանակ առ ժամանակ այցելում է այնտեղ, դիրքերում որոշակի հանգստություն կա, գյուղում իրավիճակը նույնն է: «Վերջերս բերքահավաքը ավարտեցինք Կարմիր խաչի միջնորդությամբ. մկնանման կրծողները հասցրել էին վնասներ պատճառներ, բայց կարեւորն այն էր, որ կարողացանք հնձել, շատ թե քիչ: էդքանով որոշ չափով հանգիստ ենք հոգեպես: Մի 70 հեկտար մնաց, որ չկարողացանք հնձել՝ վառվել էր, մի մասն էլ ճակատային գծում էր, հնարավոր չէր հնձել»: Հիշեցնենք, որ Թալիշը 550 բնակիչ ունեցող գյուղ էր: Ապրիլյան պատերազմից հետո գյուղի բնակչությունը սփռվեց Ղարաբաղով ու Հայաստանով մեկ: Մեծ թվով թալիշեցիներ տեղափոխվել էին Չարենցավան, մի մասը մինչ այժմ բնակվում էր Ստեփանակերտի հյուրանոցներից մեկում:

Կարդալ ավելին 09-07-2016

Թալիշեցիների 20 ընտանիք տեղափոխվել է Ալաշան. «Հայկական ժամանակ»
Թալիշեցիների 20 ընտանիք տեղափոխվել է Ալաշան. «Հայկական ժամանակ»

Մարտակերտի շրջանի Ալաշան առողջարանային գյուղում սկսվել է թալիշեցիների բնակեցման գործընթացը. շուրջ 20 թալիշեցի ընտանիք, որոնք ապրիլյան պատերազմից հետո զրկվել են իրենց տնից ու տեղից, արդեն տեղավորվել են Ալաշանում, շունչ տվել այդ չբնակեցված գյուղին։ Ապրիլյան պատերազմից հետո, երբ Թալիշը դարձավ թշնամու կրակահերթերի ու վայրագությունների թիրախ՝ այնտեղ շարունակում է վտանգավոր մնալ, ինչպես նաև անհնարին է ապրել։ Դեռեւս մայիսից ԼՂՀ կառավարությունը նախաձեռնել էր Ալաշան համայնքում եղած եւ նախկինում այնտեղ հանգստացողների համար կացարան ծառայած տների վերանորոգում՝ թալիշեցիներին այնտեղ տեղավորելու նպատակով։ Թալիշի գյուղապետ Վիլեն Պետրոսյանը երեկ հայտնեց, որ վերանորոգումն ավարտվել է, արդեն նաեւ որոշակի առաջին անհրաժեշտության ապրանքներով կահավորվել են բնակարանները, սեղան, աթոռ, մահճակալ ու պահարաններ են տեղադրվել։ Որոշ ընտանիքներ ստացել են նաեւ հաց թխելու համար նախատեսված էլեկտրական վառարաններ, լվացքի մեքենաներ, հեռուստացույցներ։ Մարտակերտի շրջվարչակազմն ու սոցիալական ապահովության վարչությունը բնակիչներին նաեւ առաջին անհրաժեշտության որոշակի սննդամթերք են տրամադրել։ Հարցին, թե քանի՞ ընտանիք կարող է տեղավորվել Ալաշանում՝ Պետրոսյանը պատասխանեց՝ 26։ Այսինքն, դեռ շուրջ 6 ընտանիքի տեղ կա Ալաշանում։

Կարդալ ավելին 09-07-2016

Թալիշեցիները կտեղավորվեն Արցախի այլ գյուղերում. նրանք հոգեպես պատրաստ չեն տուն վերադառնալ
Թալիշեցիները կտեղավորվեն Արցախի այլ գյուղերում. նրանք հոգեպես պատրաստ չեն տուն վերադառնալ

Լեռնային Ղարաբաղի կառավարության ներկայացուցիչները վերջին օրերին հանդիպումներ են ունենում ապրիլյան պատերազմից հետո Թալիշից տեղահանված բնակիչների հետ եւ կացարաններ առաջարկում Արցախի Ալաշան եւ Իջան բնակավայրերում: Սա, ըստ Արցախի վարչապետի մամուլի խոսնակ Արտակ Բեգլարյանի, դեռ չի նշանակում, որ երբեւէ Թալիշ վերադառնալու թեման փակված է համարվում, սակայն այս պահին սա միակ ելքն է: «Բնականաբար Թալիշ վերադառնալը մեզ համար առաջնահերթություն է: Բոլորս նախընտրում ենք, որ ապագայում, ինչ-որ ժամանակահատվածում, թալիշեցիները պետք է վերադառնան Թալիշ, բայց այս պահի դրությամբ կառավարությունը նախընտրում է, որպեսզի նրանք Թալիշ չվերադառնան: Եվ դա նաեւ հենց թալիշեցիների ցանկությունն է»,- մեզ հետ զրույցում ասաց Բեգլարյանը՝ ընդգծելով, որ դա պայմանավորված է եւ նրանց հոգեբանական ապրումներով եւ անվտանգության նկատառումներով, եւ միգուցե ավելի երկարաժամկետ խաղաղության երաշխիքներ չլինելու հանգամանքով: Բեգլարյանի կարծիքով՝ եթե նույնիսկ այս պահին ուղղակի վտանգ չկա, դա չի նշանակում, որ խնդիրներ չեն կարող առաջանալ թշնամու կողմից ոտնձգություններ լինելու դեպքում, քանի որ Թալիշը սահմանին շատ մոտ է: Հիշեցնենք, որ ապրիլյան ռազմական գործողություններից հետո շփման գծի անմիջական հարեւանությամբ գտնվող Թալիշ գյուղի մեծ մասն ավերվել էր, հրետակոծվել էր գյուղապետարանը, դպրոցը, մանկապարտեզը, հանդիսությունների տունը։ Տասնյակ տներ հողին էին հավասարվել։ Թալիշեցիները լքել էին գյուղը: Ավելի ուշ պարզվել էր, որ թշնամուն հաջողվել է նույնիսկ մոտենալ գյուղին եւ գյուղում մնացած 3 տարեց բնակիչներին խոշտանգել ու սպանել: Անդրադառնալով թալիշեցիներին տրամադրվող կացարաններին՝ ԼՂՀ վարչապետի մամուլի խոսնակն ասաց, որ տրամադրվող կացարանները բնակեցված չէին: «Ալաշան գյուղում սովետական շրջանից մնացած, վերջին շրջանում էլ որոշակի նպատակներով կիրառված առողջարանի տարածք է, էդտեղ շենքեր կան, սենյակները տրամադրելու են: Իսկ Իջան գյուղում նորակառույց տներ են: Առաջնահերթ քննարկվում է Ալաշանի տարբերակը: Ըստ նախընտրության որոշելու ենք՝ ով որտեղ է ցանկանում»,- ասաց Բեգլարյանը: Մեր հարցին՝ թալիշեցիները համաձայնո՞ւմ են այդ գյուղերում տեղավորվելու առաջարկին՝ Բեգլարյանը պատասխանեց, որ մի մասը համաձայնվում են, մի մասի հետ դեռ բանակցություններ են գնում: Ի դեպ, ըստ ԼՂՀ նախագահի պաշտոնական կայքի՝ այսօր թալիշեցիների հետ հանդիպել է Արցախի Հանրապետության Նախագահ Բակո Սահակյանը: Պաշտոնական հաղորդագրությունում նշվում է, որ հանդիպման ընթացքում քննարկվել են ապրիլյան պատերազմի հետեւանքով թալիշցիների մոտ առաջացած սոցիալ-տնտեսական մի շարք հարցեր: Վերադառնալով ԼՂՀ վարչապետի մամուլի խոսնակի հետ մեր զրույցին՝ նշենք, որ ըստ Արտակ Բեգլարյանի՝ այլ գյուղերում տեղավորվելուն ընդդիմացողները հիմնականում չկողմնորոշվածներն են. քանի որ մի քանի տարբերակ կա, մարդիկ դեռ մտածում են, թե որտեղ է ավելի հարմար: «Հիմնականում դա է խնդիրը, այլ տիպի խնդիր՝ գոնե Արցախում գտնվող թալիշցիների մասով ես չեմ տեսնում: Երեւանում գտնվող թալիշցիների մասով միգուցե այդ խնդիրը կա: Բայց բոլորին էլ կոչ ենք անում վերադառնալ այստեղ, համապատասխան պայմանները կտրամադրենք: Բացի այն, որ բնակարանները տրամադրվում են անհատույց, ավելին՝ մենք իրենց տրամադրելու ենք որոշակի այլ սոցիալական երաշխիքներ: Համոզված եմ, որ համապատասխան պայմաններ էլ կտրամադրենք՝ ասենք գյուղատնտեսությամբ զբազվելու կամ այլ աշխատանքներ ստեղծելու համար, որպեսզի իրենց եկամտի վերջնական աղբյուրն ունենան»,- ընդգծեց Արտակ Բեգլարյանը: Հետաքրքրվեցինք նաեւ, թե թալիշեցների վերաբնակեցման համար անհրաժեշտ գումարները բյուջեի՞ց են տրամադրվելու, թե՞ ԼՂՀ կառավարության բացած հաշվեհամարից, որին օգնություններ են փոխանցվում: «Միմիայն բյուջեից, քանի որ այդ հաշվեհամարից ծախսերը կատարվում են նպատակային՝ բանակի մարտունակության բարձրացման համար»,- ընդգծեց Բեգլարյանը: Խոսելով դեռ գործող հաշվեհամարի մասին՝ նա նկատեց, որ դեռ փոխանցումները շարունակվում են:

Կարդալ ավելին 09-07-2016

Բակո Սահակյանը հանդիպել է Ալաշանում հաստատված թալիշցիների հետ
Բակո Սահակյանը հանդիպել է Ալաշանում հաստատված թալիշցիների հետ

Արցախի Հանրապետության Նախագահ Բակո Սահակյանն օգոստոսի 26-ին այցելել է Մարտակերտի շրջանի Ալաշան տեղամաս եւ հանդիպել ս. թ. ապրիլի 2-ից 5-ը Ադրբեջանի կողմից սանձազերծված պատերազմի հետեւանքով իրենց տները լքած եւ այնտեղ հաստատված թալիշցիների հետ: Արցախի նախագահի աշխատակազմի տեղեկատվության գլխավոր վարչության փոխանցմամբ՝ հանդիպմանը քննարկվել են թալիշցիների սոցիալ-կենցաղային պայմաններին եւ դրանց բարելավմանը վերաբերող հարցեր: Նախագահն ընդգծել է, որ պետությունն անելու է հնարավորն առկա խնդիրներին պատշաճ լուծում տալու ուղղությամբ՝ համապատասխան հանձնարարականներ տալով շահագրգիռ մարմինների ղեկավարներին: Նախագահին ուղեկցում էին վարչապետ Արայիկ Հարությունյանը, պաշտոնատար այլ անձինք:

Կարդալ ավելին 08-28-2016

Ֆրանկ Էնգել. Ադրբեջանը պետք է ընդունի իր պարտությունը՝ ԼՂՀ ճանաչումը միակ լուծումն է
Ֆրանկ Էնգել. Ադրբեջանը պետք է ընդունի իր պարտությունը՝ ԼՂՀ ճանաչումը միակ լուծումն է

Լեռնային Ղարաբաղի Հանրապետության ճանաչումը Ղարաբաղյան հակամարտության միակ խելամիտ լուծումն է: Եթե լիներ այլ լուծում, այն արդեն գտնված կլիներ 25 տարվա բանակցությունների ընթացքում: Ինչ վերաբերում է տարածքներին, ապա կա մի պարզ տրամաբանություն՝ եթե պարտվում ես պատերազմում, ապա տարածքները նույնպես կորցնում ես: Որքան հիշում եմ՝ 1990-ականներին հենց Ադրբեջանն էր, որ սկսեց պատերազմ, և նրանք պարտվեցին»: Այսպիսի կարծիք հայտնեց եվրախորհրդարանի պատգամավոր Ֆրանկ Էնգելը՝ մեկնաբանելով Լեռնային Ղարաբաղի հակամարտության ներկայիս փուլը Panorama.am-ի հետ հարցազրույցում: Պարոն Էնգելի կարծիքով հակամարտությունը չի կարող լուծվել քանի որ փոխզիջումային որևէ տարբերակ, ըստ էության, շատ հեռու է իրականությունից: Պատճառը ո°չ թե Մինսկի խմբի մեջ է, այլ Ադրբեջանի նկրտումների: Ակնհայտ է նաև, որ կողմերի դիրքորոշումներն ու նպատակները բացարձակ անհամատեղելի են: «Խնդիրն այն է, որ հնարավոր լուծման ցանկացած տարբերակ բացի նրանից, որ ամեն ինչ զիջվի Ադրբեջանին, ընդունելի չէ Ադրբեջանի համար, Լեռնային Ղարաբաղն էլ իր հերթին երբեք չի համաձայնվի լինել Ադրբեջանի իշխանության տակ. սա վերաբերում է ներկայիս ԼՂՀ-ին (12 կմ/ք), որն այսօր տարածքով ավելի մեծ է քան 1990-ականներին էր»,-նկատեց պարոն Էնգելը: Նրա կարծիքով՝ խիստ անհավանական է, որ ներկայիս ԼՂՀ-ն վերադառնա նախկին ԼՂԻՄ սահամններին (որևէ տարածք հանձնի). պետք է ընդունել, որ Սովետական Միության մաս կազմող ԼՂԻՄ-ը այլևս վաղուց գոյություն չունի: «Ես շատ լավ հասկանում եմ, որ Լեռնային Ղարաբաղի բնակչությունը չի կարող համաձայնվել երբևէ կրկին շրջապատված լինել Ադրբեջանով: Սա անվտանգության հարց է նրանց համար: Այս իրավիճակում երկխոսելու շատ բան չկա, ի՞նչի մասին պետք է խոսել: Կյանքում կան կայացած փաստեր, որոնք պարզապես պետք է ընդունել և որոնց հետ պետք է հաշվի նստել՝ԼՂՀ-ն այսպիսի փաստ է»,-ասաց պատգամավորը` շեշտելով, որ Ադրբեջանը պետք է ընդունի, որ պարտվել է պատերազմում, քանի որ միայն այդպիսով կարող է տարածաշրջանում խաղաղություն հաստատվել: Խոսելով այն մասին, թե ինչպես արձագանքեց Եվրոպան ապրիլյան պատերազմին, մասնավորապես թե ինչու էր այն հաճախ հավասարության նշան դնում ագրեսոր Ադրբեջանի և հայկական կողմի միջև, Ադրբեջանին հասցեական գնահատականեր տալու փոխարեն` Ֆրանկ Էնգելն ափսոսանքով նշեց, որ այսպիսի մոտեցումները դեռ երկար ժամանակ կմնան անփոփոխ: Ըստ նրա՝ դա պայմանավորված է նրանով, որ կան նմանատիպ այլ հակամարտություններ, ինչպիսիք են Ուկրաինայի, Հարավային Օսեթիայի և Աբխազիայի հակամարտությունները, և Եվրոպան չի կարող տարբեր մետեցումներ ցուցաբերել այս հակամարտությունների շուրջ: Այն հարցին, թե արդյոք կարելի է ակնկալել ավելի կոշտ ու ադեկվատ արձագանք Եվրոպայից/ԵՄ-ից այն դեպքում, եթե հետագայում Ադրբեջանը ավելի լայնամաշտաբ պատերազմ սկսի Արցախի դեմ` հաշվի առնելով հայերին այս տարածաշրջանից բնաջնջելու Ադրբեջանի նպատակը (ինչը չի կարելի ասել վրաց-աբխազական/օսական հակամարտության մասին), պարոն Էնգելը պատասխանեց. «Ցավոք սրտի, մինչև դա տեղի չունենա ոչինչ չի փոխվելու այս առումով… Կարծում եմ, որ եթե ապրիլյան դեպքերը կրկնվեն, ապա Եվրոպայում ոմանք գուցե կսկսեն տեղից շարժվել: Բայց չափազանց տխուր ու ցինիկական է սպասել, որ լինի ևս մեկ լայնամաշտաբ հարձակում, որպեսզի մարդիկ ի վերջո հավաքվեն և ասեն, որ այստեղ մի բան այնպես չէ»,- ասաց նա: Անդրադառնալով այն հարցին, թե Ադրբեջանի հետագա ագրեսիան կանխելու համար ինչ քայլեր է պետք ձեռնարկել՝ պարոն Էնգելը նշեց ԵԱՀԿ դիտորդական մեխանիզմների կարևորության մասին՝ հիշեցնելով, որ Ադրբեջանը պարբերաբար մերժել է այս մեխանիզմները, քանի որ գիտեն, որ դրանց առկայության դեպքում իրենց գործողությունները կբացահայտվեին: «Բոլորի համար պարզ է, որ միայն մի կողմն է (Ադրբեջանը), որ շահագրգռված է խախտել հրադադարը, բայց դա պետք է ամրագրել նաև կոնկրետ փաստերով… Ես գրեթե վստահ եմ, որ եթե մենք օգտագործենք մեր տրամադրության տակ եղած բոլոր միջոցները, մենք արագորեն կպարզենք, թե ով է այստեղ ագրեսիա հրահրում և ով՝ ոչ», – ասաց նա՝ ավելացնելով, որ ԵՄ-ն ամեն ջանք պետք է գործադրի դիտորդական առաքելության ներդրման համար, այնպես որ բոլորի համար պարզ դառնա, որ դրանք չընդունող կողմը պատասխանատվության կենթարկվի: Եվրախորհրդարանի պատգամավորը փաստեց նաև, որ եվրոպական կառույցներում բավականաչափ ինֆորմացված չեն այն մասին, թե ինչպիսի երկիր է Ադրբեջանը և ինչպես է այն գործում: «Այս առումով տեղեկատվության պակաս կա նաև արտաքին քաղաքականությամբ զբաղվող քաղաքական գործիչների մոտ... բայց իրականում ցանկացողները հեշտությամբ կարող են ամեն ինչ իմանալ Ադրբեջանի մասին, դա այդքան էլ դժվար չէ», - հավելեց նա: «Ադրբեջանն, ըստ էության, կլեպտոկրատական (ավազակապետական) բռնապետություն է, որը գիտակցաբար և դիտավորյալ ետ է պահել իր ժողովրդին զարգացումից, որպեսզի նրանց մեջ միշտ արթուն պահի Ղարաբաղը ետ վերցնելու ձգտումը: Այսպիսի երևույթ՝ այս ինտենսիվությամբ և մասշտաբներով, չի հանդիպում ոչ մի ուրիշ տեղ: Սա նշանակում է, որ մենք պետք է իրապես ճնշում գործադրենք Ադրբեջանի վրա, որպեսզի հասկացնենք նրանց, որ այլևս նրանք այսպես չեն կարող շարունակել և որ եթե երբևէ ագրեսիվ պատերազմ սանձազերծվի ավելի լայն մաշտաբներով, քան այն, ինչին ականատես եղանք, ապա ագրեսորը ծանր պատիժ կկրի»,- ասաց Ֆրանկ Էնգելը: Ըստ նրա՝ Ադրբեջանի ներկայիս ռեժիմին պետք է, որպեսզի Լեռնային Ղարաբաղի հակամարտությունը շարունակվի. դա նրանց անհրաժեշտ է իշխանությունը պահելու համար: «Եթե ղարաբաղյան հարցը վերանար ադրբեջանական քաղաքականությունից, ապա ներկայիս ռեժիմը կփլուզվեր: Այդ դեպքում Ալիևի ընտանիքը ոչ մի բանից կառչելու տեղ չէր ունենա: Մարդիկ կսկսեին պահանջել նավթադոլարների արդար բաշխում, կսկսեին հարցնել, թե ինչու են Ադրբեջանում ապրելու պայմաններն այդքան վատը, ինչու չկա խոսքի ազատություն և այլն: Այսպիսով իշխանությունը պահելու համար նրանց խիստ անհաժեշտ է, որ Ղարաբաղյան հակամարտությունը շարունակվի-ահա թե ինչու նրանք երբևէ չեն ընդունի փոխզիջումային որևէ տարբերակ»,- ասաց նա: Ֆրանկ Էնգելը Արցախյան հիմնախնդիրը դիտարկում է որպես ավելի մեծ խնդրի մի մաս, որը ներառում է նաև Թուրքիան: Նա գտնում է, որ այս հարցը պետք է դրվի ԵՄ-Թուրքիա օրակարգում: «Երբ Էրդողանն ասում է, որ իրենք Ադրբեջանի կողքին կկանգնեն «մինչև վերջ», ես երկու բան եմ եզրակացնում դրանից՝ առաջինը՝ ոչինչ չի արվում Բաքվում, որի մասին Թուրքիայում տեղյակ չեն և երկրորդը՝ «մինչև վերջ» ենթադրում է ոչ թե խաղաղության համաձայնագրի ստորագրում, այլ մեկ ուրիշ բան (ռազմական լուծում): Մենք պետք է այս հարցը դնենք ԵՄ-Թուրքիա օրակարգում»,- ասաց նա՝ ավելացնելով, որ այս համատեքստում կարևոր է նաև, որ Թուրքիան առերեսի իր պատմությունը և ճանաչի Հայոց ցեղասպանությունը, ինչպես նաև խուսափի Ադրբեջանի հետ հավասարվելուց: «Թուրքիան պետք է ընդունի, որ ծաղրի առարկա կդարձնի իրեն, եթե այնքան ցածրանա, որ հայտնվի Ադրբեջանի հետ միևնույն լիգայում: Դա չի կարող Թուրքիայի համար ցանկալի տարբերակ լինել», -ասաց եվրախորհրդարանի պատգամավորը:

Կարդալ ավելին 08-28-2016

Երևանի վարչական շրջանների ներկայացուցիչներն ուստարվա մեկնարկին նվերներ են տարել Թալիշի ու Մատաղիսի դպրոցականներին
Երևանի վարչական շրջանների ներկայացուցիչներն ուստարվա մեկնարկին նվերներ են տարել Թալիշի ու Մատաղիսի դպրոցականներին

Երևանի վարչական շրջանների և ԼՂՀ շրջանների միջև համագործակցության ծրագրերի շրջանակում՝ Երևանի Շենգավիթ վարչական շրջանի ներկայացուցիչներն այցելել են ԼՂՀ Մարտակերտի շրջանի Ալաշան գյուղ, ուր ժամանակավորապես հանգրվանել են նաև թալիշցիներ: Ինչպես տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, Թալիշի գյուղապետ Վիլեն Պետրոսյանի հետ հանդիպման ընթացքում քննարկվել են համագործակցությանը վերաբերող հարցեր: Հյուրերն այցելել են գյուղի դպրոց, որին տրամադրվել է գունավոր տպիչ, իսկ 1-5-րդ դասարանցիներին` դպրոցական պայուսակներ ու գրենական պիտույքներ: Շենգավիթցիները եղել են նաև Մատաղիսում, հանդիպել գյուղապետ Զավեն Ավանեսյանի հետ, քննարկել երկուստեք հետաքրքրություն ներկայացնող հարցեր: Գյուղի մանկապարտեզի ավարտական խմբի երեխաները նույնպես գրենական պիտույքներով դպրոցական պայուսակներ են ստացել, իսկ կրտսեր խմբերի երեխաները` խաղալիքներ: Երևանի Դավթաշեն վարչական շրջանի աշխատակազմի ներկայացուցիչներն էլ այցելել են ԼՂՀ մայրաքաղաք Ստեփանակերտի քաղաքապետարան, հանդիպում ունեցել սոցիալական պաշտպանության և առողջապահության բաժնի պետ Իվետա Դանիելյանի հետ: Դավթաշենցիները նույնպես գրենական պիտույքներով համալրված պայուսակներ են տարել, որոնք տրամադրվել են դպրոցահասակ երեխաներ ունեցող սոցիալապես անապահով ընտանիքներին:

Կարդալ ավելին 08-28-2016

«Կատարեցինք հունձի առաջին փորձը, թշնամին անմիջապես կրակեց մեր կոմբայնի ուղղությամբ». Թալիշի արտերի հունձն ավարտվել է «Կարմիր Խաչի»-ի օգնությամբ
«Կատարեցինք հունձի առաջին փորձը, թշնամին անմիջապես կրակեց մեր կոմբայնի ուղղությամբ». Թալիշի արտերի հունձն ավարտվել է «Կարմիր Խաչի»-ի օգնությամբ

Արցախի Թալիշ գյուղի հացահատիկի արտերում արդեն ավարտվել է հունձը, ինչը տեղի է ունեցել «Կարմիր Խաչ»-ի միջամտությամբ եւ առանց միջադեպերի: Ինչպես «Արմենպրես»–ին տեղեկացրեց Թալիշի գյուղապետ Վիլեն Պետրոսյանը, ընդհանուր առմամբ Թալիշում ցանված է եղել 510 հեկտար հացահ ատիկ, որից հաջողվել է բերքը անվնաս հնձել ու հավաքել 438 հեկտար տարածքում: «Հունձը կատարելու ճիշտ ժամանակը հունիսի 20-ից էր: Փորձեցինք «Կարմիր խաչ»-ի միջամտությամբ ապահովել բերքահավաք կատարողների անվտանգությունը: Մինչեւ ձեռք կբերվեր պայմանավորվածություն, արդեն հունիսի 30-ին կատարեցինք հնձի առաջին փորձը, եւ թշնամին անմիջապես կրակեց մեր կոմբայնի ուղղությամբ: Բարեբախտաբար, մենք մարդկային զոհ չունեցանք, սակայն հունձը մի քանի օր եւս ձգձգվեց, ինչն էլ հանգեցրեց բերքի որոշակի կորստի: 18 հեկտար արտ հրդեհվեց, 54 հեկտար էլ չհնձվեց՝ թշնամու դիրքերին շատ մոտ գտնվելու պատճառով: Հնձի ընթացքում «Կարմիր խաչ»-ի երկու մեքենա գտնվել են արտերի մոտ, ինչի շնորհիվ էլ մեզ հաջողվեց անվտանգ ավարտել հունձը: Հեկտարի միջին բերքատվությունը կազմել է 15-20 ցենտներ: 270 հեկտար ցանք կատարել է «Թալիշ» հիմնադրամը, 240 հեկտար՝ բնակիչները: Չհնձված արտերի հիմնական մասը պատկանում էր բնակիչներին: Բերքին որոշակի վնաս հասցրել էին նաեւ կրծողները, որոնց դեմ, անվտանգության խնդիրներից ելնելով, չկարողացանք ժամանակին պայքարել: Ինչեւէ, գոհ ենք, որ կարողացանք հավաքել բերքը»,- նշեց Վիլեն Պետրոսյանը: Ըստ գյուղապետի՝ առայժմ հարցականի տակ է նոր ցանքերի կատարումը, քանի որ վարելահողերը գտնվում են թշնամու նշանառության տակ: «Առայժմ անորոշ վիճակ է, չեմ կարող ասել՝ ցանք կլինի՞, թե՞ ոչ: Ամեն դեպքում ցանքի համար հարկավոր կլինի ընտրել ավելի ապահով, անվտանգ հատվածներ՝ չնայած թշնամին հեռահար հրետանիով էլ կարող է սպառնալ»,- հավելեց գյուղապետը: Թալիշում այս օրերին ընթանում են նաեւ այգեգործական եւ պտղի բերքահավաքի, անգամ՝ օղեթորման աշխատանքներ, որոնք իրականացնում են առանձին տնտեսություններ, սակայն Թալիշի բնակչությունը խուսափում է գյուղում վերահաստատվելուց: «Հիմա էլ նույնքան վտանգավոր է ընտանիքներ Թալիշում պահելը, որքան՝ ապրիլի առաջին օրերին: Մարդիկ շատ են ուզում տեր կանգնել իրենց գյուղին, տանը, ապրուստին, բայց առայժմ այդ հնարավորությունը, անվտանգության լիակատար երաշխիքներն ապահովված չեն»,- ներկայացրեց գյուղապետը:

Կարդալ ավելին 07-17-2016

Պարզաբանումներ Թալիշի ու թալիշցիների ապագայի վերաբերյալ
Պարզաբանումներ Թալիշի ու թալիշցիների ապագայի վերաբերյալ

Քանի որ վերջին օրերին շատերի մոտ կտրուկ աճել է թալիշցիների ու Թալիշի ապագայի վերաբերյալ հետաքրքրությունը, փորձեմ մի քանի պարզաբանում կատարել այդ հարցի շուրջ: Այս մասին պարզաբանում է beglaryan.info-ն 1. Պետական ուշադրություն. Ռազմական գործողությունների օրերից սկսած՝ Արցախի Հանրապետության պետական մարմինները, բազմաթիվ սրտացավ հայերի հետ միասին, ուշադրության ներքո են պահել բոլոր տեղահանվածների (այդ թվում՝ թալիշցիների) խնդիրները՝ ներառյալ կեցության, սննդի, կենցաղային և այլ տիպի: Այդ ընթացքում, բացի նրանց կացարաններով ապահովելուց և ցուցաբերված նյութական աջակցությունից, համապատասխան աշխատանքային խումբը պարբերաբար գնահատում էր տեղահանված քաղաքացիների կարիքները և տալիս անհրաժեշտ լուծումներ: Իհարկե, չեմ բացառում, որ ընթացքում որոշ բացթողումներ ու սխալներ էլ են գրանցվել, սակայն հիմնականում կարողացել ենք ընդառաջ գնալ բոլորիս առջև ծառացած խնդիրներին: Արդյունքում ոչ ոք զրկված չի եղել առնվազն առաջին անհրաժեշտության պայմաններից, և տեղահանվածների հիմնական մասն էլ վերադարձել է իրենց տները՝ բացառությամբ թալիշցիների: Իհարկե, որոշ դժվարություններ կային և կան ՀՀ-ում ապաստանածներին աջակցելու մասով, սակայն շնորհիվ ՀՀ պետական մարմինների հետ մեր համագործակցության, տեղի բնակչության ու ՀՀ-ում գործող միջազգային կազմակերպությունների ուշադրության՝ նրանց հիմնական խնդիրներն էլ են լուծում ստացել: Արդեն երկու անգամ նախարարության աշխատանքային խումբը մեկնել է ՀՀ և տեղում հանդիպումներ ունեցել թալիշցիների հետ: Նշածս ուշադրության ցուցիչներից մեկն էլ ոչ միայն պատասխանատու մարմինների ներկայացուցիչների, այլ նաև հանրապետության ղեկավար անձանց պարբերական հանդիպումներն են տեղահանվածների հետ: Մասնավորապես՝ վարչապետ Արայիկ Հարությունյանն է մի քանի անգամ հանդիպել նրանց, իսկ երեկ նախագահ Բակո Սահակյանը համակողմանի քննարկում ունեցավ տասնյակ թալիշցիների հետ: 2. Թալիշի վերականգնում. Այժմ ԱՀ կառավարությունը քննարկումներ է անցկացնում Թալիշի բնակիչների հետ՝ նրանց ժամանակավոր կացարաններից և իրենց ապաստանած վայրերից տեղափոխելու ավելի կենտրոնացված ու միջնաժամկետ կեցության բնակավայրեր, որտեղ նրանց կտրամադրվեն ավելի բարվոք պայմաններ՝ բնակվելու և աշխատելու համար: Թալիշի բնակիչների և ԱՀ իշխանությունների համատեղ որոշմամբ՝ այս պահին նախընտրելի չէ թալիշցիների վերադարձը հայրենի գյուղ, սակայն կառավարության օրակարգում մնում է նրանց վերադարձի հարցը: Բոլորի համոզմամբ՝ այս գործընթացի վերջնարդյունքը Թալիշի վերականգնումն է, ինչի ուղղությամբ համապատասխան քայլեր կատարվելու են: 3. Բնակարանային հարց. Կառավարությունը թալիշցիներին առաջարկում է տեղավորվել Շուշիում և Մարտակերտի շրջանի Ալաշան գյուղում առկա՝ նրանց համար նախապատրաստված տներում և կացարաններում, որտեղ ստեղծված են բնակության համար անհրաժեշտ նորմալ պայմաններ: Բացի դրանից, մի շարք համայնքներում ավարտին է մոտենում նոր տների կառուցման գործընթացը, որոնք նախատեսված էին վերաբնակիչների համար, սակայն այժմ կառավարությունը պատրաստվում է դրանք տրամադրել Թալիշի բնակիչներին: 4. ՀՀ-ում ապաստանած թալիշցիներ. Նշածս առաջարկները վերաբերում են նաև ՀՀ-ում ապաստանած թալիշցիներին, ում արդեն կոչ է արվել վերադառնալ Արցախ, որտեղ մենք պատրաստ ենք ապահովել սոցիալ-կենցաղային համապատասխան պայմաններ՝ ներառյալ բնակարաններ/կացարաններ: Ի դեպ, նրանց մի մասն արդեն աստիճանաբար վերադառնում է: 5. Կենսաթոշակների վճարում. Ինչ վերաբերում է ՀՀ-ում ապաստանած թալիշցիների կենսաթոշակների վճարման հարցին, ապա բոլոր տեխնիկական խնդիրներն արդեն լուծված են, և ապրիլի ու մայիսի կենսաթոշակներն ամբողջությամբ փոխանցված են նրանց հաշվեհամարներին: 6. Հետագա աջակցության համակարգում. Եթե որևէ մեկը հետաքրքրված է թալիշցիներին աջակցելով կամ նկատել է որևէ խնդիր և կարիք կա հրավիրել պետական մարմինների ուշադրությունը, ապա զանգահարեք աշխատանքի և սոցիալական հարցերի նախարարություն՝ 047943367 հեռախոսահամարով: Հ.Գ. կոչ կանեի լրատվամիջոցներին և սրտացավ մարդկանց ձեռնպահ մնալ չճշգրտված տեղեկատվություն տարածելուց և անհիմն մեղադրանքներ ներկայացնելուց:

Կարդալ ավելին 05-26-2016

Բակո Սահակյանը հանդիպել է Թալիշ գյուղի մի խումբ բնակիչների հետ
Բակո Սահակյանը հանդիպել է Թալիշ գյուղի մի խումբ բնակիչների հետ

Արցախի Հանրապետության Նախագահ Բակո Սահակյանը մայիսի 25-ին հանդիպել է Թալիշ գյուղի մի խումբ բնակիչների հետ: Արցախի Հանրապետության Նախագահի աշխատակազմի տեղեկատվության գլխավոր վարչության փոխանցմամբ՝ հանդիպման ընթացքում քննարկվել են ապրիլյան պատերազմի հետեւանքով թալիշցիների մոտ առաջացած սոցիալ-տնտեսական մի շարք հարցեր: Նախագահը նշել է, որ իշխանությունները կանեն հնարավորն այդ խնդիրների լուծման ուղղությամբ եւ համապատասխան հանձնարարականներ է տվել շահագրգիռ մարմինների ղեկավարներին: Հանդիպմանը մասնակցում էին վարչապետ Արայիկ Հարությունյանը, պաշտոնատար այլ անձինք:

Կարդալ ավելին 05-25-2016

Թալիշցիների կենսաթոշակների փոխանցման խնդիրն արդեն լուծված է. պաշտոնյա
Թալիշցիների կենսաթոշակների փոխանցման խնդիրն արդեն լուծված է. պաշտոնյա

Ապրիլյան քառօրյա պատերազմի հետևանքով Մարտակերտի շրջանի առավելապես տուժած Թալիշ գյուղի բնակչության խնդիրները գտնվում են Արցախի իշխանությունների ամենօրյա հոգածության ներքո, և առայսօր չկա մի դեպք, երբ նրանք ինչ-որ հարցով դիմել են մեզ և անուշադրության են մատնվել: Այս մասին «Արցախպրես»-ի հետ զրույցում ասել է Արցախի Հանրապետության Աշխատանքի և սոցիալական հարցերի նախարարության սոցիալական ապահովության պետական գործակալության պետ Վահրամ Առաքելյանը: «Արցախի Հանրապետու- թյան վարչապետի գլխավորությամբ ստեղծ- ված օպերատիվ շտաբի կողմից երկու անգամ՝ ապրիլ և մայիս ամիսներին, ԱՀ աշխատանքի և սոցիալական հարցերի նախարարի առաջին տեղակալ Լենստոն Ղուլյանի գլխավորությամբ աշխատանքային խումբ էր գործուղվել ՀՀ, որտեղ հանդիպել են Թալիշ գյուղից տարհանված և տարբեր բնակավայրերում ապաստան գտած ընտանիքների հետ: Այդ այցելությունների ընթացքում անմիջականորեն քննարկվել են նրանց մոտ եղած առկա սոցիալական խնդիրները, և դրանց լուծման համար կոնկրետ քայլեր են կատարվել»,- ասաց Առաքելյանը: Անդրադառնալով թալիշցիներին տրվող կենսաթոշակների խնդրին՝ սոցիալական ապահովության պետական գործակալության պետը նշեց, որ հաշվի առնելով նրանց սոցիալական վիճակն ԱՀ իշխանությունների կողմից առաջնահերթ կերպով փորձ է արվել լուծել այդ խնդիրը, և այսօր այն հիմնականում կարգավորվել է: «ՀՀ տեղափոխված թալիշցիների կենսաթոշակների փոխանցման հարցը լուծվել է՝ ըստ իրենց փաստացի բնակության վայրերի: Այսինքն՝ նրանք բացել են բանկային հաշվեհամարներ իրենց բնակության մոտ գտնվող բանկերում, և կենսաթոշակներն արդեն մայիս ամսվանից փոխանցվում են այդ հաշվեհամարներին: Ի դեպ, մայիս ամսվա թոշակներն ամսի 17-ից արդեն փոխանցված են, իսկ բոլոր նրանք, ովքեր ապրիլի թոշակը տեխնիկական պատճառներով չեն ստացել, այս ամիս ստացել են մայիս ամսվա կենսաթոշակի հետ միասին»,- ասաց ԱՀ Աշխատանքի և սոցիալական հարցերի նախարարության պաշտոնյան և հավելեց, որ ընթացիկ ամսին կենսաթոշակների բաժանումն առաջինը սկսվել է Թալիշի բնակիչներից: Ինչ վերաբերում է Արցախի տարբեր բնակավայրերում ապաստանած թալիշցիներին, ապա նրանց թոշակների բաժանումը կատարվում է «Արցախփոստ» ընկերության միջոցով: «Մեզ մոտ ճշտված են թե՛ ՀՀ-ում և թե՛ Արցախում ապաստանած թալիշցիների տեղակայման վայրերը, և, ըստ այդմ, մենք կարողանում ենք ոչ միայն օպերատիվ կերպով բաշխել նրանց թոշակները, այլև արձագանքել նրանց տարաբնույթ խնդիրներին»,- ասաց Առաքելյանը՝ ավելացնելով, որ նույն սկզբունքով գործընթացի մեջ է նաև նպաստների բաժանումը:

Կարդալ ավելին 05-25-2016

Թալիշցիներին տեղավորելու համար Արցախի կառավարությունն այլ բնակավայրեր է առաջարկել
Թալիշցիներին տեղավորելու համար Արցախի կառավարությունն այլ բնակավայրեր է առաջարկել

Թալիշցիները Թալիշ վերադառնալու առումով հոգեբանական խնդիր ունեն, ուստի Արցախի կառավարությունը, կապ հաստատելով թալիշցիների հետ, նրանց առաջարկել է բնակարաններ այլ բնակավայրերում: Այս մասին Tert.am-ին հայտնեց Արցախի վարչապետի մամուլի քարտուղար Արտակ Բեգլարյանն՝ ասելով. «Մի քանի բնակավայրերում իրենց առաջարկել ենք բնակավայրեր և արդեն իսկ գործընթացը սկսված է, մի մասը Մարտակերտի շրջանի Ալաշյան բնակավայրն է, մյուսը` Կիչան, այլ տարբերակներ էլ այս պահին քննարկվում են, դեռևս վերջնական բան չկա, կնայենք, թե որ ընտանիքներն ինչ նախընտրություններ ունեն առաջարկված տարբերակներից, վերջնական որոշում կկայացնենք»: Նշենք, որ երեկ ՀՀ պաշտպանության նախարար Սեյրան Օհանյանը, ի պատասխան հարցին, թե թալիշցիները ե՞րբ կարող են վերադառնալ իրենց բնակավայր, ասել էր. «Հիմա Թալիշում անվտանգ է, համապատասխան պայմաններ պետք է ստեղծվեն, որ վերադառնան: Հրադադարի ռեժիմը հարաբերական պահպանվում է, կարծում եմ՝ դա պայմաններ է ստեղծում ԼՂՀ ղեկավարության համար, որպեսզի իրենք աշխատեն, պայմաններ ստեղծվեն, որ այդ հրետակոծություններից հետո ժողովուրդը վերադառնա»: Այն հարցին, թե արդյո՞ք սա պայմանավորված է հայկական Զինված ուժերի վերահսկողության տակ գտնվող դիրքերի կորստի հետ: Որին ի պատասխան`Արտակ Բեգլարյանը հիշեցրեց ԼՂ վարչապետ Արայիկ Հարությունյանի այն հայտարարությունը, որ եթե նույնիսկ որևէ դիրք կորցրած չլինեինք, ապա ԼՂՀ կառավարությունը և անձամբ ինքը կնախընտրեր, որ թալիշցիները Թալիշ չվերադառնան, քանի որ հոգեբանական խնդիր կա,և , բնականաբար,շատ մոտ է Ադրբեջանի հետ շփման գծին:

Կարդալ ավելին 05-25-2016

Ստեփանակերտում կայացել է «Թալիշ» գրքի շնորհանդեսը
Ստեփանակերտում կայացել է «Թալիշ» գրքի շնորհանդեսը

Ստեփանակերտի քաղաքային պատկերասրահում կայացել է հայ անվանի գրող, հրապարակախոս Մաքսիմ Հովհաննիսյանի «Արցախապատում» շարքի «Թալիշ» գրքի շնորհանդեսը: «Արցախպրես»-ի թղթակցի հաղորդմամբ` բացման խոսքով միջոցառմանը հանդես է եկել ԼՂՀ մշակույթի և երիտասարդության հարցերի նախարար Նարինե Աղաբալյանը` նշելով, որ այս գիրքը շատ համահունչ է Արցախում ստեղծված իրավիճակին: Մ. Հովհաննիսյանն իր ելույթում ընդգծել է Մարտակերտի շրջանի Թալիշ գյուղի` Արցախ աշխարհի այդ գողտրիկ անկյան կարևորությունը. այն դարեր շարունակ մեր ժողովրդի և´ ուրախությունների և´ ողբերգությունների յուրօրինակ վկան է եղել: «Շատ մութ ամպեր են անցել նրա գլխով և շատ արհավիրքներ է տեսել, սակայն նա դարեր շարունակ մնացել է կանգուն: Թալիշցիները թև-թիկունք են դարձել միմյանց, զարկել են թշնամուն` զարկվել, ընկել, բայց երբեք չեն ծնկել. անառիկ ու անարատ են պահել Արցախ աշխարհի այսքան թանկ մեր մի կտոր հողը, և որպես պատգամ այն փոխանցել են մերօրյա սերունդներին»,-ասել է Մ. Հովհաննիսյանը և ընդգծել «Թալիշ» գրքի հեղինակ Նիկոլայ Օհանյանի կատարած մեծ գործը. նա տասնյակ տարիներ թերթել և ուսումնասիրել է գյուղի մասին պատմվող գիրք-մատյանները, ոտքով շրջել գյուղի հարևանությամբ ծվարած վանքերն ու ավերակները, մենավոր մատուռները, հավաքել գութանի բերանից սպրդած խաչքարեր և քանդակներ և իր ամբարած ողջ նյութերի հիման վրա շարադրել հարազատ Թալիշի պատմությունը` փայփայելով այն հույսը, որ իրենից գալիք սերունդներին որպես հիշատակ է թողել այս գիրքը: «Ներկայումս էլ շարունակվում է գրվել Արցախի ու Թալիշ գյուղի պատմությունը` ընդգրկելով արցախյան ողջ գոյապայքարը: Թալիշի հերոսական պայքարը գրի առնելու և սերունդներին հանձնելու համար շնորհակալ գործ են կատարել նաև Սաշա Սարգսյանը, Սլավա Բայունցը և ուրիշներ: Արցախի ու Թալիշի հերոսական պատմության տարեգրությանը վերաբերող Ս. Սարգսյանի և Ս. Բայունցի` արցախյան գոյամարտին, մասնավորապես, թալիշցի ազատամարտիկներին նվիրված նյութերը ևս տեղ են գտել «Արցախապատում» մատենաշարում,-մանրամասնել է Մ. Հովհաննիսյանը և հավելել,- կարևորն այն է, որ հասարակ, արհեստավոր Ն. Օհանյանը կարողացել է իմի բերել եղած նյութերը և այն պահ տալ սերունդներին: Գրքի մեջ ռեղ են գտել թալիշցի պարզ ու մաքուր, աշխատասեր, իրենց հողին նվիրված մարդկանց սրամտություններ ևս»,-ավելացրել է Մ. Հովհաննիսյանը: Գրքի խմբագիր Շուրա Օհանյանը, քաջատեղյակ լինելով հայրենի Թալիշի անցյալին ու ներկային, արգասավոր օգնությունն է բերել այս կարևոր գրքի լույսընծայմանը: «Թալիշցին միշտ էլ եղել է լավատես: Ապրիլյան իրադարձությունները մեկ անգամ ևս փաստեցին թալիշցիների հզոր ու անպարտելի ոգին: Ես համոզված եմ, որ Արցախի հյուսիսային դարպաս համարվող Թալիշը որպես փյունիկ վեր է հառնելու, շենանալու է ու դարեր հարատևի»,- իր խոսքում մասնավորապես ասել է Շ. Օհանյանը:

Կարդալ ավելին 05-22-2016

Ծնվել է Թալիշում զոհված Հրաչի առաջնեկը. կոչել են Անահիտ՝ հոր ցանկությամբ
Ծնվել է Թալիշում զոհված Հրաչի առաջնեկը. կոչել են Անահիտ՝ հոր ցանկությամբ

Շիրակի մարզի Ախուրյան գյուղի Ախուրյանի Մոր ու մանկան հիվանդանոցում այսօր՝ մայիսի 6-ին, ծնվել է Թալիշում ապրիլի 3-ին զոհված Հրաչ Գալստյանի եւ Անուշ Օհանյանի դուստրը: Հիվանդանոցից մեզ տեղեկացրին, որ ծննդաբերությունը նորմալ է ընթացել, հիվանդանոցում են մնալու մինչեւ մայիսի 12-ը: «Երեխային անվանել են Անահիտ՝ հոր ցանկությամբ, երեխան ժամկետից 10 օր շուտ է ծնվել՝ նրա լույս աշխարհ գալուն սպասում էին մայիսի 17-ին»,-ասաց նա:

Կարդալ ավելին 05-06-2016

ԼՂՀ վարչապետ. Արցախի բանակը ողջ ազգաբնակչությունն է՝ 150 հազար
ԼՂՀ վարչապետ. Արցախի բանակը ողջ ազգաբնակչությունն է՝ 150 հազար

Արցախի բյուջեն 190 միլիոն դոլար է առանց բանակի, առանց բարեգործական բազմաթիվ ծրագրերի: Այս մասին NEWS.am-ի թղթակցի հետ հարցազրույցում ասել է ԼՂՀ վարչապետ Արա Հարությունյանը՝ նշելով, որ Արցախի բանակը, ողջ ազգաբնակչությունն է, եւ տասնյակ հազարավոր կամավորականներ, որոնք գալիս են Հայաստանից: «Նշում եմ, որ նրանք վարձկաններ չեն, այլ կամավորականներ են, որոնք թանկանոց մեքենայով Երեւանից եկել են, մեքենան թողել են Ստեփանակերտի հրապարակում եւ գնացել են առաջնագիծ: Այսպիսի դեպքեր էլ ունենք: Առաջնագծում մինչեւ 85 տարեկան կամավորական ունենք: Երբ արգելում ենք, վիրավորվում են: Եթե չենք թույլ տալիս, փորձում են շրջանցել, դրա համար էլ Արցախն անպարտելի է»,- ասել է Հարությունյանը: Խոսելով ռազմական բյուջեին կատարվող բարեգործության մասին՝ նա նշել է, որ այն մեծ ազդեցություն ունի, սակայն հայրենիքի պաշտպանության տեսանկյունից հարցը դիտարկելիս նյութականը պետք չէ արժեւորել: «Մենք խաղաղության կողմնակից ենք, բայց հանուն հայրենիքի պաշտպանության պատրաստ ենք զոհվելու»,- ասել է Հարությունյանը: Հայաստանում Արցախի անկախության ճանաչման մասին օրենքի նախագծի վերաբերյալ ԼՂՀ վարչապետը նշել է, որ մեկ-երկու օրվա ընթացքում Արցախի եւ Հայաստանի իշանությունները դրա վերաբերյալ իրենց կարծիքը կասեն՝ ուսումնասիրելով դրական եւ բացասական ազդեցությւոնները: «Միանգամից չեմ կարող ասել, թե որն է ճիշտը, բայց համոզված եմ, որ ապագայում Հայաստանը կճանաչի Արցախի անկախությունը: Դա կարող է տեւել օրեր կամ տեւել օրեր եւ տարիներ»,- ասել է նա:

Կարդալ ավելին 05-06-2016

Արցախը երբեք Ռուսաստանից աջակցություն չի ստացել, ոչ 90-ականներին, ոչ հիմա. ԼՂՀ վարչապետ
Արցախը երբեք Ռուսաստանից աջակցություն չի ստացել, ոչ 90-ականներին, ոչ հիմա. ԼՂՀ վարչապետ

Արցախը երբեւէ աջակցություն չի ստացել Ռուսաստանից, ոչ էլ ակնկալում է: Ոչ 90-ականներին, ոչ այս օրերին, ոչ էլ ապագայում. Արցախին հիմնականում աջակցում են Հայաստանն ու Սփյուռքը: Այս մասին NEWS.am-ի թղթակցի հետ հարցազրույցում ասել է Արցախի վարչապետ Արայիկ Հարությունյանը: Անդրադառնալով քառօրյա պատերազմում կրակի դադարեցման Մոսկվայի խնդրանքին վարչապետը նշել է, որ Մոսկվան այդ դեպքում միջնորդ էր, ոչ թե աջակից: «Ի՞նչն է դրդապատճառը Ադրբեջանի համար, որ մարտական գործողությունների է գնացել, կարելի է ենթադրել եւ արտաքին քաղաքական եւ ներքին քաղաքական վիճակներից: Կան ենթադրություններ օֆշորային սկանդալի հետ կապված՝ շեղելու բնակչության ուշադրությունը, կարող ենք նաեւ նշել, որ պատերազմը թույլ է տալիս բավականին մեծ ֆինանսական միջոցներ դուրս գրելու եւ հետագայում եւս այդ ուղղությամբ աշխատելու, սա եւս չեմ ժխտում, որ եւս հավանական է: Ընդհանուր տարածաշրջանային եւ աշխարհաքաղաքական զարգացումները եւս չենք բացառում»,- ասել է Հարությունյանը՝ պատասխանելով Ռուսաստան-Թուրքիա քաղաքական առճակատման պատճառով պատերազմի վերսկսման մասին հարցին: Հայաստանի ռազմավարական դաշնակից համարվող Ռուսաստանի կողմից հակառակորդ Ադրբեջանին զենք վաճառելու մասին հարցին Հարությունյանը պատասխանել է, որ ցավում է գործարքի համար, սակայն չի համարում, որ նման բաները բացառելը, քննադատելը ճիշտ չէ: «Ցավում եմ, որ նման գործարք է կատարվել, բայց քննադատել, կամ բացառել նման երեւույթները, չեմ համարում, որ ճիշտ է, հասկանում եմ, որ այսօր ցանկացած երկիր առաջնորդվում է իր ազգային եւ ռազմական շահերով: Դրա համար ցանկացած պետության գլխավոր խնդիրն անվտանգությունն է եւ հարկատուները վճարում են պետությանը առաջին հերթին անվտանգության ապահովման համար, այդ թվում՝ արտաքին: Ընդամենը պետք է ճիշտ ընտրել ռազմավարությունը, գնահատել արտաքին անվտանգության մարտահրավերները եւ պատասխան միջոցառումներ իրականացնել: Այս քառօրյա պատերազմում մեր պաշտպանության բանակը կարողացավ պատվով կատարել իր առջեւ դրված խնդիրը նաեւ այն բանի համար, որ միշտ եղել է իշխանությւոնների ուշադրության կենտրոնում: Ամենայն պատասխանատվությամբ հայատարարում եմ, որ այսօր պատրաստ ենք դիմակայել ցանակցած սադրանքի, նաեւ լայնածավալ մարտական գործողությունների»,-ասել է նա:

Կարդալ ավելին 05-06-2016

Փոքրիկ Լեռնային Ղարաբաղը Հարավային Կովկասում պայքարում է իր անկախության համար. Tageblatt
Փոքրիկ Լեռնային Ղարաբաղը Հարավային Կովկասում պայքարում է իր անկախության համար. Tageblatt

Փոքրիկ Լեռնային Ղարաբաղն իր 150 հազար բնակչությամբ Հարավային Կովկասում պայքարում է իր անկախության համար։ Ադրբեջանի հետ պատերազմը, որը սառեցված էր համարվում, ապրիլին սրվեց, ռազմական գործողությունները ամենալայնածավալն էին 1994-ից հետո: Այս մասին գերմանական Tageblatt պարբերականում գրում է հոդվածագիր Արմանդ Բաքը՝ անդրադառնալով ապրիլին ծավալված մարտական գործողություններին։ «Այստեղ կրակոցներ հնչում են արդեն ավելի քան քառորդ դար։ Աշխարհի կողմից գրեթե մոռացված այս հակամարտությունը ապրիլի սկզբին նորից պատերազմի վերածվեց՝ որքան հանկարծակի, նույնքան էլ կարճատեւ։ Քառօրյա պատերազմից հետո 2 կողմերը միասին պաշտոնապես հայտնել են 110 զոհի մասին»,- գրում է հոդվածագիրը, որն այցելել էր Լեռնային Ղարաբաղ տեղում իրավիճակին ծանոթանալու։ «Հետագայում եւս անկախ մնալու եւ միջազգայնորեն ճանաչվելու համար Լեռնային Ղարաբաղը պետք է ոչ միայն խրամատներում պայքարի, այլ նաեւ նախարարների, խորհրդարանների եւ նախագահների մակարդակով»,- շարունակում է Արմանդ Բաքը եւ հիշեցնում Եվրախորհրդարանի պատգամավոր Ֆրանկ Էնգելի ելույթը, ով նշել էր, որ այս թեմայով վերջին քննարկումները ԵՄ խորհրդարանում շատ դրական էին, ավելի լավ, քան նախկինում։ «Բանն այն է, որ Ադրբեջանն արդեն այլ լույսի տակ է երեւում։ Բաքուն մերժեց ԵԱՀԿ Մինսկի խմբի հաշտության առաջարկները։ Դա իր հտեւանքներն ունեցավ. աշխարհն հիմա ավելի շատ իր հայացքն ուղղել է Լեռնային Ղարաբաղին»,- ասել էր պատգամավոր Ֆրանկ Էնգելը։ Հեղինակը մեջբերում է նաեւ ԼՂՀ նախագահ Բակո Սահակյանին, որն ավելի վաղ այս կապակցությամբ ասել էր. «Խոսում են մեր մասին, բայց չեն ուզում խոսել մեզ հետ։ Դա ոչ մի բանի չի կարող հանգեցնել»։ Հեղինակը եղել է դիրքերում եւ զրուցել հայ զինվորների հետ։ «Ղարաբաղի դիրքերից գրեթե 400 մ այն կողմ իրենց խրամատներում նստած են ադրբեջանցի զինվորները։ Դիտակետից հստակ երեւում են բաժանարար գծերը։ Դիրքի պատասխանատու Թեւոս Հարությունյանը լրագրողներին ասում է. «Մենք զինվորներ ենք, մենք պաշտպանելու ենք մեր հայրենիքը մինչեւ արյան վերջին կաթիլը»։ «Վերադառնանք ընտանիքների մո՞տ։ Միայն երբ այստեղ անելիք չենք ունենա»,- ասում է զինվորներից Ալեն Մինասյանը։ «Նորմալ մարդիկ հոգնում են շարունակվող արտակարգ իրավիճակից,- գրում է հեղինակը,- բայց քաղաքական որոշումներ կայացնողներն այլ կերպ են մտածում։ Զինվորները գիտեն, որ խաղաղություն գտնելն իրենց առաջադրանքը չէ: Դա թողել են քաղաքակ գործիչներին։ Քաղաքականությունը, սակայն, տասնամյակներ շարունակ սայթաքում է խաղաղություն գտնելու ճանապարհներին»:

Կարդալ ավելին 05-06-2016

Պատմությունը  կրկնվում է…
Պատմությունը կրկնվում է…

2016 թվական ապրիլի 2: Ուղիղ 12 օր էր մնացել տոնելու Թալիշի ազատագրման 22-րդ տարեդարձը, բայց… սպասվող ուրախությունը վերածվեց վշտի ու տառապանքի, լացի ու ափսոսանքի: Ապրիլի 1-ի գիշերը` 2-ի լուսադեմին Թալիշը զարթնեց ռումբերի պայթյունից: Զարթնեց հինավուրց գյուղը և տեսավ խուճապահար մարդկանց, գլուխը կորցրած իր ժողովուրդին, որոնք անկանոն դես ու դեն էին վազում` պատսպարվելու հրթիռահրետակոծությունից: Մտածում էին, որ սովորական արկակոծություն է և շուտով կդադարի…, բայց չէ, քանի գնում ավելի էր ուժգնանում հրետակոծությունը: Թշնամին գործի էր գցել իր ողջ զինանոցը և կրակում էր ականանետերից, թնդանոթներից, տանկերից, գրադ կայանքներից, ինչպես նաև ավերիչ հրթիռներից, նույնիսկ <Տօս> և <Սմերչ> տիպի կայանքներից: Արկերը կարկուտի նման թափվում էր գյուղի վրա, քարուքանդ անելով ամեն ինչ: Այլընտրանք չկար. Մարդիկ թողած տուն ու տեղ, փաղչում էին գյուղից, փաղչում էին փրկելու իրենց, փրկելու երեխաներին, փրկելու իրենց ընտանիքը: Ապրիլյան սովորական այդ օրը դատարկվեց գյուղը: Տխրեց Թալիշը, տխրեց, որ այլևս իր հետ չի հարազատ ժողովուրդը, դարերով իրեն պահպանած, իրեն փայփայած մարդիկ: Տխրեց, որ չի տեսնի աշխատանքի շտապող մարդկանց, դպրոց գնացող աշակերտներին և մանկապարտեզ հաճախող անհոգ ու ուրախ երեխաներին: Տխրեց, որ առավոտ շուտ չի լսի աքլորի կանչը, կովերի բառաչը, ոչխարների մկկոցը: Տխրեց, որ չի տեսնի թե ոնց են մարդիկ հավերին կուտ տալիս, կովերին ու ոչխարներին հանդ ուղարկում: 2016 թվականի ապրիլի 2-ին տեղի ունեցավ այն, ինչը բոլորովին չէինք սպասում: Թալիշը ևս մեկ անգամ դատարկվեց, ժողովուրդը տեղահանվեց և տնավեր դարձավ: Ապրիլի 2-ից մինչև 5-ը քառօրյա պատերազմը անհասկանալի մի բան էր, որ ոչ-ոք չկարողացավ բացատրություն տալ` թե ինչու և ինչի համար…: Արդյունքում թալիշեցին երկրորդ անգամ փախստական դարձավ: Ապրիլի 2-ին և հետագա օրերին մոտ 90 ընտանիքներ տեղափոխվեցին և ապաստան գտան Հայաստանի տարբեր քաղաքներում և շրջաններում: Մնացածները տեղավորվել են Արցախի տարբեր բնակավայրերում: Ամենաառաջին քայլը, որ պետք է անեինք, դա մարդկանց ցուցակագրումն էր` ովքեր որտեղ են ապաստանել: Մեր խնդրանքին արձագանքեց և սրտացավ վերաբերմունք ցուցաբերեց Հայաստանում ՄԱԿ-ի գրասենյակը: Նրանց աշխատակիցները ստանալով ցուցակները, անմիջապես սկսեցին աշխատել տեղերում` այցելելով բոլորին, հասկանալու նրանց խնդիրներն ու կարիքները: ՄԱԿ Երևանյան գրասենյակը <Առաքելություն Հայաստան> կազմակերպության միջոցով ցուցաբերելով մարդասիրական մոտեցումներ, զգալի նյութական և բարոյական օգնություն կատարեցին տեղահանված թալիշցիներին: Այսօր հարց է բարձրացված թոշակառուների և նպաստառուների հարցը լուծելու համար, ինչպես նաև լուծելու մարդկանց կացարանների հարցը: Սրանով զբաղվում է Միգրացիոն պետական ծառայությունը` համագործակցելով Արցախի և Հայաստանի սոցապ ծառայությունների հետ:

Կարդալ ավելին 05-05-2016

Թալիշի 90 ընտանիք տեղափոխվել է Հայաստան. Նրանք օգնության կարիք ունեն
Թալիշի 90 ընտանիք տեղափոխվել է Հայաստան. Նրանք օգնության կարիք ունեն

Ապրիլի սկզբի քառօրյա պատերազմի հետևանքով Հայաստան տեղափոխված թալիշցիները սոցիալական ու կացարանի խնդիրներ ունեն: Թալիշի համայնքի հարցերը համակարգող Սլավա Բայունցը Lragir.am-ի հետ զրույցում ասաց, որ Թալիշից Հայաստան է տեղափոխվել 90 ընտանիք՝ 370 մարդ: Նրանց բոլորի խնդիրները լուծելու համար նամակ է ուղարկվել Հայաստանի կառավարություն, սպասում են գործողությունների: Օր առաջ կառավարությունը պետք է հրատապ քայլեր ձեռնարկի այս մարդկանց կացարանի ու սոցիալական խնդիրների լուծման ուղղությամբ: «Ճիշտն ասած, սկզբում չէին անում, դաժե մինչև ամսի 20 քանիսը ընդհանրապես որևէ քայլ չէին ձեռնարկում, դրանից հետո սկսեցին զբաղվել»,- ասաց Բայունցը: Թալիշից Հայաստան տեղափոխված ընտանիքները սոցիալական խնդիրներ ունեն, պետք է նրանց կացարանի, նպաստների ու թոշակների՝ Հայաստան տեղափոխման, ինչպես նաև զբաղվածության հարցը լուծվի: Նրանք, ովքեր Թալիշում ապահովված էին, Սլավա Բայունցի խոսքով, ունեցվածքը թողել են այնտեղ ու եկել Հայայստան: «Իրենք ունեցվածքի մի մասը դրել են վար ու ցանք են արել, բայց դե թողեցին եկան: Կարող է եղանակային պայմաններն այնպիսին լինեին, որ դրանից միլիոններ աշխատեին, բայց մնաց այնտեղ: Բացի այն, որ նրանց տուն ու տեղը քանդվել է, գործն էլ մնաց այնտեղ: Կարող է մի 5-10 ընտանիք հնարավորություն ունենան Հայաստանի մարզերում էժան բնակարաններ առնել, բայց մյուս ընտանիքները հնարավորություն չունեն»,- ասաց նա: Հայաստան տեղափոխված թալիշցիները բնակվում են հեռու ու մոտիկ ազգականների տանը: Բայց երկար չեն կարող այդպես ապրել: «Էսօր բարեկամներն էլ լավ օրի չեն, զոռով են պահում նրանց»,- ասաց Բայունցը: Այս ընտանիքներից 12-ն են բնակվում Երևանում, մնացածը՝ տարբեր մարզերում: Սլավա Բայունցն ասաց, որ նրանք համաձայն են ապրել ցանկացած մարզում, միայն թե կացարանի ու սոցիալական խնդիր չունենան: Այս ընթացքում, ինչ թալիշցիները տեղափոխվել են Հայաստան, նրանց պետական աջակցություն ընդհանրապես չի հատկացվել: «Միգրացիոն ծառայության հետ ենք աշխատանք տանում, Արցախի սոցապ նախարարը Հայաստանում է, փորձում են խնդիրները լուծել: ՄԱԿ-ի փախստականների գրասենյակը Առաքելություն Հայաստանի միջոցներով է նյութական աջակցություն հատկացրել մի մասին: Մի մասն էլ դեռ չեն ստացել աջակցությունը, սպասում են»,- նշեց նա: Վարչապետ Հովիկ Աբրահամյանին ուղղված նամակում շարադրվել են վերոնշյալ բոլոր խնդիրները, գրել են, որ ավելի քան 20 օր է, ապրելով Հայաստանում, թալիշցիների կացարանի խնդիրը չի լուծվում: Նրանք արդեն տեղեկացվել են, որ խնդիրը ներկայացվել է Տարածքային կառավարման նախարարին, սպասում են լուծումների: «Սպասում ենք, տեսնենք կառավարությունն ինչ կանի: Խնդիրն այն է, որ այսօր Երևանում ոչ մի հանրակացարանում ազատ տեղ չկա, սիրիահայերի հոսքի պատճառով բոլորը բնակեցված են: Հիմա թե որտեղից միջոցներ կճարեն, ինչ կանեն, դա անհայտ է, սպասում ենք»,- նշեց Բայունցը:

Կարդալ ավելին 05-03-2016

Այսօր տոն է Արցախի յուրաքանչյուր ընտանիքում. Նախագահը շնորհավորական ուղերձ է հղել Հայրենիքի պաշտպանի օրվա առթիվ
Այսօր տոն է Արցախի յուրաքանչյուր ընտանիքում. Նախագահը շնորհավորական ուղերձ է հղել Հայրենիքի պաշտպանի օրվա առթիվ

Նախագահ Բակո Սահակյանը փետրվարի 23-ին շնորհավորական ուղերձ է հղել Հայրենիքի պաշտպանի օրվա առթիվ: Արցախի Հանրապետության Նախագահի աշխատակազմի տեղեկատվության գլխավոր վարչության հաղորմամբ՝ Բակո Սահակյանի ուղերձում ասված է. «Սիրելի՛ հայրենակիցներ, Արցախի Հանրապետության իշխանությունների եւ անձամբ իմ անունից ի սրտե շնորհավորում եմ ձեզ՝ Հայրենիքի պաշտպանի օրվա առթիվ: Այսօր տոն է Արցախի յուրաքանչյուր ընտանիքում. մեր երկրում դժվար թե գտնվի մի ընտանիք, որը մասնակից եղած չլինի հայրենիքի պաշտպանության սուրբ գործին: Տոն է ողջ հայ ժողովրդի համար, որովհետեւ աշխարհի տարբեր ծայրերից շատ քաջ հայորդիներ են մասնակցել Արցախի ազատության ու անկախության կերտմանը: Ես շնորհավորում եմ բոլորիդ եւ հատկապես նրանց, ովքեր զօր ու գիշեր հսկում են հայրենի երկրի սահմանները, պաշտպանում հարազատ ժողովրդի անդորրը, հնարավորություն տալիս մեզ ապրել ու արարել խաղաղ երկնքի տակ: Նրանք մեր խիզախ զինվորներն են, սպաներն ու գեներալներն են մեր հերոսական բանակի, որը եղել է, կա ու կլինի մեր ժողովրդի հպարտությունն ու պարծանքը, նրա անվտանգության հիմնական երաշխավորը: Թանկագի՛ն բարեկամներ, Այս տոնական օրը մաղթում եմ բոլորիդ խաղաղություն, քաջառողջություն, հաջողություններ ու ամենայն բարիք, հայրենիքի պաշտպաններին` անպարտելի ուժ ու զորություն։ Հավե~րժ փառք ու պատիվ Արցախի նվիրյալ զավակներին»:

Կարդալ ավելին 02-23-2016

Արցախի քաղաքական ուժերը դիմել են հանրապետության Նախագահին
Արցախի քաղաքական ուժերը դիմել են հանրապետության Նախագահին

Արցախի խորհրդարանական եւ արտախորհրդարանական կուսակցությունները փետրվարի 23-ին նամակով դիմել են Նախագահ Բակո Սահակյանին՝ առաջարկելով ստեղծել սահմանադրական բարեփոխումների մասնագիտական հանձնաժողով: ԼՂՀ Ազգային ժողովի մամուլի ծառայության հաղորդմամբ` նամակում, մասնավորապես, նշված է, որ տարբեր ձեւաչափերով հանդիպումներն ամփոփվել են փետրվարի 4-ին Ազգային ժողովում խորհրդարանական քաղաքական ուժերի եւ փետրվարի 19-ին՝ նույն կազմի եւ արտախորհրդարանական կուսակցությունների ղեկավարների քննարկումներով: Խորհրդատվությունների արդյունքում մասնակիցները համաձայնության են եկել սահմանադրական բարեփոխումների գործընթաց սկսելու նպատակով դիմել հանրապետության Նախագահին՝ սահմանված կարգով ընթացք տալու համատեղ առաջարկին: Փաստաթուղթը ստորագրել են «Ազատ հայրենիք», Արցախի ժողովրդավարական, Հայ հեղափոխական դաշնակցություն, «Շարժում-88», «Ազգային վերածնունդ», Լեռնային Ղարաբաղի կոմունիստական, Արցախի Արմենական, Արցախի հանրապետական կուսակցությունների ղեկավարները:

Կարդալ ավելին 02-23-2016

Մեր իրավունքը մենք պաշտպանեցինք մեր արյան գնով. Բակո Սահակյան
Մեր իրավունքը մենք պաշտպանեցինք մեր արյան գնով. Բակո Սահակյան

Արցախի նախագահ Բակո Սահակյանը փետրվարի 20-ին շնորհավորական ուղերձ է հղել Արցախի վերածննդի օրվա առթիվ: Այս մասին հայտնում են Արցախի նախագահի աշխատակազմի տեղեկատվության գլխավոր վարչությունից: Ուղերձում ասված է. «Սիրելի՛ հայրենակիցներ, Արցախի Հանրապետության իշխանությունների և անձամբ իմ անունից ի սրտե շնորհավորում եմ ձեզ մեր կարևորագույն պետական տոներից մեկի` Արցախի վերածննդի օրվա առթիվ: 28 տարի առաջ Արցախն իսկապես վերածնվեց. վերածնվեցին նրա ազատատենչ ոգին, հայեցի շունչն ու հավատը սեփական ուժերի և լուսավոր ապագայի հանդեպ: Դա իրավական, բարոյական և համամարդկային արժեքների վրա հիմնված պայքար էր՝ համազգային շարժում, որն այս անգամ արդեն իր շուրջը համախմբեց ողջ հայ ժողովրդին աշխարհի տարբեր ծայրերում, համախմբեց ու միավորեց մեկ գաղափարի շուրջ՝ ապրել ազատ ու անկախ իր պատմական հողի վրա: Դա յուրաքանչյուր ազգի օրինական իրավունքն է, և մեր իրավունքը մենք պաշտպանեցինք մեր արյան գնով: Այսօր 1988-ի նվիրյալների գործը շարունակում է երիտասարդ սերունդը, նրանք, ովքեր ծնվել ու մեծացել են արդեն Արցախի Հանրապետությունում և արժանիորեն կրում են նրա քաղաքացին լինելու բարձր պատիվը: Նրանք լավ են սերտել հայրենի երկրին ու հարազատ ժողովրդին անձնվիրաբար ծառայելու իրենց հերոս պապերի ու հայրերի պատգամը և պատրաստ են ամեն ինչ անել Արցախի զարգացման ու զորացման, նրա պաշտպանունակության ամրապնդման և անվտանգության ապահովման համար: Այդպես եղել է և այդպես կլինի այսուհետ: Թանկագի՛ն արցախցիներ, Մեկ անգամ եւս շնորհավորում եմ բոլորիս հիշարժան տոնի առթիվ և մաղթում խաղաղություն, քաջառողջություն, երջանկություն ու բարօրություն Արցախի յուրաքանչյուր քաղաքացու և յուրաքանչյուր ընտանիքի»:

Կարդալ ավելին 02-21-2016

Դավիթ Բաբայանը մեկնաբանել է Ջեյմս Ուորլիքի հայտարարությունը
Դավիթ Բաբայանը մեկնաբանել է Ջեյմս Ուորլիքի հայտարարությունը

Ղարաբաղյան հակամարտության կարգավորումը պետք է լինի համապարփակ, ինչը ենթադրում է հարցերի համալիր լուծում, այլ ոչ թե ուշադրությունը առանձին խնդիրներին կենտրոնացնելու փորձ։ Այս մասին ասել է Լեռնային Ղարաբաղի Հանրապետության նախագահի մամուլի խոսնակ Դավիթ Բաբայանը՝ NEWS.am-ի թղթակցի խնդրանքով մեկնաբանելով ԵԱՀԿ ՄԽ ամերիկացի համանախագահ Ջեյմս Ուորլիքի հայտարարությունը, որում նա խոսել էր «անվտանգության գոտու» տարածքները Ադրբեջանին վերադարձնելու մասին։ Բաբայանի խոսքով՝ Ադրբեջանը շեշտադրումը կենտրոնացնում է որոշ հարցերի վրա, իսկ համանախագահները ստիպված են կամա թե ակամա նույնպես խոսել դրանից։ Այսինքն՝ Ադրբեջանը ստիպում է խոսել այն հարցերից, որոնցով ինքն է հետաքրքրվում, ընդ որում՝ ջանալով երկրորդ պլան մղել հայկական կողմերի շահերը։ «Ինչ վերաբերում է տարածքներին, ապա անհրաժեշտ է, որ բանակցություններին մասնակցի Լեռնային Ղարաբաղը, որպեսզի հասկանալի լինի, թե որքան իրական է սահմանների ճշգրտումը։ Մենք բազմիցս հայտարարել ենք, որ պատրաստ ենք դիտարկել Ադրբեջանի հետ բոլոր հարցերը։ Սակայն Բաքուն նույնպես պետք է հասկանա, որ տարածքային առումով կամ Լեռնային Ղարաբաղի կարգավիճակի հարցում վերադարձ անցյալին անհնար է։ Ադրբեջանի պարտադրած պատերազմը, տառապանքները, ցեղասպանությունը, տեղահանումներն անհնար են դարձնում վերադարձը անցյալին, եւ այդ պատճառով 1988թ. սահմանները սկզբունքորեն չեն կարող լինել։ Կարգավիճակի մասին հարցը անմիջականորեն կապ ունի անվտանգության հետ։ Այդ պատճառով հակամարտությունը պետք է կարգավորվի այնպես, որ ապագայում ավելի արյունահեղ պատերազմի առիթ չդառնա։ Լեռնային Ղարաբաղը չի կարող թույլ տալ, որ իր անվտանգության համակարգը խոցելի լինի մի պետության համար, որը հերոսացնում է մարդասպաններին եւ որը հայատյացություն է քարոզում»,- ասել է Դավիթ Բաբայանը։

Կարդալ ավելին 02-16-2016

Նախագահը Մատաղիսում մասնակցել է ՊԲ զինծառայողների համար նոր շենքի բնակարանամուտի արարողությանը
Նախագահը Մատաղիսում մասնակցել է ՊԲ զինծառայողների համար նոր շենքի բնակարանամուտի արարողությանը

Նախագահ Բակո Սահակյանը փետրվարի 16-ին այցելել է Մարտակերտի շրջան: ԼՂՀ նախագահի աշխատակազմի տեղեկատվության գլխավոր վարչության փոխանցմամբ՝ Մատաղիս ավանում Նախագահը մասնակցել է պաշտպանության բանակի զինծառայողների համար նոր բազմաբնակարան շենքի բնակարանամուտի հանդիսավոր արարողությանը: Այնուհետև Բակո Սահակյանը Մարտակերտ շրջկենտրոնում մասնակցել է զինծառայողների համար բազմաբնակարան շենքի հիմնարկեքի արարողությանը: Նախագահ Սահակյանը երախտագիտություն է հայտնել մոսկվաբնակ բարերար Ռուբեն Գրիգորյանին նման կարևոր ծրագրերին աջակցելու համար` դա որակելով որպես հայրենասիրության օրինակելի դրսևորում: Երկրի ղեկավարն ընդգծել է, որ զինծառայողների սոցիալական պայմանների բարելավումն այսուհետ ևս կլինի պետության հատուկ ուշադրության կենտրոնում: Միջոցառմանը մասնակցում էին պաշտպանության նախարար Լևոն Մնացականյանը, պաշտոնատար այլ անձինք:

Կարդալ ավելին 02-16-2016

Մոսկվայում արցախյան ընկերությունների համար մշտական գործող խանութ-տաղավար է բացվել
Մոսկվայում արցախյան ընկերությունների համար մշտական գործող խանութ-տաղավար է բացվել

Փետրվարի 12-ին Մոսկվա քաղաքում բացվել է Արցախում արտադրվող տարբեր ապրանքատեսակների՝ մշտական գործող խանութ-տաղավար: «Արցախպրես»-ի հետ զրույցում «Ղարաբաղ կարպետ» ընկերության ղեկավար Սևակ Խաչատրյանը, ով մասնակցել է խանութի բացման հանդիսավոր արարողությանը, տեղեկացրեց, որ այն բացվել է Մոսկվայի «Արմենիա» տաղավարում (նախկին՝ ВДНХ, павильон Армения): «Մեր ընկերության արտադրանքը ևս ներկայացված է խանութում, և ուրախությամբ պետք է նշեմ, որ բացի «Ղարաբաղ կարպետ»-ից Արցախից ներկայացված են «Արցախբիո», «Արցախֆրուտ», «Արցախբերի», «Էլիտ», «Ռեյփսիդ» և «Կատարո» ընկերությունների արտադրատեսակներն, ինչը կարծում եմ լուրջ ձեռբերում է՝ արցախյան արտադրանքը իրացնելու համար»,- ասել է Խաչատրյանը՝ հավելելով, որ այդ առիթով իր երախտագիտությունն է հայտնում ԼՂՀ կառավարությանը, քանի որ ծրագիրը իրականություն է դարձել պետական աջակցության շնորհիվ: Խանութ-տաղավարի բացման հանդիսավոր արարողությանը ներկա են եղել ԼՂՀ փոխվարչապետ Արթուր Աղաբեկյանը, Ռուսաստանի Դաշնությունում ԼՂՀ ներկայացուցիչ Ալբերտ Անդրյանը, ՀՀ արտակարգ և լիազոր դեսպան Օլեգ Եսայանը, ՌԴ հասարակական գործիչներ, հայազգի գործարարներ և տարբեր կազմակերպությունների ներկայացուցիչներ:

Կարդալ ավելին 02-16-2016

Նախագահ Սահակյանն ընդունել է Սեյրան Օհանյանին
Նախագահ Սահակյանն ընդունել է Սեյրան Օհանյանին

Արցախի Հանրապետության Նախագահ Բակո Սահակյանը փետրվարի 11-ին ընդունել է Հայաստանի Հանրապետության պաշտպանության նախարար Սեյրան Օհանյանին: Արցախի Հանրապետության նախագահի աշխատակազմի տեղեկատվության գլխավոր վարչության հաղորդմամբ` հանդիպմանը, որին մասնակցում էր ԼՂՀ պաշտպանության նախարար Լեւոն Մնացականյանը, քննարկվել են բանակաշինությանը եւ այդ ոլորտում երկու հայկական պետությունների համագործակցությանը վերաբերող մի շարք հարցեր:

Կարդալ ավելին 02-11-2016

Ի՞նչ են քննարկել ԼՂՀ և ՀՀ խորհրդարանականները. կայացել է Աշոտ Ղուլյանի և Գալուստ Սահակյանի համատեղ մամլո ասուլիսը
Ի՞նչ են քննարկել ԼՂՀ և ՀՀ խորհրդարանականները. կայացել է Աշոտ Ղուլյանի և Գալուստ Սահակյանի համատեղ մամլո ասուլիսը

Գալուստ Սահակյանի գլխավորած Արցախում գտնվող ՀՀ խորհդարանական պատվիրակության հետ ընդլայնված կազմով աշխատանքային նիստ ենք անցկացրել: Այս մասին «Արցախպրես»-ի թղթակցի հաղորդմամբ՝ այսօր երկու հայկական պետությունների խորհրդարանների նախագահների հրավիրած համատեղ մամլո ասուլիսում ասել է ԼՂՀ ԱԺ նախագահ Աշոտ Ղուլյանը՝ հավելելով, որ քննարկվել են առաջիկայում հրավիրվելիք միջխորհրդարանական հանձնաժողովի նիստերի օրակարգին և համագործակցության ծրագրերին վերաբերող հարցեր: ՀՀ ԱԺ նախագահ Գալուստ Սահակյանը նախ նշել է, որ սա առաջին հանդիպումն է անցած տարվա մայիս ամսում կայացած խորհրդարանական ընտրությունների արդյունքներով ձևավորված ԼՂՀ 6-րդ գումարման Ազգային ժողովի պատգամավորների նոր կազմի հետ: «Այդ պատճառով էլ արցախցի մեր գործընկերների հետ նպատակահարմար ենք գտել նախևառաջ քննարկել առաջիկա միջխորհրդարանական նիստերի օրակարգերին ու համագործակցությանը վերաբերող հարցերն ու ծրագրերը, որից հետո միայն հրավիրել համատեղ նիստեր ու աշխատել նախանշված ծրագրերի իրականացման ուղղությամբ»,- ասել է Գ. Սահակյանը՝ հավելելով, որ անելիքների կիզակետում շարունակելու է մնալ Արցախյան հիմնախնդրի լուծման հարցը: Անդրադառնալով ԼՂՀ սահմանադրական բարեփոխումների վերաբերյալ միջխորհրդարանական քննարկումների մասին լրագրողի հարցին՝ ՀՀ ԱԺ նախագահն ասել է, որ նման քննարկում չի եղել, սակայն անհրաժեշտության դեպքում, ունեցած փորձից ելնելով իրենք պատրաստ են այդ առումով աջակցություն ցուցաբերել արցախյան գորընկերներին: Հարցին ի հավելում ԼՂՀ ԱԺ նախագահը հավելել է, որ հայկական երկու հանրապետություններում սահմանադրական բարեփոխումներն անկախ քաղաքական գործընթացներ են:

Կարդալ ավելին 02-11-2016

ԵԽԽՎ կողմից ընդունված հակահայկական զեկույցի վերաբերյալ ԼՂՀ և ՀՀ խորհրդարանականները համատեղ փաստաթուղթ կընդունեն
ԵԽԽՎ կողմից ընդունված հակահայկական զեկույցի վերաբերյալ ԼՂՀ և ՀՀ խորհրդարանականները համատեղ փաստաթուղթ կընդունեն

Այսօր երկու հայկական պետությունների խորհրդարանների նախագահների հրավիրած համատեղ մամլո ասուլիսում անդրադարձ է եղել նաև Սարսանգի ջրամբարի վերաբերյալ ԵԽԽՎ կողմից ընդունված Բոսնիայի ու Հերցեգովինայի ներկայացուցիչ Միլիցա Մարկովիչի հեղինակած հակահայկական զեկույցին: «Արցախպրես»-ի թղթակցի հաղորդմամբ՝ ՀՀ ԱԺ նախագահ Գալուստ Սահակյանը այդ կապակցությամբ ասել է, որ այսօր ընդլայնված կազմով կայացած նիստի ժամանակ որոշվել է համատեղ ուժերով ամբողջական ինֆորմացիայի հավաքագրումից հետո ստեղծել մեկ ամբողջական փաստաթուղթ: Ընդգծելով, որը ԵԽԽՎ-ում ընդունված հակահայկական այդ բանաձևի հիմքում ընկած էր ամբողջովին կեղծիք պարունակող և միակողմանի զեկույց՝ ՀՀ ԱԺ նախագահը նշել է, որ Սարսանգի ջրամբարի մասով իրականությունն արտացոլող ամբողջական փաստաթղթի ձևակերպումից հետո չի բացառվում, որ որպես հակափաստարկ ԵԽԽՎ-ում այն կներկայացվի նախագծի տեսքով: Հարցի շուրջ ԼՂՀ ԱԺ նախագահ Աշոտ Ղուլյանը նշել է, որ ինչպես Սարսանգի ջրամբարի, այնպես էլ Արցախին վերաբերող յուրաքանչյուր հարցի վերաբերյալ տեղեկատվության հավաքագրումն ու ճիշտ օգտագործումը հնարավորություն կտա առավել դիպուկ ու թիրախային դարձնել այդ խնդիրների լուծման ճանապարհը:

Կարդալ ավելին 02-11-2016

Սեյրան Օհանյանը ներկա է եղել ԼՂՀ ՊԲ հրամանատարական կազմի խորհրդակցությանը
Սեյրան Օհանյանը ներկա է եղել ԼՂՀ ՊԲ հրամանատարական կազմի խորհրդակցությանը

Հայկական երկու հանրապետությունների ռազմական փոխգործակցության շրջանակում աշխատանքային այցով ԼՂՀ-ում գտնվող պաշտպանության նախարար Սեյրան Օհանյանը փետրվարի 11-ին ներկա է եղել Արցախի պաշտպանության բանակի հրամանատարական կազմի խորհրդակցությանը: Հեռահաղորդակցության միջոցների և տեսակապի շնորհիվ խորհրդակցությանը ներգրավված էր նաև ՊՆ կենտրոնական ապարատի և բանակային զորամիավորումների հրամկազմը: ՀՀ պաշտպանության նախարարության տեղեկատվության եւ հասարակայնության հետ կապերի վարչության փոխանցմամբ՝ խորհրդակցության ընթացքում ենթակա զորամասերում անցկացված ամփոփիչ ստուգումների նախնական արդյունքների, նոր ուսումնական փուլի նախապատրաստական աշխատանքների մասին զեկույցներով հանդես են եկել բանակային զորամիավորումների հրամանատարները, ՊՆ, ԶՈՒ, ԶՈՒ ԳՇ մի շարք վարչությունների պետեր, ՊԲ հրամկազմի ներկայացուցիչներ: Ներկայացվել են առաջնագծում և զորքերի մշտական տեղակայման վայրերում զգոնության բարձրացմանն ուղղված միջոցառումները, ուսումնական տարվա նախապատրաստական փուլի աշխատանքների առանցքային հարցերը, մարտական և զորահավաքային պատրաստականության, զորքերի մարտական պատրաստության, զինվորական կարգապահության ամրապնդման և մարտական հերթապահության կազմակերպման ուղղությամբ տարվող աշխատանքները:

Կարդալ ավելին 02-11-2016

Ադրբեջանը փորձել է խոչընդոտել Արցախի մասնակցությանը «Պրոդէքսպո- 2016» ցուցահանդեսին. ԱՆՀ ներկայացուցիչ
Ադրբեջանը փորձել է խոչընդոտել Արցախի մասնակցությանը «Պրոդէքսպո- 2016» ցուցահանդեսին. ԱՆՀ ներկայացուցիչ

Արցախը 2009 թվականից մասնակցում է Մոսկվայում տեղի ունեցող սննդի բնագավառի «Պրոդէքսպո» ամենամյա մեծ ցուցահանդեսին: Այս մասին «Արցախպրես»-ի թղթակցի հետ զրույցում ասել է Արցախի ներդրումային հիմնադրամի ՓՄՁ սուբյեկտների կողմից թողարկվող արտադրանքի, ծառայությունների շուկայում առաջմղման աջակցության ծրագրի պատասխանատու Մարգարիտա Բաղդասարյանը` նշելով, որ փետրվարի 8-12-ը Մոսկվայում անցկացվող ցուցահանդեսին Արցախի մասնակցությունն հիմնականում իրականացվել է Արցախի ներդրումային հիմնադրամի աջակցությամբ: «Միջազգային նշանակության այդ ցուցահանդեսին այս տարի Արցախից մասնակցում են «Արցախ Բիո», «Էլիտ գրուպ», «Արցախ Բերրի», «Արցախ Ֆրութ» և «Կատարո» ընկերությունները»,- նշել է Մ. Բաղդասարյանը: Այն հարցին, թե ցուցահանդեսին արցախյան ընկերությունների մասնակցությանն Ադրբեջանի կողմից խոչընդոտելու փորձ եղե՞լ է, Արցախի ներդրումային հիմնադրամի ներկայացուցիչը պատասխանել է, որ չնայած արցախյան ընկերությունների մասնակցությունն ՀՀ կողմից վերցված տաղավարում ապահովվում է, սակայն ադրբեջանական կողմը ջանք չի խնայում ավելորդ խոչընդոտներ ստեղծելու: «Այս տարի ևս բացառություն չի եղել։ Բայց, հաշվի առնելով, որ մեր ընկերություններն իրենց արտադրանքի լայն տեսականիով այս պահին իսկ մասնակցում են ցուցահանդեսին, կարծում եմ՝ բոլորի համար ադրբեջանական կողմի ձախողումն ավելի քան ակնհայտ է»,- ասել է Մարգարիտա Բաղդասարյանը: Հիշեցնենք նաև, որ Արցախի փոխվարչապետ Արթուր Աղաբեկյանն, ով այս օրերին ևս գտնվում է Մոսկվայում, անդրադառնալով ցուցահանդեսին՝ ֆեյսբուքյան իր էջում գրել է, որ այցելունները մեծ հետաքրքրությամբ ծանոթանում են արցախյան ընկերությունների արտադրանքին:

Կարդալ ավելին 02-11-2016

Командос: В случае столкновения Азербайджан будет полностью уничтожен
Командос: В случае столкновения Азербайджан будет полностью уничтожен

Если между Арменией и Азербайджаном произойдет крупное столкновение из-за карабахского вопроса, это приведет к одностороннему уничтожению Азербайджана. Об этом заявил на пресс-конференции 3 февраля участник карабахской войны, генерал-майор Аркадий Тер-Тадевосян (Командос). По его словам, это мнение также многих экспертов, союзников Азербайджана и Турции. «Мы не желаем войны, но Азербайджан может пойти на авантюру. Основываясь на международном праве, мы можем нанести и нанесем превентивный удар», - подчеркнул Аркадий Тер-Тадевосян. Командос также добавил, что в Азербайджане сложилась очень сложная ситуация в контексте положения нацменьшинств.

Կարդալ ավելին 02-03-2016

Հակառակորդը հայկական դիրքերի ուղղությամբ կրակ է բացել հրետանային ականանետերից և «ՀԱՆ-17» նռնականետերից
Հակառակորդը հայկական դիրքերի ուղղությամբ կրակ է բացել հրետանային ականանետերից և «ՀԱՆ-17» նռնականետերից

Փետրվարի 1-ին և լույս 2-ի գիշերը ղարաբաղա-ադրբեջանական հակամարտ զորքերի շփման գծում արձանագրվել է հակառակորդի ակտիվության նկատելի աճ։ ԼՂՀ ՊՆ Մամուլի ծառայության փոխանցմամբ՝ նշված ժամանակահատվածում ադրբեջանական զինուժը տարբեր տրամաչափի հրաձգային («AK» ինքնաձիգերից, «ДШК» գնդացիրներից, «СВД» և «Իստիգլալ» տիպի դիպուկահար հրացաններից /, հրետանային (60 և 82 մմ-ոց ականանետերից) և հաստոցավոր ավտոմատ նռնականետերից («ՀԱՆ-17») հայկական դիրքերի ուղղությամբ արձակվել է ավելի քան 900 կրակոց: ՊԲ առաջապահ ստորաբաժանումները հակառակորդի նախահարձակ գործողությունները ճնշելու նպատակով դիմել են կանխարգելիչ քայլերի և վստահորեն ապահովել առաջնային բնագծի պաշտպանությունը:

Կարդալ ավելին 02-03-2016

ШАУМЯНОВЦЫ НЕ ТЕРЯЮТ НАДЕЖД
ШАУМЯНОВЦЫ НЕ ТЕРЯЮТ НАДЕЖД

Два года назад, 31 января, не стало Кима КАГРАМАНЯНА. Писатель, педагог, журналист, доктор исторических наук, он на протяжении более двух десятилетий выпускал газету "Мрави гоганджнер" ("Колокола Мрава"). В бумажной версии и через интернет это издание помогало изгнанным оккупантами из Шаумяновского района Нагорного Карабаха армянам найти друг друга, сплотиться, поделиться надеждами на возвращение в родные очаги... В ВЫШЕДШЕМ В ФЕВРАЛЕ 2014 ГОДА ЮБИЛЕЙНОМ, 200-м НОМЕРЕ ГАЗЕТЫ были помещены некролог Кима Арутюновича и его же статья, размышления о пути, пройденном "Колоколами Мрава". После этого на некоторое время выпуск газеты прекратился. А в январе нынешнего года в редакцию "ГА" пришло письмо от вдовы Каграманяна - Любови Давидовны Гевондян. Она сообщила: "Читатели "Мрави гоганджнер" продолжают посылать нам письма из разных городов и стран. Дело Кима продолжается. Правда, мы выходим ныне в электронном варианте на сайте: www.mrav.am". Итак, с какими чувствами входили в 2016 год гюлистанцы? На первой странице царят праздничные настроения. А еще молодая пара Давид Гевондян и Лина Асрян сообщают о своей свадьбе в Москве. Внук Армен произвел в чин дедушек Арустама Каграманяна и Сергея Иваняна. Света Вердян из Краснодара просит по возможности переслать книги Кима Каграманяна. На 2-й странице Саркис Мкртчян посвятил покинувшему шаумяновцев 2 года назад редактору газеты много теплых слов: "Он навсегда останется в наших сердцах, своим патриотизмом, добровольной миссией подвижника, взявшегося издавать газету и крепить веру разбросанных по свету шаумяновцев. Еще не вечер. Земля помнит и ждет своего хозяина". 1 января - двойной праздник для заместителя председателя Воронежского регионального отделения Союза армян России Размика Петросяна, учитывая, что он родился в этот день. И даже на сей раз тройной, потому что Петросяну исполнилось 75 лет. Его поздравляет с юбилеем губернатор Воронежской области Алексей Гордеев. Географический раздел газеты посвящен водным ресурсам Шаумяновска. Три реки и множество родников района веками служили армянам. Правда, в советский период азербайджанцы ставили всякие препоны, отводя большую часть воды хлопковым полям районов Азербайджана. Поименно перечисляются многие родники, с которыми была связана жизнь гюлистанцев. Около одного из них (Глен-ахпюр) расположена крепость, где в 1813 году был подписан судьбоносный Русско-персидский Гюлистанский договор. Парандзем Каграманян из Тульской области рассказывает об армянской общине города Алексин. Здесь уже несколько лет действует воскресная школа, где дети учатся говорить, писать на армянском, танцам и песням. В ГАЗЕТЕ ЕСТЬ НОВОГОДНЕЕ СТИХОТВОРЕНИЕ КИМА МАРТИРОСЯНА из Санкт-Петербурга, элементы фольклора, забавные истории. Так, известный своими непредсказуемыми репликами Сакан, когда сваты пришли просить руки его дочери Лены, сказал: "На этот раз согласен, в другой раз не дам..." Не покидало чувство юмора шаумяновцев порой даже на похоронах. Когда карачинарец Акуп-даи скончался в преклонном возрасте, многие у гроба, обращаясь к покойному, говорили: "Акуп-даи, вот пойдешь и передашь..." Имелись в виду весточки усопшим ранее. А вдова Тамара под нос пробурчала: "Ага, сейчас прямо и вскочит, и понесется с вашими последними известиями". А когда уже в наши дни хоронили в Калининградской области тоже очень старого Арменака, на дне ямы обнаружили телефонный кабель. Зять его на прощание предложил: "Давай я на бумажке покойному наш телефон оставлю. Мало ли? Вдруг кто его обидит. Пусть домой позвонит". Судьба жестоко обошлась с гюлистанцами, лишив их дома на земле, на которой они жили тысячи лет. В сентябре 1991 года в полном соответствии с правовыми нормами существовавшего тогда СССР они осуществили легитимный выбор, выйдя вместе с НКАО из состава Азербайджана. Но были изгнаны из родных очагов в июне 1992 года при обстоятельствах, нуждающихся в глубоком анализе серьезных историков. Проживая сегодня в Армении, НКР и других местах, они знают, что возвращение возможно, только если ты помнишь и веришь. P.S. Газету "Мрави гоганджнер" ныне подписывает Сона Каграманян, дочь Кима.

Կարդալ ավելին 02-02-2016

Ամեն ինչ անում ենք համաժողովրդական բանակի վերածվելու համար. Սեյրան Օհանյան
Ամեն ինչ անում ենք համաժողովրդական բանակի վերածվելու համար. Սեյրան Օհանյան

Հայոց բանակի ռազմաքաղաքական ղեկավարությունը և բանակն ամեն ինչ անում են՝ համաժողովրդական բանակի վերածվելու համար: Այս մասին այսօր հայտարարեց Բանակի օրվա Եռաբլուր պանթեոն այցելած ՀՀ պաշտպանության նախարար Սեյրան Օհանյանը։ «Համաժողավրդական բանակի վերածվելու համար, մեր ժողովրդի անվտանգությունն ապահովելու համար: Խորհրդանշանական է, որ այսօր առավոտյան բոլորս այցելում ենք Եռաբլուր, մեր մարտական ընկերներին, նրանց ընտանիքներին շնորհավորելու համար»,– ասաց նա։ ՀՀ պաշտպանության նախարարը հավելեց, որ Հայոց բանակի մարտունակությունը թույլ է տալիս ասելու, որ հայկական բանակը տարածաշրջանում իր խոսքով` փոխգործունակ, մրցունակ, և հաղթանակած բանակ է: Նշենք, որ առավոտից Եռաբլուր են այցելել ԱԺ նախագահ Գալուստ Սահակյանը, ՀՀ ոստիկանապետ Վլադիմիր Գասպարյանը, ՀՀ վարչապետ Հովիկ Աբրահամյանը, ՀՀ նախագահի աշխատակազմի ղեկավար Վիգեն Սարգսյանը, Հայ առաքելական եկեղեցու Արարատյան թեմի առաջնորդ Նավասարդ արքեպիսկոպոս Կճոյանը:

Կարդալ ավելին 01-28-2016

2015-ին հակամարտությունը թեւակոխեց որակական նոր փուլ. Սեյրան Օհանյան
2015-ին հակամարտությունը թեւակոխեց որակական նոր փուլ. Սեյրան Օհանյան

2015 թվականը հայոց բանակի համար ձեռքբերումների եւ որակական առաջընթացի տարի էր, որի ընթացքում Զինված ուժերը կատարեց իր առաքելությունը` վստահորեն ապահովելով Հայաստանի ու Արցախի անվտանգությունը: Այս մասին այսօր` Հայոց բանակի 24-ամյակին նվիրված միջոցառմանը հայտարարեց պաշտպանության նախարար Սեյրան Օհանյանը: «Տարին առանձնացավ սահմանագծում ստեղծված աննախադեպ լարվածությամբ, հակառակորդի կողմից մեկը մյուսին հաջորդող դիվերսիոն գործողություններով եւ անգամ տանկային կրակի կիրառմամբ: Հակամարտությունը թեւակոխեց որակական նոր փուլ եւ միայն դիվանագիտական ու ռազմական ասպարեզներում ՀՀ նախագահ, Զինված ուժերի գերագույն գլխավոր հրամանատար Սերժ Սարգսյանի անձնական ուղղորդմամբ կառավարության որոշումների անշեղ կատարմամբ եւ Հայկական բանակի ստորաբաժանումների ներդաշնակ ու փոխկապակցված գործողությունների շնորհիվ, առաջնորդվելով փոքր ուժերով, մեր խնդիրների նշանաբանով մեզ հաջողվեց ժամանակին հակահարված տալ հակառակորդի բոլոր գործողություններին եւ կանխարգելել զինված դիմակայության հետագա սրումը»,- NEWS.am-ի փոխանցմամբ՝ ասաց Սեյրան Օհանյանը: Պաշտպանության նախարարը նշեց, որ 1994 թվականի մայիսին հաստատված հաղթական զինադադարին հաջորդած զինված դիմակայությունը չի վերաճում լայնածավալ ռազմական գործողությունենրի ոչ միայն հայկական բանակի ստորաբաբաժանումների բարձր պատրաստվածության եւ ժամանակակից սպառազինության, այլեւ հայ զինվորների եւ սպաների նվիրումի, ջանքերի, նրանց սխրանքների, եւ, ցավոք, երբեմն էլ կյանքերի գնով:

Կարդալ ավելին 01-28-2016

Բակո Սահակյանը շնորհավորել է Սերժ Սարգսյանին
Բակո Սահակյանը շնորհավորել է Սերժ Սարգսյանին

Արցախի Հանրապետության Նախագահ Բակո Սահակյանը հունվարի 28-ին Բանակի օրվա կապակցությամբ շնորհավորական ուղերձ է հղել Հայաստանի Հանրապետության Նախագահ Սերժ Սարգսյանին. տեղեկացնում է Արցախի Հանրապետության Նախագահի աշխատակազմի տեղեկատվության գլխավոր վարչությունը։ Ուղերձում ասված է. «Մեծարգո Սերժ Ազատի, Արցախի ժողովրդի, իշխանությունների և անձամբ իմ անունից ի սրտե շնորհավորում եմ Ձեզ Բանակի օրվա կապակցությամբ, տոն, որը թանկ ու հիշարժան է յուրաքանչյուր հայի համար: Հայոց փառապանծ բանակը անկախության ծնունդն է, ողջ հայ ժողովրդի հպարտությունը, որին նա սիրում ու փայփայում է հարազատ զավակի պես: Նրա քաջարի զինվորներն այսօր էլ, իրենց հերոս պապերի ու հայրերի օրինակով, անձնվիրաբար ծառայում են հայրենիքի պաշտպանության սուրբ գործին` ցուցաբերելով անկրկնելի սխրանք ու խիզախություն: Բանակի ստեղծման ու կայացման, նրա շարունակական զորացման ու բարգավաճման գործում մեծ է Ձեր անձնական ավանդը: Դուք արել և անում եք հնարավորը՝ հայկական երկու հանրապետությունների պաշտպանունակության ամրապնդման, համազգային խնդիրների լուծման ու նպատակների իրականացման ուղղությամբ: Մեկ անգամ ևս շնորհավորում եմ Ձեզ և Հայաստանի Հանրապետության զինված ուժերի ողջ անձնակազմին` այս նվիրական տոնի կապակցությամբ և մաղթում խաղաղություն, քաջառողջություն ու մեծագույն հաջողություններ` ի փառս Մայր Հայրենիքի և հարազատ ժողովրդի»:

Կարդալ ավելին 01-28-2016

Սեյրան Օհանյան. Երկու ուժի պիտի ապավինենք՝ Հայոց բանակի հրամանատարությանն ու զինվորին
Սեյրան Օհանյան. Երկու ուժի պիտի ապավինենք՝ Հայոց բանակի հրամանատարությանն ու զինվորին

Մեր հերոսների կյանքի շնորհիվ է, որ Հայոց բանակը կարողանում է պաշտպանել երկիրը և զսպել հակառակորդին։ Այս մասին այսօր Նախագահի նստավայրում տեղի ունեցած պարգևատրումից հետո լրագրողների հետ զրույցում ասաց ՊՆ Սեյրան Օհանյանը: «Ուզում եմ ասել՝ խոնարհվում ենք բոլորի առջև՝ անուն առ անուն, յուրաքանչյուր ընտանիքի վիշտը սփոփում է միայն զոհվածի արժանապատվությունը, հասարակության կողմից ցավը կիսելը և ժամանակը»,- ասաց Պաշտպանության նախարարը: Նա նշեց՝ գործ ունենք մի հարևանի հետ, որը չի հասկանում մարդկային լեզու. «Այս փորձություններից դուրս գալու համար կան երկու սրբություն, որոնց ուժին պետք է ապավինենք ՝ Հայոց բանակի հրամանատարությունը և նրանց ենթակա զինվորները»,- ամփոփեց Սեյրան Օհանյանը:

Կարդալ ավելին 01-28-2016

ԵԽԽՎ-ում հայկական պատվիրակությունը երախտապարտ է սկզբունքային դիրքորոշմամբ եվրոպացի պատգամավորներին
ԵԽԽՎ-ում հայկական պատվիրակությունը երախտապարտ է սկզբունքային դիրքորոշմամբ եվրոպացի պատգամավորներին

Եվրախորհրդի Խորհրդարանական վեհաժողովում հայկական պատվիրակությունը երախտապարտ է ԵԽԽՎ այն պատվիրակներին, ովքեր ցուցաբերեցին սկզբունքային դիրքորոշում և իրենց վճռական դիրքորոշմամբ մերժեցին ԼՂ կարգավորման համար վտանգավոր Ուոլթերի զեկույցը։ Այս մասին ընդգծվում է պատվիրակության տարածած հաղորդագրության մեջ: Հաղորդագրության մեջ ասվում է. «Եվրոպայի խորհրդի խորհրդարանական վեհաժողովի հունվարի 26-ի լիագումար նիստում տեղի է ունեցել խնդրահարույց բանաձեւերի քվեարկությունը: Հարցի առնչությամբ հայկական կողմը նախապես իրականացրել էր համապատասխան աշխատանք, այդ թվում՝ հանդիպումներ էր ունեցել ԵԽԽՎ պատվիրակների հետ ու ներկայացրել իր դիրքորոշումներն ու մտահոգությունները բանաձեւերում տեղ գտած ձեւակերպումների առնչությամբ, որոնք համահունչ չէին միջազգային հանրության ու, առաջին հերթին, ԵԱՀԿ Մինսկի խմբի համանախագահ երկրներ Ֆրանսիայի, ՌԴ-ի եւ ԱՄՆ-ի կողմից արտահայտած դիրքորոշումներին ու հայտարարություններին: Բանաձեւերը մեծապես խեղաթյուրում էին Լեռնային Ղարաբաղի հիմնախնդրի պատմությունն ու էությունը եւ անթույլատրելիորեն միջամտում խաղաղ կարգավորման գործընթացին, ինչի մասին են վկայում ԵԱՀԿ Մինսկի խմբի համանախագահների ս.թ. հունվարի 22-ի ու ավելի վաղ արված մյուս հայտարարությունները, ինչպես նաեւ լիագումար նիստում բազմաթիվ պատվիրակների ելույթները: Խորհրդարանական վեհաժողովի անդամները, ըմբռնելով պահի պատասխանատվությունը, քվեարկության արդյունքում մերժեցին Ռոբերտ Ուոլթերի «Բռնությունների աճը Լեռնային Ղարաբաղում եւ Ադրբեջանի այլ գրավյալ տարածքներում» տխրահռչակ բանաձեւը: Ինչ վերաբերում է Սարսանգի վերաբերյալ բանաձեւին. ԵԽԽՎ մի շարք պատգամավորներ, անտեսելով միջազգային հանրության կարծիքը, դրսեւորելով միակողմանի մոտեցում, քվեարկեցին դրա ընդունման օգտին՝ այդպիսով հումանիտար-տեխնիկական բնույթի զեկույցին տալով քաղաքական բովանդակություն: Մենք երախտագիտություն ենք հայտնում ԵԽԽՎ այն պատվիրակներին, ովքեր ցուցաբերեցին սկզբունքային դիրքորոշում ու ԼՂ հիմնահարցի քաղաքական կարգավորման գործընթացի լիակատար ըմբռնում երկու բանաձեւերի քվեարկության ժամանակ եւ իրենց վճռական դիրքորոշմամբ մերժեցին Ռոբերտ Ուոլթերի՝ ԼՂ կարգավորման համար վտանգավոր զեկույցը»։

Կարդալ ավելին 01-26-2016

ԵԽԽՎ կեղծ բանաձևը իրականության հետ ոչ մի աղերս չունի. ԼՂՀ փոխվարչապետ
ԵԽԽՎ կեղծ բանաձևը իրականության հետ ոչ մի աղերս չունի. ԼՂՀ փոխվարչապետ

«Ադրբեջանի սահմանամերձ բնակավայրերի բնակիչները կանխամտածված կերպով զրկվում են ջրից» ԵԽԽՎ կեղծ բանաձևը իրականության հետ ոչ մի աղերս չունի: Այս մասին ֆեյսբուքյան իր էջում գրել է ԼՂՀ փոխվարչապետ Արթուր Աղաբեկյանն՝ անդրադառնալով այսօր ԵԽԽՎ կողմից ընդունված Բոսնիայի ու Հերցեգովինայի ներկայացուցիչ Միլիցա Մարկովիչի հեղինակած զեկույցին: Ըստ փոխվարչապետի, Սարսանգի ջրամբարի ջուրը իր հունով հոսում է մինչև Կուր գետը և Ադրբեջանի իշխանությունը իր ժողովրդից ոչ թե պետք է թաքնվի ԵԽԽՎ-ի բանաձևերով, այլ պետք է պոմպակայաններով ջուրը մղի ու հասցնի իր ժողովրդին, կամ պետք է համագործակցի Արցախի իշխանությունների հետ՝ Սարսանագի ջրամբարի ջրի համատեղ օգտագործան հարցով, որից կօգտվի և Արցախի ժողովուրդը, և Արցախին սահմանամերձ ադրբեջանական բնակավայրերի բնակիչները: «Ի դեպ, բանաձևը իրականությանը համապատասխանեցնելու համար պետք է աջակցել Արցախի իշխանություններին, որպեսզի կառուցվի դեռևս 2002թ.-ին նախագծված ջրագիծը, որով Սարսանգի ջրամբարի ջուրը կհասցվի Մարտակերտի, Ասկերանի և Մարտունու շրջանների հողօգտագործողներին»,- նշել է ԼՂՀ փոխվարչապետը՝ հավելելով, որ նախագծի արժեքն այսօրվա դրությամբ կազմում է 15 միլիոն ԱՄՆ դոլարին համարժեք ՀՀ դրամ:

Կարդալ ավելին 01-26-2016

Սեյրան Օհանյանը խորհուրդ է տալիս ԼՂՀ իշխանություններին ուշադրություն չդարձնել ԵԽԽՎ-ում Սարսանգի ջրամբարի վերաբերյալ զեկույցի սուտ նյութերին
Սեյրան Օհանյանը խորհուրդ է տալիս ԼՂՀ իշխանություններին ուշադրություն չդարձնել ԵԽԽՎ-ում Սարսանգի ջրամբարի վերաբերյալ զեկույցի սուտ նյութերին

ՀՀ պաշտպանության նախարար Սեյրան Օհանյանը ԼՂՀ իշխանություններին խորհուրդ է տալիս ԵԽԽՎ-ում Սարսանգի ջրամբարի վերաբերյալ զեկույցում առկա սուտ նյութերին ուշադրություն չդարձնել և շարունակել այն քաղաքականությունը, որը իրականացվել է այս տարիների ընթացքում: Սեյրան Օհանյանն ասե է, որ ԼՂՀ իշխանությունները ջրային տնտեսության և ջրային քաղաքականության առումով ճիշտ ուղղություն են որդեգրել և հատկապես Սարսանգի ջրամբարում այդ աշխատանքները պետք է շարունակվեն: «Խորհուրդ կտամ սուտ նյութերին ուշադրություն չդարձնել և, հատկապես Սարսանգի ջրամբարում, շարունակել ջրային տնտեսության քաղաքականությունը, որտեղ նաև սոցիալական առումով համապատասխան միջոցառումներ են կատարվում»,- ասաց Օհանյանը: Եվրախորհրդի Խորհրդարանական վեհաժողովը հունվարի 26-ին փոփոխություններով ու լրամշակումներով ընդունեց Բոսնիայի ու Հերցեգովինայի ներկայացուցիչ Միլիցա Մարկովիչի «Ադրբեջանի սահմանամերձ բնակավայրերի բնակիչները կանխամտածված կերպով զրկվում են ջրից» թեմայով զեկույցը: Կողմ քվեարկեց 98, դեմ` 71 պատգամավոր: Զեկույցի նախագծի քվեարկությանը ձեռնպահ էր 40 պատվիրակ:

Կարդալ ավելին 01-26-2016

Հակառակորդը ձեռնարկել է դիվերսիոն փորձ և հետ շպրտվել իր ելման դիրքերը
Հակառակորդը ձեռնարկել է դիվերսիոն փորձ և հետ շպրտվել իր ելման դիրքերը

Հունվարի 25-ին և լույս 26-ի գիշերը ղարաբաղա-ադրբեջանական հակամարտ զորքերի շփման գծում հակառակորդը դիմել է սադրիչ գործողությունների։ ԼՂՀ ՊՆ մամուլի ծառայության փոխանցմամբ՝ նշված ժամանակահատվածում ադրբեջանական բանակի առաջապահ ստորաբաժանումները տարբեր տրամաչափի հրաձգային զինատեսակներից, 60 և 82 միլիմետրանոց ականանետերից ու ՀԱՆ-17 տիպի նռնականետից, հայ դիրքապահների ուղղությամբ արձակել են շուրջ 600 կրակոց: Բացի վերոնշյալից, հունվարի 26-ին՝ ժամը 04:30-ի սահմաններում, հակառակորդը շփման գծի հարավային ուղղությամբ ձեռնարկել է դիվերսիոն հետախուզական փորձ: ՊԲ առաջապահ ստորաբաժանումները ժամանակին հավաստանշել են հակառակորդի դիվերսիոն խմբի առաջխաղացումը և ստիպել վերջիններիս հետ շպրտվել իրենց ելման դիրքերը: Արձանագրված փոխհրաձգության ընթացքում պաշտպանության բանակը կորուստներ չի ունեցել: ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնել իրենց առջև դրված մարտական խնդիրը:

Կարդալ ավելին 01-26-2016

Հայ-ռուսական ռազմատեխնիկական համագործակցությունը նպաստում է տարածաշրջանի կայունությանը. Սեյրան Օհանյան
Հայ-ռուսական ռազմատեխնիկական համագործակցությունը նպաստում է տարածաշրջանի կայունությանը. Սեյրան Օհանյան

Հայաստանի և Ռուսաստանի միջև ռազմատեխնիկական համագործակցության վերաբերյալ համաձայնագիրը նոր որակ է հաղորդում երկու բարեկամական երկրների համագործակցությանն այդ ոլորտում: Այս մասին հունվարի 20-ին հայ-ռուսական ռազմատեխնիկական համագործակցության միջկառավարական հանձնաժողովի 10-րդ նիստի բացմանն ասաց ՀՀ պաշտպանության նախարար Սեյրան Օհանյանը: «Ես առաջին հերթին ցանկանում եմ ընդգծել հանձնաժողովի աշխատանքի դրական դինամիկան և շնորհակալություն հայտնել ձեր աշխատանքի համար, որը նպաստում է մեր բարեկամական պետությունների պաշտպանունակությանը՝ հանգեցնելով տարածաշրջանում կայունության և անվտանգության»,- ընդգծեց նախարարը: Նախարարը նշեց, որ հանձնաժողովը հանդիսանում է համակարգող մարմին, որը պատասխանատու է երկու երկրների միջև տարբեր մակարդակներում հայ-ռուսական ռազմատեխնիկական համագործակցության շրջանակում ձեռք բերված պայմանավորվածությունների իրականացման համար: «Հանձնաժողովի աշխատանքի ձեռքբերումներից մեկը Հայաստանի և Ռուսաստանի միջև ռազմատեխնիկական համագործակցության զարգացման վերաբերյալ համաձայնագրի ուժի մեջ մտնելն է, որը նոր որակ է հաղորդում մեր համագործակցությանն այդ ոլորտում»,- ասաց Սեյրան Օհանյանը: Նախարարը հավելեց, որ հայկական կողմն արդեն պատրաստել է կառավարության որոշումը համաձայնագրի իրականացման կարգի վերաբերյալ, որը նախօրոք համաձայնեցվել է շահագրգիռ գերատեսչությունների հետ: «Հայաստանի պաշտպանության նախարարությունը հայտնում է իր պատրաստակամությունը հետագայում ևս անհրաժեշտ քայլեր ձեռնարկել հանձնաժողովի հետ համագործակցելու համար՝ ռազմատեխնիկական համագործակցության բոլոր ուղղություններով համատեղ ջանքերը խորացնելու հարցում»,- ընդգծեց նախարարը: Պաշտպանության նախարարը շնորհակալություն հայտնեց ռուսական կողմին համագործակցության և մատչելի գներով սպառազինություն մատակարարելու համար, ինչը ՀԱՊԿ ընդհանուր սահմանից հեռու գտնվող Հայաստանին տարածաշրջանում հավասարակշռությունը պահելու հնարավորություն է տալիս: Հայ-ռուսական ռազմատեխնիկական համագործակցության միջկառավարական հանձնաժողովի ռուսական կողմի համանախագահող, ՌԴ ռազմատեխնիկական համագործակցության դաշնային գործակալության տնօրենի տեղակալ Կոնստանտին Բիրյուլինը ևս դրական գնահատեց հանձնաժողովի աշխատանքը՝ շեշտելով, որ ռազմատեխնիկական ոլորտում համագործակցության խորացումը նպաստում է թե Հայաստանի, թե Ռուսաստանի ազգային անվտանգության ամրապնդմանը: «Այսօր արդեն հանձնաժողովի 10-րդ հոբելյանական նիստն է ընթանում, և պետք է ասել, որ վերջին տարիներին մենք կարողացել ենք լուծել շատ բարդ խնդիրներ: Ռազմատեխնիկական ոլորտում համագործակցությունը ոչ միայն հնարավորություն է տալիս մեր երկրներին ունենալ ուժեղ զինված ուժեր, այլ նաև զարգացնել ռազմարդյունաբերական համակարգը»,- նշեց Բիրյուլինը: Նիստի ընթացքում նախատեսվում է քննարկել հանձնաժողովի 9-րդ նիստի ընթացքում ընդունված որոշումների կատարման ընթացքի, ռազմատեխնիկական համագործակցության իրավական-նորմատիվ բազայի կատարելագործման, ՀՀ տարածքում սպառազինության և ռազմական տեխնիկայի վերանորոգման և տեխնիկական սպասարկման համար սերտիֆիկացված սպասարկման կենտրոնների ստեղծման ոլորտում համագործակցության իրականացման, ռազմական նշանակության արտադրանքի մատակարարման, ՀՀ տարածքում ռազմական նշանակության արտադրանքի վերանորոգման ու սպասարկման կենտրոնի ստեղծման հարցում համագործակցության, ռազմական, երկակի ու հատուկ նշանակության արտադրանքների ցուցահանդեսներին ՀՀ և ՌԴ կազմակերպությունների և ներկայացուցիչների մասնակցության վերաբերյալ հարցեր: Հայ-ռուսական ռազմատեխնիկական համագործակցության միջկառավարական հանձնաժողովի 11-րդ նիստը կանցկացվի 2016թ. երրորդ եռամսյակում Ռուսաստանի Դաշնությունում:

Կարդալ ավելին 01-20-2016

ՀՀ-ՌԴ միջկառավարական հանձնաժողովը կքննարկի Հայաստանին ռազմական արտադրանք մատակարելու հարցեր
ՀՀ-ՌԴ միջկառավարական հանձնաժողովը կքննարկի Հայաստանին ռազմական արտադրանք մատակարելու հարցեր

Հունվարի 18-ից 22-ը Հայաստանում անցկացվում է հայ-ռուսական ռազմատեխնիկական համագործակցության միջկառավարական հանձնաժողովի 10-րդ նիստը: Այս մասին տեղեկացնում է ՀՀ ՊՆ կայքը: Հանձնաժողովի աշխատանքային օրակարգում ընդգրկված են նախորդ նիստի որոշումների կատարման ընթացքի հարցերը, ինչպես նաև ռազմական նշանակության արտադրանքի մատակարարման, ՀՀ տարածքում սպառազինության և ռազմական տեխնիկայի վերանորոգման ու սպասարկման կենտրոնների ստեղծման, ռազմական երկակի ու հատուկ նշանակության արտադրանքների ցուցահանդեսներին ՀՀ և ՌԴ կազմակերպությունների և ներկայացուցիչների մասնակցության և ռազմատեխնիկական համագործակցության նորմատիվ-իրավական բազայի կատարելագործման հարցեր: Կոնկրետացնելով նիստի քննարկելիք հարցերը՝ հայաստանյան News.amկայքը հայտնում է, որ կողմերը կքննարկեն Հայաստանին առնվազն 50 տոկոս թռիչքային ռեսուրսներով երեք միավոր Իլ- 76 օդանավ մատակարարելու հնարավորությունը։ Կքննարկվեն նաև Հայաստանին զրահատանկային, հրթիռա-հրետանային և այլ սպառազինությունների մատակարարման, սահմանային հսկողության միջոցների, զրահատանկային և ինժեներատեխնիկական միջոցների արդիականացման և վերազինման հարցեր։ Լրատվամիջոցի հրապարակման համաձայն՝ նախատեսված է քննարկել նաև Հայաստանում «ԿամԱԶ»-ի, ռուսաստանյան արտադրության ՀՕՊ միջոցների և ուղղաթիռների տեխնիկական սպասարկման և վերանորոգման տարածաշրջանային կենտրոններ ստեղծելու, Ռուսաստանի և Բելառուսի միջև միջպետական ֆինանսա-արդյունաբերական խումբ ստեղծելու մասին համաձայնագրին Հայաստանի միանալու հարցեր: ՀՀ ՊՆ հաղորդագրության համաձայն՝ միջկառավարական հանձնաժողովի նիստը նախագահում են հանձնաժողովի հայկական մասի նախագահ, ՀՀ պաշտպանության նախարարի տեղակալ Ալիկ Միրզաբեկյանը և ռուսաստանյան մասի նախագահ, ՌԴ ռազմատեխնիկական համագործակցության դաշնային գործակալության տնօրենի տեղակալ Կոնստանտին Բիրյուլինը: Նիստի շրջանակում հունվարի 19-ին ՀՀ պաշտպանության նախարար Սեյրան Օհանյանն ընդունել է Կոնստանտին Բիրյուլինին և նրա հետ քննարկվել երկկողմ ռազմատեխնիկական համագործակցության հարցեր:

Կարդալ ավելին 01-20-2016

ԼՂ հակամարտության խաղաղ կարգավորումը Եվրամիության համար առաջնային է մնում
ԼՂ հակամարտության խաղաղ կարգավորումը Եվրամիության համար առաջնային է մնում

Ղարաբաղյան հակամարտության խաղաղ կարգավորումը Եվրամիության համար առաջնային է մնում։ Այս մասին ասված է Հայաստան-ԵՄ համագործակցության խորհրդի 16-րդ նիստի արդյունքում հրապարակված մամուլի հաղորդագրության մեջ։ «ԵՄ-ն նորից հաստատում է, որ Ղարաբաղյան հակամարտության հարցում ստատուս քվոն անընդունելի է։ Ղարաբաղյան հակամարտության խաղաղ կարգավորումը Եվրամիության համար առաջնային է մնում։ Զորքերի շփման գծում եւ հայ-ադրբեջանական սահմանին իրավիճակը լուրջ մտահոգության տեղիք է տալիս։ ԵՄ-ն կրկնում է զսպվածության եւ հակամարտության կարգավորման ԵԱՀԿ ջանքերին մասնակցելու իր կոչը։ Բացի այդ, ԵՄ-ն հաստատում է ԵԱՀԿ ՄԽ ձեւաչափին հավատարիմ մնալու իր դիրքորոշումը։ ԵՄ-ն կոչ է անում շարունակել երկխոսությունը Հայաստանի եւ Ադրբեջանի միջեւ, այդ թվում՝ նախագահների մակարդակով, ինչի կապակցությամբ ողջունում է անցյալ տարվա դեկտեմբերին նախագահների հանդիպումը Շվեյցարիայում կազմակերպելու համանախագահների նախաձեռնությունը։ Հանդիպումը կարծիքներ փոխանակելու եւ առաջ շարժվելու հնարավորություն էր։ ԵՄ-ն հաստատում է խաղաղ գործունեությանը աջակցելու իր դիրքորոշումը եւ խաղաղ համաձայնության գալու դեպքում հաստատում է իր պատրաստակամությունը՝ հակամարտությունից տուժած շրջանների վերակառուցման ու վերականգնման աջակցության հարցում»։

Կարդալ ավելին 01-20-2016

В честь 25-летия независимости НКР будет произведен 25-летний коньяк
В честь 25-летия независимости НКР будет произведен 25-летний коньяк

В 2016 году армяне мира будут отмечать 25 годовщину независимости Нагорного Карабаха. «Правительство НКР при сотрудничестве с Ереванским коньячным заводом и Степанакертским винно-водочным заводом выпустит 10 тысяч бутылок 25-летнего юбилейного коньяка», - сообщил вице-премьер НКР Артур Агабекян. По его словам, вырученная от продажи сумма будет предоставлена Армии обороны НКР.

Կարդալ ավելին 01-20-2016

2015-ին Հայաստանի զինված ուժերում և ԼՂՀ ՊԲ-ում գրանցվել է 57 մահ. Արծրուն Հովհաննիսյան
2015-ին Հայաստանի զինված ուժերում և ԼՂՀ ՊԲ-ում գրանցվել է 57 մահ. Արծրուն Հովհաննիսյան

2015թ. ընթացքում ՀՀ զինված ուժերում եւ ԼՂՀ ՊԲ-ում գրանցվել է զինվորական ծառայություն անցնելու հետ կապված 57 մահ: Այս մասին Facebook-ի իր էջում գրել է Հայաստանի պաշտպանության նախարարի մամուլի խոսնակ Արծրուն Հովհաննիսյանը: «Հաշվի առնելով դաշտում հնչող տարատեսակ թվերը, երբեմն դրանց հանիրավի շահարկումը որոշեցինք ներկայացնել ԶՈւ-երում 2015թ. գրանցված մահերը ըստ պատճառների: Տվյալները ամփոփված են հաշվի առնելով նաեւ քննության գործընթացները, հստակ որակումները եւ այլն: 2015թ. ընթացքում ՀՀ զինված ուժերում եւ ԼՂՀ ՊԲ-ում գրանցվել է զինվորական ծառայություն անցնելու հետ կապված 57 մահ, որոնց հիմնական պատճառներն են՝ հակառակորդի կողմից շփման գծում սպանությունները (դիպուկահարների կրակոցներ, դիվերսիոն եւ այլ գործողություններ)` 38 մահ, ավտովթար` 2, հիվանդություն` 2, սպանությունը` 1, ինքնասպանություն եւ ինքնասպանության հասցնելու դեպքեր՝ 6, դժբախտ պատահարներ՝ 4, մարտական ծառայություն կրելու կանոնների խախտման հետեւանքով՝ 3, ականի պայթյուն՝ 1»,-գրել է նա:

Կարդալ ավելին 01-20-2016

Степанакерт отвечает Анкаре: Турция - агрессивное, фашистское государство оккупант
Степанакерт отвечает Анкаре: Турция - агрессивное, фашистское государство оккупант

Министр иностранных дел Турции Мевлют Чавушоглу заявил, что Анкара не собирается нормализовать отношения с Арменией до тех пор, пока сущесвует карабахский конфликт и 20% Азербайджана являются «оккупированными», подчеркнув, что проблемы Азербайджана являются также проблемой Турции. Пресс-секретарь президента НКР Давид Бабаян, комментируя слова Чавушоглу, заявил, что Степанакерт не придает им никакого значения. «Заявления высших чинов Турции, правда, шаблонны, однако показывают сущность данной страны. Это бессмысленное заявление, так как если Турция говорит об оккупации, необходимо помнить, что она сама оккупировала чужие земли, завладела чужой культурой, чужим материальным наследием», - сказал он, подчеркнув, что Турция должна вспомнить собственное прошлое прежде чем говорить об оккупации. Бабаян охарактеризовал Турцию как агрессивное, фашистское государство. «Наверное, естественно, что подобные государства ведут себя таким образом, чтобы оккупант говорил о нормах морали. Турция не хочет покаяться, не хочет понять, что обеспечит легитимность своего существования только через покаяние. Вместо этого она защищает другого агрессора - Азербайджан», - сказал он.

Կարդալ ավելին 01-19-2016

Минобороны НКР: В выходные ВС Азербайджана произвели в направлении армянских позиций свыше 900 выстрелов
Минобороны НКР: В выходные ВС Азербайджана произвели в направлении армянских позиций свыше 900 выстрелов

В минувшие выходные на линии соприкосновения карабахских и азербайджанских сил ВС Азербайджана из стрелкового оружия различного калибра произвели в направлении армянских позиций свыше 900 выстрелов. Об этом сообщает пресс-служба министерства обороны Нагорно-Карабахской Республики (НКР). Отмечается также, что передовые подразделения Армии обороны НКР владеют оперативно-тактической обстановкой и продолжают с уверенностью нести боевое дежурство.

Կարդալ ավելին 01-19-2016

ԵՄ-ն ԼՂ հակամարտության խաղաղ կարգավորումը շարունակում է առաջնահերթություն համարել
ԵՄ-ն ԼՂ հակամարտության խաղաղ կարգավորումը շարունակում է առաջնահերթություն համարել

ՀՀ արտաքին գործերի նախարար Էդվարդ Նալբանդյանի նախագահությամբ հունվարի 18-ին Բրյուսելում կայացած Հայաստան-Եվրոպական միություն համագործակցության խորհրդի 16-րդ նիստի ժամանակ ԵՄ-ն վերահաստատել է, որ ԼՂ հակամարտությունում առկա ստատուս-քվոն անընդունելի է: Այս մասին տեղեկացնում է ԵՄ պաշտոնական կայքը: «Եվրամիությունը վերահաստատել է, որ ԼՂ հակամարտության խաղաղ կարգավորումը շարունակում է առաջնահերթություն մնալ ԵՄ համար: Անվտանգության հարցը շփման գծում և Հայաստանի ու Ադրբեջանի միջև միջազգային սահմանին լուրջ մտահոգության առարկա է: ԵՄ-ն վերստին զսպվածության կոչ է անում և վերահաստատում իր աջակցությունը ԵԱՀԿ Մինսկի խմբի միջնորդությամբ իրականացվող բանակցային գործընթացին` ուղղված հակամարտության կարգավորմանը: Այն խրախուսում է ապագայում Հայաստանի ու Ադրբեջանի նախագահների մակարդակով երկխոսության իրականացումը»,- ասվում է ԵՄ հաղորդագրության մեջ` ընդգծելով, որ Եվրամիությունն առաջիկայում էլ պատրաստակամ է աջակցել խաղաղարար առաքելություններին:

Կարդալ ավելին 01-19-2016

Давид Бабаян о заявлении Чавушоглу: Анкара рассматривает Азербайджан в качестве территории Турции
Давид Бабаян о заявлении Чавушоглу: Анкара рассматривает Азербайджан в качестве территории Турции

Официальный Степанакерт не придает значения заявлению министра иностранных дел Турции Мевлюта Чавушоглу, поскольку похожие по содержанию выступления со стороны высокопоставленных представителей руководства Турции стали привычными. Об этом заявил сегодня пресс-секретарь президента Нагорно-Карабахской Республики (НКР) Давид Бабаян. Как ранее сообщал сайт Panorama.am, во время 8-й конференции послов в Турции Чавушоглу ответил на вопрос о причинах плохих отношений с соседями. В частности, он сказал, что проблема Азербайджана является непосредственно проблемой Турции и что «пока 20% территорий Азербайджана оккупированы и существует карабахский вопрос», отношения с Арменией не могут быть налажены. «Подобные заявления со стороны высокопоставленных чиновников Турции, конечно, шаблонные, однако они выявляют суть этой страны. Это абсурдное заявление, поскольку если Турция говорит о так называемой “оккупации”, то нужно понимать, что именно сама Турция оккупировала чужие земли, захватила культуру этого народа и присвоила их материальные ценности. Они вообще некоренные, оказались здесь как кочевники, захватили чужие территории и, когда они указывают на справедливость, оккупацию, то в первую очередь должны вспомнить собственной прошлое, а потом только выступать», – подчеркнул Д. Бабаян. Он также напомнил преступление, совершенное Турцией против армян в начале ХХ века, и отметил, что до сих пор турецкое государство не хочет признавать факта Геноцида армян в Османской империи 1915г. «А разве это не оккупация, не преступление против человечества?! Турция, будучи агрессивным, фашистским и вообще искусственно созданным государством, продолжает в том же духе. Наверное, это естественно, потому что подобные государства должны вести себя именно таким образом, поскольку невозможно, чтобы захватчик, оккупант говорил о моральных нормах. Турция не хочет идти по пути покаяния, это государство не желает понимать, что только этим можно обеспечить легитимность своего существования. Более того, Турция защищает другого агрессора – Азербайджан. Когда в Турции заявляют о том, что проблема Азербайджана – это и их проблема, то это тоже представляет собой оккупацию. То есть Анкара рассматривает Азербайджан в качестве территории Турции», – подытожил пресс-секретарь президента НКР. Известно, что факт Геноцида армян в Османской империи 1915г. (Armenian Genocide) признан многими государствами. Первым это в 1965 году сделал Уругвай, примеру которого последовали Россия (1995г.), Франция (1998г.), Италия (2000г.), Нидерланды (2004г.), Бельгия (1998г.), Польша (2005г.), Литва (2005г.), Словакия (2004г.), Швеция (2010г.), Швейцария (2003г.), Греция (1999г.), Кипр (1975г.), Ливан (1997г.), Канада (1996г.), Венесуэла (2005г.), Аргентина (2004г.), Чили (2007г.), Ватикан (2000г.), Боливия (2014г.), Австрия (2015г.), Люксембург (2015г.), Бразилия (2015г.). Геноцид армян признали также Европейский парламент и Всемирный совет церквей. Официально признали и осудили Геноцид армян, а также объявили 24 апреля Днем памяти жертв Геноцида армянского народа 43 из 50 штатов США. Парламентами нескольких европейских стран приняты законы предусматривающие уголовную ответственность за отрицание Геноцида армян. Однако Турция по-прежнему отрицает массовое убийство армянского населения Османской империи во время Первой мировой войны (в канун Первой мировой войны в Османской империи жило два миллиона армян, около 1,5 млн. армян было уничтожено за период с 1915 до 1923 года, оставшиеся полмиллиона армян были рассеяны по всему миру).

Կարդալ ավելին 01-17-2016

Минобороны НКР: За неделю ВС Азербайджана произвели в направлении армянских позиций свыше 3000 выстрелов
Минобороны НКР: За неделю ВС Азербайджана произвели в направлении армянских позиций свыше 3000 выстрелов

На линии соприкосновения карабахских и азербайджанских сил 10-16 января ВС Азербайджана из стрелкового оружия различного калибра, 60-миллиметрового миномета, гранатометов типа РПГ-7 и АГС-17 произвели в направлении армянских позиций свыше 3000 выстрелов. Об этом сообщает пресс-служба министерства обороны Нагорно-Карабахской Республики (НКР). Кроме того, 14 января в восточном направлении линии соприкосновения войск противник предпринял попытку диверсионного проникновения. Передовые подразделения Армии обороны НКР своевременно пресекли попытки продвижения азербайджанской диверсионной группы, предприняв соответствующие профилактические меры. В результате были ликвидированы, как минимум, 2 азербайджанских военнослужащих, остальные члены группы обратились в бегство. В ходе завязавшейся перестрелки Армия обороны потерь не понесла. Отмечается также, что передовые подразделения Армии обороны НКР продолжают осуществлять полноценный контроль на передовой и с уверенностью обеспечивать защиту боевых позиций.

Կարդալ ավելին 01-17-2016

Бако Саакян: Армия обороны – основной гарант независимости и безопасности Арцаха
Бако Саакян: Армия обороны – основной гарант независимости и безопасности Арцаха

Президент Нагорно-Карабахской Республики Бако Саакян принял участие в заседании Военного совета Армии обороны, посвященном итогам 2015 года и планам на 2016 год. Об этом сообщает пресс-служба президента НКР. В своем выступлении глава государства коснулся процесса военного строительства, отметил достижения и существующие проблемы. Президент дал удовлетворительную оценку осуществленным в 2015 году работам. Бако Саакян отметил, что геополитическая ситуация в регионе и мире продолжает оставаться сложной и напряженной, выдвигая новые задачи стратегического характера. Президент подчеркнул, что Армия обороны, выполняющая с предельной ответственностью свою высокую миссию в любых условиях, всегда была и будет основным гарантом независимости, безопасности и естественного развития Республики Арцах. Глава государства дал конкретные поручения министру обороны и высшему офицерскому составу армии по должному решению стоящих перед вооруженными силами задач. В заседании приняли участие министр обороны Республики Армения Сейран Оганян, начальник Генерального штаба Вооруженных сил РА, генерал-полковник Юрий Хачатуров, другие должностные лица.

Կարդալ ավելին 01-17-2016

ՊԲ-ն Արցախի անկախության և անվտանգության հիմնական երաշխավորն է. Բակո Սահակյան
ՊԲ-ն Արցախի անկախության և անվտանգության հիմնական երաշխավորն է. Բակո Սահակյան

Արցախի Հանրապետության Նախագահ Բակո Սահակյանը հունվարի 15-ին մասնակցել է Պաշտպանության բանակի ռազմական խորհրդի նիստին` նվիրված 2015թ. արդյունքների ամփոփմանը եւ 2016թ. անելիքներին: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ՝ իր ելույթում երկրի ղեկավարն անդրադարձել է բանակաշինության գործընթացին, նշել ձեռքբերումներն ու առկա խնդիրները: Նախագահը 2015 թվականին իրականացված աշխատանքները գնահատել է բավարար: Նախագահ Սահակյանի խոսքով՝ տարածաշրջանում եւ աշխարհում ռազմաքաղաքական իրադրությունը շարունակում է մնալ բարդ ու լարված, ինչն առաջադրում է նաեւ ռազմավարական բնույթի նոր խնդիրներ: Նախագահն ընդգծել է, որ պաշտպանության բանակը միշտ եղել է եւ կմնա Արցախի Հանրապետության անկախության, անվտանգության եւ բնականոն զարգացման հիմնական երաշխավորը՝ ամենայն պատասխանատվությամբ իրականացնելով իր բարձր առաքելությունը ցանկացած պայմաններում: Երկրի ղեկավարը կոնկրետ հանձնարարականներ է տվել պաշտպանության նախարարին ու բանակի բարձրագույն սպայական անձնակազմին` զինված ուժերի առջեւ ծառացած խնդիրների պատշաճ լուծման ուղղությամբ: Նիստին մասնակցել են Հայաստանի Հանրապետության պաշտպանության նախարար Սեյրան Օհանյանը, ՀՀ զինված ուժերի գլխավոր շտաբի պետ, գեներալ-գնդապետ Յուրի Խաչատուրովը, պաշտոնատար այլ անձինք:

Կարդալ ավելին 01-16-2016

Լևոն Մնացականյանը ռազմական խորհրդի նիստում ներկայացրել է 2016թ.-ի կարևորագույն ծրագրերը
Լևոն Մնացականյանը ռազմական խորհրդի նիստում ներկայացրել է 2016թ.-ի կարևորագույն ծրագրերը

ԼՂՀ ՊՆ, ՊԲ հրամանատար, գեներալ-լեյտենանտ Լևոն Մնացականյանի նախագահությամբ հունվարի 15-ին տեղի է ունեցել ռազմական խորհրդի նիստ, որի ընթացքում ամփոփվել են 2015թ. բանակային տարվա արդյունքները: ԼՂՀ ՊՆ մամուլի ծառայության փոխանցմամբ` ռազմական խորհդի նիստին ներկա են եղել հանրապետության զինված ուժերի գերագույն գլխավոր հրամանատար Բակո Սահակյանը, հայկական երկու հանրապետությունների ռազմական համագործակցության և գործողությունների համադրման ծրագրի շրջանակում Արցախում գտնվող ՀՀ պաշտպանության նախարար Սեյրան Օհանյանը, Զինված ուժերի գլխավոր շտաբի պետ, գեներալ-գնդապետ Յուրի Խաչատուրովը, հանրապետության ուժային կառույցների ղեկավարները, բանակի, միավորումների և զորամասերի հրամկազմը, զինկոմիսարիատների և ռազմաիրավապահ մարմինների ներկայացուցիչներ: Բանակի հրամանատարի ներածական խոսքից և աշխատակարգի հրապարակումից հետո, 2015թ. մարտական և զորահավաքային պատրաստականության, օպերատիվ և շտաբների պատրաստության, զորքերի ծառայության արդյունքների շուրջ հաշվետու զեկույցով հանդես է եկել ՊԲ հրամանատարի 1-ին տեղակալ-շտաբի պետ, գեներալ-մայոր Կամո Վարդանյանը, ով անդրադարձել է նշված ոլորտներում արձանագրված ինչպես դրական ցուցանիշներին, այնպես էլ այն ուղղություններին, որոնք պահանջում են հետագա՝ առավել համակարգված և նպատակային աշխատանքներ: Զեկույցներ են հնչել նաև ՊԲ մարտական, կրտսեր հրամանատարների և մասնագետների պատրաստության համալիր միջոցառումների, մարտական դիրքերի բարելավման և պլանային ինժեներական աշխատանքների, զինվորական կարգապահության վիճակի և դաստիարակչական աշխատանքի արդյունքների վերաբերյալ: Այնուհետև հրապարակվել է ՊԲ հրամանատարի հրամանը՝ 2015թ. ուսումնական տարվա արդյունքների մասին, համաձայն որի` նշված ժամանակահատվածում լավագույնը ճանաչված զորամասերի, ստորաբաժանումների հրամանատարներին, բաժինների և ծառայությունների պետերին հանձնվել են արձանագրված արդյունքների մասին վկայող փոխանցիկ պատվոդրոշներ: Ծառայողական պարտականությունների կատարման մեջ առավել աչքի ընկած զինծառայողները արժանացել են շնորհակալության, պարգևատրվել արժեքավոր նվերներով և դրամական պարգևներով: Ռազմական համագործակցության և գործողությունների համադրման ծրագրային գործընթացների իրականացման գործում աչքի ընկած զինծառայողներին պարգևատրել են նաև ՀՀ պաշտպանության նախարար Սեյրան Օհանյանն ու ԶՈւ գլխավոր շտաբի պետ Յուրի Խաչատուրովը: ՀՀ պաշտպանության նախարարը խորհրդանշական հուշանվեր է հանձնել նաև Արցախի իր պաշտոնակից Լևոն Մնացականյանին: Վերջում ՊԲ հրամանատարը հանդես է եկել ամփոփիչ խոսքով և ներկաների ուշադրությունը հրավիրել 2016թ. կարևորագույն խնդիրների վրա՝ մասնավորապես շեշտը դնելով ուսուցման ու իրականացվող առաջադրանքների փոխկապակցվածության, նախորդ տարվա արդյունքներից համապատասխան հետևություններ կատարելու, կազմակերպվելիք գործընթացներն ու միջոցառումներն առավել հասցեական և նպատակային կերպով կյանքի կոչելու հարցերին:

Կարդալ ավելին 01-16-2016

Ադրբեջանն Արցախի ուղղությամբ դիվերսիայի փորձ է կատարել
Ադրբեջանն Արցախի ուղղությամբ դիվերսիայի փորձ է կատարել

Հունվարի 14-ին և լույս 15-ի գիշերը ղարաբաղա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից ու ՀԱՆ-17 և ՌՊԳ-7 տիպի նռնականետերից հայ դիրքապահների ուղղությամբ արձակել է շուրջ 600 կրակոց: ԼՂՀ ՊՆ մամուլի ծառայության փոխանցմամբ՝ բացի վերոնշյալից, հունվարի 14-ին՝ ժամը 21:30-ի սահմաններում, ադրբեջանական բանակի հատուկ նշանակության ուժերը շփման գծի արևելյան ուղղությամբ ձեռնարկել են դիվերսիոն հետախուզական փորձ: ՊԲ առաջապահ ստորաբաժանումները ժամանակին հավաստանշել են հակառակորդի դիվերսիոն խմբի առաջխաղացումը և ձեռնարկել համապատասխան կանխարգելիչ միջոցառումներ: Արդյունքում սպանվել է առնվազն հակառակորդի երկու զինծառայող, խմբի մնացած անդամները դիմել են փախուստի: Արձանագրված փոխհրաձգության ընթացքում պաշտպանության բանակը կորուստներ չի ունեցել: ՊԲ առաջապահ զորամասերը շարունակում են տիրապետել օպերատիվ իրադրությանը և վստահորեն իրականացնել իրենց առջև դրված մարտական խնդիրը:

Կարդալ ավելին 01-16-2016

Թալիշի ուղղությամբ ԵԱՀԿ դիտարկումն անցել է առանց միջադեպերի
Թալիշի ուղղությամբ ԵԱՀԿ դիտարկումն անցել է առանց միջադեպերի

Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն, հունվարի 14-ին ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացրել ԼՂՀ Մարտակերտի շրջանի Թալիշ գյուղի արևելյան ուղղությամբ: ԼՂՀ արտգործնախարարության տեղեկատվական վարչության փոխանցմամբ՝ ԼՂՀ պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնականներ Խրիստո Խրիստովը (Բուլղարիա) և Իրժի Աբերլեն (Չեխիա)։ Շփման գծի հակառակ կողմից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնական Եվգենի Շարովը (Ուկրաինա) և ԳՆԱՆ անձնական օգնական Սայմոն Թիլերը (Մեծ Բրիտանիա): Դիտարկումն անցել է ըստ նախատեսված ժամանակացույցի, կրակի դադարեցման ռեժիմի խախտումներ չեն արձանագրվել: Դիտարկման առաքելությանը ղարաբաղյան կողմից ուղեկցել են ԼՂՀ արտաքին գործերի նախարարության և պաշտպանության նախարարության ներկայացուցիչները:

Կարդալ ավելին 01-14-2016

Սպիտակ տունը պետք է պատասխանի Արցախի վերաբերյալ տասը հիմնական հարցերի. Հարութ Սասունյան
Սպիտակ տունը պետք է պատասխանի Արցախի վերաբերյալ տասը հիմնական հարցերի. Հարութ Սասունյան

Երկար տարիներ ի վեր ամերիկահայ համայնքը դժգոհ է Արցախի վերաբերյալ Միացյալ Նահանգների քաղաքականությունից: Այս մասին իր հոդվածում գրում է «Կալիֆորնիա Կուրիեր» թերթի հրատարակիչ եւ խմբագիր Հարութ Սասունյանը՝ հավելելով, որ Սպիտակ տունը պետք է պատասխանի Արցախի վերաբերյալ տասը հիմնական հարցերի, փոխանցում է NEWS.am-ը: Նա, մասնավորապես, գրում է. «Ամեն անգամ, երբ Ադրբեջանը կրակ է բացել Հայաստանի եւ Արցախի վրա, ԵԱՀԿ Մինսկի խմբի համանախագահ Ջեյմս Ուորլիքը եւ նրա նախորդները, թաքնվելով չեզոքության քողի տակ, մեղքը բարդել են հակամարտության երկու կողմերի վրա: Նման անարդար մոտեցումը խրախուսել է Ալիեւին ավելի սաստկացնելու իր հարձակումները: Նման արյունալի հարձակումները վերացնելու կամ գոնե նվազագույնի հասցնելու համար, Կոնգրեսի 85 անդամներ վերջերս համատեղ նամակ ստորագրեցին, կոչ անելով Օբամայի վարչակազմին իրականացնել հետեւյալ երեք քայլերը երկու երկրների միջեւ սահմանի վերաբերյալ. նախ՝ դուրս բերել դիպուկահարներին, երկրորդ՝ ավելացնել միջազգային մոնիտորների թիվը, եւ երրորդ՝ տեղադրել կրակոցների ուղղությունը ճշտող սարքավորումներ: Զարմանալի չէ, որ Ադրբեջանը մերժել է բոլոր երեք առաջարկները, իսկ Հայաստանը, Արցախը եւ Մինսկի խմբի միջնորդները (Ֆրանսիա, Ռուսաստան եւ Միացյալ Նահանգներ) ընդունել են դրանք: ԱՄՆ Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսն անցյալ շաբաթ դռնփակ ճեպազրույց ունեցավ դեսպան Ուորլիքի հետ, իր եւ կոնգրեսական Էլիոթ Էնգելի կողմից նախաձեռնած առաջարկների իրականացման կապակցությամբ: Մինչեւ այդ դռնփակ հանդիպման կայացումը, Ամերիկայի Հայ Դատի հանձնախումբը տարածել էր տասը հարցեր դեսպան Ուորլիքի համար: Քանի որ հայտնի չէ՝ այդ հարցերը բարձրացվել են կոնգրեսական ճեպազրույցի ընթացքում, թե ոչ, ապա պետք է խնդրել Օբամայի վարչակազմին հրապարակավ արձագանքել այդ տասը հարցերին, որպեսզի բոլորը տեղյակ լինեն Արցախյան հակամարտության վերաբերյալ նրա դիրքորոշմանը: Պաշտոնական պատասխանի ստացումն ապահովելու համար ես առաջարկում եմ այս հարցերը տեղադրել Սպիտակ տան կայքէջի «Առաջարկություններ» բաժնում: Կայքում նշված է, որ Օբամայի վարչակազմը 60 օրվա ընթացքում հանդես կգա պաշտոնական պատասխանով ցանկացած առաջարկության վերաբերյալ, որը տեղադրվելուց հետո 30 օրվա ընթացքում կհավաքի 100 հազարից ավելի ստորագրություն,: Ադրբեջանցիներն արդեն օգտվել են այս բացառիկ հնարավորությունից՝ Սպիտակ տան կայքում տեղադրելով երկու հակահայկական առաջարկության, որոնք համապատասխանաբար հավաքել են 105686 եւ 126828 ստորագրություն: Ինչպես եւ սպասվում էր, Սպիտակ տունը հանդես է եկել հայտարարությամբ ի պատասխան ադրբեջանական երկու առաջարկությունների: Ստորեւ ներկայացված են Ամերիկայի Հայ Դատի հանձնախմբի տասը հարցերը, որոնք որպես առաջարկություն պետք է տեղադրել Սպիտակ տան կայքէջում. 1) Ի՞նչ հատուկ քայլեր է ձեռնարկել (եթե այդպիսիք կան) Միացյալ Նահանգների կառավարությունը, ապահովելու համար Ռոյս-Էնգելի խաղաղության հաստատմանն ուղղված առաջարկները, մասնավորապես դիպուկահարների չտեղակայման, դիտորդների ավելացման եւ շփման գծի երկայնքով կրակոցների ուղղությունը ճշտող համակարգերի տեղադրման վերաբերյալ համաձայնության գալու առնչությամբ: 2) ԱՄՆ Պետդեպարտամենտը շատ համարձակ եւ բացահայտ էր, թե իր կարծիքով, հայկական կողմը ինչ զիջումների պետք է գնա: Արդյոք ԱՄՆ կառավարությունը պատրա՞ստ է այս հանրային դիվանագիտությանը համապատասխան նույնքան բացահայտ եւ հստակ պահանջներ ներկայացնել Ադրբեջանին: 3) Որո՞նք են այն հատուկ փաստերը, իրավական փաստարկները եւ քաղաքական նկատառումները, որոնք հանգեցրել են մեր կառավարության կողմից Կոսովոյի, սակայն ոչ Լեռնային Ղարաբաղի, պաշտոնական ճանաչմանը: 4) Արդյոք Ադրբեջանի կառավարության ներքին հալածանքների եւ կոռուպցիայի մասին տվյալները որեւէ կերպ ազդո՞ւմ են, թե ինչպես է մեր կառավարությունը նայում Ադրբեջանի ձգտմանը՝ տարածելու իր իշխանությունը Լեռնային Ղարաբաղի վրա: 5) Ինչո՞ւ Ադրբեջանի կողմից Ջուղայի միջնադարյան հայկական գերեզմանատան լիովին փաստագրված (եւ տեսանկարահանված) ոչնչացումը այդպես էլ երբեք չնշվեց Պետդեպարտամենտի Մարդու իրավունքների կամ կրոնական ազատության մասին զեկույցներում: 6) Ո՞րն է ԱՄՆ կառավարության ներկայիս պահանջը (եթե այդպիսին կա) ազատ արձակված եւ մինչ օրս չզղջացող կացնահարող մարդասպան Ռամիլ Սաֆարովին կրկին բանտարկելու վերաբերյալ: 7) Ո՞րն է ԱՄՆ քաղաքականությունը Ադրբեջանի կառավարության կողմից ԱՄՆ-ի հայկական ծագում ունեցող քաղաքացիների ճանապարհորդական սահմանափակումների վերաբերյալ: 8) Ինչպիսի՞ն է ԱՄՆ քաղաքականությունը ՆԱՏՕ-ի անդամ երկրների, հատկապես Թուրքիայի նկատմամբ, որը արդի հարձակողական զենքեր է վաճառում կամ փոխանցում Ադրբեջանին: 9) Ի՞նչ հատուկ սահմանափակումներ գոյություն ունեն ճանապարհորդության եւ կապի առնչությամբ Միացյալ Նահանգների քաղաքացիների եւ պաշտոնատար անձանց եւ Լեռնային Ղարաբաղի միջեւ: Ի՞նչ հիմնավորումներ կան այս ազատությունների որեւէ սահմանափակման համար: Որո՞նք են նման սահմանափակումների (եթե այդպիսիք կան) թվացյալ օգուտները: 10) Ձեր կարծիքով, ի՞նչ օգուտներ են հետապնդվում (եթե այդպիսիք կան) ԱՄՆ պաշտոնական հանրահայտ զսպվածությամբ՝ Ադրբեջանի բացահայտ հակահայկական սադրանքները, սպառնալիքները եւ միջսահմանային հարձակումները վիճարկելիս: Կարծում եմ, որ լայն հնչեղություն ստացած առաջարկությունը կարող է 100 հազարից շատ ավելի ստորագրություն հավաքել Սպիտակ տան կայքում տեղադրման օրվանից 30 օրվա ընթացքում, հատկապես, եթե նշանավոր անձանց բազմաթիվ հետեւորդները նեցուկ կանգնեն այս առաջարկությանը:

Կարդալ ավելին 01-13-2016

Համանախագահները պլանավորում են ակտիվացնել նախագահների միջև երկխոսությունը. Ջեյմս Ուորլիք
Համանախագահները պլանավորում են ակտիվացնել նախագահների միջև երկխոսությունը. Ջեյմս Ուորլիք

ԵԱՀԿ Մինսկի խմբի համանախագահները 2016 թվականին պլանավորում են ակտիվացնել Հայաստանի ու Ադրբեջանի նախագահների միջև երկխոսությունը: Այս մասին APA-ին հայտնել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը: Ջեյմս Ուորլիքի խոսքով՝ միևնույն ժամանակ, համանախագահները կշարունակեն աշխատել Հայաստանի ու Ադրբեջանի արտգործնախարարների հետ: «Մենք կշարունակենք աշխատել արտգործնախարարների հետ բանակցային գործընթացը շարունակելու ուղղությամբ, նվազեցնելու համար շփման գծում ու միջազգային սահմանի երկայնքով լարվածության ռիսկը, ինչպես նաև խթանելու երկխոսությունը Լեռնային Ղարաբաղի համայնքների միջև»,- ասել է ԵԱՀԿ Մինսկի խմբի ամերիկացի համանախագահը:

Կարդալ ավելին 01-13-2016

ԱՄՆ կոնգրեսականը շարունակում է Ղարաբաղում խաղաղության հաստատմանն ուղղված ջանքերը
ԱՄՆ կոնգրեսականը շարունակում է Ղարաբաղում խաղաղության հաստատմանն ուղղված ջանքերը

Միացյալ Նահանգները փորձում է նվազեցնել լարվածությունը Ղարաբաղյան հակամարտության շրջանում: Այս մասին հայտարարել է Կոնգրեսի Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսը՝ ելույթ ունենալով Ամերիկյան ձեռնարկատիրության հաստատության կողմից կազմակերպված քննարկման ընթացքում: Նախորդ շաբաթ կոնգրեսական Ռոյսի նախաձեռնությամբ Արտաքին հարաբերությունների հանձնաժողովը Լեռնային Ղարաբաղի խնդրի կարգավորմանը նվիրված դռնփակ քննարկում էր կազմակերպել՝ ԵԱՀԿ-ի Մինսկի խմբի ԱՄՆ-ի համանախագահ Ջեյմս Ուորլիքի մասնակցությամբ: Հիշեցնենք, որ ավելի վաղ Էդ Ռոյսը եւ հանձնաժողովի դեմոկրատական փոխնախագահ Էլիոթ Էնգելը Պետքարտուղարություն նամակ էր հղեշ ղարաբաղյան խնդրի կարգավորման վերաբերյալ, որին միացել էր 85 կոնգրեսական: «Էլիոթ Էնգելն ու ես փորձում ենք «իջեցնել ջերմաստիճանն» այս տարածաշրջանում», - նշել է Ռոյսը: Կոնգրեսականի խոսքով, խաղաղության ապահովման եւ բռնություններին վերջ տալու համար անհրաժեշտ է հայ-ադրբեջանական սահմանում եւ ղարաբաղյան շփման գծում տեղադրել կրակոցների ուղղությունը որսացող սարքեր, միջազգային դիտորդներ կցել եւ պահանջել բոլոր կողմերից դիպուկահարներին հետ քաշել սահմանից եւ շփման գծից: «Եթե այդ երեք պահանջներն իրագործվեն, ապա, անկախ փորձագետների եւ Պենտագոնի կարծիքով դա կբերի շատ ավելի ապահով իրավիճակի: Այնպես որ, մենք առաջ ենք քաշում այս երեք պահանջները», - նշել է Էդ Ռոյսը: Հիշեցնենք, Միացյալ Նահանգների Պետքարտուղարությունը վերջերս հայտարարություն էր հրապարակել, որում ընդգծում էր ԱՄՆ-ի հավատարմությունը հակամարտության խաղաղ կարգավորմանը: Որպես խաղաղության հաստատման հնարավոր միջոց, Միացյալ Նահանգներն առաջարկում է ընդլայնել ժողովուրդների միջեւ երկխոսությունը: Ինչպես նշել է Պետքարտուղարի օգնական Ջոն Քըրբին, հայերն ու ադրբեջանցիները միմյանց կողքի են ապրել սերունդներով, եւ խաղաղության հասնելու համար նրանց անհրաժեշտ է կրկին անգամ սովորել վստահել միմյանց:

Կարդալ ավելին 01-13-2016

ԵԱՀԿ-ն դիտարկում կանցկացնի Թալիշ գյուղի ուղղությամբ
ԵԱՀԿ-ն դիտարկում կանցկացնի Թալիշ գյուղի ուղղությամբ

Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` հունվարի 14-ին ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացնելու ԼՂՀ Մարտակերտի շրջանի Թալիշ գյուղի արևելյան ուղղությամբ: ԼՂՀ արտգործնախարարության տեղեկատվական վարչության փոխանցմամբ՝ ԼՂՀ պաշտպանության բանակի դիրքերից դիտարկումն իրականացնելու են ԵԱՀԿ գործող նախագահի անձնական ներկայացուցչի դաշտային օգնականներ Խրիստո Խրիստովը (Բուլղարիա) և Իրժի Աբերլեն (Չեխիա)։ ԼՂՀ իշխանությունները պատրաստակամություն են հայտնել աջակցել դիտարկման անցկացմանը և ապահովել ԵԱՀԿ առաքելության անդամների անվտանգությունը:

Կարդալ ավելին 01-13-2016

Հայ-ռուսական հարաբերությունների հակառակորդները վնասում են Հայաստանի շահերին. փորձագետ
Հայ-ռուսական հարաբերությունների հակառակորդները վնասում են Հայաստանի շահերին. փորձագետ

Հայաստանում Ռուսաստանի ընկալումը չի վատացել: NEWS.am –ի թղթակցի հետ զրույցում նման տեսակետ է հայտնել Մոսկվայի միջազգային հարաբերությունների պետական ինստիտուտի ռազմաքաղաքական հետազոտությունների առաջատար փորձագետ, քաղաքական գիտոիթյունների դոկտոր Միխայիլ Ալեքսանդրովը: Պատասխանելով Հայաստանի հասարակությունում ու լրատվամիջոցներում որոշ հակառուսական միտումների մասին հարցին՝ փորձագետը նկատեց, որ տարբեր աղբյուրներից տեղեկություններ է ստանում Հայաստանի մասին: «Հարաբերությունների սկզբունքային վատացում չեմ նկատում: Այն փաստը, որ հայերի ճնշող մեծամասնությունը կողմ է արտահայտվել ԵՏՄ-ին անդամակցելուն, հաստատում է իմ խոսքերը: Բայց ճիշտ է նաեւ այն, որ վերջին ժամանակներս Երեւանում՝ մանավանդ մամուլում, ակտիվ հակառուսական քարոզչություն է իրականացվում՝ ռուս- հայկական հարաբերությունները վարկաբեկելու նպատակով: Բայց որպես կանոն դա անում ե ն այն մարդիկ, որոնք կապված են արեւմուտքից ֆինանսավորվող զանազան ՈԿԿ –երի հետ: Նրանք նման տեսակետներ են տարածում, ըստ էության տեղեկատվական պատերազմ են վարում՝ շահարկելով երկկողմանի հարաբերություններում զանազան բարդությունները »,- նշեց փորձագետը: Որպես օրինակ նա հիշեցրեց այն իրավիճակը, որը ստեղծվել էր Գյումրիում ռուս զինվորի կողմից հայ ընտանիքի սպանությունից հետո: «Բանն այն է, որ տեղեկատվական պատերազմ է ընթանում, այն առաջին հերթին Ռուսաստանի, նաեւ նրա դաշնակիցների դեմ է: Եթե Ռուսաստանի ու Հայաստանի կապը խզվի, Հայաստանը մենակ կմնա, ու թշնամիները արագ կխեղդեն նրան: Այնպես որ սա միայն Ռուսաստանի դեմ չէ: Սա հենց Հայաստանի դեմ է: Ո՛չ Լոնդոնը, ո՛չ Փարիզը, ո՛չ էլ Վաշինգթոնը չեն պաշտպանի նրան: Այդ մարդիկ, որոնք աշխատում են արեւմտյան փողերով, ըստ էության սեփական երկրին են վնասում: Սակայն ես չեմ կարծում, թե հայերը կտրվեն այդ սադրանքներին: Հայաստանում մայդան կազմակերպելու փորձերը պարբերաբար ձախողվում են: Ամենայն հավանականությամբ այդ մտահղացումից ոչինչ չի ստացվի: Այդուհանդերձ, պետք է շատ զգոն լինել: Հույս ունեմ, որ հայկական հայրենասիրական հասարակայնությունը նրանց արժանի պատասխան կտա»,- ամփոփեց Միխայիլ Ալեքսանդրովը:

Կարդալ ավելին 01-10-2016

Ադրբեջանը պատրաստ չէ նույնիսկ փոխվստահության ձևավորման նվազագույն քայլերին. ԼՂՀ վարչապետ
Ադրբեջանը պատրաստ չէ նույնիսկ փոխվստահության ձևավորման նվազագույն քայլերին. ԼՂՀ վարչապետ

Արցախի Հանրապետության վարչապետ Արայիկ Հարությունյանը Tert.am-ի հետ զրույցում ամփոփելով 2015 թվականը, նշեց, որ տնտեսական ճակատում Արցախի Հանրապետությունը գրանցեց շոշափելի հաջողություն՝ ՀՆԱ-ի շուրջ 9 տոկոս աճ, հավելելով նաև, որ այս տարի հիմնական շեշտը դրվելու է տնտեսական զարգացման ծրագրերի խթանման միջոցով բնակչության կենսամակարդակը բարձրացնելու վրա: Ինչ վերաբերում է ԼՂ խնդրի կարգավորմանը, վարչապետն ասաց, որ հայկական կողմերը հնարավորինս անում են բանակցություններում առաջընթաց գրանցելու համար, սակայն Բաքվի ռազմաշունչ և ֆաշիստական վարքը գլխավոր խոչընդոտն է հիմնախնդրի լուծման ջանքերի արդյունավետության ճանապարհին: -Պարո՛ն Հարությունյան, ամփոփելով 2015 թվականը, կարող ենք ասել, որ այն ավելի շատ ձեռքբերումների՞, թե՞ բացթողումների տարի էր: -Ձեռքբերումներն ու բացթողումները երբեմն հարաբերական են լինում: Եթե սահմանին մեր մարդկային կորուստները դնենք նժարին, ապա ոչ մի ձեռքբերում չի կարող համեմատվել դրանց հետ: Այնուամենայնիվ, հենց այդ կորուստներն ապահովեցին մեր գլխավոր ձեռքբերումը՝ խաղաղությունը: Հակառակորդի ուժգնացող ագրեսիայի համատեքստում հայոց հայրենիքի երկինքն ու բնակավայրերը մնացին խաղաղ, և կարողացանք կերտել ու արարել, հարթել հայոց աշխարհի զարգացման ամենօրյա և հավերժընթաց արահետը: Հատկանշական է, որ օրեցօր բարելավում ենք սահմանների պաշտպանունակությունը՝ ավելի ու ավելի ամրացնելով մեր երեխաների խաղաղ մանկության իրական երաշխիքները: Տնտեսական ճակատում Արցախի Հանրապետությունը գրանցեց շոշափելի հաջողություն՝ ՀՆԱ-ի շուրջ 9 տոկոս աճ, որը վերջնականորեն կհստակեցվի վիճակագրական ծառայության կողմից առաջիկա ամիսներին: Ֆինանսական տարին այդքան էլ հեշտ չէր, քանի որ շեմը բավականին բարձր էինք դրել նախորդ տարի, ինչպես նաև մեզ վրա զգալիորեն կրեցինք արտաքին շուկաների ցնցումների բացասական ազդեցությունը: Այդուհանդերձ, ՀՆԱ-ի աճը և՛ ուղղակիորեն, և՛ անուղղակիորեն դրական ազդեցություն է թողնում բնակչության կենսամակարդակի բարելավման վրա՝ չհաշված 2015 թվականի պետբյուջեում ավելացված սոցիալական նշանակալի ծախսերը: -Մինչ Հայաստանի՝ ԵՏՄ-ին անդամակցելը կանխատեսվում էր, որ այն նոր խթան է լինելու նաև արցախյան արտադրության ապրանքների արտահանման համար: Արդյո՞ք տարին նպաստավոր էր այդ տեսանկյունից, և իսկապե՞ս ՀՀ-ի՝ ԵՏՄ-անդամակցումը տվել է սպասելի արդյունքները: -Անդամակցումն ինքնին որոշակի խթան էր արտահանման համար, և, կարծում եմ, նաև ԵՏՄ երկրների հետ գործող մաքսային նախկին ռեժիմի փոփոխությունն է հանգեցրել արտահանման ծավալների աճին 2015 թվականին, մանավանդ որ արցախյան արտահանվող ապրանքների գլխավոր շուկան Ռուսաստանն է: Այնուամենայնիվ, մի շարք հանգամանքներով պայմանավորված՝ ժամանակ է անհրաժեշտ ԵՏՄ մեկնարկից հետո շոշափելի արդյունքներ նկատելու համար: Առաջին՝ միության պաշտոնական ստեղծումը հայտարարվում է մեկ պահի, իսկ նախատեսված կանոնակարգերը և մաքսերի փոփոխություններն ուժի և գործածության մեջ են մտնում տարիների ընթացքում: Հետևաբար, նմանատիպ մասշտաբային կառույցների կայացումը երկարատև գործընթաց է: Երկրորդ՝ Ռուսաստանում և որոշ չափով միջազգային շուկաներում ֆինանսա-տնտեսական անկայունություններն ու անորոշությունները բացասականորեն են ազդել արտահանման նախատեսված ծավալների ապահովման վրա՝ ստիպելով գործարարներին սպասման վարք դրսևորել, իսկ Ռուսաստանին՝ ուշադրությունը ԵՏՄ-ից շեղել դեպի սեփական ֆինանսական խնդիրները: Երրորդ՝ Նոր պայմանների ի հայտ գալը սովորաբար աստիճանաբար է փոփոխում արտադրության և շուկայի կառուցվածքն ու ծավալները, քանի որ արտադրողին և սպառողին անհրաժեշտ է որոշակի ժամանակ նոր պայմաններին հարմարվելու, ինչպես նաև արտահանման նոր ոլորտներ, մեխանիզմներ ու շուկաներ որոնելու և ստեղծելու համար: Ուստի, փաստելով, որ նախորդ տարվա ընթացքում ԵՏՄ-ն որոշ նախադրյալներ է ստեղծել արտահանման ծավալների մեծացման համար՝ այնուամենայնիվ, պետք է արձանագրել, որ մի շարք սուբյեկտիվ և օբյեկտիվ պատճառներ դանդաղեցնում են ակնկալվող դրական արդյունքների ստացումը: Հուսանք՝ առաջիկայում հնարավորություն կունենանք ավելի նշանակալի պտուղներ քաղել ՀՀ-ի՝ ԵՏՄ անդամակցությունից: -Հաշվի առնելով ներքին և արտաքին ռիսկերը, ի՞նչ ծրագրեր են իրականացվելու 2016 թվականին տնտեսական աճ ապահովելու համար: -Ինչպես նախորդ տարիներին, այս տարի ևս շարունակելու ենք սեփական տնտեսության ներուժին հնարավորինս ապավինել, որպեսզի ի վիճակի լինենք բարձր ինքնաբավության ու անկախության պայմաններում ապահովել նախատեսված տնտեսական աճը: Օրեր առաջ պաշտոնապես բացվեց Կաշենի պղնձի հանքի հարստացուցիչ ֆաբրիկան, որը խոշոր ծրագիր է Արցախի տնտեսության համար: Գրեթե 140 մլն դոլար գումար է ներդրվել գործարանի կառուցման համար, որտեղ կառավարությունն իր գործուն մասնակցությունն ունի: Արդյունքում տասնամյակներ շարունակ այդ համալիրն ապահովելու է հազարավոր աշխատատեղեր և հարկային զգալի մուտքեր: Այս տարի խոշոր նախագծեր ունենք հիդրոէներգետիկայի բնագավառում: 7 տարում 13 փոքր ՀԷԿ կառուցելուց և բարձր արդյունավետություն ապահովելուց հետո՝ աստիճանաբար անցում ենք կատարում հիդրոէներգետիկայի ավելի մասշտաբային ծրագրերի՝ ընդգրկելով նոր գետեր և շրջաններ: Արդյունքում նկատելի արագությամբ աճում է Արցախի էլեկտրաէներգետիկ ինքնաբավության աստիճանը: Եթե ժամանակին մենք էինք համոզում օտարերկրյա ներդրողներին այդ բնագավառում ծրագրեր իրականացնել՝ տալով համապատասխան երաշխիքներ, ապա այժմ նրանք, համոզվելով հիդրոէներգետիկայի հեռանկարային ապագայի հարցում, պատրաստ են բազմապատիկ միջոցներ ներդնել ոլորտում: Տարվա ընթացքում կմեկնարկի նաև «Էկո գյուղ»-ի շինարարությունը, որն իրագործում է Ռուբեն Վարդանյանը՝ ներդնելով տասնյակ միլիոնավոր դոլարներ: Սա լրացուցիչ խթան է լինելու հատկապես զբոսաշրջության զարգացման համար՝ տնտեսական աճի նոր հնարավորություններ ստեղծելով առաջիկա տարիներին: Ուշագրավ է նաև 2016 թվականի նորամուծությունը տնտեսության մեջ. առաջին անգամ այս տարի կառավարությունը 3 ամսով բոլոր հարկերից ազատում է նոր գրանցված ընկերություններին, ինչը խթան է լինելու ՓՄՁ զարգացման համար: Մի շարք այլ նախագծեր էլ ենք իրագործում տարբեր ոլորտներում, որոնց մի մասը կյանքի է կոչվելու ընթացիկ տարում, մնացածը՝ ժամանակի ընթացքում: - 2016 թվականի բյուջեն արդյո՞ք բավարար է արցախցու սոցիալական խնդիրները լուծելու համար: -Սոցիալական խնդիրները լուծելու համար ոչ մի երկրի բյուջե բավարար չէ, քանի որ մարդու մոտ միշտ ակնկալիքներն ավելին են լինում, քան առկա միջոցները: Հետևաբար, Արցախի Հանրապետության պետբյուջեն նույնպես բավարար չէ, առավել ևս, որ մեր պետությունը զարգացման ճանապարհին է և դեռ երկար ուղի ունի անցնելու բնակչության բարեկեցության անհրաժեշտ մակարդակն ապահովելու գործում: Մյուս կողմից, պետք է փաստել, որ, հաշվի առնելով Արցախի սոցիալական առանձնահատկությունները, մենք հնարավորինս մեծ ուշադրություն ենք դարձնում սոցիալական ոլորտին, ինչի ապացույցն է պետբյուջեի շուրջ 65 տոկոս սոցիալական նշանակության ծախսային մասը (ներառյալ սոցվճարներ և աշխատավարձեր): Ինչ վերաբերում է այս տարվա սոցիալական ծախսերին, ապա պահպանելու ենք նախորդ տարվա ծավալները՝ հիմնական շեշտը դնելով տնտեսական զարգացման ծրագրերի խթանման միջոցով բնակչության կենսամակարդակը բարձրացնելու վրա: -ԼՂ խնդրի կարգավորմանն ուղղված ի՞նչ ջանքեր են գործադրվում: -Ղարաբաղյան հիմնախնդրի լուծմանը միտված ամենակարևոր ջանքերն ուղված են Արցախի տնտեսական զարգացմանը, սահմանների պաշտպանունակության բարձրացմանը և ժողովրդագրական աճին, քանի որ միայն այդ ուղով կարող ենք քաղաքական ճակատում ևս հաջողություններ արձանագրել և կանխատեսելի արժանապատիվ ապագա երաշխավորել Արցախի բնակչության համար: Ինչ վերաբերում է ուղիղ ջանքերին, ապա հայկական կողմերը հնարավորինս անում են բանակցություններում առաջընթաց գրանցելու համար, սակայն Բաքվի ռազմաշունչ և ֆաշիստական վարքը գլխավոր խոչընդոտն է հիմնախնդրի լուծման ջանքերի արդյունավետության ճանապարհին: Այս պահին պարտադիր պայման է կողմերի միջև փոխվստահության որոշակի մակարդակ ապահովել՝ այդ թվում ռազմական միջադեպերի կանխման ճանապարհով, այնուհետև մտածել ավելի մասշտաբային հաջողությունների գրանցման մասին: Ինչպես տեսնում ենք, Ադրբեջանը պատրաստ չէ նույնիսկ փոխվստահության ձևավորման նվազագույն քայլերին: -Արցախի ճանաչման, ինչպես նաև արտաքին քաղաքականության բնագավառում ի՞նչ հաջողություններ ենք գրանցել 2015 թվականի ընթացքում և ի՞նչ ակնկալիքներ ունենք 2016-ից: -Նախորդ տարում շարունակել ենք Արցախի Հանրապետության միջազգային ճանաչման և միջազգային կապերի հաստատման ու ամրապնդման ուղղությամբ ջանքերը: Հատկապես խորհրդարանական կապերի ամրապնդման հարցում արդեն ունենք զգալի ձեռքբերումներ, որոնք նախադրյալներ են ստեղծում հետագա ավելի խոշոր հաջողությունների համար: Արցախի մասին միջազգային իրազեկվածության բարձրացմանն ուղղված քայլերը նույնպես կարևոր են, որոնք անուղղակիորեն նպաստում են ԱՀ միջազգային ճանաչման գործին: Այս տարի շարունակելու ենք որդեգրած քաղաքականությունը՝ աշխատելով թե՛ քաղաքական, թե՛ տնտեսական և թե՛ տեղեկատվական ուղղություններով: Համոզված եմ, որ տարեվերջին առիթներ կունենանք նոր ձեռքբերումներից խոսելու:

Կարդալ ավելին 01-09-2016

Արցախում մեկնարկել է 2016 թվականի զորակոչը
Արցախում մեկնարկել է 2016 թվականի զորակոչը

Այսօր բանակի կենտրոնական հավաքակետում կազմակերպվել է հանդիսավոր միջոցառում` նվիրված 2016թ. զորակոչի առաջին խմբաքանակի ընդունմանը: ԼՂՀ ՊՆ մամուլի ծառայության փոխանցմամբ՝ իրենց սահմանադրական պարտքը կատարած զինվորներին փոխարինելու եկած երիտասարդներին հայրենյաց պաշտպաններ դառնալու կապացությամբ շնորհավորելու էին եկել բարձրաստիճան սպաներ` ԼՂՀ ՊՆ, ՊԲ հրամանատար, գեներալ-լեյտենանտ Լևոն Մնացականյանի գլխավորությամբ, արցախյան գոյամարտի վետերաններ, հայ առաքելական եկեղեցու և հասարակական կազմակերպությունների ներկայացուցիչներ: Բանակի հրամանատարը նախ` շնորհավորել է նորակոչիկներին հանրապետության զինված ուժերի շարքերը համալրելու առթիվ, այնուհետև վերջիններիս տվել ծառայության ճիշտ և արդյունավետ կազմակերպման համար անհրաժեշտ ցուցումներ: Հանդիսավոր միտինգի ավարտին անցկացված վիճակահանության արդյունքներով՝ նորակոչիկներն ընտրել են իրենց հետագա ծառայության վայրը:

Կարդալ ավելին 01-09-2016

Էդ Ռոյսը նախագահ Օբամային կոչ է արել արագացնել Լեռնային Ղարաբաղում Ռոյս-Էնգելի առաջարկների իրագործումը
Էդ Ռոյսը նախագահ Օբամային կոչ է արել արագացնել Լեռնային Ղարաբաղում Ռոյս-Էնգելի առաջարկների իրագործումը

ԱՄՆ Կոնգրեսի արտաքին հարցերով կոմիտեի նախագահ Էդ Ռոյսը (հանրապետական, Կալիֆոռնիա նահանգից) նախագահ Բարաք Օբամայի վարչակազմին կոչ է արել արագացնել Լեռնային Ղարաբաղում խաղաղությանն առնչվող Ռոյս-Էնգելի առաջարկների իրագործումը։ Կոչը հնչեցվել է ԵԱՀԿ Մինսկի խմբի ամերիկացի համանախագահ Ջեյմս Ուորլիքի հետ համատեղ ճեպազրույցում։ Այս մասին հայտնում է Asbarez-ը՝ հղում անելով Ամերիկայի Հայ դատի հանձնախմբին։ Դռնփակ ճեպազրույցում, որը կազմակերպվել էր կոմիտեի կողմից, ներկա են գտնվել Ներկայացուցիչների պալատի 10-ից ավելի անդամներ։ «Բռնությունը ԼՂ տարածաշրջանում վերջին տասնամյակների բարձրագույն կետում է։ Միայն անցած ամիս մենք լսել ենք ծանր սպառազինությամբ հարձակումների և հրետանային կրակի արձակման մասին, ինչը հրադադարի ռեժիմի ակնհայտ խախտում է։ Ինչպես ասել է դեսպան Ուորլիքը, դա «սառեցված հակամարտություն» չէ, այլ մոռացված հակամարտություն՝ վերահսկողությունից դուրս գալու իրական ռիսկով։ Ահա թե ինչու մենք ունենք բոլոր դիպուկահարներին հեռացնելու, ավելի շատ միջազգային դիտորդների տեղակայման և յուրաքանչյուր խախտման համար թափանցիկության ու հաշվետվողականության բարձրացման նպատակով կրակի արձակման լոկատոր-համակարգերի տեղակայման անհրաժեշտություն։ Ագրեսիայի դրսևորումները պետք է հստակ դատապարտվեն։ Որքան արագ վարչակազմը կարողանա օգնել այս ամենը տեղը դնելու հարցում, այնքան արագ կկարողանա վերջ տալ սպանություններին ու կանխել պատերազմը»,- ասվում է Ռոյսի հայտարարության մեջ։ Ռոյսը եզրափակել է ելույթը՝ նշելով. «Ես պահպանում եմ հույսս, որ մի օր Լեռնային Ղարաբաղի ժողովուրդը կկարողանա ապրել խաղաղությամբ՝ վայելելով անվտանգությունն ու ծաղկող առևտուրը տարածաշրջանի իր հարևանների հետ: Ես շնորհակալություն եմ հայտնում այստեղ ներկա նրանց, ովքեր հանձնառու են այդ խաղաղության ձեռք բերմանը և ներգրավված դրա իրագործմանը»։ ԱՄՆ Կոնգրեսի Ներկայացուցիչների պալատի արտաքին հարցերով հանձնաժողովը և ԵԱՀԿ Մինսկի խմբի ամերիկացի համանախագահ Ջեյմս Ուորլիքը քննարկել են ԼՂ հարցի կարգավորումը։ Այս մասին Ուորլիքը գրել է Twitter-ի իր միկրոբլոգում։ «Երախտապարտ եմ հանձնաժողովին և դրա նախագահ Էդ Ռոյսին ԼՂ հարցի կարգավորման շուրջ քննարկման համար։ Մենք պայմանավորվել ենք աշխատել միասին հակամարտության կարգավորման ուղղությամբ»,- գրել է Ուորլիքը։ Ինչպես երևում է, Միացյալ Նահանգները Ալիևի համար նոր անակնկալներ են պատրաստել` մեծ եռանդով և հետևողականությամբ Լեռնային Ղարաբաղի հարցի շուրջ Բաքվին նյարդայնացնող քննարկումներով ու կոչերով` ուղղված ԱՄՆ վարչակազմին: Բայց ամենում ամենահետաքրքրականն այն է, որ Վաշինգտոնի վերջին իրադարձություններին մասնակիցն է նաև ԵԱՀԿ Մինսկի խմբում ամերիկացի համանախագահ Ջեյմս Ուորլիքը, որին, ինչպես հայտնի է, արդեն տևական ժամանակ քննադատում են Բաքվում, համարելով` «հայերի շահերի պաշտպան»: Օրերս ադրբեջանական Trend լրատվական գործակալությանը տված հարցազրույցում ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել է, որ մեկամյա ընդմիջումից հետո 2015թ. դեկտեմբերի 19-ին Բեռնում տեղի ունեցած Հայաստանի ու Ադրբեջանի նախագահների հանդիպումը չափազանց կարևոր էր։ Նա հավելել է, որ չնայած չի հաջողվել բեկում գրանցել հանդիպման ժամանակ՝ համանախագահները ձգտելու են նախագահների հանդիպում կազմակերպել նաև նոր տարում. «Արդեն իսկ տեղի ունեցած հանդիպման ժամանակ կողմերը քննարկել են մի ամբողջ շարք հարցեր՝ ներառյալ շփման գծում հրադադարի ռեժիմի խախտումները, ինչպես նաև հակամարտության կարգավորման վերաբերյալ առաջարկները։ Համանախագահները շարունակելու են իրենց աշխատանքները երկու երկրների արտգործնախարարների հետ՝ հասնելու համար հակամարտության կարգավորման վերաբերյալ համաձայնագրին, բռնությունների առաջացման ռիսկերի կրճատման միջոցներին ու Լեռնային Ղարաբաղի համայնքների միջև երկխոսության հետագա առաջխաղացման ծրագրին»։

Կարդալ ավելին 01-07-2016

Եթե Բաքուն շարունակի ագրեսիվ ու ապակառուցողական վարք դրսևորել, Երևանը դարակից կհանի այլընտրանքը
Եթե Բաքուն շարունակի ագրեսիվ ու ապակառուցողական վարք դրսևորել, Երևանը դարակից կհանի այլընտրանքը

ԳԱԼԱ-ն ԼՂՀ վարչապետի մամուլի քարտուղար Արտակ Բեգլարյանի հետ զրուցել է Ադրբեջանի նախագահ Իլհամ Ալիևի՝ ամանորյա ուղերձում «Որևէ մեկը երբևիցե չի ճանաչի Լեռնային Ղարաբաղի անկախությունը» թույլ տված հայտարարության վերաբերյալ։ - Իլհամ Ալիևն ամանորյա ուղերձում հայտարարել էր, որ որևէ մեկը երբևիցե չի ճանաչի Լեռնային Ղարաբաղի անկախությունը։ Նա նաև ասել էր, որ Ադրբեջանը կփորձի վերականգնել իր տարածքային ամբողջականությունը: «Այդ նպատակով կկիրառվեն դիվանագիտական, քաղաքական, տնտեսական, նաև այլ միջոցներ»,- հայտարարել է Ալիևը: Ինչպե՞ս կգնահատեք Ադրբեջանի այսպիսի հռետորաբանությունը։ -Դա Ալիևի հերթական զառանցանքն էր՝ հիստերիկ նոպայի կամ առնվազն ջայլամային ինքնախաբեության ախտանիշներով: Այդպիսի հռետորաբանությունը նորություն չէ, սակայն, կարծես թե, նոր միտում կա, որ խանը նշում է, որ «փորձելու են վերականգնել տարածքային ամբողջականությունը», այնինչ տարիներ շարունակ դատարկ հոխորտում էր՝ հաստատակամ հայտարարելով, որ վերցնելու են Ղարաբաղը… Նրա այդ վարքը բնութագրվում է հայկական հետևյալ իմաստուն խոսքով. «Պառավը գիտուն չի լինում, գլխին եկածից է վախենում»: Նախորդ տարիների փորձից արդեն հասկացել է, որ չարժե խոստանալ և չանել, քանի որ իր հանդեպ անվստահություն և հիասթափություն է առաջացնում իր իսկ հանրության մոտ, իսկ արտաքին աշխարհում խեղկատակի տպավորություն է թողնում: Այդ պատճառով շեշտադրում է, որ «փորձելու» են… Ինչ վերաբերում է Արցախի Հանրապետության միջազգային ճանաչմանը, ապա նա կարող է քիչ թե շատ համոզված պնդել միայն Ադրբեջանի կողմից ճանաչման մասին, բայց նույնիսկ այդ պարագայում երբեք չպետք է մոռանալ «երբեք մի՛ ասա երբեք» իմաստուն խորհուրդը: Համոզված եմ՝ ոչ ուշ ապագայում այդ հարցում էլ են ի դերև ելնելու նրա հավաստիացումները: Խորհուրդ կտայի, որ փոխարենն իմանար իր խոսքի արժեքը և անհավանական բաներ չխոստանար ու չպնդեր՝ անկախ այն հանգամանքից, որ դրանք կարող են հնչել որպես ամանորյա երազանքներ: - Երբ Ալիևն ասում է, որ Ադրբեջանի տարածքային ամբողջականությունը վերականգնելու համար կկիրառվեն դիվանագիտական, քաղաքական, տնտեսական, նաև այլ միջոցներ, վերջինս, ըստ էության, այլ միջոցներ ասելով նկատի ունի ռազմականը, ինչքանո՞վ է այս հայտարարությունը տեղավորվում ԵԱՀԿ Մինսկի խմբի հարցը խաղաղ կարգավորելու սկզբունքի մեջ։ -Հակամարտությունը ռազմական միջոցներով լուծելը և դրանով սպառնալը, բնականաբար, չեն տեղավորվում ոչ միայն ԵԱՀԿ սկզբունքների, այլ նաև՝ Ադրբեջանի կողմից ստանձնած միջազգային պարտավորությունների շրջանակներում: Սակայն բոլորս էլ հասկանում ենք, որ դա էլ է հերթական ամանորյա երազանքների շարքից: Ադրբեջանի ներուժը բավարարում է միայն հոխորտալուն և սահմանային իրավիճակը տեղային լարվածության որոշակի մակարդակում պահելուն: -Փաստը, որ ՀՀ-ն մինչև օրս չի ճանաչել ԼՂ անկախությունը, անընդհատ շահարկման թեմա է։ Պե՞տք է արդյոք Հայաստանը վերանայի իր այս դիրքորոշումը՝ հաշվի առնելով նաև փաստը, որ Սերժ Սարգսյանը ևս խոսել է այս մասին։ -Պաշտոնական Երևանը քանիցս բարձրաձայնել է, որ ԱՀ անկախության դե յուրե ճանաչումը պահվում է որպես լավագույն այլընտրանք բանակցվող համաձայնությանը, և կկիրառի այն, եթե Ադրբեջանը պատերազմ սկսի: Դրանից ելնելով՝ կարող ենք պնդել, որ Ադրբեջանը վերջին ամիսներին ավելի է մոտեցել այդ կարմիր գծին: Հետևաբար, չեմ բացառում, որ եթե Բաքուն շարունակի առաջնագծում և բանակցությունների սեղանի շուրջ ագրեսիվ ու ապակառուցողական վարք դրսևորել, ապա Երևանը դարակից կհանի այդ այլընտրանքը: -2016-ին Լեռնային Ղարաբաղի հակամարտության հարցում ի՞նչ փոփոխությունների պետք է սպասել։ -Այս տարի չպետք է սպասել որևէ էական փոփոխության՝ գոնե Ադրբեջանի վարքում: Կողմերը շարունակելու են իրենց քաղաքական և ռազմական դիրքերի ամրապնդմանն ուղղված քայլերը՝ արդյունքում ավելի լայնացնելով և խորացնելով իրենց միջև առկա բանակցային անդունդը: Ադրբեջանն ակնհայտորեն փոխել է ռազմավարությունը՝ փորձելով, այլ նպատակների շարքում, աստիճանաբար բարձրացնել հարաբերական խաղաղության գինը և ստիպել հայկական կողմին զիջումների գնալ: Սակայն դա հնարավոր չէ, քանի որ կողմերի միջև առկա է ռազմական հավասարակշռություն, իսկ աշխարհաքաղաքական ուժերի շահերի փոխդասավորվածությունը նպաստում է առնվազն ստատուս քվոյի պահպանմանը, եթե ոչ հակամարտության լուծմանը, որոնց ընդդիմանում է հենց Բաքուն: Համոզված եմ, որ այս տարի մեր դիրքերի պաշտպանունակության (ներառյալ՝ բանակի կանխարգելիչ և պատժիչ գործողությունների) արդյունավետությունն էլ ավելի կաճի՝ բարձրացնելով նաև Բաքվի հավանական ագրեսիվ վարքի գինն ադրբեջանական զինված ուժերի համար:

Կարդալ ավելին 01-07-2016

Լեռնային Ղարաբաղում գազիֆիկացվել է տնտեսությունների 70 տոկոսը
Լեռնային Ղարաբաղում գազիֆիկացվել է տնտեսությունների 70 տոկոսը

Լեռնային Ղարաբաղի հանրապետությունում շարունակվում են գազիֆիկացման աշխատանքները: Այս մասին հայտնել է Լեռնային Ղարաբաղի հանրապետության էկոնոմիկայի նախարար Անդրանիկ Խաչատրյանը: Նրա խոսքով, այսօրվա դրությամբ գազիֆիկացված է տնտեսությունների մոտավորապես 70 տոկոսը: «Մշտապես աշխատանքներ են տարվում ճանապարհաշինության ոլորտում: Հիմնական մայրուղիները վերականգնված են «Հայաստան» համահայկական հիմնադրամի աջակցության շնորհիվ»,- NEWS.am -ին տված հարցազրույցում նշել է Անդրանիկ Խաչատրյանը: 3. Տասը տարում Լեռնային Ղարաբաղում 13 հիդրոէլեկտրակայան է կառուցվել Դրա շնորհիվ հաջողվել է ավելի քան 6 անգամ ավելացնել էլեկտրաէներգիայի արտադրության ծավալները... Վերջին տասը տարում Լեռնային Ղարաբաղում 13 հիդորէլեկտրակայան է կառուցվել: Այս մասին NEWS.am –ին տված հարցազրույցում հայտնել է Լեռնային Ղարաբաղի հանրապետության էկոնոմիկայի նախարար Անդրանիկ Խաչատրյանը: Նրա խոսքով, դրա շնորհիվ հաջողվել է ավելի քան 6 անգամ ավելացնել էլեկտրաէներգիայի արտադրության ծավալները ու դուրս գալ էլեկտրաէներգիայի ինքնաապահովման մակարդակ: Այսօրվա դրությամբ էներգետիկայի ոլորտում ավելի քան 2000 մարդ է ներգրավված: Տնտեսության մեկ այլ նոր ուղղություն է դարձել լեռնահանքային արդյունաբերությունը: «Լինելով առավել երիտասարդ ոլորտ՝ այն դարձել է պետբյուջեի հարկային մուտքերի խոշորագույն աղբյուր, նաեւ 1500 աշխատատեղ ապահովել»,- նշեց Անդրանիկ Խաչատրյանը:

Կարդալ ավելին 01-07-2016

Անկախությունը հռչակել ենք միասին և անցած քառորդ դարի ընթացքում հավատարիմ ենք մնացել մեր ընտրած ուղուն.ԼՂՀ ԱԺ նախագահ
Անկախությունը հռչակել ենք միասին և անցած քառորդ դարի ընթացքում հավատարիմ ենք մնացել մեր ընտրած ուղուն.ԼՂՀ ԱԺ նախագահ

ԼՂՀ Ազգային ժողովի նախագահ Աշոտ Ղուլյանն իր շնորհավորանքի խոսքն է ուղղել ժողովրդին՝ Ամանորի և Սուրբ Ծննդյան տոների առթիվ։ Շնորհավորանքում նշվում է. «Սիրելի հայրենակիցներ, Ջերմորեն շնորհավորում եմ Ամանորի և Սուրբ Ծննդյան տոների առթիվ: Անցնող տարին իրադարձություններով հարուստ, զարգացումներով՝ բարդ ու անկանխատեսելի էր. մենք շարունակեցինք արարել, հիմքեր ստեղծել կայուն զարգացման և բարեկեցիկ ապագայի համար: 2015 թվականը հիշարժան տարի էր, և այն մեզ համար նշանավորվեց մի շարք ձեռքբերումներով: Մայիսին կայացան հերթական խորհրդարանական, սեպտեմբերին՝ ՏԻՄ ընտրությունները, որոնց մասնակցած միջազգային դիտորդների կարծիքները, տարբեր երկրների խորհրդարանականների և քաղաքական գործիչների հետ մեր համագործակցության ծրագրերը լուրջ նախադրյալներ են՝ Արցախի միջազգային ճանաչման գործընթացում: Ամբողջ տարվա ընթացքում պահպանվեց նաև լարվածությունը մեր երկրի սահմաններին: Հակառակորդի կողմից դիվերսիոն ներթափանցման փորձերն ու ծանր հրետանու կիրառումը բոլորովին այլ իրավիճակ ստեղծեցին 1994 թվականի զինադադարից ի վեր: Ցավոք, ունեցանք անդառնալի մարդկային կորուստներ, և այդ վիշտը բոլորինս է: Միաժամանակ մենք հպարտություն ենք ապրում Հայոց բանակի վստահ կեցվածքով և նրա մարտունակությամբ: Թանկագի´ն հայրենակիցներ, Մենք թևակոխում ենք 2016 թվական: Տարին խորհրդանշական է, քանի որ լրանում է Արցախի Հանրապետության հռչակման 25 ամյակը: Անկախությունը հռչակել ենք միասին և անցած քառորդ դարի ընթացքում հավատարիմ ենք մնացել մեր ընտրած ուղուն, թեկուզ բազում անելիքներ ունենք առջևում: Ուստի, բոլորիս մաղթում եմ ամուր առողջություն, նոր եռանդ և միասին աշխատելու պատրաստակամություն: Խաղաղություն՝ մեր երկրին ու մեր օջախներին: Շնորհավո´ր Նոր տարի և Սուրբ Ծնունդ»:

Կարդալ ավելին 12-31-2015

Ռուսաստանն ակտիվորեն մասնակցում է ԼՂ հակամարտության կարգավորմանը. ՌԴ ԱԳՆ
Ռուսաստանն ակտիվորեն մասնակցում է ԼՂ հակամարտության կարգավորմանը. ՌԴ ԱԳՆ

Ռուսաստանը հասանելի բոլոր գործիքները կիրառում Է ԼՂ հակամարտության կողմերին միջնորդական օժանդակություն ցուցաբերելու համար, ներառյալ բարձր մակարդակի հանդիպումները: Այդ մասին ասված Է անցնող տարվա արդյունքների վերաբերյալ ՌԴ ԱԳ նախարարության տարածած հաղորդագրության մեջ: «ԼՂ հակամարտության կարգավորման շուրջ պահպանվող բարդ իրադրության լույսի ներքո Ռուսաստանն ակտիվ դեր Է խաղացել հակամարտության կողմերին միջնորդական օժանդակություն ցուցաբերելու հարցում՝ դրա համար կիրառելով հասանելի բոլոր գործիքները, այդ թվում՝ ամենաբարձր ու բարձր մակարդակի հանդիպումները,-տեղեկացրել են Ռուսաստանի դիվանագիտական գերատեսչությունում:-Համապատասխան նախաձեռնությունները հանգամանորեն քննարկվել են Ռուսաստանի նախագահ Վլադիմիր Պուտինի՝ ապրիլին Երեւան եւ հունիսին Բաքու կատարած այցերի ընթացքում, ինչպես նաեւ քննարկվել են Հայաստանի եւ Ադրբեջանի արտաքին գործերի նախարարների՝ համապատասխանաբար ապրիլին եւ մայիսին Մոսկվա կատարած պաշտոնական այցերի ժամանակ»: «Դեկտեմբերի սկզբին Բելգրադում ԵԱՀԿ-ի ԱԳ նախարարների խորհրդի նիստում ԵԱՀԿ-ի Մինսկի խմբի (Ռուսաստան, ԱՄՆ, Ֆրանսիա) համանախագահ երկրների պատվիրակությունների ղեկավարների հայտարարության մեջ ամրագրված Է կողմերին ուղղված հաստատակամ կոչը՝ հաստատել հավատարմությունը հակամարտության խաղաղ լուծմանը եւ առկա առաջարկությունների հիման վրա շարունակել համապարփակ կարգավորման հասնելուն նպատակամղված աշխատանքը»,-նշել են ՌԴ ԱԳ նախարարությունում:

Կարդալ ավելին 12-31-2015

Մեզ ոչ ոք խաղաղություն չի նվիրելու, բայց մեր որդիները վերջնականապես ամրագրելու են մեր հաղթանակը. Սեյրան Օհանյան
Մեզ ոչ ոք խաղաղություն չի նվիրելու, բայց մեր որդիները վերջնականապես ամրագրելու են մեր հաղթանակը. Սեյրան Օհանյան

ՀՀ պաշտպանության նախարար Սեյրան Օհանյանը շնորհավորական ուղերձ է հղել Ամանորի և Սուրբ Ծննդյան տոների կապակցությամբ: ՀՀ պաշտպանության նախարարության տեղեկատվության և հասարակայնության հետ կապերի վարչության փոխանցմամբ՝ ուղերձում մասնավորապես ասված է. «Սիրելի հայրենակիցներ, զինծառայողներ, Արցախյան ազատամարտի հարգելի զինակիցներ, զոհված մարտիկների սիրելի հարազատներ, Շնորհավորում եմ բոլորիդ գալիք Ամանորը, մաղթում առողջություն, երջանկություն, նորանոր հաջողություններ, իսկ առաջին հերթին մաղթում եմ ամենաթանկը՝ խաղաղություն: 2015 թվականին Հայկական բանակը փայլուն կատարեց իր առաքելությունը՝ զինված դիմակայության պայմաններում պաշտպանելով Հայրենիքի սահմանները: Եվ երբ քիչ հետո կղողանջեն տարեմուտի զանգերը, մենք նաև կթերթենք Հայկական բանակի տարեգրության ևս մի էջ, որը լի էր հերոսականությամբ, աննախադեպ մեծ թվով դիվերսիոն խմբերի ջախջախելով, դժբախտաբար, նաև անդառնալի կորուստներով, որոնք բոլորս ենք սգում, և հիմա հոգով ու սրտով պիտի զոհված զինծառայողների հարազատների հետ լինենք: Միմյանց Նոր տարին շնորհավորելիս պիտի բաժակ բարձրացնենք նաև Հայրենիքի սահմանները պաշտպանելիս զոհված զինվորների ու սպաների համար, իսկ Սուրբ Ծննդյան տոնին մեկական մոմ վառելով պիտի խոնարհվենք մեր որդիների ու եղբայրների պայծառ հիշատակի առջև և «Հավերժ փառք ու պատիվ» տանք նրանց: Մենք հրաժեշտ ենք տալիս մի թվականի, երբ զինադադարի հաստատումից ի վեր հակառակորդն առաջին անգամ, և կարծում եմ, նաև արտաքին հրահրմամբ, կիրառեց հրանոթներ, տանկեր ու թուրքական արտադրության համազարկային կրակի հրթիռային կայանքներ: Փոխարենը ստացավ վճռական պատասխան, և միշտ այդպես կլինի, մինչև բոլոր կարճամիտները հասկանան, որ մեզ հետ չեն կարող ուժի լեզվով խոսել, ինչպես ի զորու չեղան Արցախյան ազատամարտի տարիներին: Իսկ դրա ամենամեծ գրավականը միասնությունն ու հանդուրժողականությունն են, որոնք պիտի փայփայենք ու պահպանենք: Այս ամենին զուգընթաց, խոշոր առաջընթաց արձանագրեցինք զինված ուժերի հզորացման և սահմանների պաշտպանության ամրապնդման գործում. մեծ աշխատանքներ իրականացվեցին մարտական հերթապահության անվտանգության ու մարտական պատրաստականության բարձրացման ասպարեզներում, շարունակվեցին առաջնագծի ինժեներական կահավորման արդիականացումն ու զորանոցային շինարարությունը, իսկ բազմաթիվ զինծառայողներ Ամանորը դիմավորում են նոր բնակարաններում: Պաշտպանության ռազմավարական վերանայման արդյունքում մշակվեցին 2016-2020 թվականներին զինված ուժերի զարգացման պլանը և սպառազինության ու ռազմական տեխնիկայի զարգացման պետական ծրագիրը, որոնց շնորհիվ կապահովվեն զինված ուժերի կայուն զարգացումը, համալրումը ժամանակակից սպառազինությամբ և տեխնիկայով, իսկ իրադրության ցանկացած զարգացման դեպքում կերաշխավորվորվի սահմանների անձեռնմխելիության ապահովումը: Լուրջ քայլեր կատարվեցին բարեվարքության ու բանակի նկատմամբ հասարակական վերահսկողության ընդլայնման, փողոցային բարքերի և կոռուպցիոն երևույթների նվազեցման, գնումների գործընթացի ու զորակոչի թափանցիկության ապահովման, աճող սերնդի հայրենասիրական դաստիարակության ասպարեզներում: Լայն տարածում գտավ «Փոքր ուժերով մեծ խնդիրների լուծման» սկզբունքը, որը, զուգորդվելով «Հրամանատրում առաջադրանքի միջոցով» ղեկավարման հայեցակարգի հետ, էապես մեծացրեց ստորաբաժանումների հրամանատարների ինքնուրույնությունն ու նախաձեռնողականությունը, և թույլ տվեց կասեցնել հակառակորդի բոլոր ոտնձգությունները: Պետական կառավարման ու տեղական ինքնակառավարման ողջ համակարգի մասնակցությամբ տեղի ունեցավ «Շանթ-2015» ռազմավարական հրամանատարաշտաբային զորավարժությունը, Հայաստանում առաջին անգամ անցկացվեցին ՀԱՊԿ անդամ պետությունների հավաքական խաղաղարար ուժերի «Անքակտելի եղբայրություն-2015» համատեղ զորավարժությունը և «Միություն-2015. Հաղթանակի ժառանգորդները» պատանեկան միջազգային ռազմամարզական հավաքը: Այս ամենին զուգընթաց, միջազգային ասպարեզում ապահովվեց դաշնակցային և գործընկերային հարաբերությունների՝ որպես արտաքին անվտանգության ռազմաքաղաքական բաղադրիչի, համաչափ զարգացումը՝ ամրապնդելով անվտանգության միջազգային երաշխիքների փոխլրացնող համակարգը, ինչը լայն հնարավորություններ ստեղծեց զինված ուժերի՝ որպես միջազգային հուսալի գործընկերոջ, զարգացման և միջազգային ինտեգրման համար: Ավելին՝ մեր ռազմաքաղաքական դաշինքում՝ Հավաքական անվտանգության պայմանագրի կազմակերպությունում Հայաստանը ստանձնեց նախագահողի գործառույթները, ամրապնդվեց ռազմական և ռազմատեխնիկական համագործակցությունը ռազմավարական դաշնակից Ռուսաստանի հետ, նոր որակներ ստացավ սերտ գործընկերությունը ԱՄՆ-ի, ՆԱՏՕ-ի, Չինաստանի, եվրոպական և տարածաշրջանային գործընկերների, հատկապես Իրանի և Լիբանանի հետ: Հայ խաղաղապահները շարունակեցին իրենց ներդրումը ՄԱԿ-ի և ՆԱՏՕ-ի առաքելություններում՝ Լիբանանում, Աֆղանստանում, Կոսովոյում և Մալիում: Իսկ 2016 թվականին, որը Հայկական բանակում ես հայտարարել եմ «Հրամանատա¬րական պատրաստության տարի», զինված ուժերը կղեկավարվեն «Պատրաստ¬ված հրամանատար, արհեստավարժ բանակ, ապահով հայրենիք» կարգախոսով: Սիրելի հայրենակիցներ, ես չեմ կարող խոստանալ, որ հակառակորդն այլևս չի դիմի նոր ոտնձգություններ: Բայց հավաստիացնում եմ, որ ամեն ինչ կարվի առաջնագծում զինծառայողների անվտանգության ապահովմանը զուգընթաց՝ պաշտպանված Հայրենիք ունենալու համար: Մեզ ոչ ոք խաղաղություն չի նվիրելու, բայց հավատացեք, որ մեր տասնութ, քսան տարեկան որդիները վերջնականապես ամրագրելու են մեր հաղթանակը: Այն մեզնից երբեք ոչ ոք խլել չի կարող: Փա´ռք ու պատի´վ Հայրենիքի սահմանները պահած ու պաշտպանած, Հայրենիքի համար իրենց կյանքը նվիրաբերած բոլոր նահատակներին` Արցախյան ազատամարտից մինչ այսօր: Փա´ռք ու պատի´վ հայ ժողովրդին և սահմանամերձ բնակավայրերի շինականներին: Փա´ռք ու պատի´վ խրամատներում կանգնած հայ զինվորին և Հայկական բանակին: Շնորհավոր Ամանոր և Սուրբ Ծնունդ»:

Կարդալ ավելին 12-31-2015

Սահմանագծում տիրող լարվածությունը հասցվեց որակական նոր աստիճանի․ ԼՂՀ Պաշտպանության նախարար
Սահմանագծում տիրող լարվածությունը հասցվեց որակական նոր աստիճանի․ ԼՂՀ Պաշտպանության նախարար

«Անցնող 2015թ. նշանավորվել է առաջնագծում լարվածության անշեղ աճով: Շարունակելով իր ապակառուցողական քաղաքականությունը՝ Ադրբեջանի ռազմաքաղաքական ղեկավարությունը սահմանագծում տիրող լարվածությունը հասցրեց որակական նոր աստիճանի: Հրադադարի հաստատումից ի վեր հակառակորդն առաջին անգամ գործածության մեջ դրեց հրետանի և տանկեր՝ միաժամանակ շարունակելով իրականացնել դիվերսիոն-հետախուզական փորձեր»․ ամփոփելով անցնող տարին այս մասին ասել է ԼՂՀ Պաշտպանության նախարար,ՊԲ հրամանատար, գեներալ-լեյտենանտ Լևոն Մնացականյանը։ Միևնույն ժամանակ նախարարը նշել է, որ ՊԲ անձնակազմի պատշաճ պատրաստության, բարոյակամային բարձր որակների շնորհիվ հակառակորդի բոլոր ծրագրերը մշտապես ձախողվել են, յուրաքանչյուր ոտնձգություն ստացել է խիստ պատասխան՝ նրան արժենալով մարդկային կյանքեր: Ցավոք սրտի, ծառայողական պարտականությունները կատարելիս հերոսաբար ընկել են նաև մեր զինակիցները: Փառք ու պատիվ նրանց անմար հիշատակին: Հայրենիքի սահմանին լարվածության աճը 2015թ. ավելի է ամրապնդել հասարակության և բանակի անխախտ կապը, երկրի իշխանությունները, ամբողջ հասարակությունը մշտապես եղել են բանակի կողքին: Թե՛ առաջնագծում մարտական հերթապահության իրականացման ժամանակ, թե՛ զինծառայողների սոցիալ-կենցաղային պայմանների բարելավմանն ուղղված լայնածավալ գործընթացներում պաշտպանության բանակի անձնակազմը զգացել է ժողովրդի մշտական ուշադրությունն ու հոգածությունն իր հանդեպ: Բանակի նկատմամբ ցուցաբերվող ուշադրությունը հնարավորություն է ստեղծել սպառազինության և ռազմական տեխնիկայի համալրման ու արդիականացման, ուսումնանյութական բազայի և ապահովման բոլոր տեսակների կատարելագործման համար, առանձնահատուկ կարևորություն է տրվել մարտական հերթապահության կազմակերպմանն ու առաջնային գծի տեխնիկական կահավորվածության ամրապնդմանը, ինչի արդյունքում պետության պաշտպանունակությունը բարձրացել է որակական նոր աստիճանի: Իր վճռական գործողություններով բանակն ապահովել է նաև հայկական կողմի ամուր և վստահ դիրքերը արցախյան հիմնահարցի խաղաղ կարգավորման բանակցություններում: Այսօր, իրավամբ, կարելի է փաստել, որ 2015թ. ԼՂՀ պաշտպանության բանակը պատվով է կատարել իր գլխավոր առաքելությունը՝ Արցախի պաշտպանությունն ու հարազատ ժողովրդի անվտանգ կենսագործունեությունը:

Կարդալ ավելին 12-31-2015

Անհրաժեշտ է կանխել ԼՂ հակամարտության հետագա շիկացումը
Անհրաժեշտ է կանխել ԼՂ հակամարտության հետագա շիկացումը

Հավաքական անվտանգության պայմանագրի կազմակերպության (ՀԱՊԿ) գագաթնաժողովից հետո, որի հիմնական թեման ահաբեկչությունն էր և դրա դեմ պայքարը, կազմակերպության գլխավոր քարտուղար Նիկոլայ Բորդյուժան: Ղարաբաղյան հակամարտության խնդրի հետ կապված Նիկոլայ Բորդյուժան ասել է, որ անհրաժեշտ է կանխել հակամարտության հետագա շիկացումը России 24 հեռուստաալիքին տված հարցազրույցի ժամանակ: «Մեծ տագնապով ենք հետևում այսօր Կովկասում տեղի ունեցող դեպքերին, հատկապես` Ղարաբաղյան հակամարտության գոտում, այսպես կոչված՝ շփման գծում կատարվող իրադարձություններին: Այնտեղ արդեն ծանր զինտեխնիկա է օգտագործվում, տանկեր են օգտագործվում, կան մարդկային զոհեր: Կարծում եմ, որ մեր պետությունների քաղաքական ռեսուրսը պետք է օգտագործել՝ ոչ մի դեպքում թույլ չտալու իրավիճակի ապակայունացում, որպեսզի այսօր արդեն բավականին թեժ փուլում գտնվող հակամարտությունը չվերաճի լայնամասշտաբ ռազմական բախման: Իմ կարծիքով` պետք է հանգստացնել տիրող իրավիճակը, պետք է դադարեցնել կրակոցները: Լեռնային Ղարաբաղի խնդիրը պետք է լուծել խաղաղ ճանապարհով և ոչ մի դեպքում ծանր զենքի կիրառմամբ»,- ասել է Բորդյուժան: ՀԱՊԿ գլխավոր քարտուղարն ընդգծել է, որ պետք է գործել «նախ և առաջ քաղաքական մեթոդներով` օգտագործելով երկրների ղեկավարների հեղինակությունը»:

Կարդալ ավելին 12-29-2015

Անցնող տարին, դժվարություններով հանդերձ, տնտեսական ձեռքբերումների տարի է. ԼՂՀ վարչապետ
Անցնող տարին, դժվարություններով հանդերձ, տնտեսական ձեռքբերումների տարի է. ԼՂՀ վարչապետ

Անցնող տարին, իր դժվարություններով հանդերձ, տնտեսական ձեռքբերումների տարի է: Այդ մասին այսօր կայացած տարեվերջյան մամլո ասուլիսում ասել է ԼՂՀ վարչապետ Արայիկ Հարությունյանը։ Կառավարության ղեկավարի խոսքով՝ տարին առանձնացել է տնտեսության տարբեր բնագավառներում արձանագրված ձեռքբերումներով, ժողովրդագրական բնական աճի և ՀՆԱ-ի բարձր ցուցանիշներով, ինչպես նաև՝ բյուջեի կատարողականի ապահովմամբ: Ա. Հարությունյանի խոսքով՝ արդեն իսկ սկսվել է Կաշենի հանքի շահագործումը, իսկ առաջիկայում հանքը կունենա իր ֆաբրիկան։ Անցնող տարում ակտիվ ընթացք է ունեցել բնակարանաշինության ծրագիրը, որը բարձր տեմպերով կշարունակվի նաև եկող տարի։ Բնակարանաշինությունը գալիք տարում կիրագործվի հիմնականում հանրապետության շրջաններում՝ պետական և բարեգործական միջոցների շնորհիվ։ Այս տարվանից մեկնարկել է գյուղաբնակներին բնակարանների կառուցման համար 3 միլիոն դրամ գումարի չափով աջակցության տրամադրման ծրագիրը, որից արդեն օգտվել է մոտ 30 շահառու։ Ծրագիրը շարունակական կլինի նաև 2016-ին։ Անդրադառնալով գալիք տարվա պետբյուջեով նախատեսվող ծրագրերի իրագործմանը՝ Ա. Հարությունյանն ասել է, որ չնայած թվային ցուցանիշներով այն քիչ կտարբերվի այս տարվանից, այնուհանդերձ, մի շարք ոլորտներում սոցիալական և տնտեսական մեկնարկային նոր նախագծերով զգալի փոփոխություններ են նախատեսվում: «2016թ. կմեկնարկի 5 և ավելի երեխա ունեցող ընտանիքների համար բնակարանաշինության ծրագիրը: Կառավարությունը կփոխհատուցի սպայական անձնակազմի ուսանող երեխաների ուսման վարձերը՝ դրանով փոքր-ինչ թեթևացնելով սպաների ընտանիքների սոցիալական բեռը: Նոր ծրագրեր ենք նախատեսում առողջապահության և գյուղատնտեսության բնագավառներում, խոշոր ներդրումներ կկատարվեն նաև հիդրոէներգետիկայի ոլորտում»,- մանրամասնել է գործադիրի ղեկավարը: Ա. Հարությունյանի հաղորդմամբ՝ գալիք տարվանից կմեկնարկեն փախստականների ընտանիքներին բնակարաններով ապահովելու նպատակով ուսումնասիրությունները։ «Առաջիկայում մոտ 2000 փախստականի բնակարանային պայմաններով ապահովելու հարցում տեղաշարժ կլինի», - հավաստիացրել է վարչապետը։

Կարդալ ավելին 12-27-2015

Մարտակերտի շրջանում բացվել է Կաշենի հարստացուցիչ ֆաբրիկան
Մարտակերտի շրջանում բացվել է Կաշենի հարստացուցիչ ֆաբրիկան

Արցախի Հանրապետության Նախագահ Բակո Սահակյանը դեկտեմբերի 26-ին այցելել է Մարտակերտի շրջան եւ մասնակցել Կաշենի հարստացուցիչ ֆաբրիկայի բացման հանդիսավոր արարողությանը: Արցախի Հանրապետության Նախագահի աշխատակազմի տեղեկատվության գլխավոր վարչության փոխանցմամբ՝ նախագահ Սահակյանը նշել է, որ գործարանի շահագործումը կբացի նոր աշխատատեղեր, հնարավորություն կտա ժամանակակից տեխնոլոգիաների կիրառմամբ արդյունավետորեն օգտագործել մեր հանրապետության բնական ռեսուրսները՝ ապահովելով Արցախի սոցիալ-տնտեսական զարգացումը: Միջոցառմանը ներկա էին Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ԱԺ նախագահ Աշոտ Ղուլյանը, վարչապետ Արայիկ Հարությունյանը, պաշտոնատար այլ անձինք:

Կարդալ ավելին 12-27-2015

Սահմանամերձ գյուղերի խնդիրների լուծումը կառավարության առաջնահերթություններից է. ԼՂՀ վարչապետ
Սահմանամերձ գյուղերի խնդիրների լուծումը կառավարության առաջնահերթություններից է. ԼՂՀ վարչապետ

Սահմանամերձ գյուղերի խնդիրների լուծումը առաջնահերթություններից է, որտեղ իրականացվում են բնակարանաշինական և սոցիալ-տնտեսական նախագծեր։ Այդ մասին այսօր կայացած մամլո ասուլիսում նշել է Արցախի վարչապետ Արայիկ Հարությունյանը։ «Սահմանամերձ գյուղերում իրականացնում ենք ամենաշատ ծրագրերը՝ բնակարանաշինություն, նոր աշխատատեղերի ստեղծում, գյուղատնտեսության խթանում և այլն»,- մանրամասնել է վարչապետը՝ ընդգծելով, որ մեծաթիվ ծրագրեր կյանքի են կոչվել սահմանամերձ Թալիշ և Մատաղիս գյուղերում՝ ընդգրկելով սոցիալական ոլորտը, բնակարանաշինությունը, գյուղատնտեսությունը, հիդրոէներգետիկան և տնտեսության այլ ճյուղեր: Անդրադառնալով հանրապետության գյուղերում զբաղվածության խնդրին՝ Ա. Հարությունյանը նշել է, որ բազմաթիվ դիմումների հիման վրա՝ ստեղծվել են գյուղմթերքների վերամշակման և մթերման ձեռնարկություններ, սակայն գյուղացիների կողմից այդ առումով առանձնակի խանդավառություն չի նկատվել։ Բացի այդ, մասնավորապես, Հադրութի շրջանում առկա են ոռոգովի հողատարածքներ, որոնք հողօգտագործողների կողմից չեն մշակվում։ Խնդրի լուծման համար պետբյուջեով հողօգտագործողներին եկող տարվանից նմանատիպ և այլ հողատարածքներում գարնանային մշակաբույսերի ցանքս կատարելու դեպքում փոխհատուցում կտրամադրվի։ Ոռոգման խնդրի լուծման առումով, բացի այն, որ նախատեսվել են ոռոգման մի շարք համակարգերի ստեղծման և նորոգման ծրագրեր, վարչապետը կարևորել է ոռոգման ժամանակակից ջրախնայողական տեխնոլոգիաների և համակարգերի կիրառումը:

Կարդալ ավելին 12-27-2015

Ողջ տարվա ընթացքում հայկական զինուժը թույլ չի տվել հակառակորդին մեկ միլիմետր առաջ գալ. ԱրծրուՆ Հովհաննիսյան
Ողջ տարվա ընթացքում հայկական զինուժը թույլ չի տվել հակառակորդին մեկ միլիմետր առաջ գալ. ԱրծրուՆ Հովհաննիսյան

Անցնող 2015 թվականը հայկական բանակի եւ Զինված ուժերի համար համարվում է աննախադեպ լարվածության տարի, որն իր հետ բերեց կորուստներ, նոր խնդիրներ, սակայն, բնականաբար, ավելի ուժեղացրեց եւ ամրապնդեց հայկական զինված ուժերի մարտունակությունը: Հայկական զինված ուժերի գործունեությունն ու ունեցած ձեռքբերումներն «Արմենպրես»-ը փորձել է ամփոփել ՀՀ ՊՆ մամուլի խոսնակ Արծրուն Հովհաննիսյանի հետ: Սահմանային լարվածությունն ու պատերազմական վիճակը Չնայած 2014 թվականը նույնպես եղել է լարված տարի, բայց ռազմական փորձագետն անցնող տարին որակում է լարվածության առումով մի քանի քայլ առավել: «Հունվարից սկսած ինտենսիվ դիվերսիաներ էին կատարում: Այս տարի օրինաչափություն դարձավ ծանր հրետանու կիրառումը, ընդ որում փոքր ականանետերից մինչեւ մեծ հաուբիցներ: Զոհերի եւ կրակոցների առումով տարին կարելի է համարել ոչ լայնամասշտաբ, բայց լիովին պատերազմ: Պատերազմ իր ցանկացած ածանցյալ բառով` դանդաղ, ոչ ինտենսիվ, հիբրիդային, խաղաղ, բայց պատերազմ: Զուտ մարտական առումով լավածությունն իրավիճակի որեւէ փոփոխության չի բերել: Կողմերից մեկը մեծ առավելություն մյուսի նկատմամբ չունի եւ ագրեսիա իրականացնող կողմն առաջ շարժվելու որեւէ սանտիմետրի տեղաշարժ չունի»,- ասաց Հովհաննիսյանը` շեշտելով, որ լարվածությունը բանակցային գործընթացը վիժեցնելու, ընդհանուր հասարակական տրամադրությունը փոխելու, հասարակական կարծիքի վրա ազդելու, քննարկվող հարցերի առումով բերեց աննախադեպ փոփոխությունների: «Նախագահների վերջին հանդիպումը շատերն անվանեցին ոչ թե խաղաղության, այլ պատերազմ չսկսելու հանդիպում: Իրավիճակն այնքան է լարված եւ պատերազմին մոտ, որ նման հանդիպումները մի փոքր հույս են տալիս, որ լայնամասշտաբ պատերազմ չսկսվի»,-նկատեց ՊՆ խոսնակը: Թե ինչն է խանգարում, որ լայնամասշտաբ պատերազմ չսկսվի հարցին ի պատասխան Հովհաննիսյանը շեշտում է, որ քաղաքական գնահատական տալու իրավունք չունի: «Ես կարող եմ դաշտում եղած փորձագետների տեսակետերը մեջբերել: Օրինակ, ԼՂՀ նախագահի մամուլի խոսնակ Դավիթ Բաբայանը ներկայացրել է կետեր, թե ինչու Ադրբեջանը չի կարող սկսել լայնամասշտաբ պատերազմ: Այդ կետերից են Ադրբեջանի անկայունությունը, ալիեւյան կլանի հանգստությունը եւ հարստությունը վայելելու ցանկությունը եւ այլն: Բայց այդ նույն պատճառները կարելի է համարել նաեւ ոչ պատերազմ, ոչ խաղաղություն վիճակում լավածությունն ավելի ուժեղացնելու նախապայման: Այսինքն, որքան թուլանոմ է ադրբեջանական տնտեսությունը, այնքան մշտապես լարումը բարձր պահելու ցանկությունն է մեծանում: Միգուցե չեն գնա լայնամասշտաբ պատերազմի, որովհետեւ կորցնելու շատ բան կունենան, բայց միեւնույն ժամանակ չեն ուզում սահմանին խաղաղություն լինի»,- ասաց Հովհաննիսյանը: Բանակի ձեռքբերումները Ռազմական փորձագետը շեշտում է, որ զինվորականի համար դժվար է լարված իրավիճակում, զոհերի, կիրառվող ծանր զինատեսակների պարագայում խոսել մեծ ձեռքբերումներից, սակայն դրանք եղել են: «Իհարկե բանակի ղեկավարությունը կուզենար, որ բոլոր ձեռքբերումները փաստվեին խաղաղ պայմաններում: Բայց, ընդհանուր առմամբ, որպես ձեռքբերում կարելի է համարել բանակի մարտունակության բարձրացումը, որովհետեւ որքան էլ պարադոքսալ է, բայց այդ լարումը մարտական հմտության ձեռքբերման հիմքերից է, քանի որ բանակն այն մարմինն է, որ իրեն լավագույն կերպով դրսեւորոմ է հենց ռազմական իրավիճակներում: Հետեւաբար, զինծառայողների մարտունակության բարձրացումը, որ տեղի է ունենում լարվածության պայմաններում, նույնպես ձեռքբերում է, քանի որ հակառակորդին որեւէ շանս չի տալիս գոնե մեկ միլիմետր առաջ գալու, անգամ փոքրիկ մարտավարական հաջողության հասնելու մեր նկատմամբ: Միեւնույն ժամանակ պետք է փաստենք, որ նման լարվածության պարագայում բանակի ներքին կարգապահական խնդիրները գնում են երկրորդ պլան եւ հատուկ ջանքեր չեն պահանջում դրանք վերացնելու համար, քանի որ մարտական իրավիճակն ինքն է դա կատարում: Մեր զինվորը մարտի պայմաններում իր զինվորների, սպաների հետ ավելի միահամուռ է եւ կարգապահական խնդիրները չեզոքացվում են»,-ընդգծում է Արծրուն Հովհաննիսյանը: ՀԱՊԿ-ի հետ հարաբերությունների մասին ՀԱՊԿ-ը որպես ռազմաքաղաքական կառույց, հայկական Զինված ուժերի համար որպես լուրջ միջազգային ձեւաչափի հարթակ է ընկալվում եւ համագործակցությունն այդ կառույցի հետ կարեւոր է, քանի որ այնտեղ Հայաստանը դրսեւորում է իր ունակություններն ու հմտությունները: «Օգտվել ենք համատեղ զարգանալու, կրթվելու, սպառազինվելու, դաստիարակվելու, մասնագիտանալու եւ հմտություններ դրսեւորելու հնարավորությունից: Եւ այդ առումով ՀԱՊԿ-ի հետ մեր հարաբերությունները պետք է համարել բեղմնավոր եւ հեռանկարային»,- գնահատեց ՊՆ խոսնակը: Հայաստանը միջազգային անվտանգություն ապահովող Հայաստանը միջազգային կազմակերպությունների հետ համագործակցում է խաղաղապահ առաքելություն իրականացնելու գործում եւ այդ առումով աշխարհագրությունն անընդհատ ընդլանվում է: «Դա մեր զինված ուժերի որակի դրսեւորումն է: Այս տարի հայկական զինված ուժերը հատուկ սերտիֆիկատ ստացան, որը թույլ է տալիս կազմել հատուկ խմբավորումներ գումարտակի մակարդակով, ինչը կարեւոր հանգամանք է եւ մեր հարեւան պետություններն այդ փուլն այնքան էլ հեշտությամբ չեն անցնում: ՆԱՏՕ-ի հետ համատեղ արդեն ստեղծվել է բարեվարքության կենտրոն, որն առանձնահատուկ մոդել է: Դա որեւէ մեկից վերցված չէ: Դա բանակի ժամանակակից մարտահրավերներից ծնված որոշում է եւ այն պետք է զարգացնել եւ առաջ տանել: «Շանթ 2015» զորավարժություն «Շանթ-2015» զորավարժությունն իր մակարդակով նորություն էր, սակայն նմանատիպ զորավարժություններ մի քանի անգամ արդեն անցկացվել էին: Ընդգրկվածության, խորության եւ աշխարհագրության առումով լայն էր եւ պրոֆեսիոնալ: Հասարակության բոլոր շերտերի, պետական բոլոր կառույցների նեգրավմամբ այն յուրահատուկ էր: Բոլոր մարզերում կազմակերպվեցին միջոցառումներ: Բնակչությունը, ՏԻՄ-երը, այլ գերատեսչությունները, կառավարությունը համակարգված լայնամասշտաբ աշխատանքներն էին կատարում, ընդ որում զորավարժությունը, ոչ մեր կամքով, համընկավ սահմանային լավածության հետ եւ դա ավելի իրատեսական վիճակ ստեղծեց»,- ասում է Արծրուն Հովհաննիսյանը` շեշտելով, որ նմանատիպ զորավարժությունների անցկացման նպատակներից մեկն էլ խնդիրների դուրս հանումն է: «Բոլոր օղակներում էլ ի հայտ են գալիս խնդիրներ: Մենք յուրաքանչյուր տարի զորավարժություն անցկացնելով փորձում ենք նախորդ տարվա թերությունները շեշտել: Այս զորավարժությունն էլ հանդիսանալով նախորդ տարիների զորավարժությունների շտկողն ու նոր ձեռքբերումներ ունեցող միջոցառում, միաժամանակ իր հետ բերել է խնդիրներ, որոնք հաշվի են առնվելու հաջորդ տարիների պլաններում»,-եզրափակեց ՊՆ մամուլի քարտուղարը:

Կարդալ ավելին 12-27-2015

ԼՂՀ 2016 թվականի պետբյուջեն ընդունվել է ԱԺ կողմից
ԼՂՀ 2016 թվականի պետբյուջեն ընդունվել է ԱԺ կողմից

Այսօր տեղի է ունեցել 6-րդ գումարման ԼՂՀ Ազգային ժողովի 2-րդ նստաշրջանի վերջին նիստը: «Արցախպրես»-ի թղթակցի հաղորդմամբ՝ նիստին 29 կողմ և 4 դեմ ձայների հարաբերակցությամբ ընդունվել է ԼՂՀ 2016 թվականի պետական բյուջեյի մասին ԼՂՀ օրենքի նախագիծը: Նշենք, որ «Լեռնային Ղարաբաղի Հանրապետության 2016 թվականի պետական բյուջեի» ծախսերն, ըստ ընդունված օրենքի, կկազմեն մոտ 87 մլրդ 928 մլն դրամ, ինչն ընթացիկ տարվա համեմատ ավելին կլինի 0,8 տոկոսով: Պետբյուջեի դեֆիցիտը նախատեսվում է 2 մլրդ 761.3 մլն դրամ գումարի չափով:

Կարդալ ավելին 12-25-2015

Չեմ կարծում, որ Ադրբեջանի օրակարգում լայնամասշտաբ պատերազմ սկսելու հարց կա. ադրբեջանցի քաղաքագետ
Չեմ կարծում, որ Ադրբեջանի օրակարգում լայնամասշտաբ պատերազմ սկսելու հարց կա. ադրբեջանցի քաղաքագետ

Հայ-ադրբեջանական սահմանային լարվածության առկայությունը լիովին համապատասխանում է այն դիրիժորի հետաքրքրություններին, որը հակամարտության կողմերին զինելու ճանապարհով միաժամանակ մի քանի հարց է լուծում: Tert.am-ի հետ զրույցում ասաց ադրբեջանական «Հյուսիս-Հարավ» հետազոտական կենտրոնի ղեկավար Արաստուն Օրուջլուն՝ նշելով, որ խոսքը Ռուսաստանի մասին է: Դրա միջոցով, ադրբեջանցի քաղաքագետի խոսքով, Ռուսաստանն իր վերահսկողության տակ է պահում հակամարտության կառավարումը, կողմերը կախվածության մեջ են մնում ՌԴ-ից. այս կերպ Ռուսաստանին հաջողվում է նաև տարածաշրջանում դոմինանտ դեր ստանձնել: - Օրերս տեղի ունեցավ Ադրբեջանի և Հայաստանի նախագահների հանդիպումը: Ինչպե՞ս այն մեկնաբանվեց Ադրբեջանում: Ձեր կարծիքով՝ այն որևէ կերպ օգնե՞ց հակամարտության խաղաղ կարգավորման գործընթացին: - Պետության գլուխների մակարդակով ցանկացած հանդիպում և նրանց միջև անցկացված ցանկացած քննարկում միշտ ավելի լավ է, քան՝ ենթարկվելով ներքին լսարանի թելադրանքին, որոնք իրենց պես ոչ պակաս արմատական են տրամադրված սպառնալ պատերազմով: Որպես կանոն, դրա արդյունքում ամեն ինչ վերջանում է շփման գծում գրանցվող մարդկային զոհերով, ինչն ավելի է սրում լարվածությունը երկու հասարակություններում: Ինչ վերաբերում է նրան, թե կոնկրետ հանդիպման հանգամանքը որքանով կնպաստի հակամարտության խաղաղ կարգավորմանը, կարծում եմ, որ մենք դեռևս շատ հեռու ենք այս ուղղությամբ կատարվող ռեալ քայլերից: Ավելին՝ կողմերն այսօր ավելի շատ հեռացել են հակամարտության լուծման ելակետից, ուստի հանդիպումը կարող է նպաստել մասամբ լարվածության նվազմանը և ոչ ավելին: - Նախագահների հանդիպումից հետո ԵԱՀԿ Մինսկի խումբը հայտարարություն տարածեց, որտեղ ասված էր, որ նախագահները պատրաստակամություն են հայտնել ՄԽ հետ աշխատել հակամարտության խաղաղ կարգավորման ուղղությամբ և սահմանային լարվածության կրճատմամբ: Բայց իրականում երկու կողմերի պաշտպանության նախարարությունները մշտապես հայտարարում են զոհերի մասին: Այստեղ չկա՞ հակասություն: Ինչի՞ արդյունքում է սահմանը լարված, եթե կողմերը, ըստ ՄԽ համանախագահների, պատրաստակամ են դրա նվազմանը: - Երկու տասնամյակից ավել հակամարտության խաղաղ կարգավորման գործընթացը մեռյալ կետից չի շարժվում, ինչի հետևանքով, կողմերը նախապատվությունը տալիս են ռազմական հզորության մեծացմանը, որը բավական լուրջ գործոն է ոչ միայն ռազմական գործողությունների վերսկսման դեպքում, այլև՝ էֆեկտիվ միջոց է բանակցային գործընթացում: Սա նաև լիովին համապատասխանում է այն դիրիժորի հետաքրքրություններին, որը հակամարտության կողմերին զինելու ճանապարհով միաժամանակ մի քանի հարց է լուծում՝ հակամարտության կառավարումը մնում է իր վերահսկողության տակ, կողմերը նրանից կախվածության մեջ են մնում, այս կերպ հաջողվում է տարածաշրջանում դոմինանտ դեր ստանձնել և այլն: Հուսով եմ, որ բոլորին պարզ է, որ այս պարագայում շքերթը գլխավորում է Ռուսաստանը, որը աշխարհաքաղաքական վերջին դասավորումների արդյունքում բացարձակ հետաքրքրված չէ Հարավային Կովկասում առանցքային հակամարտության կարգավորմամբ, որովհետև իր ներկայացվածությունը և դերը տարածաշրջանում կարող է ապահովվել նման կոնֆլիկտների առկայության պայմաններում: Բոլոր մնացած պարամետրերով Ռուսաստանն ամենևին գայթակղիչ չէ: Իսկ սահմանային լարվածությունն այս խճանկարի գլխավոր տարրերից է: Առանց դրա դժվար կլիներ բոլորին զգոն պահել ու հիշեցնել իրենց հզորության մասին: Ահա սա է կատարվում, այն էլ՝ բավական հաջող: Դրա համար է սահմանային լարվածության աճը Հայաստանի և Ադրբեջանի նախագահների հանդիպումից առաջ դարձել բավական հաջող: - Երկու նախագահների հանդիպումից հետո Ադրբեջանը սահմանին կիրառեց ծանր տեխնիկա, տանկեր, եղան դիվերսիոն գործողություններ, որոնք հրադադարի ռեժիմի կնքումից հետո չէին կիրառվել: Սա հայկական փորձագիտական շրջանակների կողմից գնահատվում է որպես պրովոկացիա, ասվում է, որ Ադրբեջանը դեմ է հակամարտության խաղաղ կարգավորմանը և լուծման միակ տարբերակը տեսնում է ռազմական գործողությունների մեջ: Կարծում եմ՝ չեք համաձայնվի այս տեսակետների հետ: Այդ դեպքում, կարո՞ղ եք պարզաբանել՝ ինչու է Ադրբեջանը նման քայլեր նախաձեռնում: - Ո՛չ, համաձայն չեմ. նույն բանն ասվում է նաև Ադրբեջանում, բայց Հայաստանի մասին: Խնդիրը հետևյալն է, որի մի մասի վերաբերյալ ես արդեն իսկ խոսեցի նախորդ հարցում: Բացի այդ վերահսկողության ռեալ մեխանիզմներ այսօր գոյություն չունեն, դրանք շատ դժվար է ներդնել, չէ՞որ հակամարտության կողմերի շփման հատվածը ձգվում է մի քանի կիլոմետր: Պարզապես ադրբեջանական ռազմական ղեկավարները կիրառում են ավելի կոշտ հռետորաբանություն, ինչը հայկական կողմին տալիս է հնարավորություն ներկայացնել իրավիճակն այնպես, ինչպես դուք նկարագրեցիք: Ադրբեջանական կողմի կոշտ հռետորաբանությունը կարող է կապված լինել Հայաստանում ռուսական ռազմական ուժերի ներկայացվածությամբ: Չնայած դա, կարծես թե, կապված է ռուս-թուրքական հարաբերություններով: Ամեն դեպքում, Բաքվում միշտ հաշվի են առնում հանգամանքը, որ Ռուսաստանը Հայաստանի ռազմաքաղաքական դաշնակիցն է, և Ադրբեջանն այս պահին այս միավորմանը կարող է հակադրել ադրբեջանա-թուրքա-վրացական համագործակցությունը: - Ադրբեջանն ունի՞ ֆինանսական, մարդկային ռեսուրսներ լայնամասշտաբ պատերազմ սկսելու համար: - Չեմ կարծում, որ Ադրբեջանի օրակարգում նման հարց կա: Բայց եթե դա իրականություն դառնա, ապա Ադրբեջանի ռեսուրսները երկու պարագայում էլ գերազանցում են: - Ինչպե՞ս եք գնահատում Մինսկի խմբի աշխատանքը: Կարծիքներ կան, որ Ադրբեջանը ՄԽ համանախագահների կազմի փոփոխության կողմնակից է, որովհետև Մինսկի խմբի հայտարարություններն ավելի հասցեական են դարձել և չեն համապատասխանում ադրբեջանական մոտեցումներին: - Ադրբեջանում Մինսկի խմբի հանդեպ բավական ոչ ստաբիլ վերաբերմունք կա, ինչը պայմանավորված չէ նրանով, որ ՄԽ հայտարարություններն իբրև ավելի հասցեական են դարձել: Այստեղ, կարծում եմ, կարևոր դերակատարություն ունեն Ադրբեջանի և ՄԽ համանախագահների երկկողմանի հարաբերությունները: Պարզ է նաև այն, որ իր գոյության ամբողջ ընթացքում Մինսկի խումբը չկարողացավ առաջ տանել հակամարտության խաղաղ կարգավորման գործընթացը: Անձամբ ես միշտ խորապես համոզված եմ եղել, որ պետք էլ չէ նման բան ակնկալել, որովհետև հենց այդ ձևաչափում կան հետաքրքրությունների հակասություններ: Միաժամանակ, արդարացի չէ նաև զրոյական համարել Մինսկի խմբի ջանքերը, որովհետև ՄԽ-ն մեծ ջանքեր է գործադրել տարածաշրջանում խաղաղության պահպանման համար, թույլ չի տվել ռազմական գործողությունների վերսկսում, ինչը, բնականաբար, կործանարար կլիներ: Անձամբ ես դրական եմ գնահատում սա, որովհետև ելնում եմ այն սկզբունքից, որ «վատ խաղաղությունը լավ պատերազմից լավ է»:

Կարդալ ավելին 12-25-2015

Արցախ այցելող օտարերկրյա զբոսաշրջիկների թիվը զգալիորեն աճել է
Արցախ այցելող օտարերկրյա զբոսաշրջիկների թիվը զգալիորեն աճել է

Ընթացիկ տարում 2014 թվականի համեմատ 13 տոկոսով ավելացել է Արցախ այցելող օտարերկրյա զբոսաշրջիկների թիվը: Այդ մասին , այսօր, ընթացիկ տարում զբոսաշրջության և պատմական միջավայրի ուսումնասիրման ու պահպանության ոլորտում իրականացված աշխատանքների ամփոփմանը նվիրված մամլո ասուլիսի ժամանակ, «Արցախպրես»-ի թղթակցի հարցին ի պատասխան ասել է էկոնոմիկայի փոխնախարար Սերգեյ Շահվերդյանը: Ոլորտի պատասխանատուի խոսքով՝ նախորդ տարի օտարերկրյա զբոսաշրջիկների թիվը կազմել է 14 հազար 200, իսկ այս տարի հասնում է 16 հազար 500-ի: Ս. Շահվերդյանը մանրամասնել է, որ զբոսաշրջիկների թվի ավելացումը հնարավոր է դարձել ծրագրային մի շարք միջոցառումների արդյունքում։ Մասնավորապես՝ Արցախի զբոսաշրջային բարենպաստ նկարագրի ձևավորման ու հանրահռչակման նպատակով Մոսկվայում տեղի ունեցած Արցախյան օրերի շրջանակներում կազմակերպվել է ՌԴ զբոսաշրջային ընկերությունների հետ հանդիպում, որի ընթացքում ներկաներին հանգամանորեն ներկայացվել է ԼՂՀ զբոսաշրջային ոլորտը, Արցախը զբոսաշրջային փաթեթներում ընդգրկելու առավելությունները և այլն: Արցախի զբոսաշրջային ներուժը լայնորեն ներկայացվել է նաև եվրոպական մամուլում. հոդվածներ են հրապարակվել իտալական, գերմանական և բրիտականան տեղեկատվական կայքերում: Կազմակերպվել են նաև եվրոպական մի շարք հեռուստաընկերությունների նկարահանումներ Արցախի զբոսաշրջավայրերի մասին: Արդյունքում՝ աճել է ինչպես զբոսաշրջիկների թիվը, այնպես էլ նրանց գիշերակացի միջին տևողությունը ( 4-5 օր): Էկոնոմիկայի փոխնախարարի խոսքով՝ Արցախի ՀՆԱ-ի 3 տոկոսը կազմում է զբոսաշրջության ոլորտի մասնաբաժինը : Կարևորելով զբոսաշրջության դրական ազդեցությունը ԼՂՀ սոցիալ-տնտեսական և մշակութային կյանքի զարգացման վրա՝ Ս. Շահվերդյանը վստահեցրել է, որ հաջորդ տարի շարունակվելու են Արցախի՝ որպես զբոսաշրջային գրավիչ ու ապահով երկրի վարկանիշի ձևավորման ու տարածման ուղղությամբ տարևվող աշխատանքները:

Կարդալ ավելին 12-25-2015

Սերժ Սարգսյանը ՀԱՊԿ-ում անդրադարձել է Ադրբեջանի կողմից սահմանային լարվածության բարձրացմանը
Սերժ Սարգսյանը ՀԱՊԿ-ում անդրադարձել է Ադրբեջանի կողմից սահմանային լարվածության բարձրացմանը

Մոսկվայում այսօր կայացած ՀԱՊԿ Հավաքական անվտանգության խորհրդի նստաշրջանում ՀՀ Նախագահ Սերժ Սարգսյանը ելույթ է ունեցել` անդրադառնալով ՀԱՊԿ ՀԱԽ սեպտեմբերյան նստաշրջանում ձեռքբերված պայմանավորվածությունների իրականացման ընթացքին, Կազմակերպությունում ՀՀ նախագահության առաջնայնություններին, ՀԱՊԿ շրջանակներում առաջիկայում նախատեսվող միջոցառումներին, ինչպես նաև միջազգային և տարածաշրջանային խնդիրներին ու մարտահրավերներին: ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչության փոխանցմամբ՝ այս համատեքստում ՀՀ Նախագահը, մասնավորապես, նշել է. «Հարգելի գործընկերներ, Ռուսական ՍՈՒ-24-ի ոչնչացումը թուրքական զինված ուժերի կողմից լուրջ մարտահրավեր դարձավ ահաբեկչության հակազդմանը, Սիրիայում իրավիճակի կարգավորմանն ու տարածաշրջանում խաղաղության հաստատմանն ուղղված ջանքերին: Յուրաքանչյուր օժանդակություն ահաբեկչությանը ենթակա է խիստ քննադատման: Խոցված ռուսական ինքնաթիռի հետ կապված իրավիճակի զարգացման մեջ մենք բոլորս ականատես եղանք, թե ինչպես է տեղի ունենում գործուն ռազմաքաղաքական դաշինքների ձևավորումը: ՆԱՏՕ-ի երկրների՝ ներառյալ, օրինակ, Հունաստանի անվերապահ աջակցությունը Թուրքիային, , ակնհայտորեն ցույց է տալիս, որ «մեկը բոլորի և բոլորը՝ մեկի համար» սկզբունքը հանդիսանում է նման կառույցների արդյունավետության պարտադիր պայման: Նույնիսկ այն դեպքում, երբ Թուրքիայի գործողությունները հակասում էին բարեկամության և բարիդրացիության բոլոր նորմերին ու սկզբունքներին, նույնիսկ այն դեպքում, երբ այն խոցել էր ահաբեկչության դեմ պայքարող միջազգային հանրության համար կարևորագույն մարտական հանձնարարություն իրականացնող ինքնաթիռ, ՆԱՏՕ-ի ոչ մի երկիր կասկածի տակ չդրեց թուրքական կողմի գործողությունը: Մենք պետք է դրանից դասեր քաղենք: Իհարկե, ցանկացած երկիր ունի իր շահերը, իր առաջնայնությունները, բայց դրանք չպետք է հակադրվեն մեր ընդհանուր շահերին և փոխադարձ պարտավորություններին։ Ամեն անգամ, երբ Ադրբեջանի Զինված ուժերը Հայաստանի Հանրապետության դեմ կիրառում են ավտոմատներ, ականանետեր և հրետանային սարքավորումներ, նրանք կրակում են Աստանայի, Դուշանբեի և Բիշկեկի, Մոսկվայի և Մինսկի ուղղությամբ։ Հիշեցնեմ, որ մենք Կանոնադրության մեջ ունենք համապատասխան հոդված։ Եվ եթե մենք ոչ միայն չենք կիրառում այդ հոդվածը, չենք քննարկում ստեղծված իրավիճակը, հարկ չենք համարում վերցնել լսափողը և հետաքրքրվել՝ ինչ է կատարվում դաշնակից Հայաստանում, և դրա հետ մեկտեղ նաև քվեարկում ենք միմյանց շահերի դեմ միջազգային կազմակերպություններում, երրորդ երկրների հետ ընդունում ենք երկկողմ հայտարարություններ, որոնց տեքստն ուղղված է ՀԱՊԿ դաշնակիցների դեմ, ապա մենք պարզապես այդ կրակոցների տակ ենք դնում մեր ամբողջ Կազմակերպությունը, նրա հեղինակությունը, նրա կարևորությունը։ Ադրբեջանի քաղաքականությունն ուղղված է կոնֆլիկտի սրացմանը: Ցավոք, Դուշանբեի նստաշրջանից հետո իրավիճակը ոչ միա չի կայունացել, այլև ավելի լարված բնույթ է ստացել ։ Ադրբեջանական կողմը չի սահմանափակվում ծանր հրետանու կիրառմամբ, այդ թվում՝ թուրքական արտադրության։ Դեկտեմբերի 8-ին Ադրբեջանի զինված ուժերը 1994թ․ հրադադարի ռեժիմի հաստատումից ի վեր առաջին անգամ անցան տանկային ռմբակոծության, ինչը լարվածությունը բարձրացնում է նոր և շատ վտանգավոր մակարդակի։ Հաշվի առնելով տարածաշրջանում վերջին շրջանում ձևավորված լարված մթնոլորտը՝ պետք չէ բացառել, որ այդ քայլին Ադրբեջանը գնացել է դրսի կողմի հուշումով կամ աջակցությամբ»:

Կարդալ ավելին 12-22-2015

ԼՂ հարցի ռազմական լուծումն Ադրբեջանի համար շատ ցավոտ է լինելու. պատգամավոր
ԼՂ հարցի ռազմական լուծումն Ադրբեջանի համար շատ ցավոտ է լինելու. պատգամավոր

Հայաստանի և Ադրբեջանի նախագահների` դեկտեմբերի 19-ին Բեռնում կայացած հանդիպումը ցույց տվեց, որ Հայաստանն աստիճանաբար գործ է ունենալու իրավիճակին ոչ համարժեք արձագանքող Արդբեջանի հետ` մի երկիր, որի ներսում հասունացել են խնդիրներ ինչպես տնտեսական, այնպես էլ աշխարհաքաղաքական դերակատարման առումով: Լրագրողների հետ հանդիպմանը նման տեսակետ հայտնեց ՀՀ ԱԺ արտաքին հարաբերությունների հանձնաժողովի նախագահ Արտակ Զաքարյանը: «Ադրբեջանը խիստ մտահոգված է աշխարհաքաղաքական առումով իր դերակատարության անկմամբ, Ադրբեջանում խիստ մտահոգված են տնտեսական ու սոցիալական պարտավորությունների իրականացման բարդությամբ, Լեռնային Ղարաբաղի հակամարտության կարգավորման հարցում իրենց ապակառուցողական ու սադրիչ գործողությունների համար»,- ասաց պատգամավորը: Արտակ Զաքարյանի խոսքով` ռազմական ուժի կիրառմամբ Ադրբեջանի փայփայած անհույս ակնկալիքները, թե կարող են որոշակի փոփոխություններ բերել բանակցային գործընթացում, արդարացված չեն: «Դժվար թե ադրբեջանցիները 2016-2017-ին կարողանան մտածել այնպիսի գործողություններ կամ ստեղծել այնպիսի իրավիճակ, որը շահեկան լինի իրենց համար ԼՂ հիմնահարցի կարգավորման հարցում, ընդհակառակը այս տեմպերով Ադրբեջանն ավելի է վնասելու բոլոր հնարավորությունները, որոնք կարող են իրենց հույս տալ խաղաղ բանակցային գործընթացում ինչ-որ մի բան շահելու, իսկ խնդիրը ռազմական լուծում ուղղակի չունի, ռազմական լուծումը Ադրբեջանի համար շատ ցավոտ է լինելու»,-հավելեց Արտակ Զաքարյանը: Նա ընդգծեց, որ ՀՀ Նախագահի ելույթը ՀԱՊԿ գագաթնաժողովում, ցույց տվեց, որ «Հայաստանն իր նվազ ռեսուրսներով, բայց արդյունավետ քաղաքականությամբ ավելին կարող է իրականացնել և քաղաքական ծրագրեր առաջարկելու առումով շատ ավելի հստակ դիրքեր ունի, քան Ադրբեջանը»: Արտակ Զաքարյանի դիտարկմամբ` միջազգային ձևաչափով Ադրբեջանն ունի միայն մեկ հենարան`Թուրքիան, որն այսօր ոչ այնքան երանելի վիճակում է` հաշվի առնելով հարևանների հետ ունեցած «բազում խնդիր» հարաբերությունները: «Հայաստանի բազմավեկտոր քաղաքականության պայմաններում մենք միշտ էլ կարող ենք ունենալ աջակիցներ, հենարաններ, կողմեր, որոնք աջակցում են ՀՀ քաղաքականությունը»,-շեշտեց նա: ԼՂ հիմնահարցի կարգավորման շուրջ ամերիկյան կողմի վերջին շրջանի ակտիվությունը բացատրելով` Արտակ Զաքարյանը նշեց, որ տարբեր ժամանակներում համանախագահները հանդես են գալիս հիմնահարցի կարգավորման իրենց առաջարկություններով: «Մինսկի խմբի համանախագահների շահերը Լեռնային Ղարաբաղի հարցի շուրջ ոչ թե հատվում են,այլ համընկնում»,-եզրափակեց նա:

Կարդալ ավելին 12-22-2015

Ադրբեջանն սպառել է առաջին գծում ունեցած իր բոլոր զինատեսակները. Արծրուն Հովհաննիսյան
Ադրբեջանն սպառել է առաջին գծում ունեցած իր բոլոր զինատեսակները. Արծրուն Հովհաննիսյան

Ադրբեջանն իրավիճակը հասցրել է նրան, որ այսօրվա դրությամբ առաջին գծում ունեցած իր բոլոր զինատեսակները սպառված են: NEWS.am-ի փոխանցմամբ` այս մասին, այսօր՝ դեկտեմբերի 22-ին, լրագրողների հետ հանդիպման ժամանակ հայտնել է Հայաստանի պաշտպանության նախարարի մամուլի քարտուղար Արծրուն Հովհաննիսյանը: Նա հիշեցրել է, որ հակառակորդը տարեսկզբից գործի է դրել այնպիսի զինատեսակներ, որոնք հրադադար կնքելուց հետո չէին օգտագործվել՝ զրահամեքենա, հաուբից, զենիթային սարքավորումներ: Լրագրողի այն մեկնաբանությանը, որ անհրաժեշտ է այդ նույն զինատեսակներով պատասխանել՝ մամուլի քարտուղարն արձագանքեց, որ պարտադիր չէ ի պատասխան նույն զինատեսակները գործածել՝ կարելի է պատասխանել ավելի փոքր ծավալով, բայց ավելի ճշգրիտ: Արծրուն Հովհաննիսյանի խոսքով, այսօր արդեն ոչ ոքի համար գաղտնիք չէ, որ իրավիճակը պետք է գնահատել որպես ռազմական, ու կատարվող իրադարձությունները արդեն հրադադարի խախտում չեն: «Պետք է հասկանալ, որ հակառակորդը զրահամեքենաներ է ներգրավում ոչ թե մեկ -երկու զինվոր սպանելու, այլ ավելի լուրջ նպատակների հասնելու համար: Եվ ամեն անգամ դա նրան չի հաջողվում: Սպանելով մեկ -երկու զինվորի, նա այնուամենայնիվ ձախողում է ավելի խոշոր նպատակները ու դրա համար էլ ավելացնում է տրամաչափը»,- նշեց Հովհաննիսյանը՝ հավելելով, որ անցած տարիներին հակառակորդը բազմիցս ձգտել է զավթել հենակետեր, միշտ պատասխան է ստացել ու հետ մղվել: «Առայսօր նրանց անգամ դա չի հաջողվել»,- փաստեց Հովհաննիսյանը: Ինչ վերաբերում է դիվերսիաների քանակին, մամուլի քարտուղարը նշեց, որ իրականացվում է վերլուծություն, բայց հրաժարվեց հայտնել արդյունքները: «Դուք ինքներդ էլ կարող եք եզրակացություններ անել: Հիմք ընդունելով ձախողված քայլերի մասին տեղեկությունները»,- նշեց Հովհաննիսյանը: Պատասխանելով ՀԱՊԿ-ի կողմից ակնկալվող արձագանքի մասին հարցին, նա նշեց, որ այդ հարցը քաղաքական հարթությունում է:

Կարդալ ավելին 12-22-2015

Ադրբեջանն Արցախի ուղղությամբ կրակել է հրթիռային կայանքներից և նռնականետերից
Ադրբեջանն Արցախի ուղղությամբ կրակել է հրթիռային կայանքներից և նռնականետերից

Ղարաբաղա-ադրբեջանական հակամարտ զորքերի շփման գծում դեկտեմբերի 21-ին և լույս 22-ի գիշերը շարունակվել են զինված բախումները: ԼՂՀ պաշտպանության նախարարության մամուլի ծառայության փոխանցմամբ՝ նշված ժամանակահատվածում հակառակորդի կողմից տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 900 կրակոց: Ադրբեջանական զինուժը շփման գծի հյուսիսային և հյուսիսարևելյան ուղղությամբ կիրառել է նաև TR-107 տիպի հրթիռային կայանքներ (8 արկ), 60 և 82 միլիմետրանոց ականանետեր (16 արկ), ՀՀՆ-9 և ՀԱՆ-17 տիպի նռնականետեր: ՊԲ առաջապահ զորամասերը շարունակում են վստահորեն տիրապետել օպերատիվ իրադրությանը և իրականացնել մարտական դիրքերի հուսալի պահպանություն:

Կարդալ ավելին 12-22-2015

Հակառակորդը Հադրութի ուղղությամբ կիրառել է Դ-30 հաուբից հրանոթ
Հակառակորդը Հադրութի ուղղությամբ կիրառել է Դ-30 հաուբից հրանոթ

Դեկտեմբերի 20-ին և լույս 21-ի գիշերը ղարաբաղա-ադրբեջանական հակամարտ զորքերի շփման գծում տեղիունեցած զինված բախումների ընթացքում հակառակորդի կողմից տարբեր տրամաչափի հրաձգայինզինատեսակներից, ինչպես նաև 60 /236 արկ/, 82 /155 արկ/, 120 /23 արկ/ միլիմետրանոց ականանետերից, ՀԱՆ-17 /4արկ/ և ՌՊԳ-7 /3 արկ/ տիպի նռնականետերից, TR-107 տիպի հրթիռային կայանքից /24 արկ/, հայ դիրքապահների ուղղությամբ արձակվել է ավելի քան 1700 կրակոց: Հակառակորդը շփման գծի հարավային (Հադրութ) ուղղությամբ կիրառել է նաև 122 միլիմետրանոց Դ-30 հաուբից հրանոթ /4 արկ/:

Կարդալ ավելին 12-21-2015

ՀՀ Նախագահ Սարգսյանը Մոսկվայում վարել է ՀԱՊԿ Հավաքական անվտանգության խորհրդի նստաշրջանը
ՀՀ Նախագահ Սարգսյանը Մոսկվայում վարել է ՀԱՊԿ Հավաքական անվտանգության խորհրդի նստաշրջանը

Աշխատանքային այցով Ռուսաստանի Դաշնությունում գտնվող Նախագահ Սերժ Սարգսյանը դեկտեմբերի 21-ին Մոսկվայում մասնակցում է Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նստաշրջանին: ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչության փոխանցմամբ` հյուրընկալող երկրի` Ռուսաստանի Դաշնության Նախագահ Վլադիմիր Պուտինը նստաշրջանի սկզբում ողջույնի խոսք է հղել մասնակիցներին, մաղթել արդյունավետ աշխատանք, որից հետո նստաշրջանը վարել է ՀԱՊԿ-ում նախագահությունը ստանձնած Հայաստանի Հանրապետության Նախագահ Սերժ Սարգսյանը: Բանակցություններն այժմ ընթանում են նեղ կազմով՝ Ռուսաստանի, Բելառուսի, Ղազախստանի, Հայաստանի, Ղրղզստանի, Տաջիկստանի նախագահների և Կազմակերպության գլխավոր քարտուղարի մասնակցությամբ, որից հետո ՀԱՊԿ անդամ պետությունների ղեկավարները նիստը կշարունակեն ընդլայնված ձևաչափով՝ պատվիրակությունների անդամների մասնակցությամբ: ՀԱՊԿ Հավաքական անվտանգության խորհրդի լիագումար նիստի ընթացքում ստորագրման են նախատեսված մի շարք փաստաթղթեր, այդ թվում՝ Հավաքական անվտանգության պայմանագրի կազմակերպության անդամ պետությունների ղեկավարների հայտարարությունը ՝ միջազգային ահաբեկչությանը հակազդելու մասին, ՀԱՊԿ Հավաքական անվտանգության խորհրդի «Հավաքական անվտանգության պայմանագրի կազմակերպության գլխավոր քարտուղարի մասին», «Հավաքական անվտանգության պայմանագրի կազմակերպության մշտապես գործող աշխատանքային մարմինների պաշտոնատար անձանց ռոտացիայի մասին» որոշումների նախագծերը: Օրակարգի շրջանակներում ՀԱՊԿ անդամ պետությունների ղեկավարները մտքեր կփոխանակեն աշխարհում ընթացիկ իրավիճակի և Կազմակերպության հետագա գործողությունների շուրջ:

Կարդալ ավելին 12-21-2015

Ռուսաստանը Հայաստանի ռազմակայանն ուժեղացրել Է մարտական ուղղաթիռներով
Ռուսաստանը Հայաստանի ռազմակայանն ուժեղացրել Է մարտական ուղղաթիռներով

Ռուսաստանը Հայաստանում տեղակայված իր ռազմակայանն ուժեղացրել Է մարտական ու փոխադրական ուղղաթիռներով՝ դրանք ուղարկելով Կուբանից: ՌԴ Հարավային ռազմական օկրուգի մամուլի ծառայության փոխանցմամբ` «Կրասնոդարի երկրամասի ռազմական օդանավակայանից տեղ են հասցվել վեց միավոր Մի-24Պ ժամանակակից մարտական հարվածային ուղղաթիռներ եւ բանակային ավիացիայի Մի-8ՄՏ փոխադրական ուղղաթիռներ: Ներկայում Անդրկովկասի ռուսական զորամիավորումում ձեւավորվել Է բանակային ավիացիայի ուղղաթիռների Էսկադրիլիա, կատարվում Է ավիացիոն տրանսպորտային միջոցների հավաքում»,-նշվում Է հաղորդագրության մեջ:

Կարդալ ավելին 12-21-2015

Ադրբեջանն ընտրել է իրավիճակը պատերազմականին մոտեցնելու ճանապարհը. Լևոն Մնացականյան
Ադրբեջանն ընտրել է իրավիճակը պատերազմականին մոտեցնելու ճանապարհը. Լևոն Մնացականյան

Անցնող տարին Արցախի զինված ուժերի համար արդյունավետ է եղել, քանի որ ծրագրերը, որոնց նպատակը եղել է բանակի մարտունակության բարձրացումը, իրականացվել են: Այսպիսի գնահատական տվեց Լեռնային Ղարաբաղի Հանրապետության պաշտպանության նախարար, ՊԲ հրամանատար, գեներալ-լեյտենանտ Լևոն Մնացականյանը «Արմենպրես»-ի հետ զրույցում: Նա խոսել է սահմանային անվտանգության ու բանակի առջեւ ծառացած մարտահրավերների մասին: ԼՂՀ պաշտպանության նախարարը նաեւ բացատրել է, թե ինչու են միջազգային փորձագետները սկսել բացառել Ադրբեջանի կողմից «բլից կրիգ»-ի կիրառումը: -Պարոն Մնացականյան, եթե ամփոփելու լինենք 2015 թվականը, ինչպիսի՞ն էր այնԱրցախի բանակի համար: -Բանակաշինության տեսանկյունից 2015 թվականն Արցախի զինված ուժերի համար կարելի է համարել արդյունավետ տարի, քանի որ դրանում տեղ գտած բոլոր գործընթացները կյանքի են կոչվել համապատասխան նախատեսված ծրագրերի և նպատակաուղղված են եղել բանակի մարտունակության աստիճանական զարգացմանը: Որպես առաջնահերթություն, տարվա ընթացքում հատուկ ուշադրություն է դարձվել բոլոր աստիճանի հրամանատարների և շարքային անձնակազմի մարտական պատրաստության ու պատրաստականության բարձրացմանը, տեսական և գործնական պարապմունքների միջոցով կատարելագործվել են նրանց մարտական ու մարտավարամասնագիտական ունակությունները, բավականին մեծ աշխատանք է իրականացվել առաջնային գծի ամրապնդման և այն մարտական հերթապահության պահանջներին հնարավորինս համապատասխանեցնելու ուղղությամբ: Բացի վերոնշյալից, բանակի հրամանատարության ուշադրության կենտրոնում են եղել սպառազինության և ռազմական տեխնիկայի համալրման և դրանց սպասարկման ու նպատակային շահագործելու գործընթացները, թիկունքային ապահովման խնդիրները, զինծառայողների և նրանց ընտանիքների անդամների սոցիալական պայմանների բարելավմանն ուղղված միջոցառումները և այլն: Կատարված այս և մյուս աշխատանքների շնորհիվ բանակը ոչ միայն կարողացել է ապահովել նախորդ տարիների ունեցած իր ձեռքբերումների շարունակականությունը, այլև լավագույնս իրականացրել է իր վրա դրված գլխավոր առաքելությունը, այն է` պաշտպանել երկրի սահմաններն ու հարազատ ժողովրդի անվտանգությունը: -Վերջերս փորձագետներից մեկը վերջին երկու տարվա իրավիճակը բնորոշեց «դանդաղ պատերազմ»: Դուք համամի՞տ եք այդ բնորոշմանը: -Իրականում 2014թ. օգոստոսից հակամարտ զորքերի շփման գծում տեղ գտնող զարգացումները, որոնք բացառապես պայմանավորված են ադրբեջանական կողմի սադրիչ քայլերով, չեն տեղավորվում դեռևս 1994թ. մայիսին կողմերի միջև հրադադարի հաստատման մասին ձեռք բերված համաձայնության տրամաբանության շրջանակում: Ակնհայտ է, որ Ադրբեջանն աստիճանաբար ոչ միայն փոխում է իր նախահարձակ գործողությունների մարտավարությունը, այլև դրանցում կիրառվող ուժերն ու միջոցները: Այսպես, եթե սկզբնական շրջանում նա իր սադրանքներն իրականացնում էր դիպուկահարների և դիվերսիոն-հետախուզական խմբերի միջոցով, ապա 2015թ. մարտից գործողության մեջ դրեց տարբեր տրամաչափի ականանետային, իսկ ապա նաև հրթիռահրետանային և զրահատանկային միջոցներ, այդ թվում` 122 միլիմետրանոց Դ-20 տիպի հաուբից հրանոթներ, թուրքական արտադրության TR-107 տիպի ռեակտիվ հրետանային կայանքներ, տանկեր: Իսկ եթե ասվածին հավելենք նաև անցած տարվա նոյեմբերին հակառակորդի կողմից հայկական ուղղաթիռի խոցման դեպքը, ապա առավել քան պարզ կդառնա, որ ադրբեջանական կողմն ընտրել է հակամարտությունը ոչ թե խաղաղ բանակցությունների միջոցով հանգուցալուծելու, այլև իրավիճակը պատերազմականին մոտեցնելու ճանապարհը: -Վերջին մեկ տարվա ընթացքում Ադրբեջանի զինված ուժերը կիրառում են թուրքականարտադրության զինատեսակներ: Այդ հարցը ԵԱՀԿ Մինսկի խմբի համանախագահներիհետ հանդիպման ժամանակ բարձրացվո՞ւմ է: -ԵԱՀԿ Մինսկի խմբի ներկայացուցիչների հետ ունեցած հանդիպումների ընթացքում, իմ իրավասությունների շրջանակում, ես շոշափում եմ ոչ միայն այդ, այլ նաև շփման գծում տիրող իրավիճակի հետ կապված այլ հարցեր ևս: Ինչ վերաբերում է նրանց արձագանքին, ապա ավելի ճիշտ կլիներ, առիթ լինելու դեպքում այդ հարցն ուղղեիք ԵԱՀԿ Մինսկի խմբի համանախագահներին: -Թուրքիան նաև ՆԱՏՕ-ի անդամ պետություն է: Ըստ Ձեզ, այս առնչությամբ ՆԱՏՕ-իլռությունը որքանո՞վ է համընկնում այդ կառույցի առաջադրած սկզբունքներին ուգաղափարներին: -Այդ հարցի պատասխանը ստանալու համար ավելի ճիշտ կլիներ դիմել համապատասխան հասցեատիրոջը: -Եթե մի քանի տարի առաջ միջազգային ռազմական փորձագետները, Արցախումպատերազմ կանխատեսելով, շեշտում էին, որ Ադրբեջանն անպայման կդիմի «բլից-կրիգ»-ի, ապա վերջին շրջանում նման վերլուծությամբ չեն ներկայանում: Ըստ Ձեզ, դաինչի արդյունք է, և ինչի շնորհիվ է միջազգային վերլուծաբանների տեսակետը փոխվել: -Ես կասեի, որ «բլից-կրիգի» մասին հիմնականում ակնարկում էին նրանք, ովքեր անտեղյակ էին իրականությանը կամ իրենց դատողություններն անում էին ադրբեջանական քարոզչության ազդեցության տակ: Այնինչ, հավանական պատերազմի ընթացքի ու ելքի մասին առավել լուրջ հետևություններ կարող են անել նրանք, ովքեր հակամարտ կողմերի հնարավորությունների մասին ունեն իրական պատկերացումներ: Ինչ խոսք, երևի թե ձեր նշած վերլուծաբաններին արդեն հասու է այդ իրականությունը: -Պարոն նախարար, մի քանի տարի առաջ ներկայացվեց վերլուծություն, համաձայն որի`հակառակորդի դիպուկահարից զոհված հայ զինվորների մեծ մասը մահացու վիրավորումէր ստանում հենց գլխի շրջանում: Դա վերագրվում էր նաև զինվորի կողմիցանուշադրությանը: Այժմ իրավիճակն ինչպիսին է և այդ առնչությամբ ինչպիսիաշխատանքներ են տարվում: -Եթե առաջնային գծում տարբեր զինատեսակներից շարունակ խախտվում է հրադադարի ռեժիմը, իսկ դիպուկահարային պատերազմը կրում է բացահայտ բնույթ, բնականաբար կորուստներն անխուսափելի են: Սակայն դա չի նշանակում, որ մենք պետք է հարմարվենք այդ իրողության հետ և փնտրենք արդարացուցիչ պատճառներ: Դա անընդունելի է և մենք պարտադրված ենք որոնելու և գտնելու այն բոլոր հնարավոր ուղիները, որոնք կտանեն նման դեպքերի, եթե ոչ լրիվ բացառման, ապա գոնե շոշափելի կրճատման: Իսկ դրան հասնելու համար անհրաժեշտ է նախ` զինվորների մեջ դաստիարակել մարտական ու բարոյահոգեբանական պատշաճ որակներ և, երկրորդ` մարտական դիրքերի ինժեներական կահավորվածությունը դարձնել անթերի: Սրանք այն երկու կարևոր պահանջներն են, որոնց կատարման ուղղությամբ այսօր մենք ձեռնարկում ենք քայլեր: -Պարոն Մնացականյան, ցավոք, այս տարի շատ էին մարդկային կորուստները բանակում:Կա՞ վիճակագրական տվյալ այդ առնչությամբ և որքան տոկոս են կազմում խաղաղպայմաններում զոհվածները: -Մեզ համար յուրաքանչյուր զինվորի մահ անդառնալի կորուստ է` դա լինի մարտական դիրքում, թե խաղաղ ծառայության ընթացքում: Սա իրողություն է, որը չափվում է ոչ թե վիճակագրությամբ, այլև մարդկային ճակատագրերով… Հավատացեք, անգամ մեկ զինվորի կորուստը մեր բանակի հզորությանը շոշափելի հարված է և ըստ այդմ, մենք պարտադրված ենք անելու ամեն հնարավորն ու անհնարինը, նման արտակարգ դեպքերից խուսափելու համար: -Պարոն Մնացականյան, որո՞նք են այն հարցերը, մարտահրավերները, որոնց լուծմանուղղությամբ աշխատանքներ եք տանելու հաջորդ տարիներին: -Ինչպես միշտ, գալիք տարում ևս մեր գործունեությունը ուղղված է լինելու բանակի հզորության բարձրացմանն ու ամրապնդմանը: Իսկ դրա համար առկա են բոլոր նախադրյալները: Համոզված եմ, որ զինված ուժերի ողջ անձնակազմը և նրա թիկունքում կանգնած ժողովուրդն անելու են իրենցից կախված ամեն հնարավորը մեր երկրի անվտանգ ու խաղաղ կենսագործունեությունն ապահովելու համար:

Կարդալ ավելին 12-21-2015

Չորս պատճառ, որ Ադրբեջանը լայնամասշտաբ պատերազմ չի սկսի. Դավիթ Բաբայան
Չորս պատճառ, որ Ադրբեջանը լայնամասշտաբ պատերազմ չի սկսի. Դավիթ Բաբայան

Լեռնային Ղարաբաղի նախագահ Բակո Սահակյանի մամուլի քարտուղար Դավիթ Բաբայանը երեկ Բեռնում Ալիև -Սարգսյան մոտ 2 ժամ տևած (առանձին ձևաչափով նաև ` համանախագահների ու Անջեյ Կասպրշիկի) հանդիպումների արդյունքներով կարող է կանխատեսել, որ լայնամասշտաբ պատերազմ չի լինի: Ինչը, սակայն, ըստ նրա չի նշանակում, որ Ադրբեջանը չի շարունակի սահմանային դիվերսիոն քաղաքականությունը: «Պատերազմ չի լինի մի շարք պատճառներով, որպեսզի մենք ավելի ճիշտ պատկերացնենք` ինչու է Ադրբեջանը նման քայլերի դիմում, պետք է լավ հասկանանք այդ պետության հոգեբանության ապրելակերպը, արժեքները, իրավիճակը ներսում»,-ԹԵՐԹ.ամ-ի փոխանցմամբ՝ հայտարարեց Դավիթ Բաբայանը։ Ըստ նրա` լայնամասշտաբ պատերազմ չսկսելու համար Ադրբեջանի պատճառներից առաջինն ու ամենագլխավորն այն է, որ կողմերի միջև կա հստակ ռազմաքաղաքական հավասարակշռություն: Այսինքն` Ադրբեջանն ի վիճակի չէ պատերազմել Արցախի ու Հայաստանի դեմ և այդ պատերազմը հաղթել: «Եթե նա այդ հնարավորությունն ունենար կամ ունենա կամ՝ զգացողություն, որ կարող է դա անել, նա կսկսեր, ինչպես սկսել է 1988-90 թվականներին»,-ասաց Դավիթ Բաբայանը: Երկրորդ պատճառը, ըստ նրա, այն է, որ գերտերությունները, որոնք փաստացի համանախագահող երկրներն են, չեն ուզում պատերազմ: «Պատերազմ սկսելը շատ բարդ աշխարհաքաղաքական գործ, և 1990-ականներին դա ավելի հեշտ էր այն պատճառով, որ Անդրկովկասում ստեղծվել էր աշխարհաքաղաքական վակուում: Խորհրդային միության փլուզումից հետո վակուում առաջացավ, որևէ գլոբալ ուժ այնտեղ չէր կարող կարգավորել, որ պատերազմ չլինի, դրա համար կարողացավ, հիմա դա այդպես չէ, որովհետև Անդրկովկասում կան խոշոր, գլոբալ քաղաքական խաղացողներ, որոնք ունեն իրենց շահերը: Դա և՛ Արևմուտքն է, և՛ Ռուսաստանը, և՛ Իրանը , և շատ դժվար է սկսել այդ պատերազմը, որովհետև եթե լինի պատերազմ, այն չի սահմանափակվելու Ադրբեջանով, Արցախով և Հայաստանով և այստեղ ներգրավված կլինեն և՛ տարածարջանային և՛ գլոբալ պետությունները»,- մեկնաբանեց Դավիթ Բաբայանը: Ըստ նրա Ադրբեջանի համար շատ դժվար է ճեղքել այդ պատը, և պատերազմի դեպքում Ադրբեջանի նկատմամբ կսկսվի անհանդուրժողականություն ու մեկուսացում: «Եվ այդ ամենը թույլ չի տալիս, որ (Իլհամ Ալիևը – Tert.am) դիմի գործողությունների, իհարկե, կարող է դիմել, եթե ռեալ չպատկերացնի իրավիճակը, բայց սա կործանարար կլինի Ադրբեջանի և իր իսկ կլանի համար` հաշվի առնելով այն գործընթացները, որ կան Ադրբեջանի ներսում»,- Ադրբեջանի կողմից պատերազմի չվերսկսման մեկ այլ պատճառ նշեց ԼՂՀ նախագահի մամուլի խոսնակը: Եվ չորրորդ պատճառը Ադրբեջանի կողմից պատերազմի չվերսկսման այն է, որ Ադրբեջանի ներսում ալիևյան կլանը թուլանում է, ինչի հետևանքով հետապնդումներ են սկսվել ոչ միայն ներքին ընդդիմախոսների, այլ սեփական պետական կառույցների նկատմամբ. Ձերբակալություններ և պաշտոնանկություններ Ադրբեջանի նախագահականում, արտգործնախարարությունում, ոստիկանությունում: «Հատկապես, այս նավթի գների անկումից հետո նման հետևանքներ է ունենում, որովհետև նրանք թմրամոլների նման նստած են նավթի վրա, և առաջին հերթին իշխանությունը պահելու համար»,- ասաց Դավիթ Բաբայանը` հավելելով, որ սրա համար լավագույն տարբերակն արտաքին թշնամու կերպարի սերմանումն է, ինչը նաև թույլ է տալիս բոլոր նրանց, որոնք Ալիևի հետ համաձայն չեն, ներկայացնել որպես ազգի դավաճաններ: «Միայն այն, որ մեկ տարվա ընդմիջումից հետո նախագահներ Սարգսյանն ու Ալիևը հանդիպում են, չնայած հանգամանքին, որ այդ հանդիպումից հետո սահմանին տասնյակ զոհեր են եղել, Դավիթ Բաբայանը համարում է ինքնին դրական, «որովհետև օգնում են պահպանել կայունությունը տարածաշրջանում»,–ասաց նա: Դավիթ Բաբայանը ոչ միայն չի բացառում, այլև համոզված է, որ Ադրբեջանը շարունակելու է սահմանային դիվերսիոն գործողությունները` Թուրքիայի սադրանքներով ու «թիկունքով»: Նա նաև հիշեցնում է Ադրբեջանի պաշտպանության նախարարի՝ վերջերս Թուրքիայում արված հայտարարությունները, որ «քանի մեր ավագ եղբայրը մեր կողքին է, մենք չենք վախենում ոչնչից»:

Կարդալ ավելին 12-20-2015

Ադրբեջանը շարունակում է սադրանքները՝ չնայած Ալիևը հայտնել է սահմանին բռնության ռիսկերի նվազեցմանն ուղված քայլերին աջակցության մասին
Ադրբեջանը շարունակում է սադրանքները՝ չնայած Ալիևը հայտնել է սահմանին բռնության ռիսկերի նվազեցմանն ուղված քայլերին աջակցության մասին

ՀՀ պաշտպանության նախարարությունը դեկտեմբերի 19-ի լույս 20-ի գիշերը ղարաբաղա-ադրբեջանական սահմանի ողջ երկայնքով հակառակորդի իրականացրած սադրանքների ու ինտենսիվ կրակոցների մասին տեղեկացրել է ԵԱՀԿ գործող նախագահի հատուկ ներկայացուցիչ Անջեյ Կասպրշիկին, որն էլ իր հերթին այդ մասին տեղեկացրել է ԵԱՀԿ Մինսկի խմբի համանախագահներին: ՀՀ պաշտպանության նախարարության տեղեկատվության եւ հասարակայնության հետ կապերի վարչության հաղորդագրության մեջ նշվում է. «Դեկտեմբերի 19-ի լույս 20-ի գիշերը հակառակորդը շարունակել է սադրանքներն ու ինտենսիվ կրակոցները ղարաբաղա-ադրբեջանական սահմանի ողջ երկայնքով՝ չնայած նախագահների՝ Բեռնի հանդիպման ժամանակ Մինսկի խմբի համանախագահների՝ շփման գծում և հայ-ադրբեջանական սահմանին բռնության ռիսկերի նվազեցմանն ուղված քայլերին Ադրբեջանի բանակի գերագույն գլխավոր հրամանատար Իլհամ Ալիևի հայտնած աջակցությանը: Նշված ժամանակահատվածում կիրառվել են բազմատեսակ հրաձգային զենքեր, ականանետեր, կան տանկերի կիրառման բազմակի դեպքեր: Ադրբեջանական զորքերի հետ քաշման պատճառով՝ հակառակորդի կողմից ավելացել են կրակի խորությունը և ինտենսիվությունը: Հրաձգության դեպքերը գերազանցել են երկու հարյուրը, արձակվել է ավելի քան 1800 կրակոց: ՀՀ ՊՆ ղեկավարությունը այդ մասին տեղեկացրել է ԵԱՀԿ գործող նախագահի հատուկ ներկայացուցիչ Անջեյ Կասպրշիկին, որն էլ իր հերթին այդ մասին տեղեկացրել է ԵԱՀԿ Մինսկի խմբի համանախագահներին: ՊԲ-ի ստորաբաժանումները լիովին վերահսկում են իրավիճակը և հակառակորդի սանձարձակություններին տալիս թիրախային ու լռեցնող հակահարվածներ»։

Կարդալ ավելին 12-20-2015

Հակառակորդը կրկին տանկ է կիրառել
Հակառակորդը կրկին տանկ է կիրառել

Ղարաբաղա-ադրբեջանական հակամարտ զորքերի շփման գծում դեկտեմբերի 19-ին և լույս 20-ի գիշերը շարունակվել են զինված բախումները: Նշված ժամանակահատվածում հակառակորդի կողմից տարբեր տրամաչափի հրաձգային զինատեսակներից, ինչպես նաև 60 (170 արկ), 82 (201 արկ), 120 (1 արկ) միլիմետրանոց ականանետերից, ՀՀՆ-9 (1 արկ), ՀԱՆ-17 (16 արկ) և ՌՊԳ-7 (1 արկ) տիպի նռնականետերից, TR-107 (3 արկ) տիպի հրթիռային կայանքից, հայ դիրքապահների ուղղությամբ արձակվել է ավելի քան 1800 կրակոց: Հակառակորդը շփման գծի հյուսիսարևելյան (Մարտակերտ) ուղղությամբ կիրառել է նաև տանկ (12 արկ): ԼՂՀ պաշտպանության նախարարության մամուլի ծառայության փոխանցմամբ՝ Արցախի պաշտպանության բանակի առաջապահ զորամասերը համարժեք պատասխան են տվել հակառակորդի նախահարձակ գործողություններին և շարունակել վստահորեն իրականացնել մարտական հերթապահություն:

Կարդալ ավելին 12-20-2015

Արցախում արտադրված ապրանքները կարելի է ձեռք բերել նաև համացանցի միջոցով
Արցախում արտադրված ապրանքները կարելի է ձեռք բերել նաև համացանցի միջոցով

Արցախում արտադրված ապրանքները Ռուսաստանի Դաշնությունում այսուհետ կարելի է ձեռք բերել նաև համացանցի միջոցով: Ինչպես «Արցախպրես»-ի հետ զրույցում ասացwww.izArmenii.ru օն-լայն խանութի ղեկավար Լևոն Ադամյանը, Արցախում արտադրված բոլոր ապրանքները իրենք պատրաստ են անվճար հիմունքներով տեղադրել իրենց ինտերնետ-տիրույթում և իրականացնել դրանց վաճառքը: «Մեր ինտերնետ-խանութն արդեն լայն ճանաչում ունի Ռուսաստանի Դաշնությունում: Կարծում եմ՝ այն լավ հարթակ կարող է դառնալ Արցախում արտադրված և, ընդհանրապես, հայկական ապրանքների իրացման համար: Վերջերս «Արցախյան օրերը Մոսկվայում» փառատոնի շրջանակներում հանդիպել ենք Արցախի մի շարք գործարարների հետ, և նրանց հետ ձեռքբերած պայմանավորվածության արդյունքում մեր օն-լայն խանութում արդեն ներկայացված են արցախյան ապրանքները»,- ասաց Լ. Ադամյանը՝ հավելելով, որ գործարարներին ընդամենը անհրաժեշտ է ներկայացնել համապատասխան հայտը, և այն անմիջապես կընդունվի: Ի դեպ, «Արցախպրես»-ի հետ զրույցում «Արցախ բերրի» պահածոների գործարանի սեփականատեր Էրիկ Մկրտումյանը վստահեցրեց, որ ընկերության ապրանքներն վերջերս տեղադրվել ենwww.izArmenii.ru օն-լայն-խանութում, և արդեն կան առաջին դրական արդյունքները:

Կարդալ ավելին 12-20-2015

Մինսկի խմբի համանախագահները հայտարարություն են տարածել Սարգսյան-Ալիև հանդիպման արդյունքներով
Մինսկի խմբի համանախագահները հայտարարություն են տարածել Սարգսյան-Ալիև հանդիպման արդյունքներով

Շվեյցարիայի Բեռն քաղաքում Հայաստանի և Ադրբեջանի նախագահներ Սերժ Սարգսյանի և Իլհամ Ալիևի մասնակցությամբ տեղի ունեցած գագաթնաժողովից հետո ԵԱՀԿ Մինսկի խմբի համանախագահներ Իգոր Պոպովը (Ռուսաստան), Պիեր Անդրյուն (Ֆրանսիա) և Ջեյմս Ուորլիքը (ԱՄՆ) համատեղ հայտարարություն են տարածել: Հայտարարության մեջ նշվում է, որ գագաթնաժողովը հնարավորություն է ընձեռել նախագահներին հստակեցնելու իրենց դիրքորոշումը առանձնազրույց տեսքով հանդիպման ժամանակ: «Նախագահները քննարկել են վերջին շրջանում բռնությունների դեպքերը և հատուկ մտահոգություն են հայտնել զոհերի հետ կապված՝ այդ թվում և քաղաքացիական անձանց շրջանում՝ պայմանավորված ծանր զրահատեխնիկայի կիրառմամբ: Նախագահներն իրենց աջակցությունն են հայտնել համանախագահների կողմից տարվող աշխատանքին այն առաջարկների շուրջ, որոնք ուղղված են շփման գծում և հայ-ադրբեջանական սահմանին բռնության ռիսկերի նվազեցմանը՝ ներառյալ հետաքննությունների մեխանիզմ կիրառելուն: Նախագահներն իրենց պատրաստակամությունն են հայտնել շարունակել ներգրավվածությունը բանակցային կարգավորման առաջարկների շուրջ: Նրանք նաև վերահաստատել են իրենց հանձնառությունը Մինսկի խմբի ձևաչափին: Համանախագահները շարունակում են պատրաստակամ լինել կողմերի հետ աշխատանքներ տանելու Լեռնային Ղարաբաղի հակամարտության խաղաղ բանակցային կարգավորման միջնորդության հարցում»,- ասվում է Մինսկի խմբի համանախագահների հայտարարության մեջ:

Կարդալ ավելին 12-19-2015

ՀՀ և Ադրբեջանի նախագահների բանակցությունների ժամանակ քննարկվել են ԼՂ հիմնախնդրի կարգավորման առաջմղման հնարավորությունները
ՀՀ և Ադրբեջանի նախագահների բանակցությունների ժամանակ քննարկվել են ԼՂ հիմնախնդրի կարգավորման առաջմղման հնարավորությունները

Շվեյցարիայի Համադաշնության մայրաքաղաք Բեռնում դեկտեմբերի 19-ին կայացել են ԵԱՀԿ Մինսկի խմբի համանախագահների միջնորդությամբ Հայաստանի Հանրապետության Նախագահ Սերժ Սարգսյանի և Ադրբեջանի Հանրապետության նախագահ Իլհամ Ալիևի բանակցությունները` ուղղված ԼՂ հիմնահարցի խաղաղ կարգավորմանը: ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչության փոխանցմամբ՝ ՇՀ կառավարության «Լանդգութ Լոհն» ընդունելությունների տանը տեղի ունեցած հանդիպումը մեկնարկել է երկու երկրների արտաքին գործերի նախարարներ Էդվարդ Նալբանդյանի և Էլմար Մամեդյարովի, ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ջեյմս Ուորլիքի (ԱՄՆ), Պիեռ Անդրիոյի (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրշիկի մասնակցությամբ, որից հետո սկսվել է Հայաստանի և Ադրբեջանի նախագահների առանձնազրույցը: Բանակցությունների ժամանակ քննարկվել են հակամարտության գոտում լարվածության նվազեցմանն ուղղված քայլերը և հիմնախնդրի կարգավորման առաջմղման հնարավորությունները: Արտաքին գործերի նախարար Էդվարդ Նալբանդյանը բանակցությունների ավարտին պատասխանել է հայաստանյան լրատվամիջոցների ներկայացուցիչների հարցերին՝ մեկնաբանելով հանդիպման արդյունքները: Բեռնում Հանրապետության Նախագահը հանդիպում է ունեցել նաև Շվեյցարիայի արտաքին գործերի դաշնային դեպարտամենտի ղեկավար Դիդյե Բուրկհալտերի հետ:

Կարդալ ավելին 12-19-2015

Սարգսյան-Ալիև հանդիպմանը շեշտը դրվել է կայունության և խաղաղության ապահովման վրա. Դավիթ Բաբայան
Սարգսյան-Ալիև հանդիպմանը շեշտը դրվել է կայունության և խաղաղության ապահովման վրա. Դավիթ Բաբայան

Շվեյցարիայում Հայաստանի և Ադրբեջանի նախագահների հանդիպման արդյունքներով Լեռնային Ղարաբաղի Հանրապետության նախագահի մամուլի քարտուղար Դավիթ Բաբայանն ակնկալում է, որ գալիք տարի բանակցությունները կշարունակվեն: «Հանդիպման ժամանակ հիմնական շեշտը դրվել է կայունության և խաղաղության ապահովման, ինչպես նաև ուժի կիրառման անթույլատրելիության վրա: Իհարկե, հանդիպումների ժամանակ Իլհամ Ալիևը վարվում է այլ կերպ, վերադառնալով Ադրբեջան` անում հակառակը»,- «Արմենպրես»-ի հետ զրույցում նշել է Բաբայանը` մեկնաբանելով ԵԱՀԿ Մինսկի խմբի ամերիկացի համանախագահ Ջեյմս Ուորլիքի` նախագահների հանդիպման արդյունքների վերաբերյալ մեկնաբանությունը, ըստ որի` Հայաստանի և Ադրբեջանի նախագահների գագաթնաժողովը եզրափակվել է 2016 թվականին ուղղված բաժակաճառով՝ աշխատելու բանակցային կարգավորման շուրջ: Բաբայանի խոսքով` ակնհայտ է` գերտերությունները համանախագահների միջոցով հանդիպմանը շեշտել են, որ չեն տեսնում ԼՂ հակամարտության կարգավորման ռազմական լուծում: «Գալիք տարի նախագահների հանդիպումները կշարունակվեն, որոնց ընթացքում հիմնական շեշտը կդրվի համեմատաբար կայունությունն ապահովելու և պատերազմ չսկսելու վրա»,- ասել է ԼՂՀ նախագահի մամուլի խոսնակը: Բեռնում դեկտեմբերի 19-ին նախ կայացել է Սերժ Սարգսյանի և Իլհամ Ալիևի առանձնազրույցը, որին հաջորդել է ԵԱՀԿ ՄԽ համանախագահների հետ ընդլայնված կազմով հանդիպումը:

Կարդալ ավելին 12-19-2015

Շփման գծում գիշերը շարունակվել են զինված բախումները. ԼՂՀ ՊԲ
Շփման գծում գիշերը շարունակվել են զինված բախումները. ԼՂՀ ՊԲ

Դեկտեմբերի 18-ին եւ լույս 19-ի գիշերը ղարաբաղա-ադրբեջանական հակամարտ զորքերի շփման գծում շարունակվել են զինված բախումները: ԼՂՀ ՊԲ մամուլի ծառայության փոխանցմամբ՝ նշված ժամանակահատվածում հակառակորդի կողմից տարբեր տրամաչափի հրաձգային զինատեսակներից, ինչպես նաեւ 60 (143 արկ) 82 (258 արկ), 120 /25 արկ) միլիմետրանոց ականանետերից, ՀՀՆ-9 ( արկ), ՀԱՆ-17 (40 արկ) եւ ՌՊԳ-7 (,3 արկ) տիպի նռնականետերից, հայ դիրքապահների ուղղությամբ արձակվել է ավելի քան 3500 կրակոց: Հակառակորդը կիրառել է նաեւ զրահատեխնիկա (տանկ (3 արկ), ԶՈւ-23-2 (2 արկ) տիպի զենիթային եւ TR-107 (1 արկ) տիպի հրթիռային կայանքներ: ՊԲ առաջապահ զորամասերը հակառակորդի նախահարձակ ակտիվությունը ճնշելու համար դիմել են պատժիչ գործողությունների եւ շարունակել վստահորեն իրականացնել իրենց առջեւ դրված մարտական խնդիրը: Ավելի վաղ հաղորդել էինք, որ դեկտեմբերի 18-ի լույս 19-ի գիշերը պաշտպանական մարտի ընթացքում զոհվել է 19-ամյա հայ զինծառայող Ֆիդար Ալոյանը:

Կարդալ ավելին 12-19-2015

Վաղ առավոտյան Սեյրան Օհանյանը անակնկալ այցով ժամանել է Արցախ
Վաղ առավոտյան Սեյրան Օհանյանը անակնկալ այցով ժամանել է Արցախ

ՀՀ պաշտպանության նախարարության մամուլի խոսնակ Արծրուն Հովհաննիսյանը ֆեյսբուքի իր էջում գրառում է կատարել, որով տեղեկացնում է, որ ՀՀ պաշտպանության նախարար Սեյրան Օհանյանը դեկտեմբերի 19-ին վաղ առավոտյան անակնկալ ժամանել է Արցախ։ «ՀՀ ՊՆ Սեյրան Օհանյանը դեկտեմբերի 19-ին վաղ առավոտյան անակնկալ այցով ժամանել է Արցախ: ՀՀ ՊՆ և ԼՂՀ ՊԲ-ի մշտական համագործակցության և գործողությունների համադրման շրջանակներում, նախարար Ս.Օհանյանը հանդիպումներ կունենա ԼՂՀ ղեկավարության և ՊԲ-ի հրամանատարության հետ: Կքննարկվեն սահմանին տիրող իրավիճակին վերաբերվող հարցեր: Գիշերը Հայ-ադրբեջանական սահմանին կրկին եղել է չափազանց լարված: Կիրառվել են հրետանային միջոցներ, տանկեր, հետ են մղվել մի քանի դիվերսիոն գործողություններ: Մանրամասները քիչ ավելի ուշ»,- ասված է գրառման մեջ:

Կարդալ ավելին 12-19-2015

Սեյրան Օհանյանը ԼՂՀ ՊԲ-ում ծանոթացել է հակառակորդին առավել նպատակային հակազդելու աշխատանքներին
Սեյրան Օհանյանը ԼՂՀ ՊԲ-ում ծանոթացել է հակառակորդին առավել նպատակային հակազդելու աշխատանքներին

Դեկտեմբերի 19-ին աշխատանքային այցով պաշտպանության բանակ է այցելել ՀՀ պաշտպանության նախարար Սեյրան Օհանյանը, ով Արցախի իր պաշտոնակից, գեներալ-լեյտենանտ Լևոն Մնացականյանի ուղեկցությամբ: Հայկական հանրապետությունների ռազմական համագործակցության և գործողությունների համադրման ծրագրի շրջանակներում, նախարարը տեղերում ծանոթացել է սահմանային իրադրությանը, հակառակորդի ոտնձգություններին՝ այսուհետ առավել նպատակային կերպով հակազդելու ուղղությամբ տարվող աշխատանքներին, հանդիպումներ ունեցել հրամկազմի և ժամկետային զինծառայողների հետ: Այս մասին տեղեկացնում է ԼՂՀ ՊՆ մամուլի ծառայությունը։

Կարդալ ավելին 12-19-2015

Ֆրանսիա-Արցախ բարեկամության շրջանակը հորդորում է ուժեղացնել ճնշումը ադրբեջանցի բռնապետի հանդեպ
Ֆրանսիա-Արցախ բարեկամության շրջանակը հորդորում է ուժեղացնել ճնշումը ադրբեջանցի բռնապետի հանդեպ

Ֆրանսիա-Արցախ բարեկամության շրջանակը վերջին օրերին շփման գծում առկա լարվածության աճի հետ կապված հանդես է եկել հայտարարությամբ: Հայտարարությունում, մասնավորապես, նշվում է. «Ֆրանսիա-Արցախ բարեկամության շրջանակը սատարում է ԵԱՀԿ Մինսկի խմբի համանախագահների գործունեությունը, հորդորում վերջինիս դատապարտել Ադրբեջանի Ալիևյան ռեժիմի սանձազերծած ռազմական էսկալացիան և ուժեղացնել ճնշումը ադրբեջանցի բռնապետի հանդեպ: Այս շաբաթ՝ դեկտեմբերի 19-ին ԵԱՀԿ Մինսկի խմբի համանախագահների միջնորդությամբ կկայանա Հայաստանի և Ադրբեջանի նախագահների հանդիպումը՝ Լեռնային Ղարաբաղի Հանրապետության և Ադրբեջանի միջև հակամարտության կարգավորման շուրջ բանակցություններին նոր ընթացք տալու նպատակով: Բանակցությունների այս նոր փուլի մեկնարկին զուգահեռ Ալիևյան ռեժիմը բազմապատկում է շփման գծում երկու կողմից մարդկային կորուստներ առաջացնող ռազմական սադրանքները: Այսպես՝ նախորդ շաբաթ, ադրբեջանական զինուժը տանկեր է կիրառել առաջին անգամ 1994թ. հրադադարից հետո: «Մեր շրջանակը լիովին սատարում է ԵԱՀԿ Մինսկի խմբի համանախագահների դիվանագիտական ջանքերը և բոլոր նախաձեռնությունները, որ կոչված են ամրապնդելու Հարավային Կովկասում տարածաշրջանային խաղաղությունն ու անվտանգությունը», հայտարարել է Ֆրանսիա-Արցախ բարեկամության շրջանակի նախագահ, Ֆրանսիայի ԱԺ պատգամավոր Ֆրանսուա Ռոշբլուանը: «Միաժամանակ, եթե Մինսկի խումբը ցանկանում է վստահելի լինել, ապա այն պետք է հստակորեն դատապարտի Ադրբեջանին՝ Բաքվի բռնապետին հասկացնելով, որ վերջինիս ռազմական քայլերը միայն տանելու են դեպի Միջազգային քրեական դատարան:», ավելացրել է ֆրանսիացի պատգամավորը: Բարեկամության շրջանակը հարկ է համարում ընդգծել, որ, արդեն որերորդ անգամ, Ալիևյան ռեժիմն իր ռազմական սադրանքների քաղաքականությունն ուժեղացնում է Հայաստանի և Ադրբեջանի միջև գագաթաժողովին ընդառաջ՝ փորձելով արգելափակել որևէ առաջընթաց բանակցություններում: «Նման իրավիճակներում ագրեսսորի և զոհի միջև հավասարության նշան դնելը համարժեք է ագրեսսորի կողմը բռնելուն», հստակեցրել է Ֆրանսուա Ռոշբլուանը: «Մինսկի խմբի համանախագահները, և մասնավորապես ֆրանսիացի միջնորդը, պետք է պարտադրեն Բաքվին ընդունել շփման գծում մշտական դիտորդներին, համաձայնել հրադադարի ռեժիմի խախտման դեպքերի հետաքննության մեխանիզմների ձևավորմանը և բազմաթիվ սպանությունների համար պատասխանատու դիպուկահարների հեռացմանը շփման գծից:» Բարեկամության շրջանակը հիշեցնում է, որ աննախադեպ աստիճանի հասած լարվածության թուլացմանը և բանակցությունների դյուրացմանն ուղղված այս ողջամիտ առաջարկներն ընդունել են բոլոր բանակցողները բացառությամբ Ալիևյան ռեժիմից»: Ֆրանսիա-Արցախ Բարեկամության շրջանակը ստեղծվել է 2013 թ-ի մարտի 19-ին : Այն այսօր համախմբում է ֆրանսիայի ամենամեծ քաղաքական կուսակցությունները ներկայացնող մոտ 50 քաղաքական գործիչների /պատգամավորներ, սենատորներ, քաղաքապետեր և այլն/: Շրջանակը նպատակ ունի աջակցել ԵԱՀԿ Մինսկի Խմբի գործունեությանը, տարածաշրջանի ժողովուրդների անվտանգությանը, խզել Լեռնային Ղարաբաղի ժողովրդի միջազգային մեկուսացումը և նպաստել Հարավային Կովկասի ժողովուրդների միջև երկխոսությանն և փոխանակումներին։

Կարդալ ավելին 12-19-2015

Փորձագետ. Բեռնի բանակցություններում հայկական կողմը ուժեղ դիրքերից է հանդես գալիս
Փորձագետ. Բեռնի բանակցություններում հայկական կողմը ուժեղ դիրքերից է հանդես գալիս

Հայկական կողմը Բեռնի բանակցություններում բավականին ուժեղ դիրքերից է հանդես գալիս: NEWS.am-ի փոխանցմամբ՝ այդ մասին դեկտեմբերի 18-ին «Նովոստի Արմենիա» լրատվական գործակալության փորձագետների նիստին ասել է «Ինտեգրացիա եւ զարգացում» հետազոտա-վերլուծական հասարակական կազմակերպության նախագահ Արամ Սաֆարյանը: Ադրբեջանական կողմը, նրա խոսքով, երկար ժամանակ փորձում էր սրել իրավիճակը, ոչնչացնել հայ հասարակության անվտանգության հիմքերը: «Նրանք իրենց նպատակին չեն հասնի», - ընդգծել է փորձագետը: Նախագահների հանդիպումից հետո, Արամ Սաֆարյանի կարծիքով, որոշ ժամանակով խաղաղություն կհաստատվի: «Ցանկացած բանակցություն պատերազմից լավ է եւ ես հանդես եմ գալիս հանդիպման անցկացման գաղափարի օգտին», - հավելել է Արամ Սաֆարյանը: Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի հանդիպումը տեղի կունենա դեկտեմբերի 19-ին շվեյցարական Բեռն քաղաքում:

Կարդալ ավելին 12-18-2015

Ադրբեջանական կողմն տվել է առնվազն 5 զոհ եւ վիրավորներ. ԼՂՀ ՊԲ
Ադրբեջանական կողմն տվել է առնվազն 5 զոհ եւ վիրավորներ. ԼՂՀ ՊԲ

Դեկտեմբերի 17-ի լույս 18-ի գիշերը հակամարտ զորքերի շփման գծի տարբեր հատվածներում հակառակորդի կողմից ձեռնարկվել են հետախուզադիվերսիոն գործողություններ, որոնք հանդիպելով հայկական կողմի կուռ պաշտպանությանը ձախողվել են, եւ նախահարձակ հակառակորդը, կորուստներ կրելով, հետ է շպրտվել: Ըստ ՊԲ համապատասխան ծառայությունների կողմից ձեռքբերված հավաստի տվյալների, ավելի ուշ հայտնի է դարձել, որ միայն Թալիշի ուղղությամբ ադրբեջանական կողմն տվել է առնվազն 5 զոհ եւ վիրավորներ, որոնցից մեկը գտնվում է մահամերձ վիճակում: Ըստ ՊԲ նույն աղբյուրների, ադրբեջանական զինուժը կորուստներ է կրել նաեւ հարավային ուղղությամբ՝ տալով 2 զոհ եւ վիրավորներ: ԼՂՀ ՊՆ մամուլի ծառայությունից հայտնում են, թե ՊԲ պատժիչ գործողություններից սարսափած հակառակորդը հյուսիսարեւելյան (Թալիշ) ուղղությամբ, այսօր՝ ժամը 15:40-ի սահմաններում, կիրառել է զրահատեխնիկա (տանկ): ՊԲ առաջապահ զորամասերը վստահորեն իրականացնում են մարտական հերթապահություն եւ պատրաստ են ջախջախիչ հարված հասնել ցանկացած սադրանքի:

Կարդալ ավելին 12-18-2015

Արցախում ավարտվել է մարդահամարը. ԱՎԾ նախագահն անդրադարձել է կատարված աշխատանքին
Արցախում ավարտվել է մարդահամարը. ԱՎԾ նախագահն անդրադարձել է կատարված աշխատանքին

Հաստատված ժամանակացույցի համապատասխան՝ Արցախում դեկտեմբերի 9-ին ավարտվել են մարդահամարի աշխատանքները։ Այդ մասին «Արցախպրես»-ի թղթակցի հետ զրույցում ասել է ԼՂՀ Ազգային վիճակագրական ծառայության նախագահ Կարեն Ներսիսյանը՝ հավելելով, որ դեկտեմբերի 10-13-ը կատարվել են մարդահամարի աշխատանքներում ներգրավված պատասխանատու աշխատակիցների վերահսկիչ շրջագայությունները, որի ընթացքում ստուգվել են տնային տնտեսությունների վերաբերյալ հավաքագրված տվյալների հավաստիությունն ու ճշգրիտ լինելը։ «Հավաքագրված բոլոր նյութերը շրջանային բաժինների միջոցով կփոխանցվեն Ազգային վիճակագրական ծառայության մարդահամարի վարչությանը։ Մոտ 6 ամսվա ընթացքում մարդահամարի ընթացքում հավաքագրված տվյալները կենթարկվեն համապատասխան ծածկագրման և համակարգչային մուտքագրման, որից հետո ընդհանրացված ձևով կհրապարակվեն 8 բաժիններից բաղկացած տեղեկագրում, որը նախատեսվում է մինչև 2016 թվականի վերջը»,- ասել է Ներսիսյանը՝ ավելացնելով, որ մինչ այդ՝ եկող տարվա ապրիլ ամսում ԱՎԾ-ն կհրապարակի մարդահամարի արդյունքներով ԼՂՀ բնակչության թվի վերաբերյալ նախնական տվյալներ։ ԼՂՀ ԱՎԾ նախագահի խոսքով, ընդհանուր առմամբ գոհ է կատարված աշխատանքից, քանի որ ամեն ինչ անց է կացվել ըստ սահմանված կարգի՝ հաշվի առնելով միջազգային ընդունված փորձն ու չափանիշները: «Առանձնապես ուզում եմ շնորհակալություն հայտնել մեր քաղաքացիներին, ովքեր բարձր գիտակցումով մասնակցել են մարդահամարի աշխատանքներին: Այդ մասին են խոսում մեր հաշվարարների փոխանցած տեղեկություններն, ովքեր վկայում են, որ ամենուրեք արժանացել են բարեհամբույր ընդունելության, և մարդիկ սիրով տրամադրել են այն բոլոր տեղեկությունները, ինչը պահանջում է այդ նպատակով կազմված հարցաթերթիկը»,-ասել է Կ. Ներսիսյանը և ավելացրել, որ հարցաթերթիկը կազմելիս բովանդակությունը լիովին համապատասխանեցվել է զարգացած երկրներում անցկացվող համանման միջոցառումների ընդունված հարցադրումներին: ԱՎԾ նախագահը մեկ անգամ ևս հավաստիացրել է, որ բոլոր անձնական տվյալների գաղտնիությունը երաշխավորված է, քանի որ տեղեկատվությունը հրապարակվելու է ծածկագրումից հետո, ընդհանրացված տեսքով։

Կարդալ ավելին 12-14-2015

Մեկնարկել է համայնքապետների 10-րդ դասընթացը
Մեկնարկել է համայնքապետների 10-րդ դասընթացը

Արցախի Հանրապետության փոխվարչապետ Արթուր Աղաբեկյանը դեկտեմբերի 14-ին մասնակցել է համայնքապետների համար կառավարության կողմից կազմակերպվող դասընթացների 10-րդ փուլի բացման արարողությանը: ԱՀ կառավարության աշխատակազմի տեղեկատվության և հասարակայնության հետ կապերի բաժնի փոխանցմամբ՝ ողջունելով համայնքապետներին՝ Ա. Աղաբեկյանը կարևորել է 2,5 տարվա ընթացքում կառավարության կողմից կազմակերպվող սեմինարները՝ ՏԻՄ կառավարումն առավել արդյունավետ իրականացնելու տեսանկյունից: Նա հորդորել է համայնքի ղեկավարներին ակտիվ լինել և համարձակորեն բարձրացնել համայնքային նշանակության հարցերը: Ոլորտային պատասխանատուների և գործընկերների հետ քննարկումների արդյունքում, նշյալ հարցերը կստանան իրենց պատասխանները, իսկ պետական կառավարման համապատասխան մարմիններն առավել համակողմանի պատկերացում կկազմեն դրանց վերաբերյալ: Դասընթացի 22 մասնակիցներն ունենալու են հանրապետության օրենսդրական, ֆինանսատնտեսական, վիճակագրական և մի շարք այլ ոլորտների պատասխանատուների հետ հանդիպելու հնարավորություն:

Կարդալ ավելին 12-14-2015

ՊԲ առաջապահ զորամասերն անհրաժեշտության դեպքում դիմում են պատժիչ գործողությունների. ԼՂՀ ՊՆ
ՊԲ առաջապահ զորամասերն անհրաժեշտության դեպքում դիմում են պատժիչ գործողությունների. ԼՂՀ ՊՆ

Հանգստյան օրերին ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 280 անգամ, որի ընթացքում տարբեր տրամաչափի հրաձգային զինատեսակներից, ինչպես նաև 60 (33 արկ), 82 (53 արկ), 120 (10 արկ) միլիմետրանոց ականանետերից, ՀԱՆ-17 (26 արկ) և ՌՊԳ-7 (1 արկ) տիպի նռնականետերից հայ դիրքապահների ուղղությամբ արձակվել է ավելի քան 3000 կրակոց: ԼՂՀ պաշտպանության նախարարության մամուլի ծառայության փոխանցմամբ` ՊԲ առաջապահ զորամասերը շարունակում են վստահորեն իրականացնել իրենց առջև դրված մարտական խնդիրը՝ անհրաժեշտության դեպքում դիմելով պատժիչ գործողությունների:

Կարդալ ավելին 12-14-2015

Արցախը պետք է իր արժանի տեղը զբաղեցնի միջազգային հանրության շարքում. ԼՂՀ Նախագահ
Արցախը պետք է իր արժանի տեղը զբաղեցնի միջազգային հանրության շարքում. ԼՂՀ Նախագահ

ԼՂՀ Նախագահ Բակո Սահակյանը դեկտեմբերի 10-ին շնորհավորական ուղերձ է հղել ԼՂՀ պետական անկախության մասին հանրաքվեի եւ Սահմանադրության օրվա առթիվ: Արցախի Հանրապետության Նախագահի աշխատակազմի տեղեկատվության գլխավոր վարչության փոխանցմամբ, ուղերձում ասված է. «Սիրելի՛ արցախցիներ, Հանրապետության իշխանությունների եւ անձամբ իմ անունից ի սրտե շնորհավորում եմ ձեզ ԼՂՀ պետական անկախության մասին հանրաքվեի եւ Սահմանադրության օրվա առթիվ: Այս տոնը հատկապես կարեւոր է մեր ժողովրդի համար, քանի որ խորհրդանշում է ազատ ու անկախ, ժողովրդավարական ու իրավական պետություն կառուցելու նրա ձգտումը, պետություն, որտեղ գերակա է օրենքը, որտեղ պաշտպանված են մարդու իրավունքներն ու ազատությունները, քաղաքացիների եւ պետության օրինական շահերն ու անվտանգությունը: 1991 թվականին անկախություն հռչակած Արցախն անցել է պարտադրված պատերազմի միջով, հաղթահարել է բազում դժվարություններ ու փորձություներ, բայց եւ ունեցել փառավոր հաղթանակներ ու նվաճումներ: Անկախ պետության կայացման ճանապարհին կարեւոր ձեռքբերում էր մեր երկրի մայր օրենքի` Սահմանադրության ընդունումը: 2006 թվականի հանրաքվեն դարձավ եւս մեկ վկայությունն այն բանի, որ մեր ժողովրդի ընտրած ուղին ճիշտ է ու հաստատուն, եւ որ ոչ ոք ու ոչ մի բան չեն կարող կասեցնել նրա ընթացքը: Դա պետք է քաջ գիտակցի նաեւ մեր հակառակորդը, ով պահ անգամ չի վարանում դիմելու սադրիչ գործողությունների: Հայաստանի եւ Սփյուռքի մեր քույրերի ու եղբայրների հետ ձեռք ձեռքի մենք այսուհետ էլ անելու ենք ամեն ինչ Արցախի պետականության շարունակական ամրապնդման, մեր ժողովրդի անվտանգության ու բարեկեցության ապահովման, պաշպանունակության մակարդակի բարձրացման, տնտեսության զարգացման, մարդկանց կենսապայմանների բարելավման ուղղությամբ: Արցախը պետք է դառնա զարգացած ու ժամանակակից հանրապետություն եւ իր արժանի տեղը զբաղեցնի միջազգային հանրության շարքում: Թանկագին հայրենակիցներ, Մեկ անգամ եւս շնորհավորում եմ բոլորիդ այս հիշարժան տոնի առթիվ եւ մաղթում խաղաղություն, քաջառողջություն ու ամենայն բարիք»:

Կարդալ ավելին 12-10-2015

ԼՂՀ արտաքին գործերի նախարարն ելույթ է ունեցել ԱՄՆ Կոնգրեսում
ԼՂՀ արտաքին գործերի նախարարն ելույթ է ունեցել ԱՄՆ Կոնգրեսում

Դեկտեմբերի 9-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանը Վաշինգտոնում առանձին հանդիպումներ է ունեցել ԱՄՆ Կոնգրեսի անդամներ, հայկական հարցերով հանձնախմբի համանախագահներ Ֆրենկ Փալոունի և Ռոբերտ Դոլդի, ինչպես նաև կոնգրեսական Աննա Էշուի հետ։ ԼՂՀ ԱԳՆ մամլո ծառայության փոխանցմամբ՝ նույն օրը, Հայ դատի ԱՄՆ հանձնախմբի նախագահ Քեն Խաչիկյանի և հանձնախմբի ԱՄՆ կառավարության հետ կապերի պատասխանատու Քեյթ Նահապետյանի ուղեկցությամբ, Կարեն Միրզոյանը հանդիպում է ունեցել ԱՄՆ սենատոր, հատկացումների հանձնաժողովի անդամ Մարկ Քըրքի հետ: Հանդիպումների ընթացքում քննարկվել են ադրբեջանա-ղարաբաղյան հակամարտության խաղաղ կարգավորման գործընթացին, շփման գծում Ադրբեջանի կողմից ձեռնարկվող սադրանքներին, ինչպես նաև ԱՄՆ-ի կողմից Արցախին տրամադրվող մարդասիրական օգնությանը վերաբերվող մի շարք հարցեր: Նույն օրը ԼՂՀ արտաքին գործերի նախարարը մասնակցել է ԱՄՆ Կոնգրեսում Արցախի անկախության տարեդարձին նվիրված ավանդական միջոցառմանը, որը կազմակերպվել է ԱՄՆ կոնգրեսի հայկական հանձնախմբի համանախագահների հովանու ներքո Ամերիկայի Հայ Դատի հանձնախմբի, Ամերիկայի հայկական համագումարի, ԱՄՆ-ում ՀՀ դեսպանության և ԱՄՆ-ում ԼՂՀ մշտական ներկայացուցչության համատեղ ջանքերով: Միջոցառմանը, որը մեկնարկել է Հայաստանյաց Եկեղեցու Հյուսիսային Ամերիկայի Արեւելյան թեմի թեմական պատվիրակ Վիգեն արքեպիսկոպոս Հայկազյանի օրհնության աղոթքով, մասնակցել են ամերիկահայ կառույցների և համայնքային շրջանակների ներկայացուցիչներ, դիվանագետներ, կոնգրեսականների գրասենյակների աշխատակիցներ, փորձագետներ և լրագրողներ: Ներկա են գտնվել և ելույթներով հանդես եկել ԱՄՆ Կոնգրեսի մի շարք անդամներ, այդ թվում Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսը, ԱՄՆ Կոնգրեսի հայկական հանձնախմբի համանախագահներ Ֆրենկ Փալոունն ու Ռոբերտ Դոլդը, կոնգրեսական Ադամ Շիֆը և ուրիշներ: Կոնգրեսականներն իրենց աջակցություն են հայտնել Լեռնային Ղարաբաղի Հանրապետության անկախությանն ու ժողովրդավարական զարգացմանը և ընդգծել իրենց պատրաստակամությունը շարունակելու ուշադրության կենտրոնում պահել Արցախին առնչվող հարցերը: Ելույթ ունեցողները նաև շեշտել են Լեռնային Ղարաբաղի և Ադրբեջանի զինված ուժերի շփման գծում լարվածության նվազեցմանն ուղղված անհապաղ քայլերի ձեռնարկման անհրաժեշտությունը: Միջոցառման մասնակիցներին նաև ողջունել և իր խոսքն է ուղղել ԱՄՆ-ում ՀՀ դեսպան Տիգրան Սարգսյանը: Իր ելույթում ԼՂՀ արտաքին գործերի նախարարը ներկայացրել է ԼՂՀ-ում պետականաշինության գործընթացը՝ ընդգծելով, որ Արցախի ժողովրդի անցած ուղին վկայում է, թե անհնար է սահմանափակել ժողովրդի ձգտումն ինքնուրույն որոշելու իր ապագան և ճակատագիրը: ԼՂՀ արտաքին քաղաքական գերատեսչության ղեկավարը շնորհակալություն է հայտնել կոնգրեսականներին ԼՂՀ-ին վերաբերող հարցերում ցուցաբերվող շարունակական աջակցության համար։ Կարեն Միրզոյանն անդրադարձել է նաև ադրբեջանա-ղարաբաղյան հակամարտության խաղաղ կարգավորման գործընթացի ներկայիս փուլին, ներկայացրել Ադրբեջանի սադրիչ քաղաքականության արդյունքում շփման գծում ստեղծված իրավիճակը: Նախարարն ընդգծել է, որ ներկայումս ԼՂՀ կայացած պետություն է՝ պետականության բոլոր ատրիբուտներով և ինստիտուտներով, սեփական Սահմանադրությամբ, ակտիվ քաղաքացիական հասարակությամբ և զարգացող տնտեսությամբ: Արցախը նաև հանդիսանում է կարևոր աշխարհաքաղաքական գործոն տարածաշրջանում, որը նպաստում է կայունությանն ու խաղաղությանը: Անկախության տարիների ընթացքում ԼՂՀ ապացուցել է, որ հանդիսանում է վստահելի, կանխատեսելի և պատասխանատու գործընկեր միջազգային հանրության համար և հետևողական է տարածաշրջանում խաղաղության և կայունության պահպանմանն ուղղված իր գործողություններում: Ելույթի ավարտին Կարեն Միրզոյանը համոզմունք է հայտնել, որ եկել է ժամանակը, որպեսզի միջազգային հանրությունն ընդունի իրողությունը և ճանաչի ազատ և ժողովրդավարական Լեռնային Ղարաբաղի Հանրապետությունը:

Կարդալ ավելին 12-10-2015

Կոնգրեսականներն ԱՄՆ վարչակարգից պահանջում են երաշխավորել ԼՂ ժողովրդի ինքնորոշման իրավունքի իրացումը
Կոնգրեսականներն ԱՄՆ վարչակարգից պահանջում են երաշխավորել ԼՂ ժողովրդի ինքնորոշման իրավունքի իրացումը

Ամերիկայի Միացյալ Նահանգները պետք է երաշխավորի Լեռնային Ղարաբաղի խնդրի խաղաղ կարգավորումը: Վկայակոչելով «Ամերիկայի ձայն»-ը, այս հայտարարությամբ են հանդես եկել ԱՄՆ մի խումբ կոնգրեսականներ` ելույթ ունենալով Կոնգրեսի շենքում, ուր անց է կացվել ԼՂ անկախության տարեդարձին նվիրված միջոցառում: «Լեռնային Ղարաբաղի հանձնառությունը խաղաղությանը» խորագրով միջոցառմանը ներկա են եղել ամերիկացի ազդեցիկ օրենսդիրներ, ամերիկահայ համայնքի ներկայացուցիչներ, ԼՂ-ից ժամանած արտաքին գործերի նախարար Կարեն Միրզորյանը: ԱՄՆ կոնգրեսական Ադամ Շիֆն Ադրբեջանի իշխանություններին մեղադրեց կրակի հետ խաղ անելու մեջ: «Սա մահացու վտանգավոր, պատերազմական ու սադրիչ գործելաոճ է Ադրբեջանի կողմից, մեր դիվանագետները պետք է այն անվանեն իրական անունով»,-նշել է Շիֆը: «Որպես աշխարհի ամենահզոր բարի ուժ` Ամերիկան, իմ կարծիքով, պետք է ԼՂ բնակիչներին երաշխավորի, որ խնդիրը կարգավորվելու է խաղաղ ու համապարփակ` Ղարաբաղի ինքնիշխանությունը հարգելով»,-ասել է կոնգրեսականներից մեկը: Զինադադարի պահպանման հարցին է նվիրված եղել նաև ԱՄՆ ազդեցիկ կոնգրեսական, Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսի ելույթը: Նա հիշեցրել է, որ ստացված հաղորդումների համաձայն` շփման գծում վերջին օրերին արձակվել է 1500 փամփուշտ ու արկ: «1500 փամփուշտ է արձակվել տանկերից ու ականանետներից, իսկ ԼՂ-ում այդ պայմաններում ապրում է 140 հազար մարդ` տղամարդիկ, կանայք ու երեխաներ»,-հայտնել է Ռոյսը: Նա կրկին ԱՄՆ պետքարտուղարությանը կոչ է հղել, որ անհրաժեշտ է շփման գծում ու հայ-ադրբեջանական սահմանին հատուկ սարքեր տեղադրել, որոնք կարձանագրեն հրադադարը խախտողին ու թույլ կտան նրան պատասխանատվության ենթարկել: Պետքարտուղարության ներկայացուցիչ Ջոն Քիրբին ավելի վաղ հայտարարել էր, որ հրադադարի խախտումն ու ծանր հրետանու օգտագործումն անընդունելի է:

Կարդալ ավելին 12-10-2015

Ադրբեջանն անցած գիշեր ինտենսիվորեն խախտել է հրադադարը. ԼՂՀ ՊՆ
Ադրբեջանն անցած գիշեր ինտենսիվորեն խախտել է հրադադարը. ԼՂՀ ՊՆ

Հակառակորդը շարունակում է առաջնային գծի ողջ երկայնքով ինտենսիվորեն խախտել հրադադարի պահպանման ռեժիմը: ԼՂՀ պաշտպանության նախարարության մամուլի ծառայությունից, դեկտեմբերի 9-ին և լույս 10-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է ավելի քան 200 անգամ, որի ընթացքում տարբեր տրամաչափի հրաձգային զինատեսակներից, ինչպես նաև 60 (39 արկ), 82 (230 արկ), 120 (37 արկ) միլիմետրանոց ականանետերից, ՀԱՆ-17 (40 արկ) և ՌՊԳ-7 (4 արկ) տիպի նռնականետերից, հայ դիրքապահների ուղղությամբ արձակվել է շուրջ 2700 կրակոց: Հակառակորդը կիրառել է նաև TR-107 տիպի զենիթահրթիռային կայանք (7արկ): ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնել իրենց առջև դրված մարտական խնդիրը:

Կարդալ ավելին 12-10-2015

Ադրբեջանական կողմից տանկային կրակի կիրառումը լարվածությունը նոր մակարդակի բարձրացնելու վտանգ է պարունակում. Սեյրան Օհանյան
Ադրբեջանական կողմից տանկային կրակի կիրառումը լարվածությունը նոր մակարդակի բարձրացնելու վտանգ է պարունակում. Սեյրան Օհանյան

ՀՀ պաշտպանության նախարար Սեյրան Օհանյանը հեռախոսազրույց է ունեցել ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկի հետ: ՀՀ ՊՆ լրատվական ծառայության փոխանցմամբ՝ զրույցի ընթացքում քննարկվել է վերջին օրերին հայ-ադրբեջանական պետական սահմանին և ղարաբաղա-ադրբեջանական ուժերի շփման գծում տիրող իրավիճակը: ՀՀ պաշտպանության նախարարը դեսպանին տեղեկացրել է ՀՀ սահմանադրական փոփոխությունների հանրաքվեի և դրան հաջորդող օրերի ընթացքում ադրբեջանական կողմից հրահրվող սադրանքների և հայկական կողմի պատասխան գործողությունների մասին: Մասնավորապես, Սեյրան Օհանյանն իր մտահոգությունն է հայտնել հակառակորդի կողմից իրավիճակը հետևողականորեն ապակայունացնելու վերաբերյալ՝ նշելով, որ նախորդ օրը ադրբեջանական կողմը ԼՂՀ պաշտպանության բանակի դիրքերի ուղղությամբ առաջին անգամ կիրառել է տանկային կրակ՝ 125 մմ հրանոթներից, ինչը լարվածությունը նոր մակարդակի բարձրացնելու վտանգ է պարունակում: Ադրբեջանական կողմին բանակցային գործընթացի տրամաբանության մեջ պահելու համար, հայկական կողմի ուժային զսպման գործողություններին զուգահեռ՝ ՀՀ պաշտպանության նախարարը կարևորել է նաև ԵԱՀԿ Մինսկի խմբի համանախագահների հասցեական արձագանքի անհրաժեշտությունը: Դեսպան Ա. Կասպշիկն իր հերթին մտահոգություն է հայտնել ստեղծված իրավիճակի վերաբերյալ և խոստացել համապատասխան քայլեր ձեռնարկել:

Կարդալ ավելին 12-09-2015

Արցախի դեմ տանկեր կիրառելն Ադրբեջանի կողմից ահաբեկչության դասական դրսևորում է. Դավիթ Բաբայան
Արցախի դեմ տանկեր կիրառելն Ադրբեջանի կողմից ահաբեկչության դասական դրսևորում է. Դավիթ Բաբայան

Ադրբեջանն Արցախի ուղղությամբ տանկեր կիրառելով ևս մեկ անգամ ցույց է տալիս, որ պարզապես խենթ, ֆաշիստական, ահաբեկչական պետություն է: Նրա քաղաքականությունն ու քայլերը չեն տեղավորվում առողջ տրամաբանության շրջանակում: «Արմենպրես»-ի հետ զրույցում նման կարծիք հայտնեց Արցախի Հանրապետության նախագահի մամուլի քարտուղար Դավիթ Բաբայանը: «Սա մարտահրավեր է միջազգային հանրությանը, մարտահրավեր է հակաահաբեկչական գործողություններ իրականացնող բոլոր պետություններին, որովհետև այն, ինչ իրականացնում է Ադրբեջանը, ոչ այլ ինչ է, քան ահաբեկչության դասական դրսևորում: Նման քաղաքականության ներքո բանակցային գործընթացում առաջընթաց ակնկալելը տեսանելի ապագայում դառնում է անհնարին»,-ասաց Դավիթ Բաբայանը: Անդրադառնալով միջազգային հանրությունից ակնկալվող գործողություններին` Դավիթ Բաբայանը նշեց, որ միջազգային հանրությունը պետք է ավելի կոշտ վերաբերմունք ցուցաբերի: «Բայց, երևի, փորձում են չվնասել բանակցային գործընթացը, որովհետև հասկանում են, որ գործ ունեն ոչ ադեկվատ պետության հետ, որը ցանկացած պահի դիմում է այդպիսի շանտաժի, շահարկումների և այլն: Կարծում եմ` նման պահվածքը պետք է փոփոխության ենթարկվի, խիստ վերաբերմունք ցուցաբերվի պաշտոնական Բաքվի նկատմամբ: Սա նաև թուրք-ադրբեջանական քաղաքականության մի դրսևորում է: Նման լարվածությունը տեղի ունեցավ Մևլութ Չավուշօղլուի Ադրբեջան կատարած այցելությունից հետո: Եթե դիտարկենք Թուրքիայի կողմից վարված քաղաքականությունը, ռուսական ինքնաթիռի խոցումը, ահաբեկչական տարբեր խմբերի սատարումը Սիրիայում, Իրաքի տարածք ներխուժումը, ապա կարող ենք ասել, որ սրանք Բաքվի և Անկարայի կողմից վարվող քաղաքականության տարբեր մասնիկներ են»,-ավելացրեց Դավիթ Բաբայանը: Ինչ վերաբերում է հայկական կողմի անելիքներին, ապա Դավիթ Բաբայանը նշեց, որ նախ չպետք է ահաբեկվել և պետք է միշտ ուժգին հակահարված տալ: Ըստ նրա` ահաբեկիչը ոչ մի բանից այդքան չի վախենում, որքան ուժից: Նա ցանկացած թուլություն, ցանկացած անսկզբունքայնություն օգտագործում է, որ իր ապակառուցողական, անմարդկային քայլերն ավելի սաստկացնի: «Որքան ուժգին հակահարված տանք և տալիս ենք, այնքան Ադրբեջանն իր տեղը լավ կճանաչի»,-եզրափակեց Արցախի նախագահի մամուլի քարտուղարը: Իրադրությունն առաջնագծում շարունակում է մնալ լարված: Հակառակորդն առաջին անգամհրասայլից (տանկ) արկակոծման է ենթարկել ՊԲ հարավային ուղղությամբ տեղակակայվածմարտական դիրքերը: Դեկտեմբերի 8-ին և լույս 9-ի գիշերը ղարաբաղա-ադրբեջանական հակամարտզորքերի շփման գծում հակառակորդի կողմից հրադադարի պահպանման ռեժիմը խախտվել է ավելիքան 180 անգամ, որի ընթացքում տարբեր տրամաչափի հրաձգային զինատեսակներից, ինչպես նաև60 (101 արկ), 82 (193 արկ), 120 (35 արկ) միլիմետրանոց ականանետերից, ՀԱՆ-17 (27 արկ) և ՌՊԳ-7 (3 արկ) տիպի նռնականետերից, հայ դիրքապահների ուղղությամբ արձակվել է շուրջ 1500 կրակոց:Հակառակորդը կիրառել է նաև TR-107 տիպի զենիթահրթիռային կայանք (17 արկ) և հրասայլ (5արկ): Հակառակորդի կողմից խոշոր տրամաչափի դիպուկահար հրացանից արձակված կրակոցիցդեկտեմբերի 8-ին՝ ժամը 21:10-ի սահմաններում, ՊԲ արևելյան ուղղությամբ տեղակայվածզորամասերից մեկի մարտական հենակետում մահացու հրազենային վիրավորում է ստացել ՊԲպայմանագրային զինծառայող, 1991թ. ծնված Գարիկ Գուրգենի Ավանեսյանը:

Կարդալ ավելին 12-09-2015

Հակառակորդը ձեռնարկել է հետախուզադիվերսիոն ներթափանցման հերթական փորձը. հայկական կողմն ունի 1 զոհ
Հակառակորդը ձեռնարկել է հետախուզադիվերսիոն ներթափանցման հերթական փորձը. հայկական կողմն ունի 1 զոհ

Դեկտեմբերի 4-ին ժամը 04:30-ի սահմաններում ղարաբաղա-ադրբեջանական հակամարտ զորքերի շփման գծի հյուսիսարևելյան (Թալիշ) ուղղությամբ հակառակորդը ձեռնարկել է հետախուզադիվերսիոն ներթափանցման հերթական փորձ: ԼՂՀ ՊՆ մամուլի ծառայության փոխանցմամբ՝ ՊԲ առաջապահ ստորաբաժանումները ժամանակին հավաստանշել են ադրբեջանական հատուկ ջոկատայինների առաջխաղացումը և կորուստներ պատճառելով` հետ շպրտել իրենց ելման դիրքերը: Ցավոք, ծավալված մարտերի ընթացքում մահացու հրազենային վիրավորում է ստացել ՊԲ զինծառայող, 1995թ. ծնված Էրիկ Էդիկի Գրիգորյանը: Դեպքի մանրամասները պարզելու համար կատարվում է քննություն: ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում զոհված զինծառայողի ընտանիքի անդամներին, հարազատներին և ծառայակիցներին: Բացի հետախուզադիվերսիոն գործողությունից, դեկտեմբերի 3-ին և լույս 4-ի գիշերը հակառակորդի կողմից հրադադարի պահպանման ռեժիմը խախտվել է շուրջ 80 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 /197 արկ/, 82 /43 արկ/ միլիմետրանոց ականանետերից, ՀԱՆ-17 /14 արկ/, ՌԳՊ-7 /1 արկ/ նռնականետերից ու TR-107 տիպի ռեակտիվ հրթիռահրետանային կայանքից /4 արկ/, հայ դիրքապահների ուղղությամբ արձակվել է ավելի քան 650 կրակոց: Այս պահի դրությամբ հակառակորդը շարունակում է տարբեր տրամաչափի ականանետային և հրթիռային զինատեսակներից խախտել հրադադարի պահպանման ռեժիմը: ՊԲ առաջապահ զորամասերի կողմից ձեռնարկվում են պատժիչ գործողություններ` հակառակորդի նախահարձակ ակտիվությունը ճնշելու համար:

Կարդալ ավելին 12-04-2015

Դիվերսիայի այս փորձը Ադրբեջանի պատասխանն է համանախագահների հայտարարությանը. Դ. Բաբայան
Դիվերսիայի այս փորձը Ադրբեջանի պատասխանն է համանախագահների հայտարարությանը. Դ. Բաբայան

ԵԱՀԿ Մինսկի խմբի համանախագահող երկրների պատվիրակությունների ղեկավարների հայտարարությունը հավասարակշռված էր՝ իրենց ոճով, ամենակարևորն այն է, որ իրենք հիմնական շեշտը դնում են խաղաղ կարգավորման վրա: Tert.am-ի հետ զրույցում անդրադառնալով ԵԱՀԿ Մինսկի խմբի համանախագահ երկրների արտգործնախարարների հայտարարությանը՝ այս մասին ասաց Լեռնային Ղարաբաղի Հանրապետության Նախագահի մամուլի խոսնակ Դավիթ Բաբայանը։ «Սա իրատեսական մոտեցում է, թեպետ այն Ադրբեջանի վրա որևէ ազդեցություն չի գործում: Այն, որ իրենք այսօր նորից խախտել են զինադադարի ռեժիմը և դիվերսիոն խումբը փորձել է ներթափանցել Արցախի տարածք, սա Ադրբեջանի պատասխանն է նույնիսկ այդպիսի հայտարարությունը, այն էլ՝ Թուրքիայի հետ մեկտեղ»,-ասաց Դավիթ Բաբայանը՝ հավելելով, որ Ադրբեջանում է գտնվում Թուրքիայի վարչապետը: Նրա խոսքով՝ այսպիսի ագրեսիվ քաղաքականությունը թուրք-ադրբեջանական տանդեմի գործելաոճն է: «Նրանք այդ հայտարարությունից հետո դիմել են նման գործողության»,-ասաց Դավիթ Բաբայանը: Արձագանքելով դիտարկմանը, թե գնահատականներ են հնչում, որ արտգործնախարարների հայտարարությունն ապտակ էր Ադրբեջանին, Դավիթ Բաբայանն ասաց. «Երբ որ կոչ է արվում իրավիճակը չսրել, բնական է, որ սա Ադրբեջանին է ուղղված, բայց պատասխանն այն է, որ Ադրբեջանը ոչ միայն որևէ քաղաքական արձագանք չտվեց, այլ հակառակը՝ արձագանքեց խախտելով զինադադարի ռեժիմը ևս մեկ անգամ»:

Կարդալ ավելին 12-04-2015

Ոչ մի զեկույց չի կարող մեզ համար ընդունելի լինել, եթե այն կառուցողական տարրեր չի պարունակում. Բակո Սահակյան
Ոչ մի զեկույց չի կարող մեզ համար ընդունելի լինել, եթե այն կառուցողական տարրեր չի պարունակում. Բակո Սահակյան

Այսօր ԼՂՀ նախագահ Բակո Սահակյանն Արցախի պետական համալսարանի պրոֆեսորադասախոսական կազմի և ուսանողության հետ հանդիպման ժամանակ, պատասխանելով Եվրոպայի խորհրդի խորհրդարանական վեհաժողովի (ԵԽԽՎ) սոցիալական հանձնաժողովի կողմից ընդունված և արդեն ԵԽԽՎ լիագումար նիստի օրակարգում ներառված Սարսանգի ջրամբարի վերաբերյալ հակահայկական բանաձեւի նախագծի վերաբերյալ հարցին, մասնավորապես ասել է, որ այն ադրբեջանական կողմի հերթական ապարդյուն աղմուկն է: «Մենք բազմիցս տարբեր ձևաչափերում, այդ թվում ԵԱՀԿ Մինսկի խմբի համանախագահների հետ հանդիպումների ժամանակ, քննարկում ենք Արցախի ջրային ռեսուրսների օգտագործման հարցը՝ կապված հարևան պետություններին տրամադրելուն: Ինչ վերաբերում է ադրբեջանական կողմի բարձրացված աղմուկին կասեմ, որ այն ազդեցիկ լինել չի կարող, քանի որ հիմնավորված չէ»,-ասել է նախագահը: Անդրադառնալով արցախյան կողմի ջանքերին` նախագահ Սահակյանն ասել է. «Մենք նամակ ենք ստացել ԵԽԽՎ քարտուղարության գլխավոր տնօրեն Մարիո Մարտինսի կողմից՝ Սարսանգի ջրամբարի հարցով ԵԽԽՎ զեկուցող Միլիցա Մարկովիչի՝ ԼՂՀ կատարելիք այցին աջակցելու խնդրանքով։ Պատասխան նամակում մենք նշել էինք, որ չնայած զեկույցի անվանման և նրա պատրաստման գործընթացի առնչությամբ մեր ունեցած լուրջ վերապահումներին ու նկատառումներին, ԼՂՀ իշխանությունները պատրաստ են ԵԽԽՎ հետ համագործակցությանը։ Միաժամանակ ընդգծվել է Սարսանգի ջրամբարի հարցի քաղաքականացման ցանկացած փորձի անթույլատրելիությունը։ Սակայն նրանք այդ նամակին չեն պատասխանել»: ԼՂՀ նախագահի խոսքով, հարցի նկատմամբ ունեցած ղարաբաղյան կողմի մոտեցմանը համակարծիք են նաև ԵԱՀԿ Մինսկի խմբի համանախագահները: «Ոչ մի զեկույց չի կարող մեզ համար ընդունելի լինել, եթե այն կառուցողական տարրեր չի պարունակում»,- ասել է Բակո Սահակյանը:

Կարդալ ավելին 12-02-2015

Երբ մեկ նավակում նույն ուղղությամբ լողում են ԱՄՆ–ն, ՌԴ–ն և Ֆրանսիան. Անդրեյ Սորոկինը՝ ԼՂ հակամարտության մասին
Երբ մեկ նավակում նույն ուղղությամբ լողում են ԱՄՆ–ն, ՌԴ–ն և Ֆրանսիան. Անդրեյ Սորոկինը՝ ԼՂ հակամարտության մասին

ԵԱՀԿ երևանյան գրասենյակի ղեկավար, դեսպան Անդրեյ Սորոկինը Tert.am-ի հետ զրույցում անդրադառնալով ղարաբաղյան հակամարտությանը, ասաց, որ հավանաբար, այսօր ժամանակակից պատմության մեջ սա այն քիչ օրինակներից մեկն է, երբ միասին, մեկ նավակում, նույն ուղղությամբ լողում են ԱՄՆ–ն, , Ռուսաստանը և Ֆրանսիան։ Չնայած դրան՝ նա նշեց, որ ԵԱՀԿ-ի երևանյան գրասենյակը գործում է իր մանդատի շրջանակներում, որը հաստատվել է թե՛ Հայաստանի, թե՛ ԵԱՀԿ-ի մանդատի շրջանակներում: «Մեր գրասենյակը չի զբաղվում հարցերով, որոնք անմիջական կապ ունեն Լեռնային Ղարաբաղի և դրան առնչվող հարցերի հետ, սակայն ընդհանուր առմամբ կարող եմ ասել, որ դրանով զբաղվում է Մինսկի խումբը»,-ասաց նա: Անդրեյ Սորոկինը նշեց, որ փաստացի Ղարաբաղի հարցերով ու տարածաշրջանի հարցերով զբաղվում է ողջ աշխարհը: «Հավանաբար, ողջ աշխարհը թե՛ հետաքրքրված չէ, թե՛ հնարավորություն չունի թույլ տալ հակամարտության հետագա սրացումը, ինչպես չմիջնորդավորված՝ այս տարածաշրջանում, կամ էլ այլ իրադարձությունների շուրջ»,-ասաց նա և նշեց, որ խոսքը ռուսական ինքնաթիռի խոցման, Սինայի թերակղզում ինքնաթիռի կործանման և այլ բաների մասին է: «Ինչպես գիտեք՝ այժմ տարածաշրջանի հիմնական սպառնալիքը «Իսլամական պետություն» (ԻՊ) խմբավորումն է: Այս կազմակերպությունն ավելի ու ավելի խորն է ներթափանցում, և նրանք արդեն վաղուց գտնվում ու ակտիվորեն գործում են Աֆղանստանում, նրանք Սիրիայում են, Իրաքում: Եվ ահա, աշխարհի առաջատար երկրների առաջնորդների ջանքերն ուղղված են այդ խնդրին, որպեսզի արմատախիլ անեն, ոչնչացնեն այդ գլխավոր չարիքն ու թույլ չտան դրա տարածումը ողջ աշխարհում և իհարկե՝ այս տարածաշրջանում»,-ասաց նա: Ինչ վերաբերում է ղարաբաղյան հակամարտության հարցով երկու երկրների՝ Հայաստանի և Ադրբեջանի նկատմամբ հավասարության նշան դնելուն՝ ԵԱՀԿ դեսպանը կրկին հիշեցրեց, որ իրենք չեն զբաղվում Ղարաբաղյան հարցով, այնուհանդերձ ավելացրեց.«Սակայն մյուս կողմից, մենք ու մեր գրասենյակը, եթե աշխատում է Հայաստանում և եթե ես ամեն օր ստորագրում եմ պաշտպանության նախարարության հետ համաձայնագրերը, եթե մենք սերտորեն համագործակցում ենք ոստիկանության, ուժային կառույցների հետ, հավանաբար մենք, ինքներդ էլ հասկանում եք, թե ինչի ենք հասնում: Մի կողմից՝դա երաշխիք է որոշակի աստիճանի և չի հասնի ինչ-որ ահաբեկչական կամ ինչ-որ այլ ռազմական գործողությունների, մյուս կողմից մեր գրասենյակը չի զբաղվում զենքի մատակարարմամբ կամ այլ բաներով: Սակայն մենք զբաղվում ենք, ասենք մարդու իրավունքների ուսուցմամբ, բանակում, ոստիկանությունում մարդու իրավունքներով: Եվ հենց այդ կերպ մենք որոշակի ներդրում ենք ունենում, որ հայ հասարակությունն աճի առողջ, ուժեղ և, բնականաբար, հզոր»,-ասաց նա:

Կարդալ ավելին 12-02-2015

Արցախում մեկնարկել է անկախության տարիներին երկրորդ անգամ անցկացվող մարդահամարը
Արցախում մեկնարկել է անկախության տարիներին երկրորդ անգամ անցկացվող մարդահամարը

Հանրապետությունում այսօր մեկնարկել է Արցախի անկախության տարիներին անցկացվող թվով երկրորդ մարդահամարը, որը կշարունակվի մինչև ընթացիկ տարվա դեկտեմբերի 9-ը ներառյալ: «Արցախպրես»-ի թղթակցի հետ զրույցում, ԼՂՀ Ազգային վիճակագրական ծառայության մարդահամարի վարչության պետ Միքայել Սողոմոնյանը տեղեկացրել է, որ մարդահամարը կազմակերպելու և անցկացնելու համար ստեղծվել են Հանրապետական, Ստեփանակերտի քաղաքային և 7 շրջանային հանձնաժողովներ, 9 մարդահամարի, 90 հրահանգչական և 501 հաշվային տեղամասեր: Մ. Սողոմոնյանի խոսքով՝ 2005թ. անցկացված առաջին մարդահամարից հետո, երկրում տեղի են ունեցել սոցիալ-տնտեսական էական փոփոխություններ՝ բնակչության թվաքանակի, տեղաբաշխման, սոցիալ-ժողովրդագրական, տնտեսական ակտիվության, տնային տնտեսությունների բնակության պայմանների, կենսամակարդակի և այլ բնութագրիչների առումով: «Տնտեսական և սոցիալական բարեփոխումների ուղի բռնած Արցախի համար շատ կարևոր է ապահովել մարդահամարների պարբերաբար անցկացումը, քանի որ դրանց արդյունքներն էական նշանակություն կունենան երկրի պետական և տնտեսական քաղաքականության մշակման, ծրագրավորման և կառավարման համար»,- նշել է ԼՂՀ ԱՎԾ մարդահամարի վարչության պետը՝ հավելելով, որ մարդահամարը հնարավորություն կտա ուսումնասիրել հասարակական և տնտեսական մակարդակներում տեղ գտած փոփոխություններն ու կանխորոշել հետագա առաջընթացի նոր ուղղություններն ու սկզբունքները: Մ. Սողոմոնյանը կարևորել է բնակչության ակտիվ մասնակցության դերը հավաստի ու ճշգրիտ տվյալներ ստանալու գործում՝ ավելացնելով, որ ԼՂՀ «Մարդահամարի մասին» օրենքի համաձայն՝ համապետական այդ միջոցառմանը մասնակցելը քաղաքացիների պարտականությունն է: ԱՎԾ մարդահամարի վարչության պետը հավաստիացրել է, որ քաղաքացիների մասին հավաքագրված տվյալները գաղտնի են մնալու, քանի որ, դրանք հրապարակվելու են միայն ընդհանրացված տեսքով: Նշենք, որ մարդահամարի նախնական տվյալները հայտնի կլինեն 2016թ. ապրիլի սկզբին, իսկ վերջնականը` 2016թ. ավարտին:

Կարդալ ավելին 12-02-2015

Լեռնային Ղարաբաղի խնդրում ներգրավված է ՀԱՊԿ-ն, և կոնֆլիկտի դեպքում ՌԴ-ն պարտավոր է պաշտպանել իր դաշնակցին
Լեռնային Ղարաբաղի խնդրում ներգրավված է ՀԱՊԿ-ն, և կոնֆլիկտի դեպքում ՌԴ-ն պարտավոր է պաշտպանել իր դաշնակցին

Ռուսական «Россия» հեռուստաալիքով հեռարձակվող «Կիրակնօրյա երեկո Վլադիմիր Սոլովյովի հետ» («Воскресный вечер с Владимиром Соловьевым») հաղորդման ժամանակ, որի ընթացքում քննարկվել են ռուս-թուրքական սրված հարաբերությունները, խոսք է գնացել նաև Լեռնային Ղարաբաղի հակամարտության մասին։ «Անհրաժեշտ է թուրք ժողովրդին հասկացնել, թե ուր է տանում իր ղեկավարության ներկայիս քաղաքականությունը։ Իրականում չէ՞ որ Սիրիան միակ պլացդարմը չէ, որը դառնում է Թուրքիայի կողմից լուրջ տեղեկատվական հարձակման օբյեկտ։ Դա նաև Հայաստանն է: Իսկ Հայաստանը Հավաքական անվտանգության պայմանագրի կազմակերպության անդամ է»,- ասել է Պետդումայի փոխնախագահ Սերգեյ Ժելեզնյակը: Հաղորդավարը հիշեցրել է, որ Թուրքիան հայտարարել է, որ կօգնի Ադրբեջանին «վերադարձնել ադրբեջանական հողերը» և հավելել է, որ նրանք ցանկանում են սրել Լեռնային Ղարաբաղի խնդիրը, իսկ այդտեղ արդեն ներգրավված է ՀԱՊԿ-ն։ «Այդ առումով միջազգային հանրությունը պետք է Էրդողանին տեղը դնի, որովհետև եթե ռազմական հակամարտություն էլ առաջանա Հայաստանում, դա կլինի Ռուսաստանի ուղղակի պարտականությունը՝ ՀԱՊԿ պարտավորությունների համաձայն պաշտպանել իր դաշնակցին»,- ասել է Ժելեզնյակը:

Կարդալ ավելին 11-30-2015

Բակո Սահակյանը շնորհավորական ուղերձ է հղել Ոստիկանության ծառայողի օրվա առթիվ
Բակո Սահակյանը շնորհավորական ուղերձ է հղել Ոստիկանության ծառայողի օրվա առթիվ

Արցախի Հանրապետության Նախագահ Բակո Սահակյանը նոյեմբերի 30-ին շնորհավորական ուղերձ է հղել Ոստիկանության ծառայողի օրվա կապակցությամբ: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ` Ուղերձում ասված է. «Ոստիկանության հարգելի՛ աշխատակիցներ եւ վետերաններ, Արցախի Հանրապետության իշխանությունների եւ անձամբ իմ անունից ի սրտե շնորհավորում եմ ձեզ մասնագիտական տոնի առթիվ: Դուք իրականացնում եք դժվարին ու պատասխանատու աշխատանք` կապված մարդու անվտանգության, հասարակական կարգի պահպանության եւ հասարակական անվտանգության ապահովման, հանցագործությունների եւ իրավախախտումների նախականխման եւ կանխման, հանցագործությունների հայտնաբերման եւ բացահայտման հետ: Այդ իսկ պատճառով ոստիկանության յուրաքանչյուր ծառայողից պահանջվում է աշխատել ջանքերի լարումով եւ մեծագույն նվիրվածությամբ ձեր մասնագիտությանը, հարազատ ժողովրդին ու հայրենիքին` բարձր արհեստավարժությամբ իրականացնելով պարտականությունները եւ արդյունավետորեն լուծելով առաջադրված խնդիրները: Ոստիկանության աշխատակիցների աշխատանքային եւ սոցիալական պայմանների բարելավման խնդիրներն այսուհետ էլ կլինեն պետության ուշադրության կենտրոնում: Թանկագի՛ն բարեկամներ, մեկ անգամ եւս շնորհավորում եմ ձեզ ոստիկանության ծառայողի օրվա առթիվ եւ մաղթում խաղաղություն, քաջառողջություն ու ամենայն բարիք»:

Կարդալ ավելին 11-30-2015

Արցախի ոստիկանությունը ձևավորել է կայուն համակարգ. ոստիկանապետը շնորհավորական ուղերձ է հղել
Արցախի ոստիկանությունը ձևավորել է կայուն համակարգ. ոստիկանապետը շնորհավորական ուղերձ է հղել

Նոյեմբերի 30-ը ԼՂՀ ոստիկանության մասնագիտական տոն օրն է: Այդ կապակցությամբ ԼՂՀ ոստիկանության պետ, գեներալ-մայոր Կամո Աղաջանյանի շնորհավորական ուղերձ է հղել, որում մասնավորապես ասված է. «Արցախի Հանրապետության ոստիկանության հարգելի ծառայողներ, վաստակաշատ վետերաններ. Փառաբանության ու դրվատանքի արժանի ճանապարհ է անցել Արցախի ոստիկանությունը: Անկախության հռչակման նախօրեին, ԼՂԻՄ ՆԳ վարչության միլիցիայի ծառայողները, անդամագրվելով կամավորական ջոկատներին, իրենց ավանդն են ունեցել ազատագրական պայքարում։ Ցավոք, նրանցից շուրջ չորս տասնյակ քաջորդիներ նահատակվել են հանուն մեր անկախ պետականության։ Արցախի Հանրապետության ոստիկանությունը ձևավորել է կայուն համակարգ և հպարտության արժանի կենսագրություն: Այսօր էլ շարունակելով անցյալի լավագույն ավանդույթները՝ Ձեր սթափ և արհեստավարժ գործունեությամբ, ամենայն պատասխանատվությամբ եք ապահովում պետության և ժողովուրդի շահերը: Ոստիկանության գործունեության արդյունավետությունը բարձրացնելու գործում կարևորում եմ նաև ոստիկանության վետերանների դերակատարումը, նրանց բազմամյա փորձն ու մասնագիտական գիտելիքները երիտասարդ կադրերին փոխանցելու անհրաժեշտությունը: Մասնագիտական տոնի կապակցությամբ շնորհավորում եմ հող հայրենիի համար նահատակված մեր ոստիկանների ընտանիքներին, ոստիկանության հաշմանդամներին, բազմավաստակ վետերաններին, ոստիկանության ողջ անձնակազմին, մաղթում եմ առողջություն և անձնական երջանկություն: Իրավակարգի մշտարթուն զինվորներ, քայլեք ժամանակի պահանջներին համաքայլ և հիշեք, որ Ձեզ մեծ առաքելություն է տրված՝ ծառայել պետությանն ու այն ժողովրդին, ում փառավոր զավակների արյան գնով է նվաճվել սեփական հողում ազատ ապրելու իրավունքը»:

Կարդալ ավելին 11-30-2015

Արցախի գլխավոր բուժկենտրոնի տարածքում զբոսայգի է կառուցվում
Արցախի գլխավոր բուժկենտրոնի տարածքում զբոսայգի է կառուցվում

Ստեփանակերտի հանրապետական բժշկական կենտրոնի գլխավոր մուտքից` ուռուցքաբանական կենտրոնից մինչև հանրապետական ծննդատան հարող տարածքում վերջերս շինարարական աշխատանքներ են սկսվել: ԼՂՀ քաղաքշինության նախարարության մամլո ծառայությունից «Արցախպրես»-ին հայտնեցին, որ արտաբյուջետային միջոցների հաշվին բարեկարգվում է կենտրոնի տարածքը: Նախատեսվում է այստեղ զբոսայգի կառուցել սալիկապատ հատակով, կանաչ խոտածածկով, ծառուղով ու շատրվաններով. կլինի նաև առանձին ավտոկայանատեղի: Նախատեսվում է զբոսայգու աշխատանքներն ավարտել հաջորդ տարի:

Կարդալ ավելին 11-30-2015

Նախկին սահմաններին վերադարձ չի լինի. պաշտոնական Ստեփանակերտի պատասխանը
Նախկին սահմաններին վերադարձ չի լինի. պաշտոնական Ստեփանակերտի պատասխանը

Նախկին սահմաններին վերադարձ չի լինի: Այս մասին հայտարարեց ԼՂՀ նախագահի մամուլի քարտուղար Դավիթ Բաբայանը՝ NEWS.am-ի խնդրանքով մեկնաբանելով յոթ շրջանների հետ կապված ԵԱՀԿ Մինսկի խմբի ամերիկացի համանախագահ Ջեյմս Ուորլիքի հայտարարության վերաբերյալ ԱՊԱ-ի հրապարակած տեղեկությունը: Դավիթ Բաբայանի խոսքով, ադրբեջանական լրատվամիջոցները հաճախ են այդպիսի տեղեկություններ հրապարակում, իսկ երբեմն այնքան են տարվում, որ միջնորդներին «Ադրբեջանին Լեռնային Ղարաբաղը վերադարձնելու մասին» հայտարարություններ են վերագրում: «Այս դեպքում այն, որ այդպիսի տեղեկության աղբյուրն ադրբեջանական լրատվամիջոցներն են, ինքնին կասկած է հարուցում»,- նշեց Դավիթ Բաբայանը: Միաժամանակ, նա ընդգծեց, որ 1920-21 եւ 1988-91 թվականների սահմաններին վերադարձ չի լինի: «Այդ սահմաններում Լեռնային Ղարաբաղը չի կարող որպես ինքնիշխան պետություն գոյություն ունենալ: Դա համակենտրոնացման ճամբար է: Մենք այդպիսի ճամբարում ապրելու փորձ ունենք: Ավելին, դա Ադրբեջանին կմղի Լեռնային Ղարաբաղի, իսկ հետո՝ նաեւ Հայաստանի դեմ լայնածավալ ագրեսիայի: Այդ պատճառով նախկին սահմաններին վերադարձ չի լինի»,- ընդգծեց Դավիթ Բաբայանը: ԱՊԱ գործակալության հրապարակման համաձայն, Ջեյմս Ուորլիքը հայտարարել է, թե Լեռնային Ղարաբաղի 7 շրջաններն Ադրբեջանի վերահսկողությանը վերադարձնելը հակամարտության հակակողմանի կարգավորման մաս է կազմում:

Կարդալ ավելին 11-23-2015

Արայիկ Հարությունյանը հանդիպումներ է ունեցել ԱՄՆ Նևադա նահանգում
Արայիկ Հարությունյանը հանդիպումներ է ունեցել ԱՄՆ Նևադա նահանգում

Արցախի Հանրապետության վարչապետ Արայիկ Հարությունյանը նոյեմբերի 21-ին այցելել է ԱՄՆ Նևադա նահանգ և մի շարք հանդիպումներ ունեցել այնտեղ: ԱՀ կառավարության աշխատակազմի տեղեկատվության և հասարակայնության հետ կապերի բաժնի փոխանցմամբ՝ վարչապետը ծաղիկներ է խոնարհել հայոց ցեղասպանության զոհերի հիշատակին նվիրված՝ Նևադայում վերջերս բացված հուշարձանին՝ կարևորելով ցեղասպանության միջազգային ճանաչման և դատապարտման նշանակությունը թե՛ հայ ազգի, և թե՛ համայն մարդկության համար: Արայիկ Հարությունյանն այնուհետև հանդիպել է այդ նահանգում Հայաստանի Հանրապետության պատվավոր հյուպատոս Անդի Արմենյանին և համայնքի մի շարք ներկայացուցիչների՝ նրանց հետ քննարկելով ազգապահպանությանը և Արցախ-սփյուռք հարաբերություններին վերաբերող որոշ հարցեր: Ա. Հարությունյանը հանդիպում է ունեցել նաև Նևադայի օրենսդիր մարմնի և տեղական ինքնակառավարման մարմինների մի խումբ ներկայացուցիչների հետ: Վարչապետը նրանց ներկայացրել է Արցախի հաջողություններն ու խնդիրները պետականաշինության և տնտեսության զարգացման գործընթացներում, ինչպես նաև՝ ղարաբաղյան հակամարտության շուրջ տեղի ունեցող զարգացումները և ընդհանուր տարածաշրջանի իրավիճակը: Կողմերը քննարկել են երկուստեք հետաքրքրության մի շարք հարցեր, ձեռք բերել հետագա համագործակցության վերաբերյալ պայմանավորվածություններ: Համայնքի կողմից իր պատվին կազմակերպված ընդունելության ժամանակ վարչապետ Հարությունյանն ընդգծել է ազգային նշանակության հարցերում սփյուռքի ակտիվ մասնակցության կարևորությունը՝ կոչ անելով ներկաներին մասնակցել առաջիկա հեռուստամարաթոնին՝ հանուն հայրենիքի շարունակական զարգացման:

Կարդալ ավելին 11-23-2015

ՊԲ առաջապահ զորամասերը լիակատար վերահսկողություն են պահպանում առաջնագծում. ԼՂՀ ՊՆ
ՊԲ առաջապահ զորամասերը լիակատար վերահսկողություն են պահպանում առաջնագծում. ԼՂՀ ՊՆ

Հանգստյան օրերին ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 80 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 1300 կրակոց: ԼՂՀ ՊՆ մամուլի ծառայության փոխանցմամբ՝ Պաշտպանության բանակի առաջապահ զորամասերը լիակատար վերահսկողություն են պահպանում առաջնագծում և անհրաժեշտ քայլեր ձեռնարկում մարտական դիրքերի պահպանությունը հուսալիորեն կազմակերպելու համար:

Կարդալ ավելին 11-23-2015

«Սա Հայաստան է և վերջ». այսօր Լեոնիդ Ազգալդյանի ծննդյան օրն է
«Սա Հայաստան է և վերջ». այսօր Լեոնիդ Ազգալդյանի ծննդյան օրն է

Այսօր՝ նոյեմբերի 22-ին, Արցախյան պատերազմի առաջին հրամանատարներից Լեոնիդ Ազգալդյանի ծննդյան օրն: Արցախյան շարժման առաջին իսկ օրերից Ազգալդյանը մասնակցել է ազգային-ազատագրական պայքարին: 1990 թվականի փետրվարից վարել է «Անկախության բանակի» հրամանատարությունը, կազմակերպել մի շարք շրջանների և, հատկապես, Վարդենիսի ինքնապաշտպանությունը: Ազգալդյանն իր ճակատագիրն ամբողջությամբ կապել է Արցախի ազատամարտի հետ՝ սկզբում գործելով Գետաշենի և Շահումյանի, այնուհետև՝ Մարտակերտի շրջաններում։ Արցախի ազատամարտին նոր թափ հաղորդելու նպատակով էլ 1991 թվականի հունիսին Հովսեփ Հովսեփյանի հետ միասին նա ստեղծել է «Ազատագրական բանակ» ռազմական կազմակերպությունը, որը, թեկուզ միայն Հայաստան-Արցախ-Սփյուռք ճիգերի համադրման իմաստով, նոր որակ էր հայ ժողովրդի գոյամարտին ծառայագրված շարժումների շղթայում, և որի գլխավոր հրամանատարը մնաց մինչև իր կյանքի վերջը։ Լեոնիդի հրամանատարությամբ Արցախում 27 բնակավայր է ազատագրվել: Նրան է պատկանում հետևյալ թևավոր խոսքը «Սա Հայաստան է և վերջ»: Լեոնիդ Ռուբենի Ազգալդյանը ծնվել է 1942 թվականին՝ նոյեմբերի 22-ին Թիֆլիսում։ 1947 - 1959 թթ. սովորել է Երևանի՝ Ա. Մռավյանի անվան դպրոցում։ 1960 թ. ընդունվել է Մոսկվայի Լոմոնոսովի անվան համալսարանի ֆիզիկայի ֆակուլտետ, որտեղից հետագայում տեղափոխվել է Երևանի պետական համալսարանի համապատասխան ֆակուլտետը և այն փայլուն ավարտել է՝ ռադիոֆիզիկա մասնագիտությամբ։ Ազգալդյանը զոհվել է 1992 թ.-ի հունիսի 21-ին, Մարտակերտի շրջանում՝ Տոնաշեն գյուղի մոտ։ Հետմահու պարգևատրվել է ՀՀ և ԼՂՀ «Մարտական խաչ» առաջին աստիճանի շքանշաններով։

Կարդալ ավելին 11-23-2015

Ռուսաստանը չափազանց հզոր զենք է օգտագործում ԻՊ-ի դեմ պայքարում. Forbes
Ռուսաստանը չափազանց հզոր զենք է օգտագործում ԻՊ-ի դեմ պայքարում. Forbes

«Իսլամական պետություն» խմբավորման դեմ պայքարը ռուս նախագահ Վլադիմիր Պուտինին հնարավորություն է տվել ցուցադրելու աշխարհին իր իշխանության ծավալները, սակայն այս պատերազմում նա օգտագործում է չափազանց հզոր զենք, գրում է Forbes հանդեսը։ ԹԵՐԹ.ամ-ի փոխանցմամբ՝ ասելով չափազանց հզոր զենք` հոդվածի հեղինակը նկատի ունի հեռահար զենիթահրթիռային համակարգերը։ Դրանց օգտագործումը կարող է նշանակել, որ Ռուսաստանի նպատակն է ոչ թե լուրջ գործողությունները` ուղղված ԻՊ-ի դեմ, այլ միայն իր ռազմական հզորության ցուցադրումը, գրում է պարբերականը։ Հնարավոր է՝ հակաահաբեկչական գործողությունը կոչված է օգնելու Պուտինին հասնել մեծ հարգանքի համաշխարհային առաջնորդների շրջանում: «Երբ 2000-ին Պուտինին ընտրեցին նախագահի պաշտոնում, նա այնքան էլ մեծ փորձ և ինքնավստահություն չուներ: Նա ուրախ էր, երբ այլ արևմտյան առաջնորդներ սկսեցին խոսել իր հետ: Իսկ այժմ նա իրեն համարում է ամենահմուտ առաջնորդն աշխարհում, ով ունակ է օգնել մյուսներին»,- ասել է ռուս լրագրող Ալեքսանդր Բաունովը։ Նշվում է, որ Ուկրաինայում դեպքերից հետո արևմտյան քաղաքական գործիչները դադարել են հետաքրքրվել նրանով` ինչ է մտածում Պուտինը: Նրանք արհամարհեցին ռուս նախագահին նախորդ տարվա G8 գագաթաժողովի ժամանակ և չէին լսում նրա հիմնավորումները, որ պետք է աջակցել Սիրիայի առաջնորդ Բաշար ալ-Ասադին: Սակայն նրանց չհաջողվեց չնկատել հզոր ռազմական արշավը, որը Ռուսաստանը սկսեց սեպտեմբերի 30-ին: Լրագրողի խոսքով` Պուտինն ընտրել է ճիշտ վայր և ժամանակ` ռազմական մեթոդներով իր կարծիքը հայտնելու համար: Այս կերպ ռուս նախագահը կարող է հասնել միաժամանակ մի քանի նպատակի: ԻՊ-ի դեմ պայքարի համար ստեղծված կոալիցիան կարող է ապացուցել, որ Ռուսաստանը շարունակում է հզոր գերտերություն մնալ, որն ունի իր կշիռը միջազգային ասպարեզում: Բացի այդ, այն կօգնի վերջ դնել Պուտինի քաղաքական մեկուսացմանը: Պարբերականը նշում է, որ եթե ռուս առաջնորդին հաջողվի «ճիշտ խաղալ խաղաքարտերով», ապա Ռուսաստանի քաղաքացիները կկարողանան օգուտ քաղել ընթացիկ քաղաքական իրավիճակից` պատժամիջոցները կչեղարկվեն, արտասահմանյան ներդրումները կվերականգնվեն, նոր բիզնես կստեղծվի, իսկ երկիրն ավելի քիչ կախվածություն կունենա բնական ռեսուրսների արտահանումից։

Կարդալ ավելին 11-23-2015

Ղարաբաղյան պատերազմի ականատես լրագրողները Եվրոխորհրդարանում խոսել են Լեռնային Ղարաբաղի մասին
Ղարաբաղյան պատերազմի ականատես լրագրողները Եվրոխորհրդարանում խոսել են Լեռնային Ղարաբաղի մասին

Նոյեմբերի 17-ին Բրյուսելում Եվրախորհրդարանի դահլիճներից մեկում տեղի ունեցավ «Ականատես լրագրողների վկայությունները զինված հակամարտությունների մասին՝ Լեռնային Ղարաբաղի պարագան» ձեռնարկը, որի ընթացքում իրենց վկայությունները ներկայացրեցին բուլղարուհի հեռուստալրագրող Ցվետանա Պասկալեւան, չեխ լրագրող Դանա Մազալովան եւ պրահայաբնակ լրագրող Աննա Կարապետյանը: «Ազգ» շաբաթաթերթի հաղորդմամբ, նրանք Արցախյան պատերազմի տարբեր փուլերում ոչ միայն եղել են Լեռնային Ղարաբաղում, այլեւ լուսաբանել են պատերազմի ողջ ընթացքը ռազմական գործողություններից մինչեւ զինադադար: Ձեռնարկի կազմակերպիչներն էին Եվրոխորհրդարանում Հայաստանի հետ բարեկամության խումբն ու Եվրոպայի Հայ դատի հանձնախումբը՝ պատգամավոր Էլենի Թեոխարուսի (Կիպրոս, ԵԺԿ) հովանավորությամբ: Հայտնի է, որ վերջինս Ղարաբաղյան պատերազմի տարիներին իբրեւ կամավոր-վիրաբույժ եղել է Ղարաբաղում եւ աշխատել Ստեփանակերտի հիվանդանոցում: Ձեռնարկը վարում էր Եվրոպայի Հայ դատի հանձնախմբի հաղորդակցության պատասխանատու Պետո Դեմիրճյանը , ով նախ ներկայացրեց օրվա բանախոսներին, նրանց անցած ուղին, այնուհետեւ ողջույնի խոսքի համար ձայնը տվեց տիկին Թեոխարուսին : Վերջինս մի անգամ եւս իր զորակցությունը հայտնեց Արցախի ժողովրդին եւ նրա ինքնորոշման իրավունքին, նաեւ կարեւորեց ականատես լրագրողների վկայությունները Եվրոխորհրդարանում: Այնուհետեւ ողջույնի խոսքով հանդես եկավ Բելգիայում Հայաստանի դեսպան Թաթուլ Մարգարյանը , ով ներկաների ուշադրությունը հրավիրեց Ադրբեջանի կողմից իրականացվող պատմական ճշմարտությունը խեղաթյուրելու քաղաքականությանը: Նրա ասելով, այդ երկրի նախագահ Ալիեւը շարունակում է տարբեր միջազգային կառույցներում վարկաբեկել Հայաստանին, մինչեւ իսկ կապելով ահաբեկչության հետ առնչությունների մեջ, մինչդեռ ողջ աշխարհին է հայտնի , թե ինչպիսի ահաբեկչական կազմակերպություններ են գործում Ադրբեջանում: Այս իմաստով նա գնահատելի համարեց լրագրողների կատարած արհեստավարժ աշխատանքը: Ցվետանա Պասկալեւան դիմելով Եվրոխորհրդարանի անդամներին, մի անգամ եւս ներկաների ուշադրությունը սեւեռեց Ադրբեջանի հարձակողական քաղաքականությանը, նշելով, որ Արցախի ժողովուրդը մեծ զոհողությունների գնով է հաղթել եւ ձեռք բերել այսօրվա խաղաղ ապրելու իրավունքը, եւ իբրեւ վկայություն ցուցադրեց իր «Իմ սիրելի ողջեր եւ մեռածներ» ֆիլմը: Այս ֆիլմին հետեւեց նաեւ Արցախի այսօրվան նվիրված հեռուստաակնարկը, որն ամբողջությամբ ցույց էր տալիս, թե ինչպես է Արցախի ժողովրդին հաջողվել կերտել իր ապագա խաղաղությունը:

Կարդալ ավելին 11-21-2015

Լեռնային Ղարաբաղը առասպելական վայր է, քրիստոնեական կղզի՝ շրջապատված մուսուլմանական օվկիանոսով. Die Welt
Լեռնային Ղարաբաղը առասպելական վայր է, քրիստոնեական կղզի՝ շրջապատված մուսուլմանական օվկիանոսով. Die Welt

Թեպետ Լեռնային Ղարաբաղը աշխարհին քիչ է հայտնի, սակայն դա չի խանգարում հազարավոր զբոսաշրջիկների այցելել առասպելական այդ վայրը՝ հիանալու վայրի բնությամբ եւ ոչ պակաս առասպելական հյուրասիրությամբ։ News.am-ի փոխանցմամբ` այսպես է սկսում իր հոդվածը Die Welt գերմանական պարբերականի լրագրողը՝ պատմելով Լեռնային Ղարաբաղի Հանրապետություն կատարած իր այցելության մասին։ «Դարն ապրած մի «Վոլգայով» գլխապտույտ արագությամբ մենք սլանում ենք հսկիչ անցակետերի կողքով։ Սահմանապահն իր պատուհանից դուրս է հանում գլուխը, զննում մեզ եւ առաջ թողնում։ Մենք առաջ ենք շարժվում աշխարհին քիչ ծանոթ մի երկիր, որտեղ մուտք գործելու համար հայերից բացի, բոլորին վիզա է անհրաժեշտ։ Հետեւում թողնելով կարմիր տանիքներով Գորիս քաղաքը՝ մեր առջեւ հանկարծ ասես երկնքից հառնում է այդ երկիրը՝ Լեռնային Ղարաբաղը։ Շուրջբոլորն ինձ ոչինչ չի հիշեցնում, որ այս հողակտորը ԽՍՀՄ փլուզումից հետո կատաղի մարտերի վայր է եղել, որոնք ծավալվում էին հենց այստեղ՝ Լաչինի միջանցքում։ Այդ մարտերից հետո 1994թ. ձեռք բերած զինադադարից հետո Լեռնային Ղարաբաղը աշխարհով մեկ սփռված հայերի ինքնության խորհրդանիշն է դարձել»,- գրում է հեղինակը եւ նշում, որ Ղարաբաղը յուրահատուկ վայր է աշխարհում։ «Աշխարհի համար Լեռնային Ղարաբաղը մնում է հակամարտության գոտի, ինչի հետեւանքով մեր մոլորակի ամենայուրահատուկ ու առասպելական այս վայրը, որը քրիստոնեական կղզի է՝ շրջապատված մուսուլմանական օվկիանոսով, տարեկան ունենում է ընդամենը մի քանի հազար այցելու։ Երկիր, որը հավասարապես խորհրդանշական է հայերի համար, ինչպես ձյունածածկ Արարատը, որը երեւում է Երեւանի բնակարանների պատուհաններից»,- շարունակում է հոդվածագիրը ճանապարհորդության նկարագրությունը։ «Սահմանը հատելուց հետո մեր առջեւ խնամված լեռնոտ ճանապարհ է բացվում դեպի Ստեփանակերտ՝ Լեռնային Ղարաբաղի մայրաքաղաք։ Պատերազմի ավարտից 20 տարի անց դրա հետքերը դեռ շոշափելի են օրինակ Շուշի քաղաքի լքյալ եւ ռմբակոծված տների վրա։ Շուշին ադրբեջանցիների վերջին հենակետն էր, որտեղից նրանք գնդակոծում էին Ստեփանակերտը։ Սակայն հայերը կարողանում են իրենց հսկողությունն հաստատել Շուշիի վրա՝ դուրս մղելով ադրբեջանցիներին այստեղից։ Հասնելով Ստեփանակերտ՝ մենք կանգ ենք առնում «Տատին եւ Պապին» արձանի մոտ, որը կառուցվել է 50 տարի առաջ, իսկ 1994թ.-ից հետո դարձել էր անկախության խորհրդանիշը, իսկ հյուրերի համար՝ հանդիպման վայրը։ Քաղաքում ոչինչ չի հիշեցնում պատերազմի մասին։ Այն խաղաղ է եւ ավելի մաքուր, քան Երեւանը։ Մարդաշատ շուկայում հնարավոր է գնել լավաշ՝ Ղարաբաղի բազմատեսակ բույսերով։ Մեզ գազօջախի վրա եփված սուրճ ու փախլավա են մատուցում. հյուրասիրությունը հայերի մոտ գրեթե առասպելական նշանակություն ունի։ Մարդկանց հարցուփորձ եմ անում, թե ով է ամենահայտնի հայը։ Պատասխաները տարբեր են. ոմանք աղմուկով պնդում են, որ դա Հենրիկ Մխիթարյանն է։ Խանութպանը ոգեւորված պնդում է, որ դա Արթուր Աբրահամն է, որը ռինգում տապալում է պրոֆեսիոնալ բռնցքամարտիկներին։ Հետո այլ անուններ են հնչում՝ երգչուհի Շեր, թենիսիստ Անդրե Աղասի, ՄիԳ կործանիչների գյուղատարար Արտեմ Միկոյան։ Քիմ Քարդաշյանի մասին հիշատակելիս մարդիկ դժգոհությամբ են արձագանքում։ ...Միակ մարդը, որի աշխարհահռչակ հայ լինելու շուրջ համամիտ են բոլորը, Շառլ Ազնավուրն է»,- եզրափակում է հեղինակը։

Կարդալ ավելին 11-21-2015

Սեյրան Օհանյան. զորավարժությունները իրենց նպատակը կատարել են՝ գնահատականը բարձր է լինելու
Սեյրան Օհանյան. զորավարժությունները իրենց նպատակը կատարել են՝ գնահատականը բարձր է լինելու

Մեր զինծառայողների գործողությունները տարեցտարի կատարելագործվում են Panorama.am-ի փոխանցմամբ այս մասին ասել է Սեյրան Օհանյանը: «ՀՀ և Արցախի հանրապետության նախագահների ինչպես նաև ՊԲ հրամանատար, ԼՂՀ պաշտպանության նախարարի հետ խորհրդակցելուց մենք եկանք այն եզրակացության որ զորավարժությունները իրենց առջև դրված նպատակը կատարել են, բարձ է մնացել զինծառայողների ընդհանուր տրամադրվածությունը, նրանց ոգին: Գնահատականը անկասկած բարձր է լինելու»,-այս մասին հայտարարել է ՀՀ պաշտպանության նախարար Սեյրան Օհանյանը՝ զորավարժությունների ավարտին կազմակերպված պարգևատրման արարողությունից հետո: «Ցանկացած այսպիսի միջոցառումների ընթացքում գերագույն գլխավոր հրամանատարի մասնակցությունը բարձրացնում է պատասխանատվությունը և պատիվը յուրաքանչյուր զինծառայողի համար»,- նշեց նախարարը և հավելեց, որ ՀՀ և ԼՂՀ նախագահների մասնակցությունը ևս մեկ անգամ ապացույցն է այն բանի, որ հրամանատարից մինչև մինչև վերջին զինվոր այդ շղթայում կապակցված են այնպիսի ամրությամբ, որը երբևէ չի կտրվի: «Յուրաքանչյուր այսպիսի զորավարժություն իր նպատակն ունի: Առաջին հերթին դա տեսական և գործնական գիտելիքների ամրապնդումն ու բարձրացումն է, ինչպես նաև հրամանատարների ու նրանց շտաբերի ունակությունների կատարելագործումը ժամանակակից համազորային մարտը պլանավորելու և անցկացնելու ուղղությամբ»,- նշել է Սեյրան Օհանյանը: Ըստ նախարարի, երկրորդ նպատակը, ստորաբաժանումների ներդաշնակումն է: «Այսինքն՝ ներդաշնակ գործողություններն են, որ բերում են հաջողությունների և իհարկե նաև այսպիսի զորավարժությունները ամրապնդում են բարոյահոգեբանական մակարդակը, ամրապնդում զինվորի մարտական ոգին և նաև կոփում յուրաքանչյուրի մարմինը և նախապատրաստում առաջիկա գործողություններին»,- նշել է նա: Նախարարի հավաստմամբ, այսպիսի զորավարժությունները անկասկած անց են կացվում այնպիսի սցենարներով, որոնք առկա են մեր իրադրության մեջ: «Առաջին գծում կանգնած զորամասերը հենց այն խնդիրներն ունեն, որ այստեղ արտացոլված էր: Առաջինը պաշտպանությունն է և իրադրությանը համարժեք գործողությունների իրականացումն է պաշտպանական մարտից սկսած հակագործողություններով և հակահարձակողական գործողություններով»,- ասել է նախարարը: Ըստ Սեյրան Օհանյանի, թեև այսօրվա զորավարժությունների մասշտաբները մի քիչ փոքր էին, սակայն ակնհայտ էր մարտավարական նոր հնարքների, նոր ձևերի ներդրումը՝ փոքր ուժերով մեծ խնդիրների իրականացումն է: «Յուրաքանչյուր հրամանատար ընդհանուր մտահղացմամբ և ստեղծված իրադրությանը համարժեք իր հնարավորությունները իր գիտելիքների շրջանակներում ինքնուրույն, լոկալ որոշումներ է ընդունում և իրականացնում: Մենք տեսանք, թե ինչպիսի ներդաշնակության բարձր մակարդակ գոյություն ունի, տեսանք փոխգործունակության բարձր աստիճան, ինչպես նաև տեսանք թե ինչպես են գործում և համազորային ստորաբաժանումները և զորատեսակները ինքնուրույն, սկսած հակառակորդի հետախուզությամբ նրա բոլոր գործողությունների հայտնաբերմամբ և նաև կրակային խոցման բարձր աստիճանով»,- նշել է Սեյրան Օհանյանը:

Կարդալ ավելին 11-21-2015

ԼՂՀ և ՀՀ նախագահները մասնակցել են նոր թաղամասի և Մատենադարանի բացման արարողություններին
ԼՂՀ և ՀՀ նախագահները մասնակցել են նոր թաղամասի և Մատենադարանի բացման արարողություններին

ՀՀ Նախագահ, Զինված ուժերի գերագույն գլխավոր հրամանատար Սերժ Սարգսյանը ԼՂՀ աշխատանքային այցի շրջանակում նոյեմբերի 21-ին Արցախի Նախագահ Բակո Սահակյանի հետ ներկա է գտնվել հայկական երկու հանրապետությունների զինված ուժերի բարձրագույն սպայական կազմի մասնակցությամբ անցկացված խորհրդակցությանը, որի ընթացքում քննարկվել են երկկողմ փոխգործակցությանն առնչող մի շարք հարցեր: Նրանք մասնակցել են նաև ԼՂՀ մայրաքաղաքում սպաների համար սպայական ավանում կառուցված 176 բնակարանանոց բնակելի շենքերի նորամուտի, ՊԲ շտաբի մարզադահլիճի, ինչպես նաև զորամասերից մեկի զինանձնակազմի համար կառուցված ճաշարանի բացման արարողություններին: ԼՂՀ կատարած աշխատանքային այցի շրջանակում ՀՀ նախագահի կողմից պարգևատրվել են բարեխիղճ ծառայությամբ աչքի ընկած մի շարք զինծառայողներ: Սերժ Սարգսյանը նույն օրը Գանձասարում ներկա է գտնվել Ստեփանակերտի «Մեսրոպ Մաշտոցի անվան մատենադարան - գանձասար» գիտամշակութային կենտրոնի՝ Մատենադարանի մասնաշենքի բացման արարողությանը: Կենտրոնը կազմված է գիտական և թանգարանային մասերից, գիտաժողովների, մշակութային տարաբնույթ միջոցառումների անցկացման համար նախատեսված դահլիճից, գրադարանից ու ընթերցասրահից: Նորաբաց ցուցասրահներում ներկայացված են Արցախում վաղ միջնադարից մինչև նոր շրջանն ստեղծված 100-ից ավելի ձեռագրերի, Արցախի պատմությանն առնչվող հազվագյուտ վավերագրերի բնագրեր ու ընդօրինակություններ, ինչպես նաև հնատիպ գրքեր: Ցուցանմուշների ստեղծման աշխատանքները մեկնարկել են յոթ տարի առաջ և պատասխանատուների հավաստմամբ ունենալու են շարունակական բնույթ: Բացման արարողության կապակցությամբ տեղի է ունեցել Մատենադարանի գիտաշխատողների «Արցախի մանրանկարչական արվեստը» և «Արցախի գրչության կենտրոնները» գրքերի շնորհանդեսը։ Գանձասարի գիտամշակութային կենտրոնի բացման առիթով Նախագահ Սերժ Սարգսյանը կենտրոնին նվիրաբերել է 12-13-րդ դարերի Գյուլիստանի Ավետարան: Մատենադարանի շենքը հիմնանորոգվել է «Փյունիկ» մարդկային ռեսուրսների զարգացման համահայկական հիմնադրամի միջոցներով։ Մասնաճյուղը գործելու է Մեսրոպ Մաշտոցի անվան Մատենադարանի կառուցվածքում, և նրա լիարժեք գործունեությանն ուղղված աշխատանքներում կիրառվելու է Մատենադարանի գիտական ու գիտատեխնիկական ողջ ներուժը։

Կարդալ ավելին 11-21-2015

Արայիկ Հարությունյանը աշխատանքային այցով մեկնել է ԱՄՆ
Արայիկ Հարությունյանը աշխատանքային այցով մեկնել է ԱՄՆ

Արցախի Հանրապետության վարչապետ Արայիկ Հարությունյանը նոյեմբերի 20-ին աշխատանքային այցով մեկնել է Ամերիկայի Միացյալ Նահանգներ: Այս մասին հայտնում են ԱՀ կառավարության աշխատակազմի տեղեկատվության և հասարակայնության հետ կապերի բաժնից։ Վարչապետն այցի ընթացքում մի շարք հանդիպումներ կունենա Հայ Առաքելական եկեղեցու, համայնքում գործող քաղաքական կուսակցությունների և որոշ կազմակերպությունների տեղի ներկայացուցիչների հետ, կայցելի հայկական վարժարաններ և Լոս Անջելեսում ՀՀ գլխավոր հյուպատոսարան: Հանդիպումներ են նախատեսվում նաև որոշ անհատ բարերարների հետ, իսկ նոյեմբերի 26-ին Արայիկ Հարությունյանը կմասնակցի «Հայաստան» համահայկական հիմնադրամի ամենամյա հեռուստամարաթոնին:

Կարդալ ավելին 11-20-2015

Բակո Սահակյանը և Սերժ Սարգսյանը այցելել են պաշտպանության բանակի մի շարք ստորաբաժանումներ
Բակո Սահակյանը և Սերժ Սարգսյանը այցելել են պաշտպանության բանակի մի շարք ստորաբաժանումներ

Արցախի Հանրապետության Նախագահ Բակո Սահակյանը Հայաստանի Հանրապետության Նախագահ Սերժ Սարգսյանի հետ միասին նոյեմբերի 20-ին այցելել է հանրապետության հարավարևելյան շրջանում տեղակայված` Պաշտպանության բանակի մի շարք ստորաբաժանումներ: Արցախի Հանրապետության Նախագահի աշխատակազմի տեղեկատվության գլխավոր վարչության փոխանցմամբ՝ նախագահները դիտել են զորավարժությունները, ծանոթացել զինվորների ծառայությանը, մասնակցել մի շարք օբյեկտների բացման արարողություններին: Բակո Սահակյանը և Սերժ Սարգսյանը խրախուսել են զորավարժություններում բարձր արդյունքներ ցուցաբերած մի խումբ զինծառայողների: Նախագահներին ուղեկցում էին երկու հայկական հանրապետությունների պաշտպանության նախարարները, բարձրագույն հրամկազմի ներկայացուցիչները:

Կարդալ ավելին 11-20-2015

Կառավարությունը հավանություն տվեց 2016 թ.-ի ԼՂՀ պետական բյուջեի օրենքի նախագծին. վարչապետը հետաքրքիր մանրամասներ է ներկայացրել
Կառավարությունը հավանություն տվեց 2016 թ.-ի ԼՂՀ պետական բյուջեի օրենքի նախագծին. վարչապետը հետաքրքիր մանրամասներ է ներկայացրել

Նոյեմբերի 18-ին տեղի է ունեցել Արցախի Հանրապետության կառավարության հերթական նիստը՝ վարչապետ Արայիկ Հարությունյանի նախագահությամբ: ԱՀ կառավարության աշխատակազմիտեղեկատվության և հասարակայնության հետ կապերի բաժնի փոխանցմամբ՝ Կառավարության անդամները հավանության են արժանացրել «Լեռնային Ղարաբաղի Հանրապետության 2016 թվականի պետական բյուջեի մասին» ԼՂՀ օրենքի նախագիծը: Ըստ դրա՝ Արցախի Հանրապետության՝ 2016 թվականի համախմբված բյուջեն եկամուտների գծով կկազմի ավելի քան 86 մլրդ 185 մլն դրամ (առանց միջբյուջետային փոխանցումներից ստացվող մուտքերի), ներառյալ` Հայաստանի Հանրապետությունից ստացվող միջպետական վարկի գումարը: Բյուջետային ծախսերը գալիք տարում կլինեն մոտ 88 մլրդ 946 մլն դրամ (առանց միջբյուջետային փոխանցումների), իսկ պակասուրդը կկազմի 2 մլրդ 761.3 մլն դրամ: Պետբյուջեի նախագիծը պլանավորում է նաև Արցախի Հանրապետության համայնքների՝ 2016 թվականի բյուջեները, որոնք եկամուտների գծով կկազմեն 3 մլրդ 812.4 մլն դրամ (ներառյալ` պետական բյուջեից ստացվող պաշտոնական դրամաշնորհները), իսկ ծախսերի գծով` 3 մլրդ 812.4 մլն դրամ: Ֆինանսների նախարար Սպարտակ Թևոսյանն, ըստ ոլորտների, ներկայացրել է որոշ մանրամասներ՝ հատկանշելով հիմնական փոփոխությունները և ավելացումները գործող պետբյուջեի համեմատ: Վարչապետ Արայիկ Հարությունյանը, խոսելով քննարկվող պետբյուջեի տրամաբանության և սկզբունքների մասին, ընդգծել է, որ պահպանվելու են ոլորտային հատկացումների ծավալները, իսկ որոշ կարևոր ոլորտներ կստանան նպատակային լրացուցիչ միջոցներ: «Ինչ վերաբերում է ծախսերի նվազեցմանը, ապա բարեփոխումների արդյունքում, բյուջետային համակարգում կրճատել ենք 245 հաստիք և 96 մեքենա, ինչի շնորհիվ խնայելու ենք շուրջ 800 մլն դրամ: Այսուհետև ևս շարունակելու ենք պետական կառավարման համակարգի արդյունավետության բարձրացման և ծախսերի նվազեցման քաղաքականությունը»,- ասել է Ա. Հարությունյանը: Անդրադառնալով տնտեսության զարգացման տեմպերին, ինչպես նաև՝ փոքր և միջին ձեռնարկատիրության խթանման քաղաքականությանը՝ վարչապետը ներկայացրել է վիճակագրական մի շարք տվյալներ, որոնք վկայում են ոլորտի շարունակական զարգացման մասին: «Կառավարության խթանող քաղաքականության շնորհիվ՝ հանրապետությունում 2007թ. դրությամբ առկա 3,235 հարկատուների թիվը 2014թ.-ին հասել է 5,110-ի, ինչը հնարավոր է դարձել գլխավորապես ՓՄՁ սուբյեկտների քանակի աճի հաշվին: Գլխավոր ցուցանիշներից մեկը ևս խոսուն է. 2016թ.-ին կանխատեսվում է շուրջ 236 մլրդ դրամ համախառն ներքին արդյունք, մինչդեռ 2010թ.-ին այն շուրջ 118 մլրդ դրամ էր: Համոզված եմ՝ նախագահ Բակո Սահակյանի նախընտրական ծրագրին համապատասխան՝ ընթացիկ տարին կավարտենք ՀՆԱ-ի ավելի քան 8 տոկոս աճով, մոտավորապես նույն չափի աճ նախատեսում ենք նաև 2016թ.-ին»,- նշել է կառավարության ղեկավարը:

Կարդալ ավելին 11-19-2015

Արցախում հարկատուների թիվը շուրջ 2000-ով ավելացել է
Արցախում հարկատուների թիվը շուրջ 2000-ով ավելացել է

ԼՂՀ Կառավարությունը, նախօրեին կայացած նիստում, հավանություն է տվել փոքր և միջին ձեռնարկատիրության պետական աջակցության 2016թ. ծրագրին: ԱՀ կառավարության աշխատակազմի տեղեկատվության և հասարակայնության հետ կապերի բաժնի փոխանցմամբ՝ անդրադառնալով տնտեսության զարգացման տեմպերին, ինչպես նաև՝ փոքր և միջին ձեռնարկատիրության խթանման քաղաքականությանը՝ վարչապետը ներկայացրել է վիճակագրական մի շարք տվյալներ, որոնք վկայում են ոլորտի շարունակական զարգացման մասին: «Կառավարության խթանող քաղաքականության շնորհիվ՝ հանրապետությունում 2007թ. դրությամբ առկա 3,235 հարկատուների թիվը 2014թ.-ին հասել է 5,110-ի, ինչը հնարավոր է դարձել գլխավորապես ՓՄՁ սուբյեկտների քանակի աճի հաշվին: Նախագիծը հիմնված է կառավարության որդեգրած տնտեսական քաղաքականության հիմնարար սկզբունքների վրա: Ծրագիրն ուղղված է նպաստելու հանրապետության, հատկապես նրա հեռավոր և սահմանամերձ բնակավայրերի տնտեսական զարգացմանը և անհամամասնությունների հաղթահարմանը: Ծրագրով կարգավորվելու են նաև ՓՄՁ սուբյեկտներին ֆինանսական աջակցության, առևտրային բանկերի կողմից դրանց տրամադրված վարկերի տարեկան տոկոսադրույքների մասնակի սուբսիդավորման, ՓՄՁ սուբյեկտներին վարկային երաշխավորությունների տրամադրման և մի շարք այլ հարցեր:

Կարդալ ավելին 11-19-2015

Բարերարները գումար են նվիրաբերել «Հայաստան» հիմնադրամին Արցախում բազմազավակ ընտանիքներին տներով ապահովելու նպատակով
Բարերարները գումար են նվիրաբերել «Հայաստան» հիմնադրամին Արցախում բազմազավակ ընտանիքներին տներով ապահովելու նպատակով

«Ֆլեշ» ՍՊԸ-ի նախագահ Բարսեղ Բեգլարյանը 100 հազար ԱՄՆ դոլար կնվիրաբերի Արցախում 5 և ավելի երեխաներ ունեցող ընտանիքներին տներով ապահովելու ծրագրին, որն այս տարվա հեռուստամարաթոնի գլխավոր նպատակն է: «Հայաստան» հիմնադրամի հասարակայնության հետ կապերի վարչության հաղորդմամբ, նույն ծրագրի իրականացման նպատակով հիմնադրամին 100 հազար ԱՄՆ դոլար է նվիրաբերել նաև հայաստանաբնակ գործարար Վարուժան Գրիգորյանը: Վարուժան Գրիգորյանի նախաձեռնությամբ և հովանավորությամբ իրականացվել են բազմաթիվ զարգացման ծրագրեր: Նախորդ տարի էլ հիմնադրամը շահագործման հանձնեց բարերարի ֆինանսվարմամբ կառուցված Չափար գյուղի (ԼՂՀ, Մարտակերտի շրջան) դպրոցը: «Գրանդ Հոլդինգ» ՍՊԸ-ի սեփականատերեր Կարեն և Միքայել Վարդանյանները 30-ական միլիոն ՀՀ դրամ կնվիրաբերեն հիմնադրամին` Արցախում եկեղեցի կառուցելու նպատակով: Վարդանյան ընտանիքի համաֆինանսավորմամբ հիմնադրամը երկհարկանի դպրոց է կառուցել (նախատեսված 300 աշակերտի համար) Գիշի գյուղում (ԼՂՀ, Մարտունու շրջան) եւ իրականացրել տարբեր զարգացման ծրագրեր Տավուշի մարզում եւ Արցախում: Հեռուստամարաթոն 2015-ը կմեկնարկի նոյեմբերի 26-ին` ժամը 22:00-ին:

Կարդալ ավելին 11-19-2015

Միացյալ Նահանգները կշարունակի օգնություն տրամադրել Լեռնային Ղարաբաղին
Միացյալ Նահանգները կշարունակի օգնություն տրամադրել Լեռնային Ղարաբաղին

Ամերիկայի Միացյալ Նահանգները կշարունակի մարդասիրական աջակցություն տրամադրել Լեռնային Ղարաբաղին: Այս մասին լրագրողների հետ հանդիպմանը հայտնեց ԱՄՆ արտաքին օգնության համակարգող Ալինա Ռոմաբովսկին, ով վերահսկում է Միացյալ Նահանգների կառավարության աջակցությունն ուղղված Եվրոպայի և Եվրասիայի 30 երկրներին: «Այս տարիների ընթացքում Լեռնային Ղարաբաղին ԱՄՆ ցուցաբերած աջակցությունը հիմնականում ուղղված է եղել ջրային ենթակառուցվածքների բարելավմանը և ականազերծման իրականացմանը այդ շրջանում: Մենք շարունակելու են մեր օժանդակությունն այդ նպատակների իրականացմանը` ապահելով տեղի բնակչության անվտանգությունը»,- վստահեցրեց Ռոմաբովսկին: Միացյալ Նահանգները Ղարաբաղին օգնություն սկսել է տրամադրել 1998 թվականից, որն առ այսօր կազմել է շուրջ 61 միլիոն դոլար: ԱՄՆ հայկական կազմակերպությունները հորդորել են այդ երկրի Կոնգրեսին և կառավարությանը՝ այս տարի Ղարաբաղին հատկացնել 5 միլիոն դոլար, ևս 40 միլիոն դոլար տրամադրել Հայաստանին:

Կարդալ ավելին 11-19-2015

Ռուս մասնագետները ծանոթացել են Հայաստանի մի շարք ռազմարդյունաբերական համալիրների գործունեությանը
Ռուս մասնագետները ծանոթացել են Հայաստանի մի շարք ռազմարդյունաբերական համալիրների գործունեությանը

ՀՀ պաշտպանության նախարարի հրավերով նոյեմբերի 18-19-ը Հայաստանի Հանրապետությունում է գտնվում ՌԴ ռազմարդյունաբերական համալիրի կոլեգիայի նախագահի տեղակալ, ՀԱՊԿ երկրներում ռազմատնտեսական համագործակցության հարցերով ՌԴ ռազմարդյունաբերական համալիրի կոլեգիայի խորհրդի նախագահ Օլեգ Բոչկարյովի գլխավորած պատվիրակությունը ՀՀ պաշտպանության նախարարության տեղեկատվության եւ հասարակայնության հետ կապերի վարչության փոխանցմամբ, այցի հիմնական նպատակն է Հայաստանի Հանրապետության ռազմարդյունաբերական համալիրին ծանոթանալը, համագործակցության նոր եզրեր գտնելը՝ հետագայում համատեղ նոր ձեռնարկություններ ստեղծելու համար: Այցի ընթացքում պատվիրակությունը ծանոթացել է ՀՀ մի շարք ռազմարդյունաբերական ձեռնարկությունների գործունեությանը, մասնավորապես, «Չարենցավանի հաստոցաշինական գործարան» ԲԲԸ, «Պատնեշ» ՓԲԸ, «Գառնի լեռ» ՓԲԸ, «ԵրՄՄԳՀԻ» ՓԲԸ և «ԼՏ Պիրկալ» ՓԲԸ: Այցի ընթացքում Օլեգ Բոչկարյովին ընդունել են ՀՀ պաշտպանության նախարար Սեյրան Օհանյանը և ՀՀ պաշտպանության նախարարի տեղակալ, նյութատեխնիկական ապահովման դեպարտամենտի պետ Ալիկ Միրզաբեկյանը:

Կարդալ ավելին 11-19-2015

Նախորդ գիշեր հայ դիրքապահների ուղղությամբ արձակվել է ավելի քան 900 կրակոց
Նախորդ գիշեր հայ դիրքապահների ուղղությամբ արձակվել է ավելի քան 900 կրակոց

Նոյեմբերի 18-ին և լույս 19-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 65 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 900 կրակոց: Այս մասին տեղեկացնում է ԼՂՀ ՊՆ մամուլի ծառայությունը։ Պաշտպանության բանակի առաջապահ զորամասերի կողմից ձեռնարկված օպերատիվ քայլերի արդյունքում՝ հակառակորդի նախահարձակ գործողությունները լռեցվել են:

Կարդալ ավելին 11-19-2015

«Արցախյան օրերը Մոսկվայում» անցել են բարձր մակարդակով. ԼՂՀ նախագահ
«Արցախյան օրերը Մոսկվայում» անցել են բարձր մակարդակով. ԼՂՀ նախագահ

Արցախի Հանրապետության Նախագահ Բակո Սահակյանը նոյեմբերի 15-ին Մոսկվա քաղաքում մասնակցել է Հայ Առաքելական եկեղեցու Սուրբ Պայծառակերպության Մայր տաճարում մատուցված Սուրբ պատարագին եւ դրանից հետո «Արցախյան օրերը Մոսկվայում» ծրագրի շրջանակներում կազմակերպված ցուցահանդեսին ու տոնական միջոցառումներին: ԼՂՀ նախագահի աշխատակազմի տեղեկատվության գլխավոր վարչության փոխանցմամբ՝ նախագահ Սահակյանը գոհունակությամբ նշել է, որ «Արցախյան օրերը Մոսկվայում» անցել են բարձր մակարդակով` կարեւորելով դրանց նշանակությունը մեր հանրապետության կենսագործունեության տարբեր ոլորտները ռուսաստանյան հանրությանը ներկայացնելու, Սփյուռք-Արցախ փոխգործակցությունն ամրապնդելու տեսանկյուններից: Միջոցառումներին մասնակցում էին Ռուսաստանի Դաշնությունում ՀՀ արտակարգ եւ լիազոր դեսպան Օլեգ Եսայանը, Հայ Առաքելական եկեղեցու Նոր Նախիջեւանի եւ Ռուսաստանի հայոց թեմի առաջնորդ, Ռուսաստանում հայրապետական պատվիրակ Եզրաս արքեպիսկոպոս Ներսիսյանը, Արցախի թեմի առաջնորդ Պարգեւ արքեպիսկոպոս Մարտիրոսյանը, փոխվարչապետ Արթուր Աղաբեկյանը, Արցախի բարձրաստիճան պաշտոնյաներ, Ռուսաստանի հասարակական, գիտակրթական եւ մշակութային շրջանակի ներկայացուցիչներ, հայկական համայնքի հազարավոր անդամներ:

Կարդալ ավելին 11-16-2015

Ամեն թիզ հողի համար կռվելու ենք. Սեյրան Օհանյան
Ամեն թիզ հողի համար կռվելու ենք. Սեյրան Օհանյան

Հայ–ադրբեջանական շփման գծում լարվածություը վերջին շրջանում նվազել է, խոշոր տրամաչափի զենքերից կրակոցները` քչացել, իրավիճակը վերահսկելի է: Այս մասին այսօր` նոյեմբերի 14-ին, news.am-ի հետ զրույցում ասել է ՀՀ պաշտպանության նախարար Սեյրան Օհանյանը, որը մասնակցում էր սահմանին հակառակորդի կրակոցից զոհված ժամկետային զինծառայող Միքայել Թորոսյանի հոգեհանգստի արարողությանը: «Չնայած վերջին երկու օրվա ընթացքում այս դեպքը տեղի ունեցավ, երկու զոհ ունեցանք, կարելի է ասել` իրավիճակը վերահսկելի է: Հայկական զինուժը ե′ւ Հայաստանի, ե′ւ Արցախի սահմաններում, իր առջեւ դրված խնդիրներն իրականացնում է բարձր մակարդակով: Զինվորները պետք է մի քիչ ավելի ուշադիր լինեն անվտանգության հետ կապված բոլոր հարցերում»,-ասաց պաշտպանության նախարարը: Օհանյանն ընդգծեց, որ այսպիսի դեպքերում միակ սփոփանքը զոհերի ծնողների կողքին լինելն ու նրանց մխիթարելն է. «Մենք այսօր այստեղ հավաքվել ենք ու զինված ուժերի ամբողջ ղեկավարությամբ սփոփանքի խոսքեր ենք ասում մեր զինծառայողների ծնողներին, կիսում նրանց վիշտը: Գտնվելով այստեղ` մեր ողջ ժողովրդին ուզում ենք ասել հետեւյալը, որ մեր զինվորները զոհվելուց հետո առաջին իսկ րոպեից իրական հերոսներ են, ժամանակ պետք չէ, որ մենք գնահատենք նրանց արժանիքները: Այսպիսի դեպքերը նաեւ միավորում են, միաբանության մթնոլորտ են ստեղծում»,- նշեց նա։ Անդրադառնալով շրջանառվող խոսակցություններին, թե ՌԴ արտգործնախարար Սերգեյ Լավրովի երեւանյան այցի ընթացքում քննարկվել է հարակից տարածքների վերադարձի հարցը` նախարարը նշեց, որ Լեռնային Ղարաբաղի խնդրի լուծման հայկական կողմի տեսլականն անփոփոխ է։ «Ես ուզում եմ, որպեսզի մենք բոլորս հասկանանք այն իրականությունը, որն այսօր գոյություն ունի, եւ նաեւ իմանանաք, որ ղարաբաղյան հարցի լուծման խնդրի շուրջ ՀՀ ռազմաքաղաքական ղեկավարության տեսակետները հետեւյալն են` միայն խաղաղ ճանապարհով հարցի լուծում, երկխոսության ճանապարհով փոխադարձ համաձայնություն, շփման գծում վստահության մթնոլորտի ձեւավորում` զերծ բոլոր կրակոցներից, դիվերսիոն հետախուզական գործողություններից, նաեւ միջազգային հետաքննության պայմաններ ստեղծելը` ռազմական փորձագիտության հիման վրա: Այն ինչ ասվում է հասարակության մեջ եւ տարբեր լրատվամիջոցներում, անհատական վերլուծություններ են, որոնք իրականության հետ կապ չունեն։ Բոլորս պետք է հասկանանք, որ եթե հանկարծ Արցախի հետ մի բան պատահի, յուրաքանչյուր թիզ հողի համար կռվելու ենք այնպես, ինչպես կռվել ենք Արցախյան ազատամարտի տարիներին»։ Նշենք, որ նոյեմբերի 12-ին` ժամը 21:00-ի սահմանում, ՊԲ հարավային ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված կրակոցներից մահացու հրազենային վիրավորում են ստացել զինծառայողներ Վահե Վարդգեսի Վանոյանը (ծնվ. 1995թ.) եւ Միքայել Առաքելի Թորոսյանը (ծնվ. 1996թ.): Դեպքի մանրամասները պարզելու համար կատարվում է քննություն: ԼՂՀ պետական սահմանը պաշտպանելիս ցուցաբերած արիության համար ԼՂՀ պաշտպանության բանակի N զորամասի շարքայիններ Միքայել Թորոսյանը եւ Վահե Վանոյանը հետմահու պարգեւատրվել են «Մարտական ծառայություն» մեդալով։

Կարդալ ավելին 11-16-2015

Հակառակորդի կողմից հրադադարի պահպանման ռեժիմը խախտվել է շուրջ 130 անգամ
Հակառակորդի կողմից հրադադարի պահպանման ռեժիմը խախտվել է շուրջ 130 անգամ

Ղարաբաղա-ադրբեջանական հակամարտ զորքերի շփման գծում նոյեմբերի 14-15-ին հակառակորդի կողմից հրադադարի պահպանման ռեժիմը խախտվել է շուրջ 130 անգամ: ԼՂՀ ՊՆ մամուլի ծառայության փոխանցմամբ՝ տարբեր տրամաչափի հրաձգային զինատեսակներից, ինչպես նաև ՀԱՆ-17 տիպի նռնականետից, հայ դիրքապահների ուղղությամբ արձակվել է ավելի քան 2 հազար կրակոց: Պաշտպանության բանակի առաջապահ զորամասերի կողմից ձեռնարկված պատժիչ գործողությունների արդյունքում՝ հակառակորդի ակտիվությունը ճնշվել է:

Կարդալ ավելին 11-16-2015

Արցախյան հիմնախնդիրը՝ քաղաքական շահերի խաչմերուկում
Արցախյան հիմնախնդիրը՝ քաղաքական շահերի խաչմերուկում

Այն, որ Արցախյան հակամարտությունը տարածարջանում ամենաբարդ կարգավորվող հիմնխնդիրներից է, ի սկզբանե էր ակնհայտ: Ավելին՝ այնպիսի տպավորություն է, որ գերտերություններից բոլորն էլ փորձում էն արցախյան հիմնախնդիրը լուծել միայն ու միայն սեփական շահերից ելներով: Այդպես էր 90-ականներին, այդպես էր դարեսկզբին, ու հիմա նույնպես այդ պարագայում ոչինչ չի փոխվել: Մեկ՝ Թուրքիան է, ինչպես ասում են, Բաքվին ,,ծուղակ,, գցում, որպեսզի հայ – ադրբեջանական սահմանին լարված մթնոլորտ ստեղծի, քանի որ անհրաժեշտ է միջազգային հանրության ուշադրությունը շեղել Հայոց Ցեղասպանության 100-րդ տարելիցի միջոցառումներից (միայն հիշեք, թե ինչ էր կատարվում այս տարվա սկզբին արցախա – ադրբեջանական շփման գծում…) Մեկ՝ դարեսկզբին արևմտյան երկիրներն էին անում ամեն ինչ, միայն թե Ադրբեջանին հանեին Ռուսաստանի ազդեցությունից, որպեսզի ռուսներին շրջանցելով, գազատար կարողային անց կացնել Ադրբեջան – Վրաստան – Թուրքիյա – Եվրոպա ուղղությամբ: Կարծեմ, 2008 թվականին Վրաստանում տեղի ունեցած դեպքերը նույնպես հենց այդ տրամաբանության մեջ էին զարգանում: Մեկ՝ 90 – ականների սկզբին արևմուտքն օգտագործում էր արցախյան հիմնախնդիրը, որպեսզի ընդհանրապես ամբողջ կովկասյան տարածաշրջանը հանի Ռուսաստանի ազդեցության գոտուց: Իսկ հիմա լուրջ աշխատանքներ է տանում, որպեսզի կարողանա տարածաշրջանում կանխել Եվրասիական Տնտեսական Միության ընդլայնման գործընթացը… Իրականում Ռուսաստանի Դաշնության կողմից տարածաշրջանում ձեռնարկվող ցանկացած քայլը տեղական արևմտամետ լրատվամիջոցներն այնպես են ներկայացնում, որ եթե նրանց տեսանկյունից նայես, ապա կհամոզվես, որ ռուսներն Արցախի հաշվին միայն սեփական խնդիրներն են լուծում, ու հայերին այդ խաղում ի վերջո խաբելու են: Հակամարտության գործոնն էլ օգտագործելու են, որպեսզի Բաքվին համոզեն իր հոժար կամքով ԵՏՄ անդամ դառնա… Ես կասեի, ակնհայտ պրիմիտիվ տրամաբանություն է, սակայն համոզված եմ, որ ինչ որ տեղ կարող է լիովին աշխատել: Ու անպայման կաշխատի, եթե մի բան չհասկանանք ու չգիտակցենք: Այն, որ այս ամենը, ինչը արևմտամետ լրատվամիջոցներում է տեղի ունենում Սերգեյ Լավրովի Երևան այցելելուց հետո, ի սկզբանե հաշվարկած է: Ու հրապարակվող նյութերի շեշտն էլ այն բանի վրա է դրված, որ հայերը շատ իրավիճակներին կհամակերպվեն: Տասնյակ տարիներ կապրեն պերմանենտ տնտեսական ճգնաժամի պայմաններում (առնվազն մեծամասնությունը) ու ձայն էլ չեն հանի, հասկանալով, որ Արցախի հարցում դեռ պատմական առաքելություն ունեն անելու: Սակայն մեկ մարդու պես ոտքի կգանգնեն ու ցանկացած էլիտայի մեկ վարկյանում երկրից դուրս կշպրտեն, եթե պարզվի, որ Արցախյան գործընթացում դավաճանության նշույլներ կան: Չգիտեմ, ինչպես են այդ ամենը մեկնաբանում քաղաքական փորձագետներն ու վերլուծաբանները, սակայն համոզված եմ, որ թե Հայաստանի, թե Ռուսաստանի Դաշնության ղեկավարությունը այդ հանգամանքը հիանալի հասկանում են ու դրա հետ հաստատ հաշվի են նստելու: Կարծես թե բոլորն ել հիշում են, որ Լևոն Տեր – Պետրոսյանական վարչախումբը իր գոյությունը անփառունակ ավարտեց հենց այն ժամանակ, երբ պատրաստ էր Արցախյան հարցում անթույլատրելի զիջումների գնալ: Իսկ Ադրբեջանը… Չեմ կարծում, որ Իլհամ Ալիևի վարչակազմը երազում է Եվրասիական Տնտեսական Միությանն անդամակցան մասին: Այդ երկրի ղեկավարությանը դա պետք չէ: Ընդամենը քաղաքական խաղեր կտան ռուսների հետ այն հույսով, որ Հայաստանում ներքաղաքական իրավիճակը կկարողանան այնպես սրել, որ հնարավորություն կունենան ռազմական քայլերի դիմելով, ինչ որ բան Արցախում անել… Դե, պաշտոնական Բաքուն տարածաշրջանում ամենահմուտ դիվանագետը չի, դա ակնհայտ է: Ու այդ ամենը պաշտոնական Մոսկվան նույնպես շատ լավ գիտակցում է ու, համոզված եղեք, համապատասխան ձևով է վերաբերվում գործընթացին:

Կարդալ ավելին 11-14-2015

Արցախը երբեք Ադրբեջանի մաս չի լինի. Բակո Սահակյան
Արցախը երբեք Ադրբեջանի մաս չի լինի. Բակո Սահակյան

Արցախը երբեք չի լինի Ադբրեջանի մաս: Այս մասին հայտարարել է նախագահ Բակո Սահակյանը Regnum լրատվական գործակալությունում կայացած մամուլի ասուլիսի ընթացքում, որը նվիրված է եղել Մոսկվայում Արցախի օրերին: «Մի շարք եվրոպական և ամերիկյան քաղաքներ և նահանգներ, այդ թվում` Լոս Անջելեսը, ինչպես նաև ավստրալական Նոր Հարավային Ուելս նահանգն արդեն ճանաչել են Լեռնային Ղարաբաղի` ինքնորոշման իրավունքը: Ինչ վերաբերում է պետությունների կողմից ճանաչմանը, ապա դա ժամանակի և քրտնաջան աշխատանքի հարց է»,-նշել է երկրի ղեկավարը: Նախագահ Սահակյանի խոսքով` Լեռնային Ղարաբաղի Հանրապետության արտաքին քաղաքականության ուղղությունը կառուցվում է բազմավեկտորության և կոմպլեմենտար սկզբունքների վրա: «Մենք ձգտում ենք կայուն և սերտ հարաբերություններ ունենալ բոլոր այն երկրների հետ, որտեղ մենք սփյուռք ունենք», - ընդգծել է նախագահը: Խոսելով սահմանում տիրող իրավիճակի մասին, նախագահ Սահակյանն ընդգծել է, որ ի տարբերություն Ադբրեջանի, ԼՂՀ-ն փորձում է անել ամեն ինչ, որպեսզի նվազի լարվածությունը և խթանի միջազգային միջնորդների ջանքերին:

Կարդալ ավելին 11-12-2015

Ռուսաստանի Դաշնությունը առանձնակի տեղ է զբաղեցնում Արցախի արտաքին քաղաքականության օրակարգում. Բակո Սահակյան
Ռուսաստանի Դաշնությունը առանձնակի տեղ է զբաղեցնում Արցախի արտաքին քաղաքականության օրակարգում. Բակո Սահակյան

Նոյեմբերի 12-ին Մոսկվա քաղաքում, «Ռեգնում» լրատվական գործակալության կենտրոնական գրասենյակում տեղի է ունեցել Արցախի Հանրապետության Նախագահ Բակո Սահակյանի մամլո ասուլիսը, որին ներկա էին ռուսաստանյան առաջատար լրատվամիջոցների ներկայացուցիչներ: Նախագահ Սահակյանն անդրադարձել է Արցախում պետականաշինության գործընթացին, սոցիալ-տնտեսական զարգացմանը, արտաքին քաղաքականությանն առնչվող թեմաներին, պատասխանել լրագրողների հարցերին: Իր խոսքում Բակո Սահակյանն ընդգծել է, որ Ռուսաստանի Դաշնությունը առանձնակի տեղ է զբաղեցնում Արցախի արտաքին քաղաքականության օրակարգում, որն իր մեջ ներառում է պատմական, մշակութային, աշխարհաքաղաքական եւ մարդկային հարաբերությունների լայն շրջանակ: Նախագահ Սահակյանը կարեւորել է նման շփումները՝ դրանք օգտակար համարելով երկկողմ հարաբերությունների զարգացման, Արցախի մասին ճշմարտացի տեղեկություններ ստանալու եւ գործնական կապեր հաստատելու տեսանկյուններից:

Կարդալ ավելին 11-12-2015

Զուգահեռ մեխանիզմների առաջարկումը կարող է խոչընդոտներ առաջացնել ԼՂ հարցի կարգավորման ճանապարհին. համանախագահների հայտարարությունը
Զուգահեռ մեխանիզմների առաջարկումը կարող է խոչընդոտներ առաջացնել ԼՂ հարցի կարգավորման ճանապարհին. համանախագահների հայտարարությունը

ԵԱՀԿ-ի Մինսկի խմբի համանախագահները հայտարարություն են տարածել, որում անդրադառնում են ԼՂ-ի հակամարտության կարգավորման հարցով ԵԽԽՎ-ի բանաձևին: Կառույցի կայքում հրապարակված հայտարարության մեջ Մինսկի խմբի համանախագահները նշում են, որ ի գիտություն են ընդունում ԵԽԽՎ-ի ուշադրությունը ԼՂ-ի խնդրի կարգավորման հարցում, կիսում են բանաձևում հայտնված մտահոգությունները, որոնք վերաբերում են Հայաստանի ու Ադրբեջանի սահմանին ու շփման գծում լարվածության աճին, ինչպես նաև խորապես ցավում կյանքերի կորստի կապակցությամբ: Այս կապակցությամբ հայտարարության մեջ նշվում է, որ Մինսկի խումբը բացառիկ միջնորդական փորձառություն ունի, դրա ձևաչափը ընդունված է կողմերի կողմից, իսկ նոր, զուգահեռ մեխանիզմների առաջարկումը, հաշվի առնելով բանակցային գործընթացի նրբությունը, կարող է ընդհատել այդ գործընթացը և խոչընդոտներ առաջացնել կարգավորման ճանապարհին: Միաժամանակ պատրաստակամություն է հայտնվում` աշխատելու բոլոր միջազգային բոլոր կազմակերպությունների հետ, որոնք շահագրգռված են արդար ու կայուն կարգավորում գտնել ԼՂ-ի հակամարտության հարցում: Իրենց հայտարարության մեջ համանախագահները համաձայնություն են հայտնում առ այն, որ հակամարտությունը չափազանց երկար է ձգձգվում, և կողմերը պետք է ձեռնարկեն` խաղաղ կարգավորումն արագացնելու համար: Ընդ որում` նշվում է, որ ձեռնարկվելիք միջոցառումները պետք է ուղղված լինեն բանակցային կարգավորմանը, պետք է հիմնված լինեն փոխհամաձայնության վրա և ունենան միջազգային հանրության աջակցությունը: Իրենց կողմից համանախագահները խոստանում են իրենց ունեցած մանդատի շրջանակներում իրենց աջակցությունը ցուցաբերել կողմերին, այդ թվում` բանակցություններին նպաստման եղանակով: Ընդգծվում է, որ համանախագահները «կոնկրետ դիրքորոշումների հարցում ոչ դատավորներ են, ոչ էլ ջատագովներ»:

Կարդալ ավելին 11-12-2015

ԼՂ ժողովուրդը պետք է հնարավորություն ունենա իրացնելու ինքնորոշման իրավունքը և չի կարող ունենալ ցածր այլ կարգավիճակ. Է. Շարմազանով
ԼՂ ժողովուրդը պետք է հնարավորություն ունենա իրացնելու ինքնորոշման իրավունքը և չի կարող ունենալ ցածր այլ կարգավիճակ. Է. Շարմազանով

ԼՂ խնդիրը պետք է լուծվի հայտնի երեք սկզբունքների վրա, ԼՂ ժողովուրդը պետք է հնարավորություն ունենա իրացնելու ինքնորոշման իրավունքը և չի կարող ունենալ որևէ այլ ցածր կարգավիճակ, քան՝ այսօր: Tert.am-ի հետ զրույցում ասաց ԱԺ ՀՀ փոխնախագահ Էդուարդ Շարմազանովը: Նա նշեց, թե Ադրբեջանը փորձում է ԼՂ հակամարտության կարգավորման հարցը տեղափոխել այլ հարթակներ, որոնք, սակայն, չունեն միջազգային մանդատ՝ հարցի քննարկման համար, իսկ նրանց կողմից ընդունված բանաձևերը «թղթի կտորի» արժեք ունեն: - ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել է, որ Մինսկի խումբը բանակցություններ է սկսել Գերմանիայի հետ՝ որպես ԵԱՀԿ հաջորդ նախագահող երկիր: Հայտնի է, որ Գերմանիան ցանկություն ունի մասնակցել Լեռնային Ղարաբաղի հակամարտության կարգավորման գործընթացին: Հնարավո՞ր է, որ համանախագահների բանակցությունները հանգեցնեն Մինսկի խմբի ձևաչափի փոփոխությանը կամ ընդլայնմանը: - Ոչ: Սա ֆորմատի փոփոխության, կազմի ընդլայնման խնդիր չէ: Պարզապես Գերմանիան ԵԱՀԿ-ի հաջորդ նախագահող երկիրն է ու, բնականաբար, պետք է տեղեկատվություն ունենա ԼՂ հակամարտության գործընթացի մասին: Միշտ էլ այդպես է եղել: Երբ ԵԱՀԿ-ում նախագահում էր Հունաստանը, Հայաստան էր ժամանել Հունաստանի արտաքին գործերի նախարարը՝ որպես ԵԱՀԿ նախագահ: Մինսկի խմբի համանախագահության ձևաչափի փոփոխությունն անհնար է: Բազում անգամներ հստակ նշվել է, որ դա նախևառաջ պետք է լինի բոլորի համաձայնությամբ: Բացի այդ, Մինսկի խմբի երեք համանախագահներն էլ հայտարարել են, որ ձևաչափի փոփոխություն չի նախատեսվում: ՄԽ-ում ընդգրկված է Եվրամիությունը՝ ի դեմս Ֆրանսիայի, Ռուսաստանի և ԱՄՆ-ի: Թե՛ ՌԴ արտգործնախարար Սերգեյ Լավրովի, թե՛ Ուորլիքի վերջին հայտարարությունը, որ չի կարելի ԵԽԽՎ-ում կամ այլ պառլամենտական հարթակներում քննարկել Ղարաբաղի հիմնահարցը, որովհետև դա բացառապես Մինսկի խմբի խնդիրն է, դրա վառ ապացույցն են: Մի բան է Մինսկի խումբը, մի բան է՝ Մինսկի խմբի համանախագահությունը, սա պետք է տարանջատել: Մինսկի խումը երեք երկիր չէ, Թուրքիան ևս Մինսկի խմբի անդամ է, իսկ համանախագահությունը ԱՄՆ-ն, Ֆրանսիան և Ռուսաստանն են: Ես՝ որպես քաղաքական գործիչ, Մինսկի խմբի համանախագահության ձևաչափի փոփոխությունը տեսանելի չեմ համարում: - Կան կարծիքներ, որ Մինսկի խումբն իրեն սպառել է: Գուցե այս տեսանկյունից ՄԽ փոփոխության կարիքը կա՞: - Դա ասում է Ադրբեջանը: Մինսկի խումբն իրեն չի սպառել, խնդիրը ՄԽ-ն չէ, խնդիրը Ադրբեջանն է, որը կառուցողական տրամադրված չէ: Իսկ ոչ կառուցողական տրամադրությամբ կողմը պետք է արժանանա Մինսկի խմբի հասցեական գնահատականին: Համանախագահները մեկ անգամ չէ, որ նշել են, որ հարցը պետք է ունենա բացառապես խաղաղ կարգավորում: Այս մասին խոսել է և Ուորլիքը, և Լավրովը: Շահարկել հարցը, տեղափոխել այլ ատյաններ՝ անընդունելի է: Մեկ անգամ չէ, որ ասել ենք, խնդիրը Բաքվում է, չկա կոմպրոմիսի պատրաստակամություն, որը պետք է լինի հարցի կարգավորման համար: Միևնույն ժամանակ, բանակցությունները վարելը, դանդաղ առաջընթացը ավելի դրական է, քան դրա այլընտրանքը՝ պատերազմը: - Ըստ Ձեզ՝ ինչո՞ւ է Ադրբեջանը ԼՂ հակամարտության կարգավորման հարցը տեղափոխում այլ հարթակ: - Շահարկում են հարցը: Իրենց նպատակը մեկն է: ԵԽԽՎ-ի կամ պառլամենտական այլ ձևաչափերի բանաձևերի, զեկույցների արժեքը ընդամենը թուղթ է: Չեմ ուզում կոպիտ ասել, թուղթ է, թղթի կտոր, որը իրավական որևէ արժեք չունի: Այդ բանաձևը թղթի կտոր է, որովհետև չի կարելի զբաղվել մի գործով, որի մանդատը չունես: Չի կարելի հայտարարություն անել՝ չխորհրդակցելով միջազգային մանդատ ունեցող կառույցների հետ: - Մամուլում առկախված է մնում հարցը, թե ինչո՞ւ էր ՌԴ ԱԳ նախարարը այցելել Հայաստան: - Պետք չէ զարմանալ, նա մեր դաշնակից երկրի ԱԳ նախարարն է, Մինսկի խմբի համանախագահ, ուստի նրա այցը պետք է լինի սպասված, ոչ թե անակնկալ: - Հրապարակվեցին տեղեկություններ, որ Լավրովը եկել էր համոզելու Ադրբեջանին տարածքներ տալու համար: - ԼՂ խնդիրը պետք է լուծվի հայտնի երեք սկզբունքների վրա, ԼՂ ժողովուրդը պետք է հնարավորություն ունենա իրացնելու ինքնորոշման իրավունքը և չի կարող ունենալ որևէ այլ ցածր կարգավիճակ, քան՝ այսօր:

Կարդալ ավելին 11-12-2015

Վարդենիս-Մարտակերտ ճանապարհի վերակառուցումը կավարտվի 2016թ.-ի վերջին
Վարդենիս-Մարտակերտ ճանապարհի վերակառուցումը կավարտվի 2016թ.-ի վերջին

Վարդենիս-Մարտակերտ ավտոճանապարհի վերակառուցման աշխատանքները շարունակվում են 2-րդ փուլով: Ծրագրի իրականացմանն են նպատակաուղղվել Հեռուստամարաթոն 2013 եւ 2014-ի հանգանակությունները: «Հայաստան» համահայկական հիմնադրամի փոխանցմամբ`ճանապարհի շինարարությունը կշարունակվի Հիմնադրամի ռազմավարական եւ նպատակային ծրագրերին զուգահեռ, եւ կավարտվի 2016թ.-ի վերջին: Վարդենիս-Մարտակերտ ավտոճանապարհի վերակառուցումն իրականացվում է միաժամանակ հինգ ճանապարհաշինարարական կազմակերպությունների կողմից` 12 տեղամասով: Նախկինում դժվարանցանելի շուրջ 116 կմ երկարությամբ ավտոճանապարհն ունի 10 եւ ավելի մետր լայնություն, որից 7 մետրը կկազմի ասֆալտապատ երթեւեկելի հատվածը: Նախորդ տարվա ընթացքում կառուցվել են արհեստական կառուցվածքներ, այդ թվում ջրահեռացման խողովակներ, ափապաշտպան կառույցներ, հենապատեր ու եզրաքարեր, ինչպես նաեւ վերանորոգվել են 17 մեծ ու փոքր կամուրջները: Ներկայումս ընթանում են ճանապարհի ասֆալտապատման աշխատանքները: Բնակավայրերով անցնող հատվածներում` մասնավորապես Գետավանում եւ Եղեգնուտում, կառուցվում են մայթեր: Ասֆալտի որակի ստուգման եւ վերահսկման նպատակով տարբեր տեղամասերից վերցված հանքային նյութերը (խիճ, ավազ, օրգանական կապակցող), արտադրված ասֆալտի նմուշները, ինչպես նաեւ հանուկները պարբերաբար ուղարկվում են լաբորատոր ստուգման: Նոյեմբերի 1-ի դրությամբ ողջ ճանապարհն ունի ավելի քան 49կմ ասֆալտի երկշերտ ծածկույթ: Մնացած հատվածներում իրականացվում են ճանապարհի հիմնատակի կառուցման աշխատանքներ: Շուրջօրյա` միջինը +10 ջերմության պայմաններում ճանապարհի կառուցման աշխատանքները կշարունակվեն: Ձմռան շրջանում կիրականացվեն նախապատրաստական աշխատանքներ, մասնավորապես խճի, ավազի, եւ այլ անհրաժեշտ նյութերի պահեստավորում, ինչպես նաեւ ասֆալտբետոնե գործարանի եւ ճանապարհաշինարարական մեքենաների եւ սարքավորումների վերանորոգում եւ համալրում` գարնանը աշխատանքները վերսկսելու նպատակով: Ավելորդ չէ նշել, որ շինարարության ողջ ընթացքում ճանապարհը երթեւեկելի է եղել նաեւ մարդատար մեքենաների համար: Ուղիղ կապ ապահովելով Հայաստանի եւ Արցախի հյուսիսային շրջանների միջեւ` նոր մայրուղու գործարկումը ոչ միայն զգալիորեն կկրճատի այն ժամանակահատվածը, որն այսօր անհրաժեշտ է Գորիս-Ստեփանակերտ ավտոճանապարհով մի հանրապետությունից մյուսն ուղեւորվելու համար, այլ կամրապնդի միջհամայնքային կապերը, կնպաստի հարակից համայնքների տնտեսական զարգացմանը, կխթանի զբոսաշրջությունը` աշխուժացնելով մեր երկու հանրապետությունների սոցիալ-տնտեսական կյանքը: Ճանապարհը հնարավորություն կտա նաեւ ծանոթանալ մեր պատմամշակութային հուշարձաններին ու վայելել հայրենի բնաշխարհի գեղեցկությունը: Նախորդ տարիներին ճանապարհի մերձակա համայնքներում իրականացվել են մի շարք ենթակառուցվածքներ. Քարվաճառն եւ Գետավանն ունեն կանոնավոր ջրամատակարարում, Չափարը, Վերին Հոռաթաղն ու Վաղուհասը` նորակառույց դպրոցներ, եւ այսօր համայնքային կենտրոններ են կառուցվում Գետավան եւ Կոճողուտ գյուղերում: Բարեկարգ ավտոմայրուղու առկայությունը հնարավորություն կտա ոչ միայն կյանքի կոչել շրջակա համայնքների կյանքն ու կենցաղը բարելավող սոցիալ-տնտեսական ենթակառուցվածքներ, այլեւ զարկ կտա բիզնես եւ զարգացման ծրագրերին` գյուղացուն ապահովելով կայուն եկամտով` փոխելով նրա կյանքի որակը:

Կարդալ ավելին 11-12-2015

ՀՀ Կառավարությունը 1.5 միլիարդ դրամ հատկացրեց Վարդենիս-Մարտակերտ մայրուղու հիմնանորոգմանը
ՀՀ Կառավարությունը 1.5 միլիարդ դրամ հատկացրեց Վարդենիս-Մարտակերտ մայրուղու հիմնանորոգմանը

ՀՀ Կառավարությունը պահուստային ֆոնդից 1.5 միլիարդ դրամ հատկացրեց Վարդենիս-Մարտակերտ մայրուղու հիմնանորոգման աշխա¬տանք¬ների իրականացման նպատակով: Նոյեմբերի 5-ի նիստում որոշվեց Հայաս¬տա¬նի Հան¬րա¬պե¬տու¬թյան 2015 թվականի պետական բյուջեով նախատեսված ՀՀ կառավարության պահուստային ֆոնդից հատկացնել նշյալ գումարը Հայաստանի Հանրապետության տրանսպորտի և կապի նախա¬րա¬րությանը` «Հայաստան» համահայկական հիմնադրամին տրամադրելու համար: Որոշման նախագծով նախատեսվում է նվիրաբերության պայմանագրում նախատեսել դրույթ՝ համաձայն որի Տրանսպորտի և կապի նախարարությունը ճանապարհահատվածի հիմնանորոգման աշխատանքների կապակցությամբ պետք է ունենա այն բոլոր իրավունքները (նախագծային փաստաթղթերի ընդունում, աշխատանքների ընդունում և այլն), որոնք կպատկանեն «Հայաստան» համահայկական հիմ¬նադրամին համապատասխան աշխատանքները կատարելիս, իսկ «Հայաստան» համա¬հայ¬կա¬կան հիմնադրամն իր նշված իրավունքները կարող է իրագործել միայն Հայաստանի Հանրա¬պե¬տության տրանսպորտի և կապի նախարարության նախնական գրավոր համաձայնության դեպքում։

Կարդալ ավելին 11-12-2015

Մեծ էկրաններ կբարձրանա «Չարդախլու-հերոսների հայրենիք» փաստագրական ֆիլմը
Մեծ էկրաններ կբարձրանա «Չարդախլու-հերոսների հայրենիք» փաստագրական ֆիլմը

Մարշալների, գեներալների, գնդապետների ու Արցախյան ազատամարտի հերոսների հայրենիք համարվող հերոսական Չարդախլու գյուղի գաղտնիքը բացահայտվել է ֆիլմի միջոցով։ ԵՊՀ պատմության ֆակուլտետում նոյեմբերի 12-ին տեղի է ունեցել «Չարդախլու-հերոսների հայրենիք» փաստագրական ֆիլմի շնորհանդեսը։ Սա «Հայոց արևելից կողմերի պատմություն-Արցախ» շարքի հերթական կինոնկարն է։ Ֆիլմի նկարահանման աշխատանքներն ավարտին են հասցվել ՀՀ Նախագահի աշխատակազմի կողմից «Արեալ» մշակութային ՀԿ-ին հատկացված դրամաշնորհի և Հայաստանի երիտասարդական հիմնադրամի հայտարարած մրցույթի միջոցով: Հայաստանի երիտասարդական հիմնադրամի հասարակայնության հետ կապերի ծառայության փոխանցմամբ` «Հայոց արևելից կողմերի պատմություն-Արցախ» շարքի պրոդյուսեր Աիդա Ահարոնյանը տեղեկացրել է, որ ֆիլմի նկարահանումները կատարվել են Արցախում, Տավուշի մարզի Զորական գյուղում: Կինոնկարի կենտրոնում Չարդախլուի ներկայիս հերոսներն են՝ Արթուր Բաղրամյանը, Լեոնիդ Մարտիրոսովը, գեներալ մայոր Հովհաննիսյանը և այլք: Հերոսական Չարդախլուի մասին պատմող ֆիլմն առաջին հերթին ուղղված է երիտասարդությանը: «Ողջ ֆիլմի ընթացքում կարմիր գծի պես անցնում է ավագի նկատմամբ հարգանքի, տուրք տալու գաղափարները»,-նշել է նա: ԵՊՀ պատմության ֆակուլտետի դեկան Էդիկ Մինասյանը փաստել է, որ Չարդախլուի պատմության իմաստավորումն անհրաժեշտ է Արցախի ամբողջական պատմությունն ուսումնասիրելու և մեր անցյալն իմաստավորելու առումով: «Ամեն գյուղի, շրջանի, քաղաքի պատմությունը ամբողջացնում է հայոց պատմությունը: Այսօր Չարդախլուն թշնամու ձեռքին է. մեր պատմական հուշարձաններն ավերում են, և ոչ մի կանգուն հուշարձան չես գտնի: Չարդախլուն պատմական գյուղ է, որը հայտնի է իր մարշալներով, 20-ից ավելի գեներալներով, գնդապետներով, զինվորական, սպայական կազմով: Չարդախլուն այն եզակի գյուղերից է, որն իբրև զինվորական ամրոց տարիներ շարունակ դիմակայել է թշնամուն»,-ընդգծել է նա: 38.5 րոպե տևողությամբ «Չարդախլու-հերոսների հայրենիք» փաստագրական ֆիլմն ավելի լայն լսարանին կներկայացվի դեկտեմբերի 3-ին. այն կբարձրանա մեծ էկրաններ, այնուհետև կցուցադրվի հեռուստաընկերություններով, հասանելի կլինի նաև համացանցում:

Կարդալ ավելին 11-12-2015

ԵԽԽՎ-ն վերածվում է Բաքվի շուկաների տաղավարի. Դավիթ Բաբայան
ԵԽԽՎ-ն վերածվում է Բաքվի շուկաների տաղավարի. Դավիթ Բաբայան

ԵԽԽՎ քաղաքական հարցերի հանձնաժողովի կողմից հավանության արժանացրած հայկական կողմի համար վիճահարույց զեկույցից խավիարի ու նավթի հոտ է գալիս: Նոյեմբերի 6-ին կայացած մամուլի ասուլիսի ժամանակ տեսազանգի միջոցով նման տեսակետ արտահայտեց ԼՂՀ Նախագահի մամուլի խոսնակ Դավիթ Բաբայանը: «Մենք Ադրբեջանից չենք նեղանում, քանի որ իրենցից սպասում ենք այսպիսի պահվածք, մենք ցավում ենք, որ ԵԽԽՎ-ի պես կազմակերպության իմունիտետն է թուլացել ու այսպիսի կոռուպցիոն գործընթացները ներխուժել են այնտեղ: Երբ ԵԽԽՎ-ն կոչ է անում ազատ արձակել հանցագործներին, ովքեր մտել էին Արցախի Հանրապետության տարածք, դաժանորեն մարդկանց սպանել, որոնց նկատմամբ եղել է ազատ, թափանցիկ դատավարություն և մի խոսք չեն ասում Սաֆարովի, Ադրբեջանում հայատյացության, քաղաքական հալածյալների մասին, պարզ է դառնում, որ ԵԽԽՎ-ն կամաց վերածվել է Բաքվի շուկաների տաղավարի, որտեղ կարելի է առևտուր անել ու գնել այնպիսի փաստաթուղթ, որը հակասում է եվրոպական արժեքներին»,- ասաց Դավիթ Բաբայանը: Նրա խոսքով` իրենք բազմիցս տարբեր հայտարարությունների միջոցով նշել են, որ պատրաստ են համագործակցել այս կամ այն փաստաթղթի ստեղծմանը, բայց եթե դա ողջամիտ է: «Ակնհայտ է, որ այս զեկույցը պատրաստվել է Ադրբեջանում ու այսպիսի վերնագրով բնական է, որ չէր կարող ընդունվել Արցախի Հանրապետության կողմից, թեպետ մենք ուղերձներ ենք ուղարկել, որ փաստաթղթի բովանդակության վերանայման դեպքում կաջակցնենք նրանց: Ասել ենք` կարող եք գալ Արցախ ու հանդիպումներ ունենալ ում հետ ուզում եք, բայց դրա համար պետք է վերանայել մոտցումը»,-ընդգծեց պաշտոնյան` նշելով, որ համոզված էին, որ այն նախապես պատվիրված էր ու փոփոխության ենթակա չէր: Դավիթ Բաբայանը նկատեց, որ զեկույցը կազմող Եվրոպայի խորհրդի խորհրդարանական վեհաժողովի պատգամավոր Ռոբերտ Վոլտերը, ում կինը ազգությամբ թուրք է, ով բիզնես շահեր ունի Ադրբեջանում, որոշել է կենսթոշակի անցնելուց հետո բարեկեցիկ դարձնել իր կյանքը` ստանձնելով միակողմանի զեկույցի պատրաստումը: «Նիստից օրեր առաջ նա ուղարկել էր նամակ, որով ցանկություն էր հայտնում գալ այստեղ, բայց մինչ նամակը հասել է մեզ ու քննարկվել, նա արդեն ներկայացրել է զեկույցը հանձնաժողովին»,-նշեց Դավիթ Բաբայանը: «ԵԽԽՎ քաղաքական հարցերով հանձնաժողովը հավանության է արժանացրել «Բռնությունների աճը Լեռնային Ղարաբաղում և Ադրբեջանի այլ գրավյալ տարածքներում» վերտառությամբ վիճահարույց զեկույցի նախագիծը:

Կարդալ ավելին 11-06-2015

ԵԽԽՎ հանձնաժողովի ընդունած հակահայկական զեկույցը կարող է խոչընդոտել ԼՂ հակամարտության խաղաղ կարգավորման գործընթացին
ԵԽԽՎ հանձնաժողովի ընդունած հակահայկական զեկույցը կարող է խոչընդոտել ԼՂ հակամարտության խաղաղ կարգավորման գործընթացին

Եվրոպայի խորհրդի խորհրդարանական վեհաժողովի քաղաքական հանձնաժողովի կողմից հակահայկական զեկույցի ընդունումը կարող է խոչընդոտել Լեռնային Ղարաբաղի հակամարտության խաղաղ կարգավորման միջնորդական ջանքերին: Ազգային ժողովում լրագրողների հետ զրույցում նման կարծիք հայտնեց ՀՀ ԱԳ փոխնախարար Կարեն Նազարյանը՝ անդրադառնալով բրիտանացի պատգամավոր Ռոբերտ Ուոլթերի՝ «Բռնության աճը Լեռնային Ղարաբաղում և Ադրբեջանի այլ գրավյալ տարածքներում» հակահայկական զեկույցին, որը ԵԽԽՎ քաղաքական հանձնաժողովը ներառել է լիագումար նիստի օրակարգում: «Ասեմ ավելին՝ ԵԽԽՎ-ն հակամարտության կարգավորման մանդատ չունի, այնպես որ նման զեկույց ընդհանրապես չպետք է քննարկվեր: Նման քայլերը միայն կարող են վնասել հակամարտության խաղաղ կարգավորման գործընթացին»,- նշեց Նազարյանը: Նա ուշադրություն հրավիրեց այն հանգամանքի վրա, որ խոսքն այս պահին ընդամենը զեկույցի մասին է, որն ընդգրկվել է վեհաժողովի՝ հունվարին կայանալիք լիագումար նիստի օրակարգում:«Ես ցավում եմ, որ զեկույցի հեղինակ Ռոբերտ Ուոլթերը, ով շուտով վայր է դնելու իր մանդատը, նման ծանր ժառանգություն է թողել ԵԽԽՎ-ի քննարկմանը, և կարծում եմ, որ այս հարցում ԵԽԽՎ հայաստանյան պատվիրակությունը շատ անելիքներ ունի, որոնք ես հիմա չեմ ցանկանում մեկնաբանել»,- հավելեց Նազարյանը: Հարցին, թե ժամանակը չէ՞ ավելի կոշտ քայլերի գնալ՝ ԵԽԽՎ-ն բոյկոտելու եղանակով, Նազարյանը պատասխանեց, որ բոյկոտելը դա Հայաստանի գործելաոճը չէ: «Մենք մշտապես կողմ ենք եղել եվրոպական տարբեր կառույցների հետ համագործակցությանը և դրա խորացմանը: ԵԽԽՎ-ն նաև ունի այլ կարևորագույն գործառույթներ՝ կապված մարդու իրավունքների, ժողովրդավարության հետ: Լավ կլինի, որ մենք շարունակենք մեր ներգրավվածությունը առհասարակ այդ ուղղությամբ»,- եզրափակեց Նազարյանը: ԵԽԽՎ քաղաքական հանձնաժողովը 24 կողմ, 16 դեմ ձայների հարաբերակցությամբ բրիտանացի պատգամավոր Ռոբերտ Ուոլթերի՝ «Բռնության աճը Լեռնային Ղարաբաղում և Ադրբեջանի այլ գրավյալ տարածքներում» հակահայկական զեկույցը ներառել է վեհաժողովի լիագումար նիստի օրակարգ: Ուոլթերն օգտագործել է այնպիսի հակահայկական և ոչ ճշգրիտ ձևակերպումներ, ինչպիսիք են` «հեռացնել Հայաստանի եւ այլ անկանոն զինված ուժերը Լեռնային Ղարաբաղի ու Ադրբեջանի այլ գրավյալ տարածքներից, ապահովել Ադրբեջանի տարածքների ամբողջականությունը»:

Կարդալ ավելին 11-06-2015

Թալիշ գյուղի ուղղությամբ դիտարկում է անցկացվել
Թալիշ գյուղի ուղղությամբ դիտարկում է անցկացվել

Նոյեմբերի 5-ին Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացրել ԼՂՀ Մարտակերտի շրջանի Թալիշ գյուղի արևելյան ուղղությամբ: ԼՂՀ ԱԳՆ մամլո ծառայության փոխանցմամբ՝ ԼՂՀ պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկը և նրա դաշտային օգնականներ Եվգենի Շարովը (Ուկրաինա) ու Խրիստո Խրիստովը (Բուլղարիա), ինչպես նաև ԵԱՀԿ ԳՆԱՆ գրասենյակի աշխատակից Պետեր Սվեդբերգը (Շվեդիա): Շփման գծի հակառակ կողմից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնական Իրժի Աբերլեն (Չեխիա) և ԳՆԱՆ անձնական օգնական Սայմոն Թիլերը (Մեծ Բրիտանիա): Դիտարկումն անցել է ըստ նախատեսված ժամանակացույցի, կրակի դադարեցման ռեժիմի խախտումներ չեն արձանագրվել: Դիտարկման առաքելությանը ղարաբաղյան կողմից ուղեկցել են ԼՂՀ արտաքին գործերի նախարարության և պաշտպանության նախարարության ներկայացուցիչները:

Կարդալ ավելին 11-06-2015

Այս գիշեր հայ դիրքապահների ուղղությամբ արձակվել է ավելի քան 1800 կրակոց. ԼՂՀ ՊԲ
Այս գիշեր հայ դիրքապահների ուղղությամբ արձակվել է ավելի քան 1800 կրակոց. ԼՂՀ ՊԲ

Նոյեմբերի 5-ին եւ լույս 6-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 100 անգամ, որի ընթացքում, տարբեր տրամաչափի հրաձգային զինատեսակներից եւ 60 միլիմետրանոց ականանետից /1 արկ/, հայ դիրքապահների ուղղությամբ արձակվել է ավելի քան 1800 կրակոց: ԼՂՀ պաշտպանության նախարարության մամուլի ծառայության փոխանցմամբ՝ պաշտպանության բանակի առաջապահ զորամասերը շարունակում են վստահորեն իրականացնել մարտական հերթապահություն՝ անհրաժեշտության դեպքում դիմելով նաեւ պատասխան գործողությունների:

Կարդալ ավելին 11-06-2015

ԲԱԿՈ  ՍԱՀԱԿՅԱՆ.    ԽԱՂԱՂՈՒԹՅՈՒՆԸ    ՄԵԶ  ՀԱՄԱՐ  ԳԼԽԱՎՈՐ ԱՐԺԵՔՆԵՐԻՑ   ՈՒ   ՆՊԱՏԱԿՆԵՐԻՑ  ՄԵԿՆ  Է
ԲԱԿՈ ՍԱՀԱԿՅԱՆ. ԽԱՂԱՂՈՒԹՅՈՒՆԸ ՄԵԶ ՀԱՄԱՐ ԳԼԽԱՎՈՐ ԱՐԺԵՔՆԵՐԻՑ ՈՒ ՆՊԱՏԱԿՆԵՐԻՑ ՄԵԿՆ Է

1994թ. Ադրբեջանի, Լեռնային Ղարաբաղի և Հայաստանի կողմից ստորագրվեց հրադադարի մասին համաձայնագիրը, այդուհանդերձ, հակամարտությունը մինչ օրս չի հանդարտվել։ Չնայած այն բանին, որ ընդամենը մի քանի տասնյակ կիլոմետրեր հեռու կրակոցները սովորական երևույթ են դարձել, տարածաշրջանի քաղաքներում և այլ բնակավայրերում կյանքը եռում է։ Ու թեև նրա անկախությունն աշխարհի ոչ մի երկիր չի ճանաչել, իրեն Լեռնային Ղարաբաղի Հանրապետություն կոչող տարածաշրջանն ունի իր նախագահը, կառավարությունը, նախարարությունները։ Արդեն երկրորդ անգամ նախագահի պաշտոնն զբաղեցնում է Բակո Սահակյանը։ Բ. Սահակյանի հետ մեր հանդիպումն անցավ նրա ընդարձակ, փայտից հարդարված, բայց անչափ համեստ աշխատասենյակում։ Թեև ողջույնի խոսքերը ռուսերեն հնչեցին, ավելի ուշ նախագահը ցանկություն հայտնեց, որ հարցազրույցն անցնի հայերեն՝ թարգմանչի միջոցով։ ՙՄիայն մայրենի լեզվով եմ կարողանում իմ մտքերն արտահայտել այնպես, ինչպես ուզում եմ՚,- ասաց նա։ - Լեռնային Ղարաբաղը՝ որպես անկախ պետություն, ճանաչված չէ միջազգային հանրության կողմից։ Դուք շատ եք ճամփորդում արտասահմանյան երկրներով, ինչպե՞ս են Ձեզ ընդունում այլ երկրների ղեկավարները։ - Այո, այն փաստը, որ մեր պետությունը ճանաչված չէ, իրավիճակին որոշակի բացառիկություն է հաղորդում և այն դեպքերում, երբ մեր պատվիրակությունները լինում են արտասահմանյան երկրներում ու հանդիպումներ ունենում նրանց ղեկավարների կամ գործադիր իշխանության ներկայացուցիչների հետ։ Արտասահմանում մենք հանդիպումներ ենք ունենում խորհրդարանների անդամների և ոչ պետական սեկտորի ներկայացուցիչների, վերլուծաբանների ու գիտնականների հետ։ Ձգտում ենք հարաբերություններ հաստատել այլ երկրների հետ, և այյս գործընթացն ակտիվորեն զարգանում է։ Բազմաթիվ երկրների հետ արդեն կապեր ենք հաստատել այնպիսի ոլորտներում, ինչպիսիք են մարդկային ռեսուրսները, տնտեսությունը, լուսավորությունը կամ սպորտը, բայց դեռևս հնարավորություն չունենք ուղղակիորեն հանդիպելու այդ երկրների ղեկավարների հետ։ Անում ենք հնարավորը, որպեսզի Լեռնային Ղարաբաղը դառնա միջազգային հանրության կողմից ճանաչված պետություն։ - Ի՞նչ երկրների հետ եք ակտիվ կապեր պահպանում։ - Մեր կապերը հատկապես աշխույժ են Ֆրանսիայի հետ։ Այդ երկրի հետ մենք շատ համաձայնություններ ունենք։ Որոշ քաղաքներ իրենց դիրքորոշումն են հայտնել հենց Լեռնային Ղարաբաղի անկախության ճանաչման առնչությամբ։ Մենք նաև ակտիվորեն զարգացնում ենք առանձին քաղաքների միջև բարեկամությունը, կատարվում է մշակութային տարաբնույթ փոխանակում։Գերմանիայի և Ֆրանսիայի խորհրդարաններում աշխատում են խմբեր, որոնք պատասխանատու են Լեռնային Ղարաբաղի հետ կապեր պաշտպանելու հարցում։ Այս գործընկերները մեծ դերակատարում ունեն այլ երկրների հետ կապեր զարգացնելիս։ - Դուք ասացիք, որ այլ երկրների նախագահների հետ պաշտոնական հանդիպումներ չեն լինում։ Միգուցե Դուք կարողանում եք այդ երկրների ղեկավարների հետ կապեր հաստատել ոչ պաշտոնակա՞ն մակարդակով։ - Իրոք, մենք շատ ենք ձգտում կապեր հաստատել այլ պետությունների ու նրանց ղեկավարների հետ, բայց երբեմն դրվար է հասկանալ միջազգային հանրությանը, որն, ասես, խուսափում է մեզ հետ ցանկացած կապեր ունենալուց։ Արցախի Հանրապետությունը ներկայումս իր կայացման փուլում է և ձգտում է հետևել միջազգային իրավունքի նորմերին ու այլ կանոնների: Մենք իսկապես չենք հասկանում՝ ինչու ուրիշ երկրներ չեն ցանկանում միջազգային հարաբերություններ զարգացնել մեզ հետ, չէ՞ որ ՙճանաչված՚ կամ ՙչճանաչված՚ կարգավիճակը չպետք է խոչընդոտ դառնա հասարակությունների միջև ոչ քաղաքական մակարդակով կապեր զարգացնելու համար։ Մեր երկիրը վաստակել է ինչպես միջազգային հանրակցության հետ շփումներ ունենալու, այնպես էլ նրանում ընդգրկված լինելու իրավունքը։ - Ամեն օր հաղորդագրություններ են լինում հրաձգությունների և զոհերի մասին։ Ինչպե՞ս կբնութագրեիք այսօրվա իրավիճակն Ադրբեջանի հետ շփման գծում։ - 1994թ. կնքվեց հրադադարի մասին համաձայնագիրը, որն ստորագրել են Ադրբեջանը, Լեռնային Ղարաբաղը և Հայաստանը։ Մենք հետևում ենք համաձայնագրով նախատեսված պայմաններին, քանի որ խաղաղությունը մեզ համար գլխավոր արժեքներից ու նպատակներից մեկն է։ Մենք չենք ուզում, որ անցյալի առանձին դրվագներ կրկնվեն, ուստի ձգտում ենք հնարավորինս կայուն վիճակ պահպանել։ Բայց մյուս կողմը շարունակ խախտում է հրադադարի մասին համաձայնագրով նախատեսված կետերը, գրեթե անընդմեջ մեր դեմ կիրառվում է ծանր սպառազինություն։ Մեծ տարբերություն կա 2-3 տարի առաջ և այսօր տեղի ունեցող իրադարձությունների միջև։ Ադրբեջանը խախտում է ոչ միայն կրակի դադարեցման ռեժիմի մասին ստորագրված համաձայնագիրը, այլև միջազգային նորմերն ու սկզբունքները: Այդ երկիրը պատասխանատվություն է կրում կատարվածի համար, քանի որ վարում է ագրեսիվ քաղաքականություն, և միջազգային հանրությունը պետք է ուշադրություն դարձնի այդ իրավիճակին: - Ինչպե՞ս կգնահատեիք միջազգային հանրության ներկա դիրքորոշումն այս հակամարտության հարցում։ Ձեզ հիասթափեցնո՞ւմ է նրա պասիվ արձագանքը։ - Չի կարելի ասել, թե հիասթափված ենք, քանի որ տեսնում ենք տարածաշրջանում կայունության և խաղաղության պահպանմանն ուղղված միջազգային հանրակցության ջանքերը։ Այն, որ խաղաղությունն ու կայունությունը, թեկուզ մասամբ, հնարավոր են դարձել, հենց միջազգային հանրակցության ջանքերի արդյունք է։ Մենք նաև առաջարկել ենք խաղաղարար գործընթացը լրացնել այնպիսի կետերով, ինչպիսիք են շփման գծից դիպուկահարների հեռացումը կամ տոնական օրերին կրակի լրիվ դադարեցումը, բայց բոլոր այս առաջարկներն ադրբեջանական կողմը մերժել է։ Միակ բանը, որ կուզենայինք, այն է, որ միջազգային հանրությունը խոսեր և արձագանքեր առավել կոնկրետ։ Միայն այն ժամանակ, երբ խոսքերն ուղղված լինեն ճիշտ հասցեատիրոջը, տվյալ դեպքում՝ խաղաղարար գործընթացի խախտման համար պատասխանատու կողմին, իրավիճակը կփոխվի։ - Ինչպիսի՞ն է հակամարտության լուծման հեռանկարների Ձեր տեսլականը։ - Մենք դրական սպասումներ ունենք, քանի որ առանց դրա հակամարտության պայմաններում կարելի չէր դիմակայել։ Թեև Ադրբեջանն իր ապակառուցողական քաղաքականությամբ ձգտում է մեզ անհուսության մատնել, մենք հույս ունենք, որ այդ երկիրը կփոխի իր մոտեցումներն ու դիրքորոշումը, որ քաղաքական ասպարեզ կգան նոր գործիչներ, ովքեր այլ կերպ կմոտենան իրավիճակին։ Ի վերջո, Ադրբեջանի ժողովուրդը նույնպես պետք է հակամարտությունը խաղաղ, քաղաքակիրթ ճանապարհով լուծելու ցանկություն ունենա։ Հուսանք, կգա այն օրը, երբ մենք կկարողանանք քաղաքակիրթ երկխոսության և քննարկումների սեղանի շուրջ նստել։ - Լեռնային Ղարաբաղի մայրաքաղաք Ստեփանակերտ՝ բարգավաճող և ընդլայնվող քաղաք։ Ինչպե՞ս եք տեսնում նրա ապագան մոտակա 10 տարիներին։ - Հանրապետությունն ու մայրաքաղաքը զարգանում են բավականին արագ տեմպերով։ Եթե այստեղ վերադառնաք մեկ տարի հետո, ակնհայտ տարբերություն կտեսնեք։ Մենք ձգտում ենք, որ այստեղ պայմաններն առավելագույնս բարվոք լինեն ոչ միայն տեղի բնակչության համար, որպեսզի օտարերկրյա հյուրերն էլ այստեղ լավ զգան իրենց։ Մենք շատ ենք շահագրգռված հանրապետության զարգացման հարցում և հավատում ենք, որ մեր ու մեր երեխաների ապագան պայծառ կլինի։ - Անձամբ Ձեզ համար ի՞նչ էր նշանակում երկրորդ անգամ վերընտրվելը։ - Դա նույն պատասխանատվությունն էր, ինչ՝ առաջին անգամ ընտրություններում հաղթելու ժամանակ։ Սա որոշակի առաքելություն է, որը պետք է հնարավորինս լավ իրականացնել։ Նախագահության առաջին ժամկետի ընթացքում ես փորձ ձեռք բերեցի, որն այժմ ուղեկցում է ինձ աշխատանքում ու շատ է օգնում խնդիրների առավել արդյունավետ լուծման հասնելու հարցում։ - Ինչպ՞ս արձագանքեց Ձեր ընտանիքը, երբ իմացավ, որ հաջորդ հինգ տարիներին էլ այդ պաշտոնում կլինեք։ - Նորությունն այդ երկակի զգացմունքներ հարուցեց։ Մի կողմից, ընտանիքս ուզում էր տեսնել ինձ մեկ այլ գործի մեջ, որ կնոջս ու երեխաներիս հետ ավելի շատ ժամանակ անցկացնելու հնարավորություն, ավելի քիչ սթրեսներ ունենամ և ստիպված չլինեմ բազմաթիվ խնդիրներ լուծել։ Մյուս կողմից, նրանք քաջ գիտակցում են՝ ինչ մարտահրավերների հետ է առերեսվում մեր երկիրը, և սատարում են այդ որոշումը։ - Որո՞նք են Ձեր պաշտոնավարության ընթացքում տեղի ունեցած առավել ակնհայտ փոփոխությունները, և ի՞նչ նոր մարտահրավերների հետ եք բախվում։ - Փոփոխություններն, իրոք, մեծ են, և դրանք նկատելի են շատ ոլորտներում։ Ամենամեծ խնդիրներն ու մարտահրավերները կապված են անվտանգության հետ։ Ադրբեջանն անդադար խախտում է հրադադարի մասին համաձայնագիրը, դրությունը գնալով ավելի վտանգավոր է դառնում, ավելի ծանր սպառազինություն է կիրառվում։ Սա, անկասկած, ազդում է իրավիճակի վրա ու լուրջ մտահոգություն հարուցում։ - Լեռնային Ղարաբաղում շատ անգամ եմ լսել, որ մարդիկ կարող են նախագահին մոտենալ հենց փողոցում և զրուցել իրենց հետաքրքրող հարցերի շուրջ։ Ճի՞շտ է սա։ - Դա ինչ-որ անսովոր մի բան չէ, մարդկանց հետ հանդիպելու և շփվելու շատ հաջող միջոց է։ Նման հանդիպումներն օգնում են ավելի հստակ պատկերացում կազմել, թե ինչպես են աշխատում մեր պետական մարմինները, ինչ խնդիրների հետ են առնչվում մարդիկ։ Նման զրույցները մեծ խթան են հնարավորինս լավ աշխատելու համար։

Կարդալ ավելին 10-25-2015

Ադրբեջանի հավակնությունները ԼՂ հանդեպ զուրկ են որեւէ հիմնավորումից. Սերժ Սարգսյան
Ադրբեջանի հավակնությունները ԼՂ հանդեպ զուրկ են որեւէ հիմնավորումից. Սերժ Սարգսյան

Ադրբեջանի հավակնությունները Լեռնային Ղարաբաղի հանդեպ զուրկ են որեւէ պատմական, իրավական, քաղաքական եւ բարոյական հիմնավորումներից: Այս մասին հոկտեմբերի 23-ին, Երեւանում, Մոսկվայի միջազգային հարաբերությունների պետական ինստիտուտի շրջանավարտների երրորդ միջազգային համաժողովի ժամանակ իր ելույթում հայտարարել է ՀՀ Նախագահ Սերժ Սարգսյանը: ՀՀ նախագահն իր ելույթում, մասնավորապես, ասել է. « Լեռնային Ղարաբաղի ժողովուրդը պայքարում է իր ինքնորոշվելու անքակտելի իրավունքի համար, իրավունքի, որն ամրագրված է ՄԱԿ-ի կանոնադրության եւ այլ միջազգային հիմնարար փաստաթղթերում: Ադրբեջանի հավակնությունները Լեռնային Ղարաբաղի հանդեպ զուրկ են որեւէ պատմական, իրավական, քաղաքական եւ բարոյական հիմնավորումներից: Դարեր շարունակ Լեռնային Ղարաբաղը համառ պայքարի գնով ապացուցել է իր ազատ գոյության իրավունքը: Լեռնային Ղարաբաղը երբեք չի եղել անկախ Ադրբեջանի կազմում: 1918թ. Ռուսական կայսրության փլուզումից հետո, Անդրկովկասի քաղաքական քարտեզում առաջին անգամ հայտնվեց նոր կազմավորում` Ադրբեջան անունով: Այդ պատճառով, խոսել Լեռնային Ղարաբաղի` Ադրբեջանին պատկանելու մասին միջեւ 1918թ. բացարձակապես տեղին չէ, քանի որ այդպիսի պետություն գոյություն չի ունեցել: Ազգերի Լիգան մերժեց նոր ձեւավորված Ադրբեջանի այդ կազմակերպությունում անդամակցության խնդրանքը՝ իր սահմանների անորոշության պատճառով: Ադրբեջանցիները փորձեցին բռնակցել Ղարաբաղը ռազմական ճանապարհով: 1918-1920թթ. ադրբեջանական ռազմական միավորումներն իրականացրեցին հայկական բնակչության ջարդեր: Միայն 1920թ. մարտին տարածաշրջանի մշակութային կենտրոնում՝ Շուշիում, 40 հազար հայ կոտորվեց եւ արտաքսվեց: Այդ սարսափելի կոտորածը թողեց խորը եւ արնահոսող վերք: Պոետ Հովսեփ Մանդելշտամը գրել է` «այնտեղ բոլոր կողմերից երեւում են քառասուն հազար մահացած պատուհաններ»: 1920թ. Ղարաբաղը՝ հակառակ իր ժողովրդին կամքին, Ռուսաստանի կոմունիստական (բոլշեւիկների) կուսակցության կենտկոմի կովկասյան բյուրոյի, այն է՝ կուսակցական մարմնի որոշմամբ, որը չուներ նման որոշումների ընդունման լիազորություն, ընդգրկվել էր Ադրբեջանի կազմում, ինքնավար մարզի կարգավիճակով: Ավելին` ինքնավար մարզում ընդգրկված չէր Ղարաբաղի ամբողջ տարածքը, ինչի արդյունքում Լեռնային Ղարաբաղը զրկվեց Հայաստանի հետ ընդհանուր սահմանից: 1991թ. հոկտեմբերի 18-ի Անկախության մասին սահմանադրական ակտով Ադրբեջանը անվավեր ճանաչեց իրեն վերաբերող` Սովետական Միության գոյության ժամանակ ընդունված ակտերը: Դրանով իսկ Ադրբեջանը անվավեր ճանաչեց եւ բոլոր ակտերը, որոնք վերաբերում էին Լեռնային Ղարաբաղին: Իսկ թե ինչ ճակատագիր էր սպասվում Ադրբեջանի կազմում Ղարաբաղի հայերին, կարելի է հստակ պատկերացնել սովետական տարիներին նույնպես բռնի ուժով Ադրբեջանի կազմին միացրած հայկական այլ շրջանի՝ Նախիջեւանի օրինակով, իհարկե, այս դեպքում ինքնավար հանրապետության կարգավիճակով , որտեղ համակարգված իրականացվում էր նրա հայկական բնակչության վերացման քաղաքականություն եւ հայկական մշակութային հուշարձանների ոչնչացում: Պետք է նշել, որ լազարյանները ծագումով հենց Նախիջեւանից էին: Սովետական Միության փլուզման օրերին Լեռնային Ղարաբաղի ժողովուրդը, հետեւելով միջազգային իրավունքի նորմերին, համապատասխան ԽՍՀՄ օրենսդրության դրույթներին, հանրաքվեի միջոցով հայտարարեց իր անկախությունը, ճիշտ այնպես, ինչպես Սովետական Միության նախկին հանրապետությունները, ինչպես հենց ինքը՝ Ադրբեջանն է: Իմիջիայլոց, Ադրբեջանում անկախության հանրաքվեն անցկացվել է Ղարաբաղում հանրաքվեից հետո: Այսպիսով, Սովետական Միության փլուզման պահին Ադրբեջանական Խորհրդային Սոցիալիստական Հանրապետության վարչական տարածքում ձեւավորվել են երկու անկախ եւ իրավահավասար սուբյեկտ՝ Լեռնային Ղարաբաղի Հանրապետությունը եւ Ադրբեջանի Հանրապետությունը: 100 տարվա ընթացքում երկրորդ անգամ անկախ պետություն ստեղծելու հնարավորություն ստացած Ադրբեջանը կրկնեց 1918թ. փորձը՝ սկսելով ագրեսիվ գործողություն Լեռնային Ղարաբաղի դեմ, ռմբակոծելով խաղաղ քաղաքներ եւ գյուղեր, ջարդելով եւ արտաքսելով հայերին: Ակադեմիկոս Անդրեյ Սախարովը հայերի ջարդը Սումգայիթում, Բաքվում եւ Կիրովաբադում որակեց որպես հայերի նոր ցեղասպանության կազմակերպման փորձ: Հանդիպելով ղարաբաղցիների հերոսական հակամարտությանը եւ ռազմական գործողությունների արդյունքում կորցնելով մի քանի հազար քառակուսի կիլոմետր տարածք եւ ավելի շատ կորուստների սպառնալիքի ներքո Ադրբեջանը ստիպված եղավ սկսել ուղիղ բանակցություններ Լեռնային Ղարաբաղի ղեկավարության հետ հրադադարի համաձայնագրի կնքման նպատակով, անցկացվեցին ԼՂ եւ Ադրբեջանի բարձրաստիճան պաշտոնյաների միջեւ բազմաթիվ հանդիպումներ, ստորագրվեցին կրակի ժամանակավոր դադարեցման վերաբերյալ համաձայնագրեր, ինչի արդյունքում 1994թ. մայիսին ստորագրվեց Լեռնային Ղարաբաղի, Ադրբեջանի եւ Հայաստանի միջեւ անժամկետ հրադադարի եռակողմ համաձայնագիր: Նույն ձեւաչափով 1995թ. փետրվարին ստորագրվեց հրադադարի ռեժիմի ամրապնդման հրամանագիր` ուղղված բանակցային գործընթացի բարենպաստ պայմանների ստեղծմանը: Երկու փաստաթղթերը գործող են առ այսօր, քանի որ անժամկետ են: Այս ամենը վկայում է, որ Ադրբեջանի ղեկավարությունը ճանաչել է Լեռնային Ղարաբաղը առնվազն որպես հակամարտության կողմ: Ինչպես տեսնում ենք, երբ Բաքուն իրականում ցանկանում է որեւէ արդյունքի հասնել ղարաբաղյան խնդրում, ապա անուղղակիորեն բանակցություններ է վարում Լեռնային Ղարաբաղի հետ եւ չի խոչընդոտում Լեռնային Ղարաբաղի ընդգրկմանը բանակցային գործընթացում: Լեռնային Ղարաբաղի հակամարտության կարգավորման բանակցությունները ընթանում են ԵԱՀԿ Մինսկի խմբի միջնորդության ձեւաչափով, միակ կառույցի, որը դրա համար ունի միջազգային մանդատ: Ադրբեջանը մշտապես մերժում է համանախագահների` ինչպես կարգավորման, այնպես էլ վստահության ամրապնդման միջոցների առաջարկները, բանակցություններին հակադրելով Լեռնային Ղարաբաղի հետ շփման գծի եւ Հայաստանի սահմանի իրավիճակի լարվածության աճը, ինչը հանգեցնում է բազմաթիվ զոհերի, այդ թվում խաղաղ բնակչության մեջ: Վերջին շրջանում Ադրբեջանը ծանր հրետանու օգտագործմամբ անցել է իրավիճակի լարման նոր փուլի: Այս գործողություններով Ադրբեջանը ոչ միայն խախտում է խնդրի խաղաղ կարգավորման հիմնարար միջազգային պարտավորությունները` ուժի կիրառումից կամ դրա կիրառման սպառնալիքից ձեռնպահ մնալը` ամրագրված ՄԱԿ-ի կանոնադրությամբ, Հելսինկյան Եզրափակիչ ակտում, միջազգային իրավունքի սկզբունքների մասին Հռչակագրում եւ այլ փաստաթղթերում, այլեւ խախտում է եռակողմ համաձայնագրի շրջանակներում ընդունած պարտավորությունները` լիովին արհամարհելով ԵԱՀԿ Մինսկի խմբի համանախագահ պետությունների նախագահների բազմաթիվ կոչերը: Իր ապակառուցողական դիրքի արդարացման նպատակով ադրբեջանական կողմը ընտրողաբար հիմնվում է ՄԱԿ-ի Անվտանգության Խորհրդի 4 բանաձեւերի վրա, որոնք ընդունվել են 1993թ. թեժ ռազմական գործողությունների ժամանակ` միտումնավոր խեղաթյուրելով այդ բանաձեւերի էությունը: ՄԱԿ-ի Անվտանգության խորհրդի վերոնշյալ բանաձեւերի նպատակը, դրանց կարեւորագույն պահանջը «ռազմական եւ թշնամական գործողությունների անհապաղ դադարեցումն» էր: Ինչ վերաբերում է հակամարտության կարգավորմանը, ապա համապատասխան բանաձեւում ամրագրված է միանշանակ «շարունակել փնտրել հակամարտության կարգավորման հնարավորություններ Մինսկի գործընթացի համատեքստում», ինչը հերթական անգամ ապացուցում է ադրբեջանական պնդումների անհիմն լինելը: Հենց Ադրբեջանը խափանեց բոլոր չորս բանաձեւերի իրականցումը, չկատարելով դրանց հիմնական պահանջները՝ անհապաղ դադարեցնել ռազմական գործողությունները, առանց որի հնարավոր չէր իրականացնել բանաձեւի մյուս դրույթները եւ ՄԱԿ-ի ԱԽ-ի կոչերը: Մայիսի 12-ի զինադադարի համաձայնագիրը ստորագրվել է ՄԱԿ-ի ԱԽ-ի առաջին բանաձեւերի ընդունումից մեկ տարի անց, եւ ՄԱԿ-ի ԱԽ 4-րդ բանաձեւի ընդունումից վեց ամիս հետո: Արդյո՞ք կարելի է դա անհետաձգելի համարել: Հակառակ ՄԱԿ-ի ԱԽ-ի պահանջներին, շրջափակումը, մշտական միջադեպերը, սադրանքները, դիվերսիաները, դիպուկահարների պատերազմը, հակահայկական քարոզչությունը, ռազմատենչ հռետորաբանությունը եւ այլ «թշնամական գործողությունները» առհասարակ չէին դադարում: Ավելին՝ 1993-1994թթ. ձմռանը Ադրբեջանը նախաձեռնեց ամբողջ պատերազմի ընթացքում ամենամասշտաբային հարձակումը Լեռնային Ղարաբաղի վրա: Եթե Ադրբեջանը ուզում էր, որ երեք կողմերը իրականացնեին ՄԱԿ-ի ԱԽ պահանջներն ու բանաձեւերը, ապա ինչու՞ նա նման հարձակում իրականացրեց: Ոչ մի բանաձեւում Հայաստանը նշված չէ, որպես հակամարտության կողմ: Մեր երկրին հասցեագրված կոչերում ասվում էր միայն` «շարունակել ազդեցություն գործադրել» Լեռնային Ղարաբաղի հայերի վրա` հակամարտության ավարտի նպատակով, ինչը Հայաստանը լիովին իրականացրել է: Ավելին, բանաձեւերում Լեռնային Ղարաբաղը ճանաչվել էր հակամարտության կողմ: Եվ բանաձեւերում «ուղիղ շփումներ» հաստատելու կոչերի ներքո համապատասխանաբար հասկացվում էին շփումներ Բաքվի եւ Ստեփանակերտի միջեւ: Լեռնային Ղարաբաղի ղեկավարության հետ բանակցություններ վարելուց հրաժարվելը հանդիսանում է ՄԱԿ-ի Անվտանգության խորհրդի բանաձեւի խախտում, սակայն` ոչ վերջինը: Այս ցուցակը կարելի է շարունակել: Բանաձեւը նույնպես պահանջում է «վերականգնել շրջանի տնտեսական, տրանսպորտային եւ էներգետիկ կապերը»: Ինչպես արդեն նշել եմ, հակամարտության սկզբից Ադրբեջանը եւ Թուրքիան իրականացնում են Լեռնային Ղարաբաղի եւ Հայաստանի Հանրապետության շրջափակում: Ադրբեջանի ղեկավարությունը հայտարարում է, որ դա Բաքվի արտաքին քաղաքականության առաջնայնությունն է: Անվտանգության խորհուրդը նաեւ կոչ է անում «ապահովել տարածաշրջանում, մասնավորապես` հակամարտությունում ներգրավված բոլոր շրջաններում մարդասիրական օգնության տրամադրման միջազգային գործունեության անարգել ապահովումը», սակայն Ադրբեջանը արգելափակում է միջազգային մարդասիրական կազմակերպությունների գործունեությունը Լեռնային Ղարաբաղում: Վերոնշվածից ակնհայտ է, որ հենց Ադրբեջանի իշխանությունները չեն կատարել ՄԱԿ-ի ԱԽ-ի հիմնական պահանջները, այդուհանդերձ անամոթաբար հիմնվում են այդ բանաձեւերի վրա, համատեքստից դուրս ընտրողաբար մեկնաբանում դրանց առանձին դրույթները:

Կարդալ ավելին 10-24-2015

Նախագահը մասնակցել է «Ճանաչենք մեր երկիրը» երիտասարդական արշավին
Նախագահը մասնակցել է «Ճանաչենք մեր երկիրը» երիտասարդական արշավին

Արցախի Հանրապետության Նախագահ Բակո Սահակյանը հոկտեմբերի 24-ին մասնակցել է «Ճանաչենք մեր երկիրը» երիտասարդական արշավին՝ Մխիթարաշեն-Քարին տակ երթուղով: ԼՂՀ նախագահի աշխատակազմի տեղեկատվության գլխավոր վարչության փոխանցմամբ՝ արշավի մասնակիցները Քարին տակ գյուղում ծաղիկներ են դրել Արցախյան հերոսամարտում զոհված ազատամարտիկների հուշակոթողին: Երկրի ղեկավարը կարեւորել է երիտասարդների դերը երկրի կյանքում՝ նշելով, որ հայրենասեր եւ բազմակողմանի գիտելիքներով զինված երիտասարդությունը հայրենիքի սահմանները պաշտպանող ու նրա ապագան կերտող ամենաակտիվ զանգվածներից է, եւ պետությունը այսուհետ էլ ուշադրության կենտրոնում է պահելու երիտասարդությանն առնչվող հիմնախնդիրները:

Կարդալ ավելին 10-24-2015

Հակառակորդի նախահարձակ գործողությունները ճնշվել են
Հակառակորդի նախահարձակ գործողությունները ճնշվել են

Հոկտեմբերի 23-ին եւ լույս 24-ի գիշերը ղարաբաղա-ադրբեջանական հակամարտ զորքերի շփման գծում նկատվել է հակառակորդի կողմից հրադադարի պահպանման ռեժիմի խախտումների աճ, որոնց ընթացքում կիրառվել են հրետանային զինատեսակներ,այդ թվում՝ TR-107 հրթիռահրետանային կայանք (3 արկ), 60 (39 արկ) եւ 82 (68 արկ) միլիմետրանոց ականանետեր, ՌՊԳ-7 (2 արկ) եւ ՀԱՆ-17 (17արկ) տիպի նռնականետեր: Հատկապես ինտենսիվ խախտումներ են արձանագրվել շփման գծի արեւելյան եւ հյուսիսարեւելյան ուղղությամբ: ԼՂՀ ՊՆ մամուլի ծառայության փոխանցմամբ` վերոնշված ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 90 անգամ, որի ընթացքում հայկական դիրքերի ուղղությամբ արձակվել է մոտ 2000 կրակոց: Պաշտպանության բանակի առաջապահ զորամասերի կանխարգելիչ գործողությունների արդյունքում՝ հակառակորդի նախահարձակ գործողությունները ճնշվել են:

Կարդալ ավելին 10-24-2015

Անցնող շաբաթվա ընթացքում հակառակորդը հրադադարը խախտել է շուրջ 600 անգամ
Անցնող շաբաթվա ընթացքում հակառակորդը հրադադարը խախտել է շուրջ 600 անգամ

ՊԲ օպերատիվ տվյալների համաձայն, հոկտեմբերի 18-ից 24-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 600 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 և 82 միլիմետրանոց ականանետներից ու ՌԳՊ-7 և ՀԱՆ-17 տիպի նռնականետերից, հայ դիրքապահների ուղղությամբ արձակվել է ավելի քան 10000 կրակոց: ԼՂՀ ՊՆ մամուլի ծառայության փոխանցմամբ՝ վերոնշված ժամանակահատվածում հակառակորդը կիրառել է նաև TR-107 տիպի ռեակտիվ հրթիռահրետանային կայանք: ՊԲ առաջապահ զորամասերը տիրապետում են օպերատիվ-մարտավարական իրադրությանն առաջնագծում և շարունակում վստահորեն իրականացնել մարտական հերթապահություն:

Կարդալ ավելին 10-24-2015

Միջազգային հանրությունը պետք է իր մասնակցությունն ունենա Արցախի ճակատագրի լուծման գործում. Պասկալևա
Միջազգային հանրությունը պետք է իր մասնակցությունն ունենա Արցախի ճակատագրի լուծման գործում. Պասկալևա

Միջազգային հանրությունը պետք է հասկանա այն իրադարձությունները, որոնք տեղի են ունեցել արցախյան հողում և իր մասնակցությունն ունենա Արցախի ճակատագրի լուծման գործում: «Արմենպրես»-¬ին հղած հաղորդագրությունում այս մասին նշել է բուլղարուհի լրագրող և ռեժիսոր Ցվետանա Պասկալևան` ներկայացնելով իր անցած ուղին որպես արցախյան ազատամարտի վավերագրող: «1991 թվականին, որպես վավերագրող և լրագրող, իմ ուշադրությունն է գրավել Լեռնային Ղարաբաղը և այնտեղ կատարվող սարսափելի ու տագնապալի իրադարձությունները` հայկական Գետաշեն և Մարտունաշեն գյուղերից մարդկանց տարհանումը: Սա դարձել է իմ պրոֆեսիոնալ հետաքրքրության պատճառը»,¬ -ընդգծել է լրագրողը: Պասկալևան հավելել է, որ Մոսկվայում, որտեղ նա սովորում էր ասպիրանտուրայում, «պերեստրոյկա»-¬ի, «գլասնոստ»-¬ի ժամանակ այդ տարածաշրջանից ոչ մի տեղեկատվություն, նորություն չէր հաղորդվում: «Սա դարձել է առաջնային խթան, որպեսզի ես այնտեղից տեղեկատվություն «դուրս բերեի»: Եվ ես հասկացա այն սարսափելի իրավիճակը, որում գտնվում է ԼՂ բնակչությունը: Նրանք ենթարկվել էին արտաքսման Ադրբեջանում տեղակայված 23-¬րդ դիվիզիայի կողմից` ադրբեջանական ոստիկանության հատուկ ջոկատայինների հետ: Այն, ինչի ականատես եմ ես դարձել, փոխել է իմ ողջ ճակատագիրը: Ես թողեցի իմ ասպիրանտուրան և երկար մնացի Ղարաբաղում: Լինելով բուլղարացի լրագրող` ես հնարավորություն ունեի ներկայացնել տեղեկատվություն տարբեր միջազգային հեռուստաընկերությունների` գերմանական ZDF¬-ին, ֆրանսիական Անտեն¬2¬ին, Բուլղարական հեռուստաընկերությանը, CNN¬-ին, NBS-¬ին, CBS¬-ին»,¬ -նշել է Ցվետանա Պասկալևան: 1991¬-94 թվականներին Պասկալևան իր տեսախցիկի միջոցով վավերագրել է ամբողջ պատերազմը: «Ես անդադար Ղարաբաղում էի, աշխատում որպես օպերատոր, լրագրող, տասնյակ, հարյուրավոր ռեպորտաժներ եմ պատրաստել միջազգային հեռուստագործակալությունների համար: Արդյունքում` լույս են տեսել 7 ֆիլմեր, որոնք արտացոլում են ղարաբաղյան պատերազմի ժամանակագրությունը: Նույնիսկ այն մարդուն, ով ծանոթ չէ ղարաբաղյան իրադարձություններին, առաջին իսկ կադրերից հայտնի է դառնում, թե ինչպես է ծավալվել արցախյան հերոսամարտը»,¬ շեշտել է լրագրողը: Նրա խոսքով` դրանք բազմաթիվ հարցերի պատասխաններ են տալիս, խոսում ֆիդայական խմբերի մասին, որոնք ստիպված էին պաշտպանել յուրաքանչյուր գյուղը, և պատմում, թե ինչու է ստեղծվել արցախյան բանակը: «Այսօր` 20 տարի անց, ես հնարավորություն ունեմ հրատարակել իմ 7 ֆիլմերը երկու DVD սկավառակներում: Արցախյան ազատամարտի ժամանակագրությունը վեց լեզուներով` ռուսերեն, հայերեն, անգլերեն, ֆրանսերեն, իսպաներեն և բուլղարերեն»,¬ -հավելել է Պասկալևան: Նա նաև նշել է, որ ստորագրում է իր յուրաքանչյուր խոսքի տակ: Ցվետանա Պասկալևան հայտնի բուլղար լրագրողուհի է, ռեժիսոր, սցենարիստ և օպերատոր, Կինովավերագրողների միջազգային ասոցիացիայի անդամ: 1991թ. մայիսից փաստագրական ֆիլմեր է նկարահանել Լեռնային Ղարաբաղի հայերի և Ադրբեջանի միջև հակամարտության մասին: 7 ֆիլմ է նկարահանել Ղարաբաղի մասին:

Կարդալ ավելին 10-21-2015

Սահմանամերձ գյուղերում բնակարանաշինությունը հատուկ ուշադրության կենտրոնում է լինելու .ԼՂՀ վարչապետ
Սահմանամերձ գյուղերում բնակարանաշինությունը հատուկ ուշադրության կենտրոնում է լինելու .ԼՂՀ վարչապետ

Արցախի Հանրապետության վարչապետ Արայիկ Հարությունյանը հոկտեմբերի 9-ին այցելել է սահմանամերձ Մատաղիս և Թալիշ համայնքներ և հանդիպումներ ունեցել բնակիչների հետ: ԱՀ կառավարության աշխատակազմի տեղեկատվության և հասարակայնության հետ կապերի բաժնի փոխանցմամբ՝ համայնքապետները հակիրճ տվյալներ են ներկայացրել գյուղերի սոցիալ-տնտեսական դրության վերաբերյալ՝ անդրադառնալով վերջին շրջանում կատարված աշխատանքներին ու առկա խնդիրներին: Վարչապետը հետաքրքրվել է գյուղերի ժողովրդագրության և ենթակառուցվածքների իրավիճակով՝ ուրախություն հայտնելով, որ զգալի բնական աճ է նկատվում նշյալ համայնքներում: «Հանրապետության նախագահի հանձնարարականով՝ մոտակա օրերին շահագործման կհանձնվի Մատաղիսի ջրագիծը, իսկ Թալիշի ջրամատակարարման ներքին ցանցի կառուցումը կավարտենք հաջորդ տարի: Հատուկ ուշադրության տակ ենք պահելու այս երկու սահմանամերձ գյուղերի բնակարանաշինության խնդիրները. բնակիչներին աջակցելու ենք և՛ շինանյութ տրամադրելով, և՛ նոր բնակարաններ կառուցելով: Կքննարկենք նաև դպրոցների և մանկապարտեզների կառուցման ու վերանորոգման հարցերը և կտանք համապատասխան լուծումներ»,- ընդգծել է Ա. Հարությունյանը: Անդրադառնալով նշյալ համայնքներում գյուղատնտեսական աշխատանքների կազմակերպման հարցերին՝ գործադիրի ղեկավարը շեշտադրել է, որ, հաշվի առնելով Մատաղիսի և Թալիշի ռազմավարական նշանակությունը, կառավարությունը խոշոր ծրագրեր է իրականացնում տեղում: Բնակիչներին ուղղված խոսքում վարչապետը, մասնավորապես, ասել է. «Նպատակ ունենք խրախուսել այս գյուղերում կոոպերատիվ տնտեսությունների հիմնադրումն ու զարգացումը, և դուք արդեն տեսնում եք նախնական աշխատանքների արդյունքները: Հարյուրավոր հեկտար դաշտեր ոռոգովի ենք դարձրել, ներդրել ենք նորագույն տեխնոլոգիաներ, և ահա ունենք մեկ տարվա աշխատանքի արդյունքները: Ձեզնից ակնկալում ենք վստահություն նոր մոդելի հանդեպ և կատարվող աշխատանքների վերահսկողություն: Այս ամենը ձերն է, և ողջ շահույթն էլ արդարացիորեն բաշխվելու է բոլորիդ միջև»: Կառավարության ղեկավարը բնակիչների հետ քննարկել է իրավակազմակերպական նոր մոդելի հետ կապված որոշ մանրամասներ, ներկայացրել իր մոտեցումները, ինչպես նաև տվել հանձնարարականներ քննարկված հարցերի վերաբերյալ: Այցի ընթացքում վարչապետին ուղեկցում էին գյուղատնտեսության նախարար Արամ Մխոյանը, «Գյուղի և գյուղատնտեսության աջակցության» հիմնադրամի գործադիր տնօրեն Աշոտ Բախշիյանը, Մարտակերտի շրջվարչակազմի ղեկավար Վլադիկ Խաչատրյանը և պաշտոնատար այլ անձինք:

Կարդալ ավելին 10-11-2015

Երևանի և Ստեփանակերտի միջև ստորագրվել է 2015-2020 թթ. համագործակցության ծրագիր
Երևանի և Ստեփանակերտի միջև ստորագրվել է 2015-2020 թթ. համագործակցության ծրագիր

Երևանի քաղաքապետ Տարոն Մարգարյանը հանդիպել է «Էրեբունի-Երևան 2797» տոնակատարություններին մասնակցելու նպատակով Երևան այցելած ԼՂՀ մայրաքաղաք Ստեփանակերտի քաղաքապետ Սուրեն Գրիգորյանի հետ: Երևանի քաղաքապետարանի տեղեկատվության և հասարակայնության հետ կապերի վարչության փոխանցմամբ՝ շնորհակալություն հայտնելով Երևանի տոնը միասին նշելու հրավերն ընդունելու համար` Տարոն Մարգարյանը նկատել է, որ սա հայկական երկու պետությունների մայրաքաղաքների միջև հաստատված ամուր բարեկամության ևս մեկ ապացույց է և աշխարհին միասնական ներկայանալու հրաշալի հնարավորություն: «Ստեփանակերտի հետ համագործակցության ընդլայնումն ու ամրապնդումը մեզ համար ոչ միայն գործնական, այլև բարոյական մեծ նշանակություն ունի: Աշխատանքային խմբերի համագործակցված աշխատանքն անցած ժամանակահատվածում իսկապես եղել է նկատելի ու արդյունավետ, ինչն էլ, ըստ էության, այսօր արդեն հնարավորություն է ընձեռել ստորագրելու համագործակցության նոր համաձայնագիր: Համոզված եմ, որ հնգամյա ժամկետով ստորագրվող համագործակցության նոր ծրագիրը ևս կյանքի կկոչվի ամբողջությամբ, և համագործակցության շարունակականության շնորհիվ մենք կգրանցենք նշանակալի արդյունքներ: Իմ կողմից անչափ կարևորված է նաև համագործակցությունը վարչական շրջանների և ԼՂՀ շրջանների միջև ու պետք է նշեմ, որ այն ևս հաջող ընթացք ունի: Միայն այս տարվա ընթացքում ԼՂՀ են այցելել վարչական շրջանների 30-ից ավելի պատվիրակություններ, ու իրականացվում են բազմաթիվ ծրագրեր»,- ընդգծել է Տարոն Մարգարյանը: Ստեփանակերտի քաղաքապետ Սուրեն Գրիգորյանն էլ իր հերթին շնորհավորելով Տարոն Մարգարյանին Երևանի օրվա առթիվ, շնորհակալություն է հայտնել Երևանի և Ստեփանակերտի արդյունավետ համագործակցության ամրապնդման և ընդլայնման հարցում Երևանի քաղաքապետի կողմից ցուցաբերվող մշտական պատրաստակամության և ջանքերի համար: «Պարոն քաղաքապետ, այսօր իսկապես հաճելի է արձանագրել, որ երկուստեք մեր փոխգործակցությունը բոլոր ուղղություններով զարգանում է արդյունավետ, գրանցվող հաջողություններն էլ իսկապես շոշափելի են: Եվ այդ ամենում, անշուշտ, շատ մեծ է Ձեր անձնական ներդրումը, ինչի համար մեկ անգամ ևս ուզում եմ իմ և բոլոր ստեփանակերտցիների անունից ի դեմս Ձեզ շնորհակալություն հայտնել Երևանի քաղաքապետարանի ողջ աշխատակազմին՝ երկու մայրաքաղաքների արդյունավետ համագործակցությունն ամրապնդելու և ընդլայնման հարցում ցուցաբերվող մշտական պատրաստակամության ու ջանքերի համար: Օգտվելով առիթից` ուզում եմ առանձնակի կարևորել նաև Երևանի վարչական շրջանների և ԼՂՀ շրջանների միջև հաստատված համագործակցությունը, որը ևս Ձեր նախաձեռնությունն էր ու արդյունավետորեն կյանքի է կոչվում»,- նշել է Սուրեն Գրիգորյանը: Այնուհետ երկու քաղաքապետերը ստորագրել են Երևանի և Ստեփանակերտի միջև համագործակցության նոր՝ հնգամյա ծրագիրը, համաձայն որի նախատեսվում է քաղաքային տնտեսության մի շարք ոլորտներում շարունակել ծավալել գործընկերային սերտ փոխգործակցություն, ինչպես նաև երկու քաղաքներում գործող կազմակերպությունների և գործարար շրջանակների միջև առկա կապերի ամրապնդում:

Կարդալ ավելին 10-11-2015

Ադրբեջանը դիվերսիա է ձեռնարկել եւ հետ է շպրտվել. ԼՂՀ ՊԲ
Ադրբեջանը դիվերսիա է ձեռնարկել եւ հետ է շպրտվել. ԼՂՀ ՊԲ

Հոկտեմբերի 10-ի գիշերը` ժամը 03.05-ի սահմանում ղարաբաղա-ադրբեջանական հակամարտ զորքերի շփման գծի հյուսիսարեւելյան հատվածում (Թալիշի ուղղությամբ) հակառակորդի կողմից ձեռնարկվել է դիվերսիոն-հետախուզական ներթափանցման փորձ: ԼՂՀ ՊՆ մամուլի ծառայության փոխանցմամբ՝ ՊԲ դիրքապահ ուժերը ժամանակին հավաստանշելով ադրբեջանական դիվերսիոն խմբի առաջխաղացումը, դիմել են կանխարգելիչ գործողությունների եւ վերջինիս հասցնելով կորուստներ, հետ շպրտել իր ելման դիրքերը: Ծավալված մարտերի ընթացքում ՊԲ-ն կորուստներ չի կրել: Բացի վերոնշյալ գործողությունից հակառակորդը տարբեր տրամաչափի զինատեսակներից շփման գծի ողջ երկարությամբ հրադադարի պահպանման ռեժիմը խախտել է շուրջ 150 անգամ: ՊԲ առաջապահ ստորաբաժանումների կողմից ձեռնարկված պատասխան գործողություններից հետո շփման գծի ողջ երկայնքով ադրբեջանական բանակի ակտիվությունը ճնշվել է:

Կարդալ ավելին 10-11-2015

ՀԱՊԿ գլխավոր քարտուղար. Հայաստանի բանակը լիովին ունակ է ապահովելու երկրի անվտանգությունը
ՀԱՊԿ գլխավոր քարտուղար. Հայաստանի բանակը լիովին ունակ է ապահովելու երկրի անվտանգությունը

Հայաստանի զինված ուժերը լիովին ունակ են ապահովելու իրենց երկրի անվտանգությունն ու տարածքային ամբողջականությունը: «Բաղրամյան» զորավարժարանում այս մասին լրագրողների հետ զրույցում ասաց Հավաքական անվտանգության Պայմանագրի կազմակերպության գլխավոր քարտուղար Նիկոլայ Բորդյուժան` պատասխանելով հարցին, թե ինչու ՀԱՊԿ-¬ն չի միջամտում սահմանին տիրող իրավիճակին: «Ես կարծում եմ, որ Հայաստանի բանակն ունի բոլոր հնարավորությունները երկրի անվտանգությունը, կայունությունը եւ տարածքային ամբողջականությունն ապահովելու համար»,¬ ասաց նա: Հարցին, թե որ պահին ՀԱՊԿ¬-ն կմիջամտի, Բորդյուժան պատասխանեց, որ Կազմակերպությունը միջամտում է այն դեպքերում, երբ ՀԱՊԿ անդամ պետություններից մեկն ի զորու չի լինում ապահովել սեփական անվտանգությունը եւ կայունությունը երկրում: «Այստեղ կարեւոր է նաեւ այն հանգամանքը, որ պետությունը պետք է անձամբ դիմի ՀԱՊԿ-ին` օգնության խնդրանքով: Եթե պետությունը դիմում է նման խնդրանքով, Հավաքական անվտանգության խորհուրդը քննարկում է այդ երկրին օգնություն տրամադրելու հարցը: Դա կարող է լինել քաղաքական, ֆինանսական, կամ ռազմական օգնություն: Ամեն ինչ կախված է Անվտանգության խորհրդի որոշումից, բայց հիմքում այն կարեւոր հանգամանքն է, որ պետք է պետությունն անձամբ օգնության խնդրանքով դիմի»,¬ -հավելեց նա:

Կարդալ ավելին 10-07-2015

Սեյրան Օհանյանն ու Նիկոլայ Բորդյուժան գոհ են «Անխախտելի եղբայրություն 2015» զորավարժություններից
Սեյրան Օհանյանն ու Նիկոլայ Բորդյուժան գոհ են «Անխախտելի եղբայրություն 2015» զորավարժություններից

Հայաստանի պաշտպանության նախարար Սեյրան Օհանյանն ու ՀԱՊԿ գլխավոր քարտուղար Նիկոլայ Բորդյուժան գոհ են «Անխախտելի եղբայրություն 2015» զորավարժություններից: Սեյրան Օհանյանի խոսքով, առաջադրված խնդիրները հաջողությամբ կատարվել են: Նա հիշեցրեց, որ այդպիսի զորավարժություն Հայաստանում առաջին անգամ է անցկացվում: Նախարարը նաեւ հիշեցրեց տարածաշրջանում տիրող բարդ ռազմաքաղաքական իրադրության մասին՝ այդ համատեքստում նշելով խաղաղության պահպանման կարեւորությունը: Նիկոլայ Բորդյուժան եւս գոհունակություն հայտնեց կայացած զորավարժությունների առիթով եւ նշեց, որ ՀԱՊԿ հավաքական անվտանգության խորհուրդը հատուկ նշանակություն է տալիս կազմակերպության ուժային համակարգի զարգացմանն ու արդյունավետության բարձրացմանը: ՀԱՊԿ գլխավոր քարտուղարը հավելեց, որ Հայաստանի պաշտպանության նախարարությունը մեծ աշխատանք է իրականացրել, այդ թվում՝ տարբեր պետությունների ստորաբաժանումների ժամանման եւ տեղակայման կազմակերպման հարցում: Նշենք, որ զորավարժություններն անցկացվում էին սեպտեմբերի 30-ից հոկտեմբերի 4-ը: Դրանց մասնակցում էր ՀԱՊԿ անդամ-պետություններից 600 ներկայացուցիչ եւ 50 միավոր տեխնիկա:

Կարդալ ավելին 10-07-2015

Հակառակորդն անպատիժ չի մնացել, հայական կողմի ձեռնարկած քայլերը լինելու են ավելի հուժկու, հետևանքները՝ ցավոտ. ԼՂՀ ՊՆ
Հակառակորդն անպատիժ չի մնացել, հայական կողմի ձեռնարկած քայլերը լինելու են ավելի հուժկու, հետևանքները՝ ցավոտ. ԼՂՀ ՊՆ

ՊԲ օպերատիվ տվյալների համաձայն, սեպտեմբերի 27-ից հոկտեմբերի 3-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 900 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60, 82 և 120 մմ-ոց ականանետերից ու ՌՊԳ-7, ՍՊԳ-9 և ՀԱՆ-17 տիպի նռնականետերից, հայ դիրքապահների ուղղությամբ արձակվել է ավելի քան 9000 կրակոց: Նշված ժամանակահատվածում հայկական դիրքերի ուղղությամբ հակառակորդը կիրառել է TR-107 տիպի ռեակտիվ հրթիռահրետանային կայանք: ՊԲ առաջապահ զորամասերը տիրապետում են օպերատիվ-մարտավարական իրադրությանը և անհրաժեշտության դեպքում դիմում կանխարգելիչ և պատժիչ գործողությունների: Ընդհանուր առմամբ սեպտեմբեր ամսում հակառակորդի կողմից հրադադարի պահպանման ռեժիմը խախտվել է շուրջ 4000 անգամ, որի ընթացքում հայ դիրքապահների ուղղությամբ արձակվել է ավելի քան 60.000 կրակոց, այդ թվում՝ 60 մմ ականանետից /1566 արկ/, 82մմ ականանետից /733 արկ/, 120մմ ականանետից /51 արկ/, ՌԳԳ-7 տիպի նռնականետից /54 արկ/, ՀԱՆ-17 տիպի նռնականետից /828 արկ/, ՍՊԳ-9 տիպի նռնականետից /9 արկ/, TR-107 հրթիռահրետանային կայանքից /168 արկ/ և 122մմ Դ-30 հաուբից հրանոթից /30 արկ/: Ի դեպ, որ ղարաբաղա-ադրբեջանական հակամարտ զորքերի շփման գծում տարբեր զինատեսակներից, այդ թվում նաև 60, 82, 120 միլիմետրանոց ականանետերից ու TR-107 տիպի ռեակտիվ հրետանային միջոցներից հրադադարի ռեժիմը պարբերաբար խախտվում էԱդրբեջանի զինված ուժերի կողմից, թերևս ավելի խոսուն ապացույց չի կարող լինել, քան հենց Բաքվի պաշտոնական ու ոչ պաշտոնական էլեկտրոնային լրատվամիջոցներում տվյալ արկակոծումների վերաբերյալ հաճախակի տեղադրվող տեսագրություններն են: Նման ցինիկ պահվածքը մեկ անգամ ևս փաստում է, որ իրեն զոհի կարգավիճակում անընդհատ ներկայացնող ադրբեջանական կողմը առաջնային գծում ստեղծված աննախադեպ լարվածության իրական կրողն ու պատասխանատուն է, իսկ ներկայացվող տեսագրությունները ոչ այլ ինչ են, քան հիմնախնդրի խաղաղ կարգավորմամբ զբաղվող միջազգային կառույցների համար իրական մեղավորին ճանաչելու և մատնացույց անելու հերթական առիթ: Հակառակորդի ոչ մի նախահարձակ գործողություն անպատիժ չի մնացել, իսկ իրերի նման դասավորության շարունակման դեպքում հայական կողմի ձեռնարկած քայլերը լինելու են ավելի հուժկու, հետևանքները՝ ցավոտ:

Կարդալ ավելին 10-03-2015

Ադրբեջանը ստանձնել է զինադադարի խախտման պատասխանատվությունը. Նալբանդյան
Ադրբեջանը ստանձնել է զինադադարի խախտման պատասխանատվությունը. Նալբանդյան

Լեռնային Ղարաբաղի վերաբերյալ ԵԱՀԿ Մինսկի խմբի համանախագահողները հստակ հայտարարություն են արել, որում կողմերին կոչ են անում համաձայնել Հայաստանի եւ Ադրբեջանի սահմանի, ինչպես նաեւ Ղարաբաղի եւ Ադրբեջանի շփման գծի երկայնքով տեղի ունեցող միջադեպերի հետաքննության մեխանիզմի ստեղծմանը,-«Ամերիկայի ձայն»-ին տված հարցազրույցում հայտարարել է Հայաստանի Արտգործնախարար Էդվարդ Նալբանդյանը։ Նրա խոսքով, ինչպես Հայաստանը, այնպես էլ Ղարաբաղը արդեն մի քանի տարի է՝ հայտարարում են, որ համաձայն են նման մեխանիզմի ստեղծմանը, իսկ Ադրբեջանը միշտ հրաժարվում է։ «Այս անգամ կողմերին հստակ կոչ է արվել իրենց համաձայնությունը տալ, եւ Հայաստանը դրականորեն է պատասխանել։ Այո, մենք համաձայն ենք քննարկել այդ մեխանիզմի ստեղծման մանրամասները, մինչդեռ Ադրբեջանը, ըստ էության, դարձյալ հրաժարվեց։ Իրականությունն այն է, որ նման մեխանիզմ ստեղծելուց հրաժարվելով՝ Ադրբեջանը պատասխանատվություն է ստանձնում սահմանային միջադեպերի եւ հրադադարի խախտման դեպքերի համար»,-նշել է Հայաստանի արտգործնախարարը։ Ինչպես նշել է Հայաստանի արտաքին գերատեսչության ղեկավարը, կարգավորման այլ ճանապարհ չկա․ «Բանակցային գործընթացը պիտի շարունակվի, որովհետեւ այլընտրանք չունի»։ Նախարարը միաժամանակ հիշեցրել է, որ միջնորդները, որոնք ավանդաբար փորձում են չեզոք հայտարարություններ անել, ստիպված են եղել անմիջականորեն նշել Ադրբեջանի խախտումները, ինչից հետո Բաքուն անցել է կարմիր գիծը։ «Ընթացիկ տարվա հունվարին թիրախային եւ հստակ հայտարարություններ եղան, որոնցում Ադրբեջանին ուղղված կոչ կար՝ ձեռնպահ մնալ համանախագահողներին քննադատելուց եւ շարունակել բանակցային գործընթացը։ Նաեւ կոչ կար վերջ դնել հրադադարի խախտումներին, եւ դա ուղղակի թիրախային կոչ էր։ Միջազգային հանրությունը արդեն լավ գիտի, թե ով է խախտողը եւ հրաշալիորեն տեղեկացված է, թե ով է հրաժարվում այնպիսի մեխանիզմներ ստեղծել, որոնք կծառայեն ոչ միայն հետաքննությանը, այլեւ միջադեպերի կանխարգելմանը »,-ավելացրել է նախարար Նալբանդյանը։ Նրա խոսքով, շուտով տեղի կունենա ԵԱՀԿ Մինսկի խմբի համանախագահողների հերթական այցը տարածաշրջան։ Բացի այդ, կողմերը քննարկում են նախարարների մակարդակով եւ միջազգային միջնորդների մասնակցությամբ բանակցությունների հերթական փուլի կազմակերպումը։ Անդրադառնալով Հայաստանի ու Ադրբեջանի նախագահների հանդիպման հեռանկարներին, Նալբանդյանը նշել է, որ Հայաստանը մշտապես կողմ է եղել ամենաբարձր մակարդակի հանդիպումներին, այդ թվում՝ նախագահների միջեւ, սակայն նման հանդիպումները անհրաժեշտ է նախապատրաստել եւ «թե այդ կարգի հանդիպումներ, թե այլ հանդիպումներին չեն նպաստում հրադադարի խախտումներն ու լարվածության ավելացումը, որի պատճառն Ադրբեջանն է»:

Կարդալ ավելին 10-02-2015

Մեր անվտանգության երաշխավորը ոչ թե ՀԱՊԿ-ն է, այլ մեր հավաքական ուժը. Արթուր Աղաբեկյան
Մեր անվտանգության երաշխավորը ոչ թե ՀԱՊԿ-ն է, այլ մեր հավաքական ուժը. Արթուր Աղաբեկյան

ԼՂՀ փոխվարչապետ Արթուր Աղաբեկյանը Tert.am-ի հետ զրույցում ասում է, որ Հայաստանի անվտանգության թիվ մեկ երաշխավորը ոչ թե ՀԱՊԿ-ն է, այլ մեր հավաքական ուժը: Ինչպես և ՀՀ ԶՈւ Գլխավոր շտաբի պետ Յուրի Խաչատուրովը, Արթուր Աղաբեկյանը ևս դժգոհ է, որ մեր սահմանին կատարվող իրադարձությունների կապակցությամբ ՀԱՊԿ-ն որևէ հայտարարություն չի անում: - Պարո՛ն Աղաբեկյան, ՀՀ ԶՈՒ շտաբի պետ Յուրի Խաչատուրովը դժգոհել էր, որ անշուշտ, ցանկալի կլիներ, որ ՀԱՊԿ անդամ երկրները Ադրբեջանի հարձակումների առնչությամբ ավելի ակտիվ լինեին, մինչդեռ, մեջբերում ենք, «առայժմ, ցավոք, լուրջ արձագանք չկա»: Կիսու՞մ եք այդ կարծիքը: - Գլխավոր շտաբի պետը շատ ճիշտ ձևակերպում է տվել: Մի բան է, երբ հասարակական կարծիք է ձևավորվում, որ Հայաստանի դեմ ագրեսիայի հաջորդ օրն իսկ ՀԱՊԿ-ի ուժերը պետք է իրենց վրա վերցնեն Հայաստանի ռազմական անվտանգության խնդիրը, բայց մյուս կողմից, անգամ որպես ռազմաքաղաքական դաշինք, ՀԱՊԿ-ը պարտավոր է իր գնահատականը տալ այն ամենին, ինչն այսօր տեղի է ունենում Հայաստանի Հանրապետության սահմաններում: Եվ այս առումով, իսկապես իրավացի է ՀՀ ԶՈԻ գլխավոր շտաբի պետը: - Նաև վերջին շրջանում ռուս փորձագիտական շրջանակների կողմից նշվելով, թե կազմակերպությունն իր դերը կկատարի հայկական զինուժի պաշտպանողունակությունը բավարար մակարդակի հասցնելու գործում, նաև ընդգծվեց, որ Հայաստանի ռազմական դոկտրինում գրված է, որ «Հայաստանի Հանրապետությունը արտաքին ագրեսիայի` հարձակման դեպքում նախևառաջ, պետք է անսա սեփական ուժերի վրա»: Իրո՞ք այդպես է նախատեսված, որովհետև մինչև հիմա ասում էին, այ, որ Հայաստանի վրա հարձակվեն, նոր, հիմա պարզվում է, որ մեջբերվում է մեր դոկտրինը: - Մեր դոկտրինը մշակվել է ճիշտ ժամանակին և մեր դոկտրինը վերջնական տեսքով` որպես ռազմավարական փաստաթուղթ ներկայացվել է հենց այն շրջանում, երբ արդեն տեսանելի էին մեր ոչ բարեկամ հարևանների գործողությունները: Այդ առումով, մեր դոկրտինն արտացոլում է այն տրամադրությունը, որ պետք է ապավինենք մեր ուժին, իսկ եթե ՀԱՊԿ անդամ պետությունների փորձագետները հղում են անում մեր դոկտրինին, կարծում եմ` նրանք այդ հղումը անելուց նաև պետք է իրենց կարծիքը հայտնեն ՀԱՊԿ-ի գործողությունների ու դիրքորոշման վերաբերյալ: -Այս ամենից կարելի՞ է եզրակացնել, որ ՀԱՊԿ-ը, որպես անվտանգության համակարգ, կորցրել է իր ֆունկցիոնալ նշանակությունը: -Ես այդպիսի ձևակերպում չէի անի, թե՛ ՀԱՊԿ-ը, թե՛ ՆԱՏՕ-ն ռազմաքաղաքական կառույցներ են: Իսկ ռազմաքաղաքական կառույցներում ձեռք բերված համաձայնությունները գործում են միայն փոխադարձ շահի առկայության պայմաններում և այդ առումով` չի կարելի ՀԱՊԿ-ը դիտարկել մեր երկրի անվտանգության թիվ մեկ երաշխավորը: Այ, երբ մեր հասարակությունը, քաղաքական գործիչները, մեր իշխանությունը, միայն ու միայն բարձրաձայնենք, որ թիվ մեկ երաշխավորը մենք ենք, մեր հավաքական ուժն է, ապա թե՛ ՀԱՊԿ-ն իր հստակ տեղը կունենա մեր հասարակության մեջ, թե՛ ՆԱՏՕ-ն, թե՛ երկկողմ միջպետական համաձայնագրերը, որոնք մեր կյանքում ֆիքսել ենք անկախության տարիներից ի վեր:

Կարդալ ավելին 10-02-2015

Հակառակորդի կողմից հրադադարի պահպանման ռեժիմը խախտվել է ավելի քան 80 անգամ
Հակառակորդի կողմից հրադադարի պահպանման ռեժիմը խախտվել է ավելի քան 80 անգամ

Ղարաբաղա-ադրբեջանական հակամարտ զորքերի շփման գծում հոկտեմբերի 1-ին և լույս 2-ի գիշերը հակառակորդի կողմից հրադադարի պահպանման ռեժիմը խախտվել է ավելի քան 80 անգամ, որի ընթացքում տարբեր տրամաչափի հրաձգային զինատեսակներից, ինչպես նաև 60 (28 արկ) և 82 (31 արկ) մմ-ոց ականանետերից ու ՀԱՆ-17 (20 արկ) տիպի նռնականետից հայ դիրքապահների ուղղությամբ արձակվել է շուրջ 1300 կրակոց: ԼՂՀ պաշտպանության նախարարության մամուլի ծառայության փոխանցմամբ՝ ՊԲ առաջապահ զորամասերը շարունակում են վստահորեն իրականացնել մարտական հերթապահություն՝ անհրաժեշտության դեպքում դիմելով նաև պատասխան գործողությունների:

Կարդալ ավելին 10-02-2015

Հաջողությունների կարելի է հասնել միայն ԶՈՒ առջև ծառացած խնդիրների հետևողական աշխատանքի արդյունքում. Ս. Օհանյան
Հաջողությունների կարելի է հասնել միայն ԶՈՒ առջև ծառացած խնդիրների հետևողական աշխատանքի արդյունքում. Ս. Օհանյան

Հատկապես նման իրավիճակում հայկական զինված ուժերում հաջողությունների կարելի է հասնել միայն զինված ուժերի առջև ծառացած խնդիրների հետևողական իրականացմանը նպատակաուղղված հմուտ, գրագետ, բանիմաց հրամանատարական կազմի համապատասխան աշխատանքի արդյունքում: ՊՆ լրատվական ծառայության հաղորդմամբ՝ այսօր ՀՀ ՊՆ վարչական համալիրում տեղի ունեցած պաշտպանության նախարարին կից կոլեգիայի հերթական նիստի ժամանակ ասել է պաշտպանության նախարար Սեյրան Օհանյանն՝ անդրադառնալով ներկայիս աշխարհաքաղաքական և տարածաշրջային իրադարձությունների զարգացման ընթացքին: Նիստի ժամանակ անդրադարձ է կատարվել արհեստավարժ սերժանտական համակարգի ներկայիս վիճակին, հրամատարական պատրաստության գործող ծրագրերի, դրանց կատարելագործման և առավել նպատակային դարձնելու հարցերին: Ամփոփելով նիստի աշխատանքները և ի մի բերելով զեկույցներում հնչած փաստերն ու հետևությունները` նախարար Սեյրան Օհանյանը զինված ուժերի մարտունակության առավել բարձրացման առումով ևս մեկ անգամ կարևորել է սպաների մասնագիտական պատրաստության գործընթացի արդյունավետ կազմակերպման անհրաժեշտությունը:

Կարդալ ավելին 09-25-2015

Արցախում հակառակորդի հրետակոծությունից չորս զինվոր է մահացել
Արցախում հակառակորդի հրետակոծությունից չորս զինվոր է մահացել

Սեպտեմբերի 25-ին` ժամը 17:30-ի սահմաններում, ադրբեջանական զինուժի կողմից թուրքական արտադրության TR-107 կայանքներից հրթիռահրետանային արկակոծման է ենթարկվել ՊԲ-ի հյուսիս-արեւելյան ուղղությամբ տեղակայված զորամասերից մեկի պահպանության տեղամասը, որի արդյունքում բեկորային մահացու վիրավորում են ստացել ՊԲ զինծառայողներ Նորայր Միքայելի Խաչատրյանը (ծնված 1995թ.), Ռոբերտ Սուրենի Մկրտչյանը (ծնված 1995թ.), Հարութ Մաքսիմի Հակոբյանը (ծնված 1997թ.) եւ Կարեն Գեւորգի Շահինյանը (ծնված 1997թ.): ԼՂՀ ՊՆ մամուլի ծառայության փոխանցմամբ՝ կան վիրավորներ: Դեպքի մանրամասները պարզելու համար կատարվում է քննություն: ԼՂՀ պաշտպանության նախարարությունը կիսում է կորստյան ծանր վիշտը եւ իր զորակցությունը հայտնում մահացած զինծառայողների ընտանիքների անդամներին, հարազատներին եւ ծառայակիցներին:

Կարդալ ավելին 09-25-2015

Հակառակորդը շարունակում է ինտենսիվորեն խախտել հրադադարի պահպանման ռեժիմը
Հակառակորդը շարունակում է ինտենսիվորեն խախտել հրադադարի պահպանման ռեժիմը

Սեպտեմբերի 24-ին և լույս 25-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով հակառակորդը շարունակել է ինտենսիվորեն խախտել հրադադարի պահպանման ռեժիմը: ԼՂՀ ՊՆ մամուլի ծառայության փոխանցմամբ՝ նշված ժամանակահատվածում հակառակորդի կողմից հրադադարի պահպանման ռեժիմը խախտվել է շուրջ 260 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 և 82 մմ-ոց ականանետերից ու ՌՊԳ-7, ՀԱՆ-17 և ՍՊԳ-9 տիպի նռնականետերից, հայ դիրքապահների ուղղությամբ արձակվել է ավելի քան 4000 կրակոց: Վերոնշված զինատեսակներից բացի հայկական դիրքերի ուղղությամբ հակառակորդը կիրառել է նաև թուրքական արտադրության TR-107 տիպի ռեակտիվ հրթիռահրետանային կայանք: ՊԲ առաջապահ զորամասերի կողմից ձեռնարկված պատասխան գործողությունների արդյունքում` հակառակորդի ակտիվությունը ճնշվել է: ՊԲ առաջապահ զորամասերը տիրապետում են օպերատիվ իրադրությանը և շարունակում վստահորեն իրականացնել մարտական հերթապահություն:

Կարդալ ավելին 09-25-2015

Էվանս. Ղարաբաղին բանակցային գործընթացում ներգրավելու անհրաժեշտություն կարող է առաջանալ
Էվանս. Ղարաբաղին բանակցային գործընթացում ներգրավելու անհրաժեշտություն կարող է առաջանալ

Բանակցությունների որոշակի փուլում կարող է Լեռնային Ղարաբաղի իշխանություններին այդ գործընթացին որպես լիարժեք կողմ ներգրավելու անհրաժեշտություն առաջանալ: NEWS.am-ի փոխանցմամբ՝ «Երկխոսություն» Միջազգային մամուլի կենտրոն» նախագծի շրջանակում անցկացված առցանց մամուլի ասուլիսի ժամանակ այս մասին հայտարարեց Հայաստանում ԱՄՆ նախկին դեսպան Ջոն էվանսը՝ անդրադառնալով Լեռնային Ղարաբաղի բանակցային գործընթացի ներկա փուլի եւ հիմնախնդրի կարգավորման հեռանկարների մասին թղթակցի հարցին: Նրա խոսքով, ԵԱՀԿ Մինսկի խմբի շրջանակում բանակցություններում դանդաղ առաջընթացը բազմաթիվ հետազոտողների վրդովմունքի առիթ է դարձել, սակայն դիվանագիտությունն ըստ էության ժամանակ է պահանջում: «Երբ պայմանագրի հիմնական տարրերը համաձայնեցեն, իրադարձություններն ավելի արագ կընթանան: Երկու կողմերն էլ պետք է փոխհամաձայնության կարիք ունենան, եւ կողմերից ոչ մեկը չի ստանա այն, ինչ կցանկանար»,- հավելեց Ջոն Էվանսը:

Կարդալ ավելին 09-25-2015

ՊԲ առաջապահ զորամասերի պատասխան գործողությունների արդյունքում հակառակորդի ակտիվությունը լռեցվել է
ՊԲ առաջապահ զորամասերի պատասխան գործողությունների արդյունքում հակառակորդի ակտիվությունը լռեցվել է

ՊԲ օպերատիվ տվյալների համաձայն, սեպտեմբերի 13-ից 19-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 1000 անգամ, որի ընթացքում տարբեր տրամաչափի հրաձգային զինատեսակներից, ինչպես նաև 60, 82 և 120 մմ-ոց ականանետերից ու ՌՊԳ-7 և ՀԱՆ-17 տիպի նռնականետերից, հայ դիրքապահների ուղղությամբ արձակվել է ավելի քան 16000 կրակոց: ԼՂՀ ՊՆ մամուլի ծառայության փոխանցմամբ` նշված ժամանակահատվածում հայկական դիրքերի ուղղությամբ, հակառակորդը կիրառել է նաև թուրքական արտադրության TR-107 տիպի ռեակտիվ հրթիռահրետանային կայանք:

Կարդալ ավելին 09-20-2015

Ամփոփվել են ՏԻՄ ընտրությունների վերջնական արդյունքները
Ամփոփվել են ՏԻՄ ընտրությունների վերջնական արդյունքները

2015թ. սեպտեմբերի 13-ին կայացած տեղական ինքնակառավարման մարմինների ընտրություններին մասնակցել է Արցախի Հանրապետության ընտրողների 55,9 %-ը կամ 52 787 ընտրող: Այս ցուցանիշը 2011թ. ՏԻՄ ընտրությունների համապատասխան ցուցանիշին հարաբերականորեն զիջում է ընդամենը 0,7 %-ով: Ընտրություններ, ընդ որում` հերթական և արտահերթ, անցկացվել են հանրապետության համայնքների գրեթե 91 %-ում (139 համայնքում` միաժամանակ համայնքի ղեկավարի և ավագանու, 5-ում՝ միայն համայնքի ղեկավարի և 63-ում միայն ավագանու անդամների ընտրություններ): Ընտրությունների անցկացման հիմք են հանդիսացել ԼՂՀ կառավարության 2015թ. հունիսի 29-ի N 396-Ն և N 397-Ն, 2015թ. հուլիսի 11-ի N 449-Ն որոշումները: Դրանց հիման վրա ԼՂՀ կենտրոնական ընտրական հանձնաժողովը ս.թ. հուլիսի 20-ին հաստատել է ընտրությունների նախապատրաստման և անցկացման հիմնական միջոցառումների ժամանակացույցը, համակարգել և իրականացրել այդ աշխատանքները` 8 տարածքային և 252 տեղամասային ընտրական հանձնաժողովների, շահագրգիռ գերատեսչությունների հետ համատեղ: Տեղական ինքնակառավարման մարմինների ընտրություններին մասնակցելու համար գրանցվել են համայնքի ղեկավարի 240 և համայնքի ավագանու անդամի 1241 թեկնածուներ: Առաջադրումներն իրականացվել են հիմնականում ինքնաառաջադրման կարգով: Միայն Ստեփանակերտի քաղաքային համայնքի ղեկավարի մեկ թեկնածու առաջադրել է Լեռնային Ղարաբաղի կոմունիստական կուսակցությունը: Ընտրություններին մասնակցել են 144 համայնքներում գրանցված համայնքի ղեկավարի 235 (71 համայնքում` 1-ական, 59-ում՝ 2-ական, 11-ում՝ 3-ական, 2-ում՝ 4-ական և 1-ում 5 թեկնածու) և 202 համայնքներում գրանցված համայնքի ավագանու անդամի 1235 թեկնածուներ: Ընտրված 144 համայնքի ղեկավարներից 103-ը կամ ընտրվածների 71,5 %-ը գործող համայնքի ղեկավարներ են: Չեն վերընտրվել 22 համայնքների գործող համայնքի ղեկավարներ: Ընտրված համայնքի ղեկավարներն ըստ կուսակցական պատկանելության ունեն հետևյալ բաշխվածությունը. <<Ազատ հայրենիք>> կուսակցություն` 36 մարդ կամ ընտրվածների 25%-ը, Արցախի Ժողովրդավարական Կուսակցություն`16 մարդ կամ ընտրվածների 11,1 %-ը, <<Հայ Հեղափոխական Դաշնակցություն>> կուսակցություն`14 մարդ կամ ընտրվածների 9,7%-ը, Անկուսակցական` 78 մարդ կամ ընտրվածների 54,2 %-ը: Նորընտիր համայնքի ղեկավարների մեծ մասը` 96,5%-ը (139 մարդ) արական սեռի ներկայացուցիչներ են: ԼՂՀ ընտրական օրենսգրքի 128-րդ պահանջներին համապատասխան` տվյալ համայնքի ընտրողների թվի հաշվառմամբ, հանրապետության 202 համայնքներում ավագանու անդամների թեկնածուներից ընտրվել են 1023-ը, ընդ որում` ըստ նրանց կուսակցական պատկանելության պատկերը հետևյալն է. <<Ազատ հայրենիք>> կուսակցություն` 172 մարդ կամ ընտրվածների 16,8 %-ը, Արցախի Ժողովրդավարական Կուսակցություն`26 մարդ կամ ընտրվածների 2,5%-ը, <<Հայ Հեղափոխական Դաշնակցություն>> կուսակցություն`22 մարդ կամ ընտրվածների 2,2%-ը, Լեռնային Ղարաբաղի կոմունիստական կուսակցություն` 6 մարդ կամ ընտրվածների 0,6 %-ը, Անկուսակցական` 796 մարդ կամ ընտրվածների 77,8 %-ը: Ընտրված համայնքի ավագանու անդամների 12,5 %-ը (128 մարդ) իգական սեռի ներկայացուցիչներ են: ԼՂՀ կենտրոնական ընտրական հանձնաժողով

Կարդալ ավելին 09-20-2015

«Ազատ հայրենիք»-ը կրկին առաջատարն է
«Ազատ հայրենիք»-ը կրկին առաջատարն է

Սեպտեմբերի 13-ին Արցախում կայացած տեղական ինքնակառավարման մարմինների ընտրություններում հաջողության հասած թեկնածուների մեծ մասը «Ազատ հայրենիք» կուսակցությունից են։ Ինչպես «Արցախպրես»-ին հայտնեցին ԼՂՀ Կենտրոնական ընտրական հանձնաժողովից, «Ազատ հայրենիք» կուսակցությունից համայնքի ղեկավար է ընտրվել 36 մարդ կամ ընտրվածների 25%-ը, Արցախի Ժողովրդավարական Կուսակցություն`16 մարդ կամ ընտրվածների 11,1 %-ը, «Հայ Հեղափոխական Դաշնակցություն» կուսակցություն`14 մարդ կամ ընտրվածների 9,7%-ը, Անկուսակցական` 78 մարդ կամ ընտրվածների 54,2 %-ը: Նորընտիր համայնքի ղեկավարների մեծ մասը` 96,5%-ը (139 մարդ) արական սեռի ներկայացուցիչներ են: ԼՂՀ ընտրական օրենսգրքի 128-րդ պահանջներին համապատասխան` տվյալ համայնքի ընտրողների թվի հաշվառմամբ, հանրապետության 202 համայնքներում ավագանու անդամների թեկնածուներից ընտրվել են 1023-ը, ընդ որում` ըստ նրանց կուսակցական պատկանելության այստեղ ևս «Ազատ հայրենիք»-ը անվիճելի առաջատարն է: Մասնավորապես .«Ազատ հայրենիք» կուսակցությունից ավագանու անդամի թեկնածու է ընտրվել 172 մարդ կամ ընտրվածների 16,8 %-ը, Արցախի Ժողովրդավարական Կուսակցություն`26 մարդ կամ ընտրվածների 2,5%-ը, «Հայ Հեղափոխական Դաշնակցություն» կուսակցություն`22 մարդ կամ ընտրվածների 2,2%-ը, Լեռնային Ղարաբաղի կոմունիստական կուսակցություն` 6 մարդ կամ ընտրվածների 0,6 %-ը, Անկուսակցական` 796 մարդ կամ ընտրվածների 77,8 %-ը: Ընտրված համայնքի ավագանու անդամների 12,5 %-ը (128 մարդ) իգական սեռի ներկայացուցիչներ են: Նշենք, որ սույն թվականի մայիսի 3-ին կայացած խորհրդարանական ընտրություններում «Ազատ հայրենիք» կուսակցությունը համամասնական ընտրակարգով ստացել է ընդհանուր ձայների 47,7 տոկոսը:

Կարդալ ավելին 09-18-2015

Արցախից Տավուշի սահմանագոտի է մեկնել հարյուր ազատամարտիկ
Արցախից Տավուշի սահմանագոտի է մեկնել հարյուր ազատամարտիկ

Այսօր վաղ առավոտյան, Արցախի ազատամարտիկների միության (ԱԱՄ) նախաձեռնությամբ Ստեփանակերտից Հայաստանի Հանրապետության հյուսիս-արևելյան՝ Տավուշի սահմանագոտի է մեկնել հարյուր ազատամարտիկ՝ ԼՂՀ վարչապետ Արայիկ Հարությունյանի և միության նախագահ Սամվել Կարապետյանի գլխավորությամբ: «Արցախպրես»-ի թղթակիցն այդ կապակցությամբ մեկնելուց առաջ զրուցել է ազատամարտիկների հետ՝ նրանց տրամադրվածության և նպատակների մասին, որը ներկայացնում ենք ստորև. Սամվել Աղաջանյան, Արցախի ազատամարտիկների միության Ասկերանի տարածքային միավորման նախագահ - Մենք պատրաստ ենք «Մեկ ազգ, մեկ հայրենիք» կարգախոսի ներքո ծառայելու մեր հայրենիքի բոլոր հատվածներում:Մեկնում ենք մեծ ոգևորությամբ ու բարձր տրամադրությամբ: Մեր նպատակն է մեկ անգամ ևս թշնամուն ջախջախիչ հարված հասցնել և հասկացնել, որ այլևս հրաժարվի նման ոտնձգություններից: Ավելին՝ Արցախի ազատամարտիկները միշտ պատրաստ են մեկնել նաև Արևմտյան Հայաստան՝ ազատագրելու մեր հայրենիքի մյուս հատվածները ևս: Ասկերանի տարածքային միավորման անդամներից շատերն են ցանկություն հայտնել սահմանագիծ մեկնելու, սակայն տեղերի սահմանափակ լինելու պատճառով այս անգամ ավելի քիչ ազատամարտիկներ են ընդգրկվել Ասկերանից: Էդիկ Խաչատրյան, Արցախի ազատամարտիկների միության աշխատակազմի ղեկավար - Մեկնում ենք մեծ ոգևորությամբ: Յուրաքանչյուրիս պարտքն է պաշտպանել հայրենիքի սահմաններն ու ապահովել մեր ժողովրդի անվտանգությունը: Մենք ունենք մեկ ընդհանուր հայրենիք ու սահման և պատրաստ ենք ցանկացած պահի դիմագրավելու թշնամու բոլոր ոտնձգություններն ու դաս տալու նրան: Սահմանագիծ մեկնելու և մեր զինվորների կողքին կանգնելու մեր հերթական առաքելության նպատակը մեկ անգամ ևս ցույց տալն է, որ հայ ազգը պատրաստ է ցանկացած պահի միասնական գործելու, ինչը մեր հաղթանակի գրավականն է: Հարութ Մնացականյան, ԱԱՄ «Հայրենյաց պաշտպան» երիտասարդական հասարակական կազմակերպության նախագահ - Մենք տրամադրված ենք մարտական, և երիտասարդական խմբում կամավոր ընդգրկված 7 տղաները կազմ ու պատրաստ են փորձառու ազատամարտիկների կողքին իրականացնելու ցանկացած մարտական առաջադրանք: Նաև ոգևորված ենք, քանի որ կրկին մեր հայրենիքի սահմանին ենք կանգնելու: Այս այցելությունը սահմանագիծ խորհրդանշական բնույթ է կրում, քանզի սահմանին կանգնած մեր զինվորներն անթերի ու վստահ են իրականացնում իրենց առաքելությունը: Մեր նպատակն է ևս մեկ անգամ ցույց տալու մեր միասնությունն և այն կամքը, որ պատրաստ ենք կանգնելու բոլորիս հայրենիքի սահմանի ցանկացած հատվածի պաշտպանության դիրքերում: Հրաչիկ Նասիբյան, ԱԱՄ Ստեփանակերտի տարածքային 5-րդ միավորման նախագահ -Հաճախ ենք մասնակցություն ունենում ռազմահայրենասիրական տարաբնույթ միջոցառումների կազմակերպմանը՝ լինի դա Արիության դաս, այցելություն սահմանագիծ: Կարծում եմ, որ սահմանը բոլորիս տունն է: Մարտական տրամադրվածությամբ էլ մեկնում ենք հայրենիքի սահման՝ մեր ներդրումն ունենալու նրա պաշտպանության գործում: Մենք չենք հարձակվում և չենք ուզում պատերազմել, բայց որտեղից մեզ վրա կրակեցին, այնտեղ նրանց կոչնչացնենք:

Կարդալ ավելին 09-05-2015

ՊԲ առաջապահ զորամասերը համարժեք պատասխան են տվել հակառակորդի նախահարձակ գործողություններին
ՊԲ առաջապահ զորամասերը համարժեք պատասխան են տվել հակառակորդի նախահարձակ գործողություններին

ՊԲ առաջապահ զորամասերը համարժեք պատասխան են տվել հակառակորդի նախահարձակ գործողություններին և անհրաժեշտ քայլեր ձեռնարկել շփման գծի ողջ երկարությամբ մարտական դիրքերի պահպանությունը հուսալիորեն կազմակերպելուհամար: ՊԲ օպերատիվ տվյալների համաձայն, օգոստոսի 30-ից սեպտեմբերի 5-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 1000 անգամ, որի ընթացքում տարբեր տրամաչափի հրաձգային զինատեսակներից, ինչպես նաև 60, 82 և 120 մմ-ոց ականանետերից ու ՌՊԳ-7 և ՀԱՆ-17 տիպի նռնականետերից, հայ դիրքապահների ուղղությամբ արձակվել է ավելի քան 14000 կրակոց: Նշված ժամանակահատվածում հայկական դիրքերի ուղղությամբ, հակառակորդը կիրառել է նաև թուրքական արտադրության TP-107 տիպի ռեակտիվ հրթիռահրետանային կայանք:

Կարդալ ավելին 09-05-2015

Սերժ Սարգսյանը շնորհավորական ուղերձ է հղել Լեռնային Ղարաբաղի Անկախության տոնի առթիվ
Սերժ Սարգսյանը շնորհավորական ուղերձ է հղել Լեռնային Ղարաբաղի Անկախության տոնի առթիվ

ՀՀ Նախագահ Սերժ Սարգսյանը շնորհավորական ուղերձ է հղել Լեռնային Ղարաբաղի Անկախության տոնի առթիվ: ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչության փոխանցմամբ՝ Նախագահի ուղերձում ասված է. «Սիրելի՛ հայրենակիցներ, Շնորհավորում եմ ձեզ Լեռնային Ղարաբաղի անկախության տոնի առթիվ: Արցախի անկախության օրը համայն հայության մեծ տոնն է, բայց առաջին հերթին ձեր` արցախցիներիդ տոնն է: 1991 թվականի նվիրական այս օրը`անկախության հռչակմամբ բռնության ու բռնապետության ճիրաններից, ազգային ու կրոնական խտրականության, հալածանքների ու ջարդերի, ստի, կեղծիքի ու հակահայկական ռասիստական քարոզչության ճիրաններից դուրս բերվեց հայության տառապյալ, բայց նաև հերոսական հատվածներից մեկը: Եվ դա արեցիք դուք: Այդ պատմական քայլով ոչ թե ավարտվեց, այլ նոր հանգրվան թևակոխեց բոլորիս պայքարը հանուն սեփական տանն արժանապատվորեն ապրելու իրավունքի, հանուն մարդկային ու ազգային իրավունքների: Արցախցին կռվի դաշտում պաշտպանեց իր և իր զավակների կյանքը, փրկեց իր և իր զավակների ապագան: 2015 թվականին` Մեծ եղեռնի 100-ամյակի տարում, երբ մենք ոգեկոչում ենք մեր արդեն սրբադասված նահատակների հիշատակը, ազատ, նորոգ ու հպարտ Արցախը նոր` ավելի խոր իմաստ ու արժեք է ստանում բոլորիս համար: Սիրելի՛ հայրենակիցներ, Օր օրի աշխարհում ավելի ստվարանում են Լեռնային Ղարաբաղի Հանրապետության և նրա ժողովրդի բարեկամների շարքերը: Օր օրի բարձրանում է ազատության ու ժողովրդավարության ճանապարհով անշեղորեն ընթացող Արցախի միջազգային հեղինակությունը: Դա արդյունքն է ձեր արդար ու ստեղծագործ աշխատանքի, պետականաշինության և բանակաշինության ասպարեզներում ձեր արձանագրած հաջողությունների: Կրկին շնորհավորում եմ այս փառապանծ տոնի առթիվ` կրկնելով հին ու իմաստուն կարգախոսը. «Ազատությունը չունի այլընտրանք»»:

Կարդալ ավելին 09-03-2015

Միասնաբար մենք անպայման կհասնենք համազգային նպատակների իրականացմանը. ԼՂՀ նախագահ
Միասնաբար մենք անպայման կհասնենք համազգային նպատակների իրականացմանը. ԼՂՀ նախագահ

ԼՂՀ Նախագահ Բակո Սահակյանը շնորհավորական ուղերձ է հղել Արցախի Հանրապետության օրվա առթիվ: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ՝ Նախագահի ուղերձում ասված է. «Սիրելի հայրենակիցներ, Իշխանությունների եւ անձամբ իմ անունից ի սրտե շնորհավորում եմ ձեզ Արցախի Հանրապետության օրվա առթիվ, տոն, որն առանձնահատուկ կարեւորություն ունի մեր ժողովրդի կյանքում: 1991 թվականի սեպտեմբերի 2-ին Արցախի Հանրապետության ծնունդով հայ ժողովուրդն ունեցավ ազատ եւ անկախ երկու պետություն, իրականություն դարձավ դարեր շարունակ փայփայած, բազում փորձությունների միջով անցած եւ մինչեւ մեր օրերը հասած նրա երազանքը: Դա իր հողի վրա տիրոջ իրավունքով ապրելու եւ սեփական ճակատագիրն ինքնուրույն տնօրինելու սովորական մարդկային ձգտումն է, որը, բնականաբար, հատուկ է յուրաքանչյուր ազգի: Համախմբվելով եւ միատեղելով մեր ուժերը` պատերազմի դաշտում պաշտպանեցինք մեր ազգային արժանապատվությունն ու ժողովրդի ապագան, այսօր էլ կառուցում ենք ժողովրդավարական պետություն` միջազգային հանրության լիիրավ անդամ դառնալու հայտ ներկայացնելով աշխարհին: Դա դժվարին, բայց եւ պատվաբեր ուղի է, որը մենք անցնում ենք Հայաստանի եւ Սփյուռքի մեր քույրերի ու եղբայրների հետ ձեռք ձեռքի տված: Այդպես միասնաբար մենք կյանքի կկոչենք շատ ու շատ ծրագրեր եւ անպայման կհասնենք համազգային նպատակների իրականացմանը: Թանկագին հայրենակիցներ, Մեկ անգամ եւս շնորհավորում եմ ձեզ պետական այս նշանակալի տոնի առթիվ եւ մաղթում խաղաղություն ու բարգավաճում ձեր ընտանիքներին եւ բոլորիս համար թանկ ու նվիրական Արցախի Հանրապետությանը»:

Կարդալ ավելին 09-03-2015

Արցախի Հանրապետության 24-րդ տարեդարձի առթիվ Բակո Սահակյանը մի խումբ անձանց պետական պարգեւներ է հանձնել
Արցախի Հանրապետության 24-րդ տարեդարձի առթիվ Բակո Սահակյանը մի խումբ անձանց պետական պարգեւներ է հանձնել

Արցախի Հանրապետության հռչակման 24-րդ տարեդարձի կապակցությամբ Նախագահ Բակո Սահակյանը ստորագրել է հրամանագրեր պետական պարգեւներով պարգեւատրելու եւ պատվավոր կոչումներ շնորհելու մասին: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ՝ հայրենիքի պաշտպանության գործում ցուցաբերած բացառիկ քաջության ու անձնական արիության համար «Մարտական խաչ» 2-րդ աստիճանի շքանշանով պարգեւատրվել է 1 հոգի: Հայրենիքի պաշտպանության համար մղված մարտերում ցուցաբերած անձնական արիության համար «Արիության համար» մեդալով պարգեւատրվել է 3 հոգի, որից 1-ը` հետմահու: Հայրենիքի պաշտպանության գործում ներդրած ավանդի, ծառայության ընթացքում ցուցաբերած խիզախության համար «Մարտական ծառայություն» մեդալով պարգեւատրվել է 129 հոգի, որից 2-ը` հետմահու: Լեռնային Ղարաբաղի Հանրապետությանը մատուցած ծառայությունների համար «Մեսրոպ Մաշտոց» շքանշանով պարգեւատրվել է 1 հոգի, «Վաչագան Բարեպաշտ» մեդալով` 8 հոգի, «Մխիթար Գոշ» մեդալով` 1 հոգի, «Երախտագիտություն» մեդալով` 23 հոգի, որից 1-ը` հետմահու: Գիտության, մշակույթի, արվեստի զարգացման գործում ունեցած նշանակալի ավանդի համար մի խումբ անձանց շնորհվել են Լեռնային Ղարաբաղի Հանրապետության պատվավոր կոչումներ:

Կարդալ ավելին 09-03-2015

Հայկական զինուժը վերահսկում է իրավիճակը սահմանին. Սեյրան Օհանյան
Հայկական զինուժը վերահսկում է իրավիճակը սահմանին. Սեյրան Օհանյան

Իրավիճակը հայ-ադրբեջանական եւ արցախա-ադրբեջանական սահմանին շարունակում է մնալ լարված, սակայն հայկական բանակը, տիրապետելով խնդիրներին, կարողանում է համապատասխան հակահարված տալ եւ պահպանել սահմանային անդորրը: ՀՀ պաշտպանության նախարար Սեյրան Օհանյանն ասաց, որ վերջին օրերին հակառակորդը գործածել է ականանետեր, իրականացրել դիվերսիոն հետախուզության փորձեր, որոնք, սակայն, հաջողությամբ կանխվել են: «Սահմանային լարվածությունն առկա է: Կրակոցների թիվը մե՛կ ավելանում, մե՛կ պակասում է, եւ այս վերջին ժամանակահատվածում Հայաստանի եւ Արցախի սահմանին կրակում են ականանետերից: Հայկական Զինված ուժերը բոլոր միջոցառումների իրականացումն են առաջին գծում` անվտանգության խնդիրների ապահովում, հակառակորդին հետեւելը եւ համապատասխան կանխարգելիչ միջոցառումների իրականացումը: Հակառակորդը դիվերսիոն հետախուզուության մի քանի փորձեր կատարել է, որոնք հաջողությամբ կանխվել են»,- ասաց Սեյրան Օհանյանը: Նախարարը նաև հավելեց, որ հայկական զինուժը իրավիճակը վերահսկում է եւ ժողովուրդը կարող է հանգիստ լինել, քանի որ հայկական բանակը իր խնդիրներն տիրապետում եւ ինչպես Արցախյան գոյամարտի տարիներին այնպես էլ այսօր, դրանք փայլուն կերպով իրականացնում:

Կարդալ ավելին 09-03-2015

Արցախի ժողովրդավարական կուսակցությունն ու Եվրոպական ազատ դաշինքը կնքել են համատեղ հռչակագիր
Արցախի ժողովրդավարական կուսակցությունն ու Եվրոպական ազատ դաշինքը կնքել են համատեղ հռչակագիր

Արցախի ժողովրդավարական կուսակցության եւ Եվրոպական ազատ դաշինքի համագործակցության շրջանակներում սեպտեմբերի 2-ին Ստեփանակերտում ԱԺԿ նախագահ Աշոտ Ղուլյանը եւ ԵԱԴ նախագահ Ֆրանսուա Ալֆոնսին ստորագրել են Համատեղ հռչակագիր: Արցախի ժողովրդավարական կուսակցության մամուլի ծառայության փոխանցմամբ՝ հռչակագրի ստորագրումից հետո տեղի է ունեցել մամուլի ասուլիս, որի ընթացքում ԱԺԿ եւ ԵԱԴ կուսակցությունների ղեկավարները պատասխանել են լրագրողների հարցերին: Արցախի ժողովրդավարական կուսակցության և Եվրոպական ազատ դաշինքի համատեղ հռչակագիրը կնքվել է` նկատի ունենալով Արցախի (Լեռնային Ղարաբաղի) Հանրապետության ժողովրդի կողմից ազատ ապրելու իրավունքի իրագործումը եւ ինքնորոշման իրավունքի ժողովրդավարական ձգտումների հանդեպ Եվրոպական ազատ դաշինքի աջակցությունն` ընդունելով, որ ժողովրդավարական գործընթացները, նույնիսկ մեկուսացման պայմաններում, Լեռնային Ղարաբաղի Հանրապետությունում հաջող եւ հաստատուն առաջընթաց են արձանագրել, ինչի դրսեւորումն են Արցախի քաղաքական մշակույթի անբաժան մաս դարձած ազատ, արդար եւ մրցակցային ընտրությունները, ողջունելով Լեռնային Ղարաբաղի Հանրապետության էական ժողովրդավարական առաջընթացը և դրանում Արցախի ժողովրդավարական կուսակցության կարեւոր դերակատարությունը, որն արտահայտվել է հիմնարար ազատությունների, ժողովրդավարության, իշխանությունների տարանջատման, օրենքի գերակայության և կայուն խաղաղության սկզբունքների վրա հիմնվող ու Եվրոպական փորձն օգտագործող արդյունավետ զարգացման մոդելի ներդրման միջոցով: Կողմերն ընդգծել են ԵԱԴ-ի և ԱԺԿ-ի հավատարմությունը եվրոպական արժեքներին ու սկզբունքներին, ինչպես նաև Հարավային Կովկասում կայուն խաղաղության հաստատմանը` խրախուսելով Եվրամիության ավելի լայն ներգրավվածությունը Լեռնային Ղարաբաղի Հանրապետության հանրային կյանքում և նկատի ունենալով, որ ԵՄ հաստատությունները բազմիցս ընդգծել են Եվրամիության հարեւանության երկրներում ժողովրդավարական արժեքների եւ խաղաղ համագործակցության տարածման անհրաժեշտությունը եւ ճանաչել այս հարցում ԵՄ առանձնահատուկ նշանակությունը: Ըստ հռչակագրի` ԱԺԿ-ի եւ ԵԱԴ-ի հետ փոխկապակցված կուսակցությունների զգալի մասը կանգնած է նույն մարտահրավերների առջեւ, որոնք վերաբերում են ԵՄ ու միջազգային հանրության կողմից ճանաչված հիմնարար ազատություններին և, մասնավորապես, սեփական ապագան որոշելու իրավունքին: Կողմերը համոզված են, որ հաստատված հարաբերությունները կլինեն փոխշահավետ և դրանց շնորհիվ նրանք հանդես կգան որպես հիմնական դերակատարներ և վստահելի գործընկերներ եվրոպական հիմնարար արժեքների և սկզբունքների տարածման գործում՝ դրական ազդեցություն գործելով ողջ տարածաշրջանի վրա: ԱԺԿ և ԵԱԴ համաձայնել են համագործակցել` նպատակ ունենալով փոխանակել անկախության գործընթացի և ժողովրդավարական ու խաղաղ միջոցներով ինքնիշխանության հասնելու Լեռնային Ղարաբաղի Հանրապետության փորձը ԵԱԴ եւ անդամ կուսակցությունների հետ, ներգրավել Լեռնային Ղարաբաղի Հանրապետությունը միջազգային գործընթացների մեջ, ինչպես նաեւ ԵՄ հաստատություններում ու մարմիններում, եւ նպաստել Արցախի ներկայացուցիչների մասնակցությանը այդ հարթակներում՝ սատարելով նրա միջազգային ճանաչմանը, նպաստել ադրբեջանա-ղարաբաղյան հակամարտության խաղաղ կարգավորմանը՝ ԼՂՀ ուղղակի մասնակցությամբ եւ ժողովուրդների ինքնորոշման իրավունքի հիման վրա՝ բացառելով բոլոր կարգի բռնություններն ու ագրեսիաները: Այսպիսով, ԵԱԴ և ԱԺԿ վերահաստատում են Լեռնային Ղարաբաղի Հանրապետությունում և Եվրամիությունում հուսալի եւ վստահելի գործընկերներ լինելու վճռականությունը:

Կարդալ ավելին 09-03-2015

Բակո Սահակյանն օգոստոսի 28-ին հրավիրել է Անվտանգության խորհրդի նիստ
Բակո Սահակյանն օգոստոսի 28-ին հրավիրել է Անվտանգության խորհրդի նիստ

Օգոստոսի 28-ին նախագահ Բակո Սահակյանը հրավիրել է Անվտանգության խորհրդի նիստ, որի օրակարգում ընգրկված էին ԼՂՀ հռչակման 24-րդ տարեդարձի տոնակատարության միջոցառումների նախապատրաստման ընթացքի եւ ղարաբաղա-ադրբեջանական սահմանին տիրող իրավիճակի մասին հարցերը: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ՝ զեկույցներով հանդես են եկել ԼՂՀ փոխվարչապետ Արթուր Աղաբեկյանը եւ պաշտպանության նախարար Լեւոն Մնացականյանը: Քննարկված հարցերի վերաբերյալ երկրի ղեկավարը կոնկրետ հանձարարականներ է տվել ԼՂՀ կառավարությանը եւ համապատասխան կառույցներին՝ աշխատանքները պատշաճ իրականացնելու ուղղությամբ:

Կարդալ ավելին 08-29-2015

Բակո Սահակյանը կարևորում է ԵԿՄ-ի կողմից դեպի Արցախ կազմակերպվող ուխտագնացությունները
Բակո Սահակյանը կարևորում է ԵԿՄ-ի կողմից դեպի Արցախ կազմակերպվող ուխտագնացությունները

Օգոստոսի 27-ին Հադրութի շրջանի Արա լեռ կոչվող տեղամասում նախագահ Բակո Սահակյանը մասնակցել է Երկրապահ կամավորականների միության կողմից ավանդական ուխտագնացության շրջանակներում կազմակերպված տոնական միջոցառմանը: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ՝ նախագահ Սահակյանն արժևորել է Երկրապահ կամավորականների միության կողմից կազմակերպվող ամենամյա ուխտագնացությունները՝ ընդգծելով դրանց կարեւորությունը մատաղ սերնդի հայեցի դաստիարակության, բանակ-հասարակություն կապերի եւ ազգային միասնության ամրապնդման տեսանկյուններից: Միջոցառմանը մասնակցել են ԼՂՀ պաշտպանության նախարար Լեւոն Մնացականյանը, Երկրապահ կամավորականների միության նախագահ Մանվել Գրիգորյանը, պաշտոնատար այլ անձինք:

Կարդալ ավելին 08-29-2015

Լեռնային Ղարաբաղում գրանցվել է նշանակալի ժողովրդագրական աճ. սոցիոլոգ
Լեռնային Ղարաբաղում գրանցվել է նշանակալի ժողովրդագրական աճ. սոցիոլոգ

Լեռնային Ղարաբաղում գրանցվել է զգալի ժողովրդագրական աճ. բնակչության թիվն այստեղ մոտենում է 150 հազարի: Լրագրողների հետ հանդիպմանն այս մասին ասաց սոցիոլոգ Ահարոն Ադիբեկյանը: «Երկրի արդյուանաբերությունը զարգացում է ապրում, կա արտահանման լուրջ ներուժ, իսկ ծնված երեխաների թիվը ցույց է տալիս, որ ղարաբաղցիները հավատում են իրենց ապագային»,- ասաց սոցիոլոգը: Սոցիոլոգի համոզմամբ` անհրաժեշտ է ավելի կազմակերպված օգնություն ցույց տալ Լեռնային Ղարաբաղի Հանրապետությանը` ներգրավելով այլ երկրներում` հատկապես Ռուսաստանի Դաշնությունում, ֆինանսական հաջողությունների հասած հայերին: «Պե՛տք է աջակցել Ղարաբաղի անկախությանը: Կոչ անենք աշխարհի բոլոր հայերին օգնել և նպաստել Արցախի բարգավաճմանը»,- ընդգծեց բանախոսը:

Կարդալ ավելին 08-29-2015

Հայկական ուժերը շարունակում են վստահորեն իրականացնել իրենց առջև դրված մարտական խնդիրը
Հայկական ուժերը շարունակում են վստահորեն իրականացնել իրենց առջև դրված մարտական խնդիրը

ՊԲ օպերատիվ տվյալների համաձայն, օգոստոսի 23-ից 29-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 950 անգամ, որի ընթացքում տարբեր տրամաչափի հրաձգային զինատեսակներից, ինչպես նաև 60, 82 և 120 մմ-ոց ականանետերից ու ՌՊԳ-7 և ՀԱՆ-17 տիպի նռնականետերից, հայ դիրքապահների ուղղությամբ արձակվել է ավելի քան 17500 կրակոց: Նշված ժամանակահատվածում հայկական դիրքերի ուղղությամբ, հակառակորդը կիրառել է նաև թուրքական արտադրության TP-107 տիպի ռեակտիվ հրթիռահրետանային կայանք: Բացի հրադադարի պահպանման ռեժիմի վերոնշյալ խախտումներից, օգոստոսի 28-ին ժամը 01:40-ի սահմաններում ղարաբաղա-ադրբեջանական հակամարտ զորքերի շփման գծի արևելյան ուղղությամբ հակառակորդը ձեռնարկել է հետախուզադիվերսիոն ներթափանցման փորձ: ՊԲ առաջապահ ստորաբաժանումները ժամանակին հավաստանշել են ադրբեջանական զինուժի 20-25 հագուց բաղկացած հատուկ ջոկատայինների առաջխաղացումը և կորուստներ պատճառելով` հետ շպրտել իրենց ելման դիրքերը:

Կարդալ ավելին 08-29-2015

Հանրապետությունում ավարտվել է հացահատիկայինների բերքահավաքը. բերքատվությունը նախորդ տարվա համեմատ կրկնակի է
Հանրապետությունում ավարտվել է հացահատիկայինների բերքահավաքը. բերքատվությունը նախորդ տարվա համեմատ կրկնակի է

Հանրապետության այս տարվա բերքի տակ կատարված հասկավոր հացահատիկային ցանքատարածություններում հնձի աշխատանքները հիմնականում ավարտվել են: Այդ մասին «Արցախպրես»-ի թղթակցի հետ զրույցում տեղեկացրեց ԼՂՀ գյուղատնտեսության նախարարության բուսաբուծության և բույսերի պաշտպանության բաժնի պետ Վիլեն Ավետիսյանը: Նրա հաղորդմամբ, օգոստոսի 27-ի դրությամբ՝ այս տարվա բերքի տակ կատարված հացահատիկային մշակաբույսերի հնձի ենթակա 45 հազար 75 հեկտար ցանքատարածություններից հնձվել է 43 հազ. 775 հա-ը : Ընդհանուր առմամբ՝ հավաքվել է 115 հազ. 940,7 տոննա բերք: Միջին բերքատվությունը հեկտարից կազմել է 26, 5 ցենտներ՝ նախորդ տարվա նույն ժամանակահատվածի 10,2 ց/հա-ի դիմաց: Ըստ հացահատիկային մշակաբույսերի ներկայացնելով բերքահավաքի արդյունքները Վ. Ավետիսյանը մասնավորապես նշեց, որ հնձվել է 23 հազ. 468,4 հա ցորեն՝ 27,7ց/հա-ից միջին բերքատվությամբ, գարի՝17 հազ 893,6 հա՝ 27,5 ց/հա-ից, ինչպես նաև 2409,9 հա հաճար՝ 20,1 ց/հա-ից: Ցորենի համախառն բերքը կազմել է 65 հազ. 68 տոննա՝ նախորդ տարվա 30 հազ. 509,4 տոննայի փոխարեն, հավաքվել է 46 հազ. 23,7 տ. գարի նախորդ տարվա՝ 17 հազ 341,8 տ-ի համեմատ: Հաճարի համախառը բերքը 4848,9 տոննա է՝ նախորդ տարվա 2492,6 տ-ի դիմաց:

Կարդալ ավելին 08-29-2015

Հետախուզադիվերսիոն ներթափանցման փորձ է ձեռնարկվել
Հետախուզադիվերսիոն ներթափանցման փորձ է ձեռնարկվել

Օգոստոսի 28-ին ժամը 01.40-ի սահմաններում ղարաբաղա-ադրբեջանական հակամարտ զորքերի շփման գծի արևելյան ուղղությամբ հակառակորդը ձեռնարկել է հետախուզադիվերսիոն ներթափանցման հերթական փորձ: ԼՂՀ պաշտպանության նախարարության մամուլի ծառայության փոխանցմամբ՝ ՊԲ առաջապահ ստորաբաժանումները ժամանակին հավաստանշել են ադրբեջանական զինուժի 20-25 հոգուց բաղկացած հատուկ ջոկատայինների առաջխաղացումը և կորուստներ պատճառելով` հետ շպրտել իրենց ելման դիրքերը: Ծավալված մարտերի ընթացքում հայկական կողմը կորուստներ չի ունեցել: Բացի հետախուզադիվերսիոն գործողությունից, հակառակորդն օգոստոսի 27-ի լույս 28-ի գիշերը տարբեր տրամաչափի հրաձգային և հրետանային զինատեսակներից հրադադարի պահպանման ռեժիմը խախտել է շուրջ 110 անգամ, որի ընթացքում արձակել է 2000-ից ավելի կրակոց, այդ թվում` 35 կրակոց` 60, 82 և 120 մմ-ոց ականանետերից: ՊԲ առաջապահ ստորաբաժանումների պատասխան գործողություններից հետո հակառակորդի ակտիվությունը ճնշվել է: Առաջնային գծի ողջ երկարությամբ հայկական ուժերը շարունակում են վստահորեն իրականացնել իրենց առջև դրված մարտական խնդիրը:

Կարդալ ավելին 08-29-2015

Այսօր հին հայկական Նոր տարին Է, Նավասարդը
Այսօր հին հայկական Նոր տարին Է, Նավասարդը

Հեթանոսական Հայաստանում Նոր տարին ամռանն էին նշում՝ Նավասարդ ամսին։ «Նավասարդ» անունը պարթեւա-իրանական ծագում ունի։ Այն կազմված է երկու բառից՝ նավա-նոր, եւ սարդ-տարի։ Այսինքն «Նավասարդը» հենց «նոր տարի» էր նշանակում։ Դա համընկնում էր օգոստոս ամսի հետ։ Նոր տարուն հասնում էին հայկական հողի պտուղները, եւ պատահական չէ, որ պատմական Հայաստանում հենց այդ ամիսն էր համարվում տարվա սկիզբը։ Նոր տարվա տոնակատարությունները սկսվում էին Նավասարդի 1-ին (օգոստոսի 11-ին) եւ տեւում էին մեկ շաբաթ։ Այդ օրը հատուկ ուտեստներ էին պատրաստում, առատ սեղան էին գցում, եւ ընտանիքի բոլոր անդամներն ուրախ դիմավորում էին Նավասարդը։ Նավասարդի՝ Նոր տարվա օրերը ըստ էության ազգային-ժողովրդական բնույթ ունեին։ Նոր տարվա առիթով երկրպագություն էին անում Անահիտ, Աստղիկ եւՎահագն աստվածներին։

Կարդալ ավելին 08-11-2015

Հայաստանի թիմը «Տանկային բիաթլոնի» կիսաեզրափակիչում հանդես կգա դեղին տանկով
Հայաստանի թիմը «Տանկային բիաթլոնի» կիսաեզրափակիչում հանդես կգա դեղին տանկով

Հայաստանցի զինվորականները «Տանկային բիաթլոնի» կիսաեզրափակիչում, որը օգոստոսի 13-ին կսկսվի մերձմոսկովյան Ալաբինո զինափորձարանում, հանդես կգա դեղին տանկով, իսկ ռուս տանկիստները՝ կարմիր տանկով: ՏԱՍՍ-ի փոխանցմամբ` վիճակահանության արդյունքներով լրագրողներին հայտնել Է տակիստների մրցումների գլխավոր դատավոր Եվգենի Պոպլավսկին: «Մրցարշավի հաջորդականությունը, տանկի գույնը եւ երթուղու համարը որոշվել են այն պարկուճների օգնությամբ, որոնք ընտրել են Էստաֆետին մասնակցող յուրաքանչյուր թիմի ներկայացուցիչները»,-ասել Է Պոպլավսկին, ճշտելով, որ յուրաքանչյուր թիմից հանդես կգա երեք անձնակազմ: Վիճակահանության արդյունքներով՝ առաջին մրցաշարում հանդես կգան Հնդկաստանի, Ղազախստանի, Սերբիայի եւ Հայաստանի զինվորականները: Նրանք ստացել են համապատասխանաբար կանաչ, կարմիր, կապույտ եւ դեղին տանկերը: Երկրորդ մրցաշարում հանդես են գալու Ռուսաստանի, Տաջիկստանի տանկիստները՝ կարմիր եւ կանաչ տանկերով, իսկ նրանց չինացի ու ղրղզ գործընկերներն ստացել են կապույտ ու դեղին մարտական մեքենաներ: «Էստաֆետի արդյունքներով, անկախ մրցարշավից, լավագույն ժամանակը ցույց տված չորս թիմեր կմասնակցեն «Տանկային բիաթլոն» մրցույթի եզրափակիչ մրցաշարշավին, որը կկայանա օգոստոսի 15-ին՝ «Բանակային միջազգային խաղերի փակման օրը»,-հավելել Է Պոպլավսկին:

Կարդալ ավելին 08-11-2015

Ղարաբաղա-ադրբեջանական հակամարտ զորքերի շփման գծում իրավիճակը լարված էր
Ղարաբաղա-ադրբեջանական հակամարտ զորքերի շփման գծում իրավիճակը լարված էր

Հանգստյան օրերին ղարաբաղա-ադրբեջանական հակամարտ զորքերի շփման գծի ողջ երկարությամբ հակառակորդը շարունակել է տարբեր տրամաչափի հրաձգային և հրետանային զինատեսակներից ինտենսիվորեն խախտել հրադադարի պահպանման ռեժիմը: ԼՂՀ պաշտպանության նախարարության մամուլի ծառայության փոխանցմամբ` օգոստոսի 8-ին և 9-ին, բացի խոշոր տրամաչափի հրաձգային զենքերից, ադրբեջանական զինուժը հայ դիրքապահների ուղղությամբ 60 և 82 մմ-անոց ականանետերից արձակել է 165 արկ: Ընդհանուր առմամբ` նշված ժամանակահատվածում հակառակորդը հրադադարի պահպանման ռեժիմը խախտել է ավելի քան 400 անգամ, որի ընթացքում արձակել է շուրջ 7500 կրակոց: ՊԲ առաջապահ ստորաբաժանումները վստահորեն իրականացրել են իրենց առջև դրված մարտական խնդիրը և պատասխան գործողություններով ճնշել հակառակորդի ակտիվությունը:

Կարդալ ավելին 08-11-2015

<Թալիշ>   գրքի տպագրության առիթով
<Թալիշ> գրքի տպագրության առիթով

Իմ սեղանին Նիկոլայ Օհանյանի ՙԹալիշ՚ գիրքն է, որ հրատարակել է ՙՍոնա՚ գրատունը։ Կարելի է անվերապահորեն հաստատել, որ գրատան վերջին տարիների լավագույն ձեռնարկումներից մեկը ՙԱրցախապատում՚ մատենաշարի տպագրությունն է։ Բոլորիս քաջ հայտնի է, որ հայրենապահպանությունը միայն բանակի գործը չէ, այն նաեւ մշակույթի, առավել եւս՝ գրականության գործն է։ Մեր գրական ընտանիքի նահապետ Մաքսիմ Հովհաննիսյանի նախաձեռնությամբ իրականացվող ՙԱրցախապատում՚ մատենաշարն առավել տեսանելի է դարձնում, թե ազգապահպանության գործում որքան կարեւոր է ժողովրդի անցած ճանապարհի իրապատում շարադրանքը, մի բան, որ առավելագույնս դրսեւորվում է հուշագրություններում։ Ռուբեն Զարյանը՝ մեր լավագույն հուշագիրներից մեկը (բացի այն, որ նշանավոր գրականագետ եւ թատերագետ էր), իրավացիորեն գրել է. ՙԲանաստեղծին, գրողին կարելի է երկրորդել, նույնիսկ գերազանցել, իսկ հուշագրին՝ ո՜չ. նա անկրկնելի է՚։ Ակամայից հիշեցի նաեւ իմաստուններից մեկի խոսքը. ՙՄարդ ծերանում է անելիքի եւ ասելիքի պակասից, ծերությունը կարելի է հաղթել ու զինաթափ անել միմիայն գործով՚։ Ուստի բոլորովին էլ պատահական չէ, որ կյանքի ու աշխատանքային փորձառության բերքով լեցուն գրագետ (եւ ոչ այնքան) մարդիկ թոշակի անցնելուց գրիչ են վերցնում եւ իրենց հուշապատումներն են ստեղծում, նախ՝ տարիքի բերած անցանկալի հետեւանքները հաղթահարելու համար, եւ երկրորդ՝ հույս ունենալով, թե երիտասարդները ավագների ճիշտ ու սխալ ապրած կյանքից դասեր քաղելու նյութ կունենան։ Իրավամբ, այս պարագայի համար է ասված. ՙԵթե երիտասարդներն իմանայի՛ն, եթե ծերերը կարողանայի՛ն...՚։ Վերեւում ասվածը լիովին աղերսվում է Նիկոլայ Օհանյանի կենսագրության հետ. ծնվել է Թալիշ գյուղում, որտեղ մանկություն ու պատանեկություն է անցկացրել, ապա կյանքի փոթորկուն ալիքների բերանն ընկած հասել է Բաքու, նավթահանքերում արհեստավոր է եղել` հարգված, աշխատասեր, պրպտուն: Սակայն վերահաս հիվանդությունն ու թոշակառուի կարգավիճակը նրան գրեթե փակել են տան չորս պատերի մեջ, բայց քանի որ ասելիքի պակաս չի ունեցել, ընտրել է իր համար միակ եւ ճիշտ ճանապարհը՝ 20 երկար ու ձիգ տարիներ իրեն նվիրել է ծննդավայր Թալիշի պատմության ուսումնասիրությանը եւ, այն համեմելով մանկության տարիների քաղցր ու անանց հուշերով ու նաեւ համագյուղացիներից լսած պատմություններով, ստեղծել մի գրավոր հուշարձան, ծնված իր բնօրրանի հանդեպ ունեցած անափ սիրուց։ Գիրքը կարդալուց պարզ ու հստակ երեւում է, որ որտեղ էլ որ ապրել է Օհանյանը, միեւնույն է, ծննդավայր Թալիշն ու հայրենի օջախն ամուր նստած են եղել նրա մեջ։ Ն.Օհանյանի գիրքը խնկարկում է ոչ միայն Թալիշ գյուղի անցավորաց հիշատակին, այլեւ մեծարման խոսք է իր ժամանակի հերոսներին՝ հողից հաց քամող աշխատավորներին։ Ավելին, ՙՍոնա՚ գրատան աշխատակիցների ջանքերով Օհանյանի ստեղծած պատմությունը (5-րդ դարից մինչև 20-րդ դարի 80-ականները) հասցվել է մեր օրերին. ներառվել են անհրաժեշտ հատվածներ Սաշա Սարգսյանի ՙԹալիշ՚ գրքից, ի լրումն՝ նաև Սլավա Բայունցի ակնարկը` գրված հատուկ սույն գրքի համար: Գիրքը հարստացվել է նաև Արցախյան գոյամարտում մարտիրոսված թալիշցի նորօրյա հերոսների կենսագրություններով, որի համար հիմք են հանդիսացել երախտավոր Գալյա Առստամյանի ՙԼՂՀ ազգային¬ազատագրական պայքարը՚ գիրք-հանրագիտարանի համապատասխան նյութերը: ... Ես փակում եմ ՙԹալիշ՚ գրքի վերջին էջը, հոգիս ալիքվում է, ինձ պարուրած ապրումները հուշերիս գիրկն են տանում եւ ինչ-որ մեկի հետ կիսվելու եւ անկեղծանալու պահանջ եմ զգում: Փորձեմ։ *** ... 1983 թվականն էր։ Աշխատում էի կուսակցության ԼՂ մարզկոմի գաղափարախոսության եւ քարոզչության բաժնում՝ հրահանգչի պաշտոնում։ Բաժնի դասախոսական խմբի առանձնասենյակում քաղաքական գրականության վերջին նորություններն էի աչքի անցկացնում։ Եվ հանկարծ գրապահարանի թերթերի ու ամսագրերի տրցակների արանքում նշմարում եմ կարմիր գույնի, ոչ սովորական չափերի ՙԹալիշ՚ վերնագրով մի գիրք։ Բացում եմ. մեքենագիր բնօրինակ է, որի հեղինակը՝ Ն. Օհանյանը, այն ուղարկել է մարզկոմի առաջին քարտուղարին։ Շնորհավորելով մարզի ղեկավարությանը ԼՂԻՄ կազմավորման 60-ամյակի առիթով, նա հաղորդում է, որ իր ՙԹալիշ՚ գիրքը եւս նվիրում է այդ տարելիցին, եւ հույս է հայտնում, որ այն կհետաքրքրի Ղարաբաղի պատմությամբ զբաղվող մասնագետներին։ Գիրքը կարդացի մեծ հետաքրքրությամբ, բայց մնացի տարակուսած եւ զարմացած հեղինակի միամտության ու անկարելի հավատավոր լինելու վրա, քանի որ նրա գրած պատմությունը բոլորովին չէր տեղավորվում 1970-80-ական թվականների Ղարաբաղի իշխանավորների քաղաքական հայացքների եւ ըմբռնումների տիրույթում։ Ն. Օհանյանը, օգտվելով հայ ժողովրդի պատմության հայտնի սկզբնաղբյուրներից, իր ուժերի ներածին չափով պատմական ՙհետախուզումներ եւ պեղումներ՚ կատարելով, հրապարակ էր հանել Արցախ երկրի Գյուլիստանի Մելիք - Բեգլարյանների պատմությունը եւ ներկայիս Թալիշը ներկայացրել որպես նրանց տոհմածառի մի ճյուղի հիմնադրած բնակավայրերից մեկը։ Մի թեմա, որ բոլորովին չէր խրախուսվում մարզի այն տարիների ղեկավարության կողմից։ Ավելին, տիրող քաղաքական մթնոլորտում, երբ յուրաքանչյուր իշխանավոր կուչուձիգ գալով ջանում էր համոզել, թե ինքն ինչքան ՙինտերնացիոնալիստ՚ է, Ն. Օհանյանի ՙԹալիշ՚ գրքով Ղարաբաղի պատմաբաններին օգտակար լինելու ցանկությունն անկարելի երեւույթ էր։ Հիշենք Բ. Ուլուբաբյանին, ով այն տարիներին հանդգնել էր գրել Արցախի պատմությունն ու ՙվաստակել՚ թիվ 1 ազգայնամոլի պիտակը, ուստի հազիվ թե Թալիշի ճշմարիտ պատմությունը հետաքրքրեր որեւէ մեկին, քանզի բոլոր նրանք, ովքեր համարձակվում էին փոքր¬ինչ բարձրանալ ՙընդհանուր գազոնից՚, պարզապես որպես ավելորդ եւ խանգարիչ շյուղեր հատվում էին։ Ն. Օհանյանի հուշապատումն ինձ առավել հետաքրքրեց, երբ խորհրդային շրջանի Թալիշի առաջին ուսուցիչների շարքում հանդիպեցի մորեղբորս՝ Ալեքսան վարժապետի անվանը։ Բանն այն է, որ Թալիշի մասին բազմիցս լսել էի մորիցս՝ մանկավարժ, գրող Քնար Սուլեյմանյանից, ով միշտ անթաքույց մի սիրով ու ջերմությամբ էր խոսում այդ գյուղի մարդկանց մասին։ Գիրքը տարա տուն, մայրս կարդաց անհագուրդ հետաքրքրությամբ, հետո արեց մի սրտաճմլիկ պատմություն, որից պարզ դարձավ, թե ինչու են թալիշեցիներն այդքան հարգի իր համար։ *** …1930 թվականն էր։ Ժողովրդի թշնամիների եւ խորհրդային կարգերին ՙանհարազատ էլեմենտների՚ փնտրտուքի մոլուցքի մեջ, մարդիկ, ովքեր իրենց տրեխները դրոշ դարձրած պաշտոններ էին ստացել, ՙարմատախիլ էին անում անցյալի մնացուկները՚։ Մայրս, որ Քարին տակ գյուղի Սաքո քյոխվայի թոռն էր եւ Շուշիի վաճառականության հայտնի դեմքերից մեկի՝ Գերասիմ Սուլեյմանյանի դուստրը, քրոջ՝ Նինայի հետ միասին հեռացվել էին Ստեփանակերտի առաջին աստիճանի դպրոցից որպես ՙկապիտալիզմի մնացուկներ՚։ Գյուղ վերադառնալ չէին կարող, որովհետեւ ընտանիքի անդամներն այնտեղ ՙձայնազուրկ՚ էին արվել։ Մորս ավագ եղբայրը՝ Ալեքսանդրը, որ Բաքվում ավարտել էր միջնակարգ դպրոցը, հասարակությունից խորթացված քույրերին գոնե 7-ամյա կրթություն ապահովելու նպատակով գալիս է Ղարաբաղ եւ աղջիկների հետ մեկնում հեռավոր Թալիշ գյուղը, որտեղ նրանց չէին ճանաչում։ Քույրերը շարունակում են ուսումը դպրոցում, իսկ ինքը՝ մայրաքաղաքում միջնակարգ կրթություն ստացած պատանին (այդպիսիք այն տարիներին հազվադեպ էին Ղարաբաղում), ուսուցչություն է անում։ Ալեքսանդր Սուլեյմանյանը, նույն ինքը՝ Ալեքսան վարժապետը, դասավանդում էր ֆիզիկա, թվաբանություն, ռուսաց լեզու եւ էլի մի շարք առարկաներ։ Կարեւորն այն հարգալից վերաբերմունքն ու ակնածանքն էր, որ թալիշեցիները տածում էին Ալեքսան վարժապետի նկատմամբ։ Նորաստեղծ կոլտնտեսության նախագահը գյուղի միջակ տնտեսություններին հերթի էր դրել, եւ ամեն օր մի ընտանիք իր ունեցածից բաժին էր հանում վարժապետին եւ նրա խնամակալության տակ գտնվող քույրերին։ Չնայած սով ժամանակներ էին, եւ գյուղացին ինքն ուտելիք չուներ, սակայն ամեն անգամ դպրոցից վերադառնալուց, երեխաներն իրենց անշուք սենյակի սեղանին (առանց իմանալու, թե ով է բերել) տեսնում էին որեւէ ուտելիք՝ մի ճոթ հաց կամ մի կճուճ մածուն, մի թաս թթու դրած տակաթեր (բազուկի թևեր) ու մի փարչ գինի, մի աման չոր լոբի, մի քանի կարտոֆիլ ու սոխ։ Իսկ եթե մեկի տանն ազիզ կերակուր էր եփվում (կորկոտ, խաշիլ եւ այլն), վարժապետի եւ նրա քույրերի բաժինը կաթսայի ՙգլխից՚ էին տանում։ Ալեքսան վարժապետը նաեւ կոլտնտեսության անդամ էր համարվում եւ ստացված համայնական բերքից նրան նույնպես մաս էր հանվում։ Ինչեւէ, թալիշեցիների մոտ ապաստան գտած եւ նրանց մեծահոգության շնորհիվ երկու տարի սովորելուց եւ 7-ամյա կրթության վկայական ապահովելուց հետո երկու քույրերը Ալեքսան վարժապետի հետ մեկնում են Բաքու։ Ահա թե ինչու մայրս ամեն անգամ երախտագիտությամբ էր հիշում Թալիշ գյուղը։ Ես, որպես Սուլեյմանյանների գերդաստանի ժառանգներից մեկը, թալիշեցիների այսօրվա սերնդին հավատացնում եմ, որ նրանց պապերի ու հայրերի արածն իմ նախնիների համար անպտուղ չի անցել. մորեղբայրս՝ Ալեքսանդր Սուլեյմանյանը, որպես Թալիշ գյուղի կոլտնտեսական, մեկնել է Լենինգրադ, որտեղ ընդունվել եւ ավարտել է Պոլիտեխնիկական ինստիտուտի շինարարական բաժինը, այնուհետեւ մասնակցել է Մեծ Հայրենականին (ի դեպ, նրա պատերազմական հուշերը՝ ՙհՍՉՏջՖ ՏչՏվՖ Ռ ՉՏՊց՚, զետեղվել է ՙԱրցախապատում՚¬ի առաջին պրակում), հետագայում դարձել է Ադրբեջանի ԽՍՀ գյուղատնտեսության նախարարության կապիտալ շինարարության բաժնի պետը եւ յուրաքանչյուր պատեհ առիթով աջակցել է Ղարաբաղի գյուղական վայրերում կառուցվող օբյեկտների աշխատանքներին։ Մայրս՝ մանկավարժ, գրող Քնար Սուլեյմանյանը, Թալիշի 7-ամյա դպրոցի վկայականով իրավունք է ստացել ընդունվելու Բաքվի մանկավարժական տեխնիկումը, իսկ այնուհետեւ՝ ինստիտուտը։ Հետագայում Ստեփանակերտի հայոց լեզվի եւ գրականության սիրված ու հարգված ուսուցիչներից մեկն է եղել։ Մորաքույրս՝ Նինա Սուլեյմանյանը, նույնպես ավարտել է բարձրագույնը եւ Բաքվի հայ մտավորականության լավագույն ներկայացուցիչներից էր։ Այսօր չկան նրանք, բայց կան երախտագիտության՝ ամենամարդկային զգացումի այն շողարձակումներն ու սիրտ շոյող հուշերը, որ ժառանգել ենք նրանցից։ *** ...Ես փակում եմ ՙԹալիշ՚ գրքի վերջին էջը, եւ ինձ համար բավականությամբ փաստում, որ 20-րդ դարում ապրել է այր մի՝ Նիկոլայ Օհանյան անունով, ով, խենթանալու չափ սիրելով իր ծննդավայրը, արարումի աննախադեպ ոգորում ապրելով քաղաքական աննպաստ ժամանակներում, կատարել է հանդուգն մի քայլ՝ պատրաստել է գրավոր մի հուշարձան, որի էջերից հորդում է Թալիշ գյուղի լուսե պատմությունը։ Իսկ մեզ մնում է ասել՝ փառքդ շատ, Աստված, որ արժանացրիր մեզ այսօրվան, երբ Արցախի պատմության մասին խոսելը ժամանակավրեպ ու անցանկալի չէ, երբ կյանքի փորձով իմաստնացած հրատարակիչը, ավելին՝ երկրի մշակույթի նախարարը անհրաժեշտություն են համարում հրատարակել Արցախի երբեմնի Մելիք Բեգլարյաններին պատկանող Թալիշ գյուղի պատմությունը։ Ես էլ անթաքույց բերկրանք եմ ապրում, որ այն հեռավոր 1983-ին կուսակցության մարզկոմի արխիվներում իմ պեղած ՙԹալիշ՚ գիրքը, որ սրբությամբ ու խնամքով պահել էի անձնական պահոցներում, 32 տարի հետո վերջապես պետք է հասնի իր հասցեատիրոջը՝ ընթերցողին։ Ուրախ եմ նաեւ, որ իմ ներդրումն եմ բերել սույն գրքի տպագրությանը, որն էլ իմ խոնարհումը թող լինի թալիշեցիների փառավոր անցյալին ու հերոսական ներկային։ *** Հոդվածն այս կարելի էր այստեղ վերջակետել, սակայն որոշեցի բարձրաձայնել նաև ինձ` ոչ պատմաբանիս պարուրած անհանգստությունը, հույս ունենալով, որ ասելիքս ճիշտ կհասկացվի: Վերջին տարիներին խրախուսելի մի երևույթ է նկատվում մեզանում, որ կարելի է բնութագրել ՙդարձ արմատներին՚ արտահայտությամբ, այն է` ոգեւորությամբ գրվում են մեր արցախյան գյուղերի պատմությունները: Յուրաքանչյուր բնակավայր ունի իր նվիրյալ մտավորականը (երբեմն նույնիսկ մի քանիսը), ով փորձում է փրկել ծննդավայրի պատմությունը, նրա հետ կապված ավանդապատումները, կազմում նշանավոր գերդաստանների տոհմածառերը, ինչն, անշուշտ, միայն ողջունել կարելի է: Մարդիկ հոգու մղումով գրիչ են վերցնում եւ սերունդներին հանձնում պատառ-պատառ ժողոված պատմությունները, բերնեբերան թափառող լեգենդները: Եւ դա ճիշտ է` մեր պատմության տերը մենք պետք է լինենք, ուրիշ ոչ ոք այդ գործը մեզ համար չի անելու: Ինձ մտահոգողն այդ պատմությունները գիտական հենքի վրա դնելն է, եւ ժամանակն է, որ բոլոր այդ աշխատանքները գիտական հիմնավորում ստանան, մանավանդ որ Արցախն ունի պետական համալսարան, որը մասնագետներ պատրաստելուց զատ նաև գիտության կաճառ է: Կոնկրետ ծանոթանալով Թալիշ գյուղի մասին գրված տարբեր հեղինակների գործերին (սկսած հայտնի եւ արդեն դասական դարձած սկզբնաղբյուրներից մինչեւ մերօրյա հեղինակների աշխատանքները), բոլորովին պարտադիր չէ պատմաբան լինել, որպեզի կարողանալ նկատել նրանցում առկա՝ իրար հակասող, նույնիսկ իրարամերժ տվյալներ, տեղեկություններ: Յուրաքանչյուր հեղինակ ըստ իր ճաշակի մեկնաբանում է այս կամ այն տեղանունն ու անձնանունը, երբեմն հեքիաթապատում ոճով ներկայացնելով պատմական իրողություններն ու անցքերը: Ես շատ հեռու եմ այն մտքից, որ Ն. Օհանյանի պատմությունը զերծ է թերություններից եւ անճշտություններից։ Գիրքը գրվել է 20-րդ դարի խորհրդային երկրի քաղաքացուն հատուկ լավատեսությամբ, առ ծննդավայրն ունեցած հավատով ու հպարտությամբ: Ի դեպ, հրատարակիչը չի միջամտել հեղինակի` խորհրդային արժեքներով դաստիարակված մարդուն հատուկ խոսքուոճին, մտածելակերպին, ինչն անչափ կարևոր է ապագա սերունդներին տվյալ հասարակարգում ապրող անհատի հոգեբանությունն ու դիմագիծն ընկալելու համար: Թալիշ գյուղի պատմական հետաքրքիր անցքերը, հարուստ անցյալը շատերին է ձգել, հետաքրքրել: Ներկայումս հրատարակված գրքերից յուրաքանչյուրն ունի իր արժանիքներն ու նաև` թերությունները: Այդ աշխատանքները լրացնում են միմյանց, և ակամայից հանգում ես այն մտքին, որ ժամանակն է ի մի բերել, համադրել այդ նյութերը եւ գիտական հիմքերի վրա դնել այդ պատմությունները: Վերջ ի վերջո գիտական մոտեցումը, լեզուն, մտածելակերպը թույլ կտան վեր կանգնել համայնքային շրջանակներից և ներկայանալի դառնալ հայ ժողովրդի պատմությանը: Կարծում եմ՝ Արցախի մայր բուհում կգտնվեն նորօրյա պատմաբան-գիտնականներ, որոնց կհետաքրքրի խնդրո առարկա թեման, իսկ եթե այդ գիտնականը լինի մերօրյա Թալիշի երիտասարդներից, անկասկած, լույս կիջնի Նիկոլայ Օհանյանի գերեզմանին: Դաշտն ազատ է, ի գործ, գիտության սերմնացաններ: Կարինե ԱԼԱՎԵՐԴՅԱՆ ԼՂՀ մշակույթի վաստակավոր գործիչ

Կարդալ ավելին 06-30-2015

Նախագահ Սահակյանն այցելել է Մարտակերտի շրջան
Նախագահ Սահակյանն այցելել է Մարտակերտի շրջան

Արցախի Հանրապետության Նախագահ Բակո Սահակյանը հունիսի 26-ին այցելել է Մարտակերտի շրջանի Մատաղիս եւ Թալիշ գյուղեր: ԼՂՀ նախագահի աշխատակազմի տեղեկատվության գլխավոր վարչության փոխանցմամբ՝ երկրի ղեկավարը Մատաղիս գյուղում ծանոթացել է գործող ձկնաբուծարանի աշխատանքներին: Բակո Սահակյանը տնտեսության համար այս նոր ուղղությունը համարել է խոստումնալից` կարեւորելով տեղերում նմանատիպ ծրագրերի կիրառումը: Այնուհետեւ Նախագահը ծանոթացել է Մարտակերտի շրջանի այդ հատվածներում իրականացվող գյուղատնտեսական աշխատանքներին եւ Թալիշ գյուղի մերձակա տարածքներում գործող անձրեւային ոռոգման համակարգին: Բակո Սահակյանն ընդգծել է, որ ժամանակակից տեխնոլոգիաների կիրառումը գյուղատնտեսության մեջ պահաջնված է ու նոր որակ է հաղորդում եւ բերքատվության բարձրացմանը, եւ գյուղատնտեսական մշակույթի զարգացմանը: Նախագահ Սահակյանը հանդիպում է ունեցել Թալիշ համայնքի ներկայացուցիչների հետ եւ քննարկել գյուղում առկա խնդիրները: Նախագահն ընդգծել է, որ պետությունն այսուհետ եւս հատուկ ուշադրություն է դարձնելու սահմանամերձ բնակավայրերի զարգացմանը` այն կարեւորելով քաղաքական եւ տնտեսական տեսանկյուններից: Այցի ընթացքում Նախագահին ուղեկցում էին վարչապետ Արա Հարությունյանը, պաշտոնատար այլ անձինք:

Կարդալ ավելին 06-28-2015

Հակառակորդի կրակակետերը լռեցվել են. ՀՀ ՊՆ
Հակառակորդի կրակակետերը լռեցվել են. ՀՀ ՊՆ

Ադրբեջանի ԶՈՒ նման գործելակերպը ամբողջովին հակասում է ԵԱՀԿ Մինսկի խմբի համանախագահության շրջանակներում հակամարտության կարգավորման բանակցությունների ոգուն ու տրամաբանությանը եւ հղի է իրադրության կտրուկ ապակայունացման վտանգով: Այս մասին հայտարարություն է տարածել Հայաստանի ՊՆ մամուլի ծառայությունը: Հաղորդագրությունում ասվում է. «Ինչպես երեկ տեղեկացրել էր ՀՀ պաշտպանության նախարարությունը, հունիսի 26-ին, ժամը 18:30-ի սահմաններում ադրբեջանական կողմը խախտել է հրադադարի ռեժիմը հայ-ադրբեջանական սահմանի նախիջեւանյան ուղղությամբ` հրաձգային տարբեր տրամաչափի զենքերից կրակ վարելով ՀՀ Սյունիքի մարզի Գորհայք բնակավայրի մոտ տեղակայված հայկական դիրքերի ուղղությամբ: ՀՀ զինված ուժերի դիրքապահ ստորաբաժանումների պատասխան գործողությունների արդյունքում հակառակորդի կրակակետերը լռեցվել են: Ստացված օպերատիվ տվյալների համաձայն, Նախիջեւանի առանձին համազորային բանակն ունի զոհեր եւ վիրավորներ: Դժբախտաբար, փոխհրաձգության ընթացքում մահացու հրազենային վիրավորում է ստացել նաեւ ՀՀ ԶՈՒ պայմանագրային զինծառայող, շարքային Արման Մայիսի Եփրմյանը: ՀՀ պաշտպանության նախարարությունն իր ցավակցությունն է հայտնում Արման Եփրեմյանի ընտանիքի անդամներին եւ հարազատներին եւ կիսում է ծանր կորստյան վիշտը: Ադրբեջանի ԶՈՒ նման գործելակերպը ամբողջովին հակասում է ԵԱՀԿ Մինսկի խմբի համանախագահության շրջանակներում հակամարտության կարգավորման բանակցությունների ոգուն ու տրամաբանությանը եւ հղի է իրադրության կտրուկ ապակայունացման վտանգով, որի ողջ պատասխանատվությունն ընկնում է Ադրբեջանի ռազմաքաղաքական ղեկավարության վրա: ՀՀ պաշտպանության նախարարությունը ԵԱՀԿ Մինսկի խմբի համանախագահների, միջազգային հանրության, ուշադրությունն է հրավիրում այն հանգամանքի վրա, որ ադրբեջանական կողմից իրավիճակի սրման ուղղված գործողությունը համընկնում է Բաքվում անցկացվող Եվրոպական խաղերի ավարտի եւ Ադրբեջանի ԶՈՒ կազմավորման տարեդարձի հետ, ինչը վերահաստատում է այդ պետության ռազմատենչ քաղաքականության շարունակությունը եւ միջազգային հանրության կողմից բազմիցս առաջարկված ու Հայաստանի կողմից ընդունված՝ շփման գծում իրավիճակը վերահսկելու, վստահության ամրապնդման ու միջադեպերի հետաքննության մեխանիզմների անհրաժեշտությունը: Միաժամանակ, կոչ ենք անում ադրբեջանական կողմին զերծ մնալ իրավիճակի հետագա սրմանն ուղղված սադրիչ քայլերից եւ ջանքեր գործադրել Եվրոպական խաղերի ողջ ընթացքում սահմանագծում հաստատված հարաբերական հանգիստ իրավիճակը այսուհետ եւս պահպանելու ուղղությամբ:

Կարդալ ավելին 06-28-2015

Արցախում անցկացվել է թթի փառատոն
Արցախում անցկացվել է թթի փառատոն

Այսօր՝ ԼՂՀ կառավարության առընթեր զբոսաշրջության և պատմական միջավայրի պահպանության վարչության նախաձեռնությամբ Ամարաս վանքի հարակից տարածքում առաջին անգամ կազմակերպվել է թթի փառատոն: «Ացախպրես»-ի թղթակցի հաղորդմամբ՝ Ամարասի վանքում տեղի է ունեցել օրհնության արարողություն։ ԼՂՀ 7 շրջաններից կազմված տաղավարներում ներկայացվել են թթից ստացված բարիքները` թթի օղին, դոշաբը, չամիչը, մուրաբան: Բացի դրանից, ցուցադրվել են արցախյան թթի օղու և դոշաբի պատրաստման ավանդական եղանակները և թթի օղու թորման մշակույթը։ Կազմակերպվել են նաև ավանդական խաղեր, թթենիների թափ տալու մրցույթներ, հյուրասիրություն և այլ ժամանցային միջոցառումներ:Փառատոնի ընթացքում հնչել են հայկական ավանդական և ժամանակակից երգ ու երաժշտություն: Փառատոնի ընթացքում Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանի ձեռամբ տեղի է ունեցել թթի օրհնության արարողություն։ Միջոցառման մասնակիցները ծանոթացել են արցախցի տաղանդավոր նկարիչների, վարպետների, կավագործների աշխատանքներին, ինչպես նաև փառատոնում ներկայացվել են նաև մետաքսագործությունը և մետաքսի մշակման արվեստը: Միջոցառմանը մասնակցում էին ԼՂՀ նախագահ Բակո Սահակյանը, Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, պաշտոնատար այլ անձինք, հյուրեր Հայաստանի Հանրապետությունից և արտերկրից: Նշենք, որ թութը և դրանից ստացված բարիքները մեծ նշանակություն ունեն արցախցիների համար. դրա վկայությունը հենց թթենիների բազմաթիվ այգիների առկայությունն է ամբողջ Արցախում: Փառատոնի կազմակերպման առաջնահերթ նպատակներից են` տարածաշրջանում զբոսաշրջության զարգացման խթանումը, տեղական արտադրության զարգացումը, արցախյան խոհանոցի հանրահռչակումը, ինչպես նաև համայնքների մշակութային կյանքի աշխուժացումը:

Կարդալ ավելին 06-28-2015

ԼՂՀ պաշտպանության նոր նախարար է նշանակվել
ԼՂՀ պաշտպանության նոր նախարար է նշանակվել

Նախագահ Բակո Սահակյանը հունիսի 15-ին ստորագրել է հրամանագիր, համաձայն որի` գեներալ-լեյտենանտ Մովսես Հակոբյանն ազատվել է Լեռնային Ղարաբաղի Հանրապետության պաշտպանության նախարար ու պաշտպանության բանակի հրամանատարի պաշտոնից: ԼՂՀ նախագահի աշխատակազմի տեղեկատվության գլխավոր վարչության փոխանցմամբ՝ նույն օրը երկրի ղեկավարը ստորագրել է հրամանագիր` գեներալ-լեյտենանտ Լեւոն Մնացականյանին Լեռնային Ղարաբաղի Հանրապետության պաշտպանության նախարար ու պաշտպանության բանակի հրամանատար նշանակելու մասին: Նախագահի մեկ այլ հրամանագրով` Արցախի Հանրապետությանը մատուցած բացառիկ ծառայությունների համար գեներալ-լեյտենանտ Մովսես Հակոբյանը պարգեւատրվել է «Գրիգոր Լուսավորիչ » շքանշանով։ Հունիսի 17-ին նախագահ Սահակյանն այցելել է ԼՂՀ պաշտպանության նախարարություն եւ բանակի հրամանատարական կազմին ներկայացրել նորանշանակ նախարար Լեւոն Մնացականյանին: Նախագահ Սահակյանը երախտագիտություն է հայտնել պաշտպանության նախկին նախարար Մովսես Հակոբյանին՝ իրականացված ծավալուն աշխատանքի համար, ընդգծելով, որ նրա հրամանատարության տարիներին պաշտպանության բանակի մարտունակությունը հասել է նոր մակարդակի, լուծում է տրվել բազմաթիվ խնդիրների: Բակո Սահակյանը վստահությամբ նշել է, որ Մովսես Հակոբյանը կշարունակի իր հարուստ փորձն ու գիտելիքները ներ դնել Հայաստանի Հանրապետության զինված ուժերի գլխավոր շտաբի պետի տեղակալի նոր պատասխանատու պաշտոնում: Խոսելով նորանշանակ նախարարի մասին` երկրի ղեկավարը նշել է, որ Լեւոն Մնացականյանը հարուստ փորձ, բանակում մեծ հեղինակություն եւ հարգանք վայելող, խոր գիտելիքներ ունեցող գեներալներից է, ով զբաղեցրած բոլոր պաշտոններում լավագույնս է դրսեւորել իրեն : Արցախի Հանրապետության զինված ուժերի գերագույն գլխավոր հրամանատարը համոզմունք է հայտնել, որ Լեւոն Մնացականյանը նույն եռանդով կաշխատի նաեւ որպես պաշտպանության նախարար ու պաշտպանության բանակի հրամանատար՝ իր ողջ կարողություններն ուղղելով բանակի զորացման եւ դրա մարտունակության շարունակական բարձրացմանը: Հանդիպմանը ներկա էին Հայաստանի Հանրապետության պաշտպանության նախարար Սեյրան Օհանյանը, պաշտոնատար այլ անձինք:

Կարդալ ավելին 06-17-2015

«Արցախ» հայրենակցական միությունը կոչ է անում աշխարհի բոլոր հայերին ընտանեկան արձակուրդն անցկացնել Արցախում
«Արցախ» հայրենակցական միությունը կոչ է անում աշխարհի բոլոր հայերին ընտանեկան արձակուրդն անցկացնել Արցախում

«Արցախ» հայրենակցական միությունը կոչ է անում աշխարհի բոլոր հայերին պարբերաբար այցելել Արցախ, ամեն տարի իրենց ընտանեկան արձակուրդի գոնե մեկ շաբաթն անցկացնել Արցախում: «Արցախ» հայրենակցական միության հայտարարության մեջ, մասնավորապես, ասվում է. «Սիրելի՛ արցախցիներ, Ճակատագրի բերումով մեծաթիվ բնիկ արցախցիներ այսօր ապրում են ոչ միայն Արցախում ու Հայաստանում, այլև արտերկրում և, մանավանդ, հետխորհրդային տարածքներում: Մեր հայրենակցական միությունն էլ դրա արդյունքն ու վկայությունն է: Բայց մեզնից յուրաքանչյուրը, որտեղ էլ որ ապրի, միևնույն է, մնում է հավատարիմ իր նախնիների հողին, միշտ կարոտով ու երջանկության զգացումով է հիշում իր փոքր հայրենիքը: Այստեղ հողի յուրաքանչյուր քառակուսին անսահման հերոսությամբ, թասիբով, քրտնաջան աշխատանքով ու հարուստ պատմությամբ է ճառագում: Ըստ մոտավոր հաշվարկների, այսօր աշխարհում ապրում է մոտ կես միլիոն արցախցի: Արտերկրում արդեն ծնվել են նորանոր սերունդներ: Որքան էլ ցավալի լինի խոստովանելը, բազում արցախցի պատանիներ կան, որ երբևէ չեն եղել իրենց նախնիներ հողում: Մենք կոչ ենք անում աշխարհի բոլոր հայերին պարբերաբար այցելել Արցախ, ամեն տարի իրենց ընտանեկան արձակուրդի գոնե մեկ շաբաթն անցկացնել Արցախում: Վստահեցնում ենք, լավագույն հանգստի համար Լեռնային Ղարաբաղում իսկապես կան բոլոր անհրաժեշտ ժամանակակից պայմանները: Մեր կոչը հատկապես ուղղված է ծագումով արցախցիներին: Չկա աշխարհում ավելի մեծ ուժ, քան հայրենի հողի ուժն է: Այդ հզոր ուժով լիցքավորվելը մեզ բոլորիս դարձնում է ավելի միասնական և անպարտելի: Ով ով, բայց մենք շատ լավ գիտենք Արցախ աշխարհի գրավչությունը, գեղեցկությունը, պատմական հարստությունն ու կարևորությունը: Մեր համոզում է, որ ղարաբաղցիների այցելությունները Արցախ պետք է դառնան ոչ միայն պարբերական, այլև պարտադիր: Արցախում անցկացրած ամեն օրը հիշվելու է որպես տոն, և վերադառնալու եք ավելի հայացած ու ավելի հարստացած: Տարեկան մեկ շաբաթ Արցախում՝ հօգուտ փայլուն հանգստի, հօգուտ մեր զավակների դաստիարակության և հանուն Արցախի. ահա նշանաբանը, որ մենք առաջարկում ենք»:

Կարդալ ավելին 06-01-2015

Մեր հաղթանակները շարունակական են՝ առաջին գծում մեր զինվորը ամեն օր հերոսություն է կատարում. Սեյրան Օհանյան
Մեր հաղթանակները շարունակական են՝ առաջին գծում մեր զինվորը ամեն օր հերոսություն է կատարում. Սեյրան Օհանյան

Հայկական հաղթանակները, հերոսությունները այսօր էլ կան և արտահայտվում են առաջին գծում մեր զինվորների հերոսություններով: tert.am-ի փոխանցմամբ՝ այսօր մայիսյան հաղթանակների առթիվ Սարդարապատի հուշահամալիր այցելած պաշտպանության նախարար Սեյրան Օհանյանը հայտարարեց`անդրադառնալով օրվա խորհրդին: «Չէի ասի, թե վերջին ժամանակներս հաղթանակներ չենք ունեցել: Վերջին հաղթանակները, որոնք ունեցել ենք Արցախյան ազատամարտից հետո շարունակական են, քանի որ այսօր առաջին գծում մեր զինվորը ամեն օր հերոսություն է կատարում` հաստատակամ, ըմբոստ հայացքով նայում է դեպի առաջ և հետևում մեր ժողովրդի խաղաղ արարումին»,- ասաց Սեյրան Օհանյանը: Անդրադառնալով ՀՀ քաղաքացու կյանքին, որ դժվարին սոցիալական պայմաններում գտնվելով է ապրում, ՀՀ պաշտպանության նախարարը նկատեց. «Մեր ժողովրդի համար երբևէ հեշտ կյանք չի եղել, միշտ դժվարություններ քաշել են, մենք դժվար պայքարում են ստեղծել: Եվ այդ առումով հերոս է մեր ամբողջ ժողովուրդը»: Իսկ հայոց պատմության լավագույն հերոսական էջերը` Ղարաքիլիսա, Բաշ-Ապարան, և այլն ունեն նաև նորագույն էջեր` Շուշիի ազատագրում և Ղարաբաղյան ազատամարտ: Սա, ըստ Սեյրան Օհանյանի, եղել է միայն շնորհիվ նվիրումի, գաղափարական պատրաստակամության, հայրենասիրության վսեմ հատկանիշների, ի փառս Հայաստանի և ի փառս Արցախի:

Կարդալ ավելին 05-29-2015

Ղարաբաղի հարցը արցախցիներն են լուծելու. Մովսես Հակոբյան
Ղարաբաղի հարցը արցախցիներն են լուծելու. Մովսես Հակոբյան

Հայաստանի ու Արցախի ժողովուրդն արդեն ապացուցել է, որ երբ պայքարում է` հաղթում է: Այս մասին այսօր` մայիսի 28-ին, լրագրողների հետ զրույցում ասաց Սարդարապատի հուշահամալիր այցելած` Լեռնային Ղարաբաղի պաշտպանության բանակի հրամանատար Մովսես Հակոբյանը: «Տոն օր է, ոգևորված ենք, հպարտ ենք, որ հաղթել ենք ճակատամարտում և մեր առաջին Հանրապետությունն է ստեղծվել: Այդ հաղթանակը նախադրյալ է մեր հետագա հաղթանակների համար: Հայաստանի և Արցախի ժողովուրդն ապացուցեց, որ երբ պայքարում է, հաղթում է: Ղարաբաղի հարցը արցախցիներն են լուծելու, մի անգամ դա ապացուցել ենք»,-ասաց Հակոբյանը: Լեռնային Ղարաբաղի պաշտպանության բանակի հրամանատարի խոսքով` այժմ Հայաստան-Ադրբեջան շփման գծում իրավիճակը հանգիստ է:

Կարդալ ավելին 05-29-2015

Արցախում առաջին անգամ կազմակերպվելու է Խնոցու փառատոն
Արցախում առաջին անգամ կազմակերպվելու է Խնոցու փառատոն

ԼՂՀ մշակույթի և երիտասարդության հարցերի նախարարությունը ոչ նյութական մշակութային ժառանգության պահպանման ծրագրի շրջանակներում հունիսի 2-ին` ժամը 13:00-ին, Շուշիի շրջանի Հին Շեն գյուղում առաջին անգամ կազմակերպելու է Խնոցու փառատոն: Արցախի բարբառի և ազգագրության ուսումնասիրության կենտրոնի ֆեյսբուքյան էջի փոխանցմամբ՝ փառատոնին ներկայացվելու է խնոցու հարման ողջ գործընթացը: Ստացված կաթնամթերքը մատուցվելու է ավանդական ձևով: Փառատոնի նպատակն է արցախյան ոչ նյութական մշակութային արժեքների պահպանումն ու հանրահռչակումը, ազգային ավանդույթների, սովորույթների, ազգագրական առանձնահատկությունների հանդեպ հոգածության և հարգանքի արմատավորումը: Փառատոնը կուղեկցվի ավանդական հյուրասիրությամբ, խաղերով ու խաղերգերով, արցախյան երգ-երաժշտությամբ:

Կարդալ ավելին 05-29-2015

Մեծ հայրենականում Արցախն ավելի շատ զորավարներ ու հերոսներ է տվել քան ԽՍՀՄ շատ երկրներ միասին. Սերգեյ Բարսեղյան
Մեծ հայրենականում Արցախն ավելի շատ զորավարներ ու հերոսներ է տվել քան ԽՍՀՄ շատ երկրներ միասին. Սերգեյ Բարսեղյան

Լույս է տեսել ԼՂՀ Հայրենական մեծ պատերազմի և աշխատանքի վետերանների միության նախագահ Սերգեյ Բարսեղյանի «Արցախ-Ղարաբաղը Մեծ հայրենականում (1941-1945թթ.)» գիրքը, որը նվիված է Հայրենական մեծ պատերազմի հաղթանակի 70-ամյակին։ «Արցախպրեսե»-ի հաղորդմամբ` գիրքը նպատակ ունի հասարակության լայն շրջանակներին լայնամասշտաբ տեղեկություններ տալ ծննդով արցախցի և նախկին Ադրբեջանական ԽՍՀ հայաբնակ բնակավայրերից` Հայրենական մեծ պատերազմի աշխարհաճանաչ հայ զորավարների, հերոսների, Փառքի շքանշանների ասպետների, և այդ պատերազմում զոհվածների` անվանացանկով նրանց հիշատակին կառուցված հուշարձան-կոթողների մասին: Հեղինակի խոսքով` գրքի տպագրության համար հիմք է ծառայել այն հանգամանքը, որ ընդամենը 120-130 հազար բնակչություն ունեցող Արցախը Հայրենական պատերազմում ավելի շատ հերոսներ ու բարձրագույն հրամանատարներ, մարշալներ է տվել, քան Խորհրդային Միության կազմում գտնվող ամբողջ Անդրկովկասը, միջինասիական ու մերձբալթյան երկները միասին վերցրած։ Գիրքը պետպատվերի շրջանակներում լույս է տեսել հեղինակային խմբագրությամբ ՝«Դիզակ պլյուս» հրատարակչության տպարանում, 250 օրինակ տպաքանակով: Այն հնարավոր է ձեռք բերել Ստեփանակերտի և շրջկենտրոնների գրադարաններից։

Կարդալ ավելին 05-29-2015

ԹԱԼԻՇՑԻՆԵՐԻ ՄԱՍՆԱԿՑՈՒԹՅՈՒՆԸ  ՄԵԾ  ՀԱՅՐԵՆԱԿԱՆԻՆ
ԹԱԼԻՇՑԻՆԵՐԻ ՄԱՍՆԱԿՑՈՒԹՅՈՒՆԸ ՄԵԾ ՀԱՅՐԵՆԱԿԱՆԻՆ

Հայրենական Մեծ պատերազմին իրենց մասնակցությունն են ցուցաբերել նաև թալիշեցիները, որոնք կռվել են գրեթե ամբողջ ճակատում: Թալիշեցիներ շատ կային հայկական լեգենդար 409-րդ դիվիզիայում: Այդ դիվիզիայի 964-րդ հրետանային գնդում իր տաղանդն ու արիությունը ցուցաբերեց գնդապետ Գեորգի Ալեքսանի Սողոմոնյանը, որը դեռ Մոզդոկում կապիտանի կոչումով գնդի շտաբի պետն էր և նրա իսկական հրամանատարը: Իսկ համերկրացիների հետ նա հասավ մինչև Բեռլին: Նրա գնդի հրետանավորներից էին Սաշա Դանիելյանը, Սաշա Օհանայանը, Սաշա Մուսաելյանը, Սաշա Իսախանյանը, Սրապիոն Ավագյանը, Նիկոլայ Օհանայանը և ուրիշներ: Այդ դիվիզիայի շարքերում, ահեղ մարտերում կոփվել են մայոր Սուրեն Իսախանյանը, շարքայիններ Դարչո Ավագյանը, Մարտիրոս Խաչատրյանը, Հակոբ Խաչատրյանը, Սանջան Պետրոսյանը, Սահակ Հայրապետյանը և ուրիշներ: Վոլխովի ճակատում արյունահեղ մարտերին մասնակցել է Հայրենական պատերազմի հաշմանդամ կապիտան Հայկազ Սահակյանը: Հերոսական Մալայա Զեմլյայում կռվել է կապիտան Իշխան Բեգլարյանը: Միջին հրամանատարական կոչումով Մեծ հայրենականից վերադարձել են մայոր Գարեգին Զաքարյանը, Գարեգին Իսախանյանը, կապիտան Իվան Բաբայանը, ավագ լեյտենանտ Ռուբեն Խալաֆյանը, լեյտենանտ Սերգեյ և Ջիվանշիր Աբրահամյանները: Ռազմաճակատում քաղաշխատողներ են եղել երեք Դանիելյան եղբայրները` գնդապետ Ստեփանը, մայոր Դավիթը և կապիտան Սամվելը, ինչպես նաև կապիտան Մովսես Դալլաքյանը, կապիտան Իշխան Բեգլարյանը և Արմենակ Բախշիի Դանիելյանը: Մեծ հայրենականին մասնակցած թալիշցիները իրենց խիզախության և արիության համար պարգևատրվել են բազմաթիվ շքանշաններով և մեդալներով: Խաչան Մեժլումյանի, Մովսես Խաչատրյանի, Վաչագան Դանիելյանի և Վաղինակ Դանիելյանի կրծքներին այլևս տեղ չկար նոր, Հոբելյանական մեդալ կպցնելու: Հայրենական պատերազմին պատվավոր մասնակցություն են ցույց տվել Թալիշի դուստրերը: Նրանք են Լիզա Գադանի Հարությունյանը, Մարուսյա Ալեքսանի Դանիելյանը, Ռոզա Ղահրամանի Շովգարյանը, Աստղիկ Ստեփանի Ստեփանյանը, Հերիքնազ Դանիելի Դանիելյանը, Սիրան Շամիրի Բաբայանը և Ֆիրուզա Դալլաքյանը: Մեծ հաղթանակի օրը` 1945 թվականի մայիսի 9-ը թալիշցիները դիմավորեցին ցնծությամբ և արտասուքն աչքերին, յուրաքանչյուր օջախ, ընտանիք զոհ էր տվել Մեծ Հայրենականում: Թալիշցիները արյան գնով են ապացուցել իրենց հայրենասիրությունը: Գյուղից զորացրված 489 հոգուց չվերադարձան 222-ը, որոնք զոհվեցին հանուն Հայրենիքի: Կենդանի վերադարձած 267 հոգուց կեսից ավելին դարձան կոլտնտեսության արտադրության վետերաններ: Նահատակների հիշատակը հավերժացնելու համար 1968 թվականին Թալիշում կանգնեցվեց մեծ հուշարձան, որի վրա փորագրվեցին բոլոր զոհվածների անունները: Փառք բոլորին: Այսօր, երբ ամբողջ ժողովուրդով տոնում ենք հաղթանակի 70-ամյակը, ցավոք սրտի մեզ հետ չեն մեր վետերանները: Թալիշեցի միակ մասնակիցը, որն ապրում է` Լիզա Գադանի Հարությունյանն է և այժմ բնակվում է Աբովյան քաղաքում: Ամբողջ թալիշցիներով, մասնավորապես Արցախյան պատերազմի թալիշեցի վետերաններս շնորհավորում ենք Լիզա մայրիկի տոնը, ցանկանում ենք նրան քաջ առողջություն ու երկար տարիների կյանք:

Կարդալ ավելին 05-09-2015

Մայիսի 9. հաղթանակների օր
Մայիսի 9. հաղթանակների օր

Մայիսը հաղթանակների ամիս է, իսկ մայիսի 9-ը` կրկնակի հաղթանակների օր: Այսօր նշվում է մեր պապերի` ֆաշիզմի դեմ տարած փառապանծ հաղթանակի 70-րդ և նրանց որդիների ու թոռների պանծալի հաղթանակի տոնը, որը նշանավորվեց 23 տարի առաջ Շուշիի ազատագրման հաղթական համազարկերով: Հայ ժողովուրդն արժանի ներդրում է ունեցել Հիտլերյան Գերմանիայի դեմ պայքարում: Հայրենական մեծ պատերազմին մասնակցել է 500 հազար հայ, որոնցից 300 հազարը եղել է Խորհրդային Հայաստանից, իսկ մնացած 200 հազարը` Խորհրդային Միության այլ հանրապետություններից: Սա իրոք պատկառելի թիվ է, եթե հաշվի առնենք, որ 1939թ. տվյալներով հայերի թիվը ողջ ԽՍՀՄ-ում մոտ 2 մլն էր, այսինքն` հայերի 25 տոկոսը մարտնչում էր: Բացի նրանցից` 100 հազար հայ էլ մարտնչում էր հակահիտլերյան կոալիցիայի երկրների զորքերի կազմում: 300 հազար հայ հերոսաբար ընկել է ռազմի դաշտում: Շուրջ 70 հազար հայ պարգեւատրվել է մարտական շքանշաններով ու մեդալներով: Խորհրդային Միության հերոսի բարձր կոչմանն է արժանացել 103 հայ` գրավելով 6-րդ տեղը ռուսներից, ուկրաինացիներից, բելառուսներից, թաթարներից և հրեաներից հետո: Խորհրդային Միության կրկնակի հերոսի կոչման են արժանացել Հովհաննես Բաղրամյանը և Նելսոն Ստեփանյանը: 27 հայ զինվորական դարձել է փառքի շքանշանի լրիվ ասպետ, ինչը հավասարեցվում է Հերոսի կոչմանը: Հայ ժողովուրդը Հայրենական մեծ պատերազմին տվել է նաեւ 64 գեներալ, մեկ ավիացիայի մարշալ, մեկ ծովակալ: Պատերազմից հետո գեներալի կոչում է ստացել մարտական գործողությունների մասնակից ևս 83 հայ սպա: 23 տարի առաջ Արցախի Պաշտպանության բանակը և կամավորական ջոկատներն ազատագրեցին Շուշին։ Հայաստանում ու Արցախում մայիսի 9-ը նշվում է որպես Շուշիի ազատագրման և ԼՂՀ Պաշտպանության բանակի ստեղծման օր։ Շուշիի ազատագրման ռազմական գործողությունն անցկացվել է 1992թ. մայիսի 8-9-ին: Ռազմական գործողության ելքը կանխորոշվել էր արդեն իսկ մայիսի 8-ին, երբ գլխավոր հարավային ուղղության՝ Լաչինի և մյուս երեք ուղղությունների ստորաբաժանումները նպաստավոր բնագծեր էին գրավել Շուշիի մատույցներում: Մայիսի 8-ի երեկոյան տրված դադարը հակառակորդին հնարավորություն է ընձեռել հատկացված միջանցքով հեռանալ բերդաքաղաքից: Մայիսի 9-ին արդեն Շուշին ազատագրված էր: Շուշիի ազատագրման մարտերում հայկական կողմն ունեցել է 57 զոհ, թշնամին՝ 250-300 սպանված, 600-700 վիրավոր, 13 գերի: Հետաքրքրական է, որ Ղարաբաղյան պատերազմի հրադադարը նույնպես կնքվեց 1994–ի մայիսի 9–ին, և այդ օրը նույնպես տոնական օր է համարվում։

Կարդալ ավելին 05-09-2015

Երկրապահները շարունակում են մատաղ սերնդի հայրենասիրական դաստիարակության գործը. Սեյրան Օհանյան
Երկրապահները շարունակում են մատաղ սերնդի հայրենասիրական դաստիարակության գործը. Սեյրան Օհանյան

Մեծ շուքով ու հանդիսավորությամբ մայիսի 8-ին նշվել է Երկրապահ կամավորականների միության օրը: Օր, որը խորհրդանշում է նաև Շուշիի ազատագրումը: Օր, որը խորհրդանշում է նաև Շուշիի ազատագրումը: Եվ, ավանդույթի համաձայն, Արցախյան ազատամարտում զոհված կամավորականների հիշատակին հարգանքի տուրք մատուցելու նպատակով այդ օրը ԵԿՄ վարչության շենքը և Եռաբլուր զինվորական պանթեոնը կրկին բազմամարդ էին: ՀՀ պաշտպանության նախարարության տեղեկատվության և հասարակայնության հետ կապերի վարչության փոխանցմամբ՝ երկրապահ կամավորականների միության օրվա առթիվ ԵԿՄ վարչության շենքում կազմակերպված հանդիսավոր միջոցառմանը մասնակցել են ՀՀ ԱԺ նախագահ Գալուստ Սահակյանը, ՀՀ պաշտպանության նախարար Սեյրան Օհանյանը, Երևանի քաղաքապետ Տարոն Մարգարյանը, ԵԿՄ վարչության նախագահ Մանվել Գրիգորյանը, բարձրաստիճան այլ պաշտոնյաններ, զինվորականներ, մտավորականներ և այլք: Օրը կրկնակի տոն է երկրապահների համար, քանի որ ավելի քան մեկ տարվա աշխատանքներից հետո ԵԿՄ վարչության շենքի բակում հանդիսավորությամբ բացվել է պատանի երկրապահների ուսուցման նոր կենտրոնը, ֆիզպատրաստության հրապարակը, թանգարանը, գրադարանը և աղոթատեղին: Թանգարանի բակում ԵԿՄ վարչության նախագահ Մանվել Գրիգորյանի նախաձեռնությամբ հիմնադրվել է նաև հայ ժողովրդի պատմական բոլոր իրադարձություններն ու այդ ընթացքում իրենց հայրենանվեր գործով անմահացած քաջարի հայորդիների սխրանքն արտացոլող խաչքարերի պուրակ, որոնց օրհնության արարողակարգից հետո բարձրաստիճան հյուրերը ուղևորվել են Եռաբլուր զինվորական պանթեոն՝ հարգանքի տուրք մատուցելու Արցախյան ազատամարտում զոհված կամավորականների հիշատակին: Ներկաները ծաղիկներ ու ծաղկեպսակներ են դրել զորավար Անդրանիկի, սպարապետ Վազգեն Սարգսյանի շիրմաքարերին, խոնարհվել են զոհված ազատամարտիկների հիշատակը հավերժացնող հուշակոթողի առջև: Իր շնորհավորանքի խոսքում ԵԿՄ վարչության նախագահ Մանվել Գրիգորյանը նշել է, որ Երկրապահի օրը հայրենիքի համար մարտնչող, սահմանը պահող հայ զինվորի մեծարման օրն է: Պաշտպանության նախարար Սեյրան Օհանյանն էլ, մայիսյան հաղթանակների կապակցությամբ շնորհավորելով համայն հայությանը, ընդգծել է, որ պատերազմի դաշտում ձևավորված երկրապահ կամավորական ջոկատները, համախմբվելով մեկ ճշմարիտ գաղափարի շուրջ, փառքով են կատարել իրենց գործը` ասպարեզը թողնելով հայոց կանոնավոր բանակին և այսօր էլ շարունակում են մատաղ սերնդի հայրենասիրական դաստիարակությանն ուղղված աշխատանքները:

Կարդալ ավելին 05-08-2015

Նախագահ Սահակյանը մասնակցել է Շուշիի ազատագրման օրվան նվիրված միջոցառումներին
Նախագահ Սահակյանը մասնակցել է Շուշիի ազատագրման օրվան նվիրված միջոցառումներին

Արցախի Հանրապետության Նախագահ Բակո Սահակյանը մայիսի 8-ին Հաղթանակի 70-րդ տարեդարձի, ԼՂՀ պաշտպանության բանակի եւ Շուշիի ազատագրման օրվան նվիրված տոնական միջոցառումների շրջանակներում այցելել է Շուշի ԼՂՀ նախագահի աշխատակազմի տեղեկատվության գլխավոր վարչության փոխանցմամբ՝ նախագահը ծաղկեպսակ ու ծաղիկներ է դրել տանկ-հուշարձանի պատվանդանին, սպարապետ Վազգեն Սարգսյանի եւ ԽՍՀՄ կրկնակի հերոս Նելսոն Ստեփանյանի հուշարձաններին: Այնուհետեւ Նախագահը Շուշիի արվեստի կենտրոնում դիտել է «Շուշիից Շուշի» ֆոտոցուցահանդեսը, մասնակցել քաղաքի մարզահրապարակում կազմակերպված տոնական համերգին ու ցուցահանդես-տոնավաճառին: Տոնական միջոցառումներին մասնակցել են ՀՀ վարչապետ Հովիկ Աբրահամյանը, ԼՂՀ երկրորդ նախագահ Արկադի Ղուկասյանը, Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԼՂՀ ԱԺ նախագահ Աշոտ Ղուլյանը, վարչապետ Արա Հարությունյանը, Արցախի և Հայաստանի բարձրաստիճան պաշտոնյաներ, հյուրեր Սփյուռքից և արտերկրից:

Կարդալ ավելին 05-08-2015

Հաղթանակի 70-րդ տարեդարձի, ԼՂՀ պաշտպանության բանակի Շուշիի ազատագրման օրվան նվիրված միջոցառումները մեկնարկել են.
Հաղթանակի 70-րդ տարեդարձի, ԼՂՀ պաշտպանության բանակի Շուշիի ազատագրման օրվան նվիրված միջոցառումները մեկնարկել են.

Այսօր` մայիսի 8-ին, Հաղթանակի 70-րդ տարեդարձի, ԼՂՀ պաշտպանության բանակի և Շուշիի ազատագրման օրվան նվիրված տոնական միջոցառումների շրջանակներում Արցախի Հանրապետության նախագահ Բակո Սահակյանի գլխավորությամբ հայկական երկու հանրապետությունների բարձրաստիճան պաշտոնյաներ այցելել և ծաղկեպսակ ու ծաղիկներ են դրել Շուշի քաղաքի տանկ-հուշարձանի պատվանդանին, սպարապետ Վազգեն Սարգսյանի եւ ԽՍՀՄ կրկնակի հերոս Նելսոն Ստեփանյանի հուշարձաններին: Շուշիի Սուրբ Ղազանչեցոց Ամենափրկիչ եկեղեցում Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանի հանդիսապետությամբ տեղի է ունեցել Համահայկական 6-րդ խաղերի ջահի վառման արարողություն: Տոնակատարության մասնակիցները Շուշիի արվեստի կենտրոնում ծանոթացել են «Շուշիից Շուշի» ֆոտոցուցահանդեսին, ցուցահանդես-տոնավաճառին և ներկա գտնվել քաղաքի մարզահրապարակում կազմակերպված տոնական համերգին: «Արցախպրես»-ի թղթակցի հետ զրույցում ՀՀ-ից ժամանած պատվիրակության անդամ, Հայաստանի տարածքային կառավարման և արտակարգ իրավիճակների նախարար Արմեն Երիցյանը, շնորհավորելով համայն հայությանը Հաղթանակի տոնի առթիվ, ընդգծել է է, որ Արցախը սրբություն է յուրաքանչյուր հայի համար: Արցախի առողջապահության նախարար Հարություն Քուշկյանն արցախցիներին մաղթել է ամուր առողջություն և բոլոր բնագավառներում նորանոր հաղթանակներ: Երևանից ժամանած արցախյան ազատամարտի վետերանների 60 հոգանոց խմբի անունից շնորհավորել է «Մարտիկ» արցախյան ազատամարտի վետերանների միություն ՀԿ նախագահ Անդրանիկ Առաքելյանը, ով նշել է, որ իրենց խումբը 20 տարի անընդմեջ մասնակցում է Եռատոնին նվիրված տոնակատարություններին` միաժամանակ հարգանքի տուրք մատուցելով արցախյան ազատամարտում զոհվածների հիշատակին: «Մենք միշտ մեր հայրենիքի զինվորի կողքին ենք, որպեսզի այլևս չկրկնվի ցեղասպանությունն և մենք միայն այսպիսի փառավոր հաղթանակներ տոնենք»,- ասաց Ա. Առաքելյանը: Նշենք նաև որ տոնական միջոցառումներին մասնակցել են ՀՀ վարչապետ Հովիկ Աբրահամյանը, ԼՂՀ երկրորդ նախագահ Արկադի Ղուկասյանը, ԼՂՀ ԱԺ նախագահ Աշոտ Ղուլյանը, վարչապետ Արայիկ Հարությունյանը, Արցախի և Հայաստանի բարձրաստիճան պաշտոնյաներ, հյուրեր Սփյուռքից և արտերկրից:

Կարդալ ավելին 05-08-2015

Կկարողանանք Արցախը դարձնել միջազգային իրավունքի լիարժեք սուբյեկտ. Սերժ Սարգսյան
Կկարողանանք Արցախը դարձնել միջազգային իրավունքի լիարժեք սուբյեկտ. Սերժ Սարգսյան

Հայաստանը շարունակելու է Ցեղասպանության միջազգային ճանաչման եւ դատապարտման ուղղությամբ համախմբված գործունեությունը։ ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչության փոխանցմամբ՝ այդ մասին ասել է Հայաստանի նախագահ Սերժ Սարգսյանը Վաշինգտոնի հայ համայնքի հետ հանդիպման ժամանակ։ Հանրապետության նախագահը հանդիպում է ունեցել ԱՄՆ հայ համայնքի ներկայացուցիչների հետ, որտեղ հանդես է եկել ողջույնի խոսքով եւ պատասխանել ներկաներին հետաքրքրող հարցերին: «Պատմությունը շարունակում է գրել իր էջերը, եւ անցած ապրիլը նոր էջ գրեց մեր պատմության մեջ, երբ մենք միահամուռ ջանքերով ոգեկոչեցինք Հայոց ցեղասպանության 100-րդ տարելիցը՝ աշխարհին հղելով մեր «այլեւս երբեք» կոչը: Ապրիլի 24-ին Ծիծեռնակաբերդի բարձունքից շուրջ 65 օտարերկրյա պատվիրակությունների, պետությունների ղեկավարների մասնակցությամբ մենք ամրագրեցինք՝ Հայոց ցեղասպանության ճանաչման եւ դատապարտման հարցն այլեւս մարդու իրավունքների համաշխարհային քաղաքականության անօտարելի մասն է: Պատմության ընթացքում մենք միշտ էլ զգացել ենք մեր բարեկամների աջակցությունը, որը դրսեւորվել է ամենատարբեր ձեւերով: Մեծ եղեռնի 100-րդ տարելիցը դարձավ մի նոր էջ միջազգային հանրության զորակցության առումով. Հունաստանի եւ Կիպրոսի խորհրդարանները քրեականացրին Հայոց ցեղասպանության ժխտումը, Ավստրիայի, Բոլիվիայի, Չիլիի եւ Լյուքսեմբուրգի խորհրդարանները ճանաչեցին այն, Եվրոպական խորհրդարանը եւ Ռուսաստանի պետական դուման դատապարտող բանաձեւեր ընդունեցին, իսկ Գերմանիայի Նախագահի շրջադարձային ելույթը՝ սեփական պատմությանն առերեսվելու խիզախության կոչով, ուղենիշ դարձավ աշխարհն ավելի արդար եւ ավելի անվտանգ դարձնելու նպատակ ունեցող ներկա ու ապագա առաջնորդների համար: Բազմաթիվ բանաձեւեր եւ հայտարարություններ ընդունեցին միջազգային ամենատարբեր կառույցներ եւ կազմակերպություններ, այդ թվում նաեւ քաղաքական ուժեր, ինչն ուղղակի աննախադեպ էր: Ես նկատի ունեմ Եվրոպայի ամենաազդեցիկ քաղաքական ուժի՝ Եվրոպական ժողովրդական կուսակցության կողմից Ցեղասպանության ճանաչումն ու դատապարտումը եւ նաեւ կոչը իր կուսակիցներին, պաշտոնատար անձանց՝ սեփական խորհրդարաններում այս հարցն առաջ մղել: Անշուշտ, բացառիկ էր ապրիլի 12-ին Սուրբ Պետրոսի տաճարում Հռոմի Պապ Ֆրանցիսկոսի կողմից մատուցված պատարագը, որն իր հզորությամբ ու դատապարտման ուղերձով սթափեցնող եղավ շատ-շատերի համար: Եվ ես խորապես համոզված եմ, որ այդ միջոցառումը միայն Հայոց ցեղասպանության ճանաչում չէր, այլ հայ ժողովրդի վաստակի գնահատումն էր, հայ ժողովրդի՝ համաշխարհային քաղաքակրթության մեջ ներդրում ունենալու փաստի գիտակցումը: Իհարկե, մեզ համար նաեւ շատ կարեւոր է, որ այս շարքը լրացվելու է Վաշինգտոնի Մայր տաճարում կայանալիք միջկրոնական աղոթքով, ինչպես նաեւ ապագայում նախատեսված այլ միջոցառումներով»,- նշել է Սարգսյանը: Նրա խոսքով, անցնող ապրիլը նշանավորվեց եւս երկու աննախադեպ միջոցառումներով՝ աննախադեպ իրադարձությամբ. Հայաստանում մեկնարկեց «Ընդդեմ ցեղասպանության հանցագործության» գլոբալ համաժողովը, որին մասնակցեցին աշխարհի ամենատարբեր անկյուններից Հայաստան ժամանած 600-ից ավելի գիտնական, հասարակական գործիչ, լրագրող, խորհրդարանական եւ, իհարկե, միջազգային կառույցների ներկայացուցիչներ: «Այնուհետեւ Մայր Աթոռ Սուրբ Էջմիածնում քույր եկեղեցիների առաջնորդների, հյուրերի եւ աշխարհասփյուռ հայորդիների մասնակցությամբ սրբադասվեցին մեր նահատակները: Նրանք այլեւս նահատակներ չեն, այլ սրբեր, ովքեր միշտ աջակից են լինելու մեր պայքարին: Մեր 100-ամյա պայքարի ճանապարհին մենք մշտապես զգացել ենք ԱՄՆ-ի աջակցությունը, եւ այսօր էլ ձեր երկարամյա ու հետեւողական ջանքերի շնորհիվ ԱՄՆ-ը Հայոց ցեղասպանության ճանաչման ու դատապարտման կենտրոններից մեկն է: ԱՄՆ 44 նահանգներ ճանաչել են Հայոց ցեղասպանությունը: Միացյալ Նահանգների ամբողջ տարածքով կանգնած են մեր անմեղ զոհերի հիշատակը վառ պահող բազմաթիվ հուշարձաններ: Մենք, անշուշտ, շարունակելու ենք Ցեղասպանության միջազգային ճանաչման եւ դատապարտման ուղղությամբ համախմբված գործունեությունը, եւ ես վստահ եմ, որ արդեն տեսանելի է այն օրը, երբ հասնելու ենք մեր նպատակին»,- ասել է նախագահը: «Անկասկած, իրավացի էր մեծ հումանիստ Անատոլ Ֆրանսը, երբ ասում էր որ Հայաստանը վերջին շունչն է փչում, բայց կվերածնվի: Այն մի փոքր արյունը, որ դեռ մնում է, ինչպես նա էր ասում, շատ թանկագին է, ու դրանից մի հերոսական սերունդ է ծնվելու: Այն ժողովուրդը, որ չի ուզում մեռնել, երբեք չի մեռնի: Ու ծնվեց այդ հերոսական սերունդը, այն սերունդը, որ անկախություն կերտեց, այն սերունդը, որ ազատագրեց Լեռնային Ղարաբաղը եւ այն սերունդը, որ այսօր լծվել է Հայաստանի շենացման գործին: Անշուշտ, Լեռնային Ղարաբաղի հիմնախնդիրը շարունակում է լինել մեր ամենաառաջնային հարցերից մեկը: Հայաստանի դիրքորոշումը եղել եւ մնում է միջազգային իրավունքի սկզբունքների հիման վրա խնդրի խաղաղ կարգավորումը՝ համահունչ ԵԱՀԿ Մինսկի խմբի համանախագահների եւ համանախագահող երկրների դիրքորոշմանը: Ես շատ ուրախ եմ, որ Արցախի պետականաշինության գործին արդեն սատարել են ԱՄՆ հինգ նահանգներ, եւ սա ամբողջովին ձեր աշխատանքի արդյունքն է: Շնորհակալ եմ ձեզ դրա համար»,- ասել է Սարգսյանը: «Անկախ որեւէ հանգամանքից՝ վստահ եմ, որ մեր համակարգված աշխատանքի շնորհիվ մենք կկարողանանք Արցախը դարձնել միջազգային իրավունքի եւ հարաբերությունների լիարժեք սուբյեկտ: Այն արդեն կայացած պետություն է՝ իր ինստիտուտներով, ժողովրդավարական ընտրությունների փորձով, եւ դա անդառնալի գործընթաց է: Մեր հաջորդ նպատակն է՝ Հայաստանը տնտեսապես կայուն, զարգացող, դիվերսիֆիկացված ու ներդրումների համար գրավիչ երկիր դարձնելը: Այստեղ մենք որոշակի հաջողություններ ունենք գործարար եւ ներդրումային միջավայրի բարելավման, բաց երկնքի քաղաքականության, ազատ տնտեսական գոտիների ստեղծման, ինչպես նաեւ գիտելիքահենք տնտեսության խրախուսման շնորհիվ: Հայաստանում տարեցտարի մեծանում է նաեւ ամերիկյան գործարարության ներկայությունը, եւ այժմ մեր երկրում գործում են ամերիկյան կապիտալով 400-ից ավելի ընկերություններ, իսկ այս տարի՝ կարծում եմ հաշված օրերի ընթացքում, հայկական շուկայում կսկսի գործել ամերիկյան «Կոնտուր Գլոբալ» ընկերությունը՝ իր 250 մլն ԱՄՆ դոլարի հասնող ներդրումային կապիտալով, որը Հայաստանի Հանրապետության պատմության ընթացքում ամենախոշոր ամերիկյան ներդրումն է: Եվ պատահական չէ, որ քիչ առաջ մենք ստորագրեցինք Հայաստանի եւ ԱՄՆ-ի միջեւ Առեւտրի եւ ներդրումների շրջանակային համաձայնագիրը (TIFA), որն արձանագրում է Հայաստանի տնտեսության, ինչպես նաեւ հայ-ամերիկյան տնտեսական համագործակցության ոլորտում մեր հաջողությունները եւ փոխգործակցության նոր դռներ է բացում: Սա նշանակում է, որ երկու երկրների գործարարների միջեւ համագործակցությունը պետականորեն խրախուսվում է»,- նշել է նախագահը: Նա հորդորել է բոլոր հայերին, որպեսզի շարունակեն ակտիվորեն ներգրավվել Հայաստանի Հանրապետության պետականաշինության գործին: «Նախկինում մեր խնդիրն էր՝ բարեգործությունից անցնել փոխադարձ շահութաբեր գործընկերության: Այսօր արդեն մեր խնդիրն է՝ ընդլայնել այդ գործընկերությունը, հատկապես, որ ԵԱՏՄ-ին Հայաստանի անդամակցությունը նոր հնարավորություններ է բացում այսպիսի գործունեության համար: Մենք ԱՄՆ-ի, Կանադայի, Շվեյցարիայի, Ճապոնիայի եւ Նորվեգիայի հետ ունենք «Արտոնությունների ընդհանրացված համակարգից» (GSP) օգտվելու հնարավորություն, իսկ Եվրամիության հետ օգտվում ենք «Արտոնությունների ընդհանրացված համալրված համակարգից» (GSP+), սա նշանակում է, որ հայ գործարարների համար նոր շուկաներ են բացվել: Օրեր առաջ, ապրիլի 23-ի ուշ երեկոյան, Երեւանի սրտում՝ կենտրոնում, հորդ անձրեւի տակ, տասնյակ հազարավոր վեր պարզած ձեռքերի ծովի վրայով աշխարհահռչակ «Սիսթեմ օֆ ը Դաուն» խմբի տպավորիչ կատարմամբ բարձր հնչեց մեր հարատեւության կոչը. «Սերունդնե՛ր, դուք ձեզ ճանաչեք Սարդարապատից»: Այո՛, հենց Սարդարապատում արնաքամ լինող հայը, ի հեճուկս ճակատագրի, ազդարարեց, որ պատրաստ է հայ մնալու մինչեւ իր վերջին կաթիլ արյունը։ Եվ հենց Սարդարապատում հայոց ռազմիկի, շինականի ու հոգեւորականի միասնական սխրագործությունը փշրեց մահաբեր զորքի ողնաշարը։ Իսկ այսօր Հայաստանի Հանրապետության Արմավիրի մարզի մաս կազմող Սարդարապատում, որտեղ ապրում են Վանից ու Մուշից, Իգդիրից ու Ամասիայից տարագրված հայերի սերունդները, վեր է խոյանում հայի արյան ծարավ ուժը խորտակող հայոց հաղթանակի արծիվը։ Սա հիշում ենք մենք, հիշում է Սարդարապատը։ Հիշում է աշխարհն ու հիշում է ժամանակը։ Եվ այդ նույն ժամանակը վկայում է՝ մեր ուղիները Դեր Զորից բոլորիս բերում են Արմավիր։ Սա է այդ նույն ժամանակի պատգամը մեզ ու մեր զավակներին, մեր բարեկամներին ու մեզ թշնամի համարողներին. Հայոց խաչելության ապրիլին միշտ հաջորդում է Հայոց հաղթանակների Մայիսը։ Մեր հպարտության ու մեր հարատեւության Մայիսը, մեր միասնության Մայիսը։ Եվ կեցցե՛ն այն հայորդիները, ովքեր մեր միասնության ջրաղացին ջուր են լցնում: Եվ կեցցե՛ն նրանք, ովքեր անկախ իրենց զբաղեցրած դիրքից, հնարավորություններից, կարողությունից, միշտ միջոց եւ ձեւ են գտնում՝ մասնակցելու Հայաստանի Հանրապետության զարգացմանը եւ հայությանը հուզող հարցերի լուծմանը: Շնորհակալ եմ բոլոր նրանց, ովքեր մասնակցել են մեր ժողովրդի պատիվն ու հեղինակությունը ընդգծող բոլոր այս միջոցառումներին: Շնորհակալ եմ, որ այսօր այստեղ եք եւ վստահ եմ, որ այսօր բոլորդ մտածում եք մեր միասնականության ուժի մասին: Այժմ ես հաճույքով կլսեմ ձեր կարծիքները, թե մենք ինչպես կարող ենք վերստին օգտագործել մեր միասնականության հնարավորությունները՝ մեր ազգային խնդիրներն առաջ տանելու համար եւ պատրաստ եմ պատասխանելու ցանկացած հարցի»,- նշել է Սարգսյանը:

Կարդալ ավելին 05-08-2015

Մայիսի 8-ին և 9-ին մի շարք տոնական միջոցառումներ կլինեն Շուշիում և Ստեփանակերտում. Դավիթ Բաբայան
Մայիսի 8-ին և 9-ին մի շարք տոնական միջոցառումներ կլինեն Շուշիում և Ստեփանակերտում. Դավիթ Բաբայան

Մայիսի 8-ին և 9-ին Շուշիում և Ստեփանակերտում տեղի են ունենալու մի շարք տոնական միջոցառումներ, որոնք նվիրված են լինելու Շուշիի ազատագրման 23-ամյակին, որին մասնակցելու են ներկայացուցիչներ Հայաստանից և Սփյուռքից: Tert.am-ի հետ զրույցում այս մասին ասաց Լեռնային Ղարաբաղի Հանրապետության Նախագահի մամուլի խոսնակ Դավիթ Բաբայանը՝ նշելով, որ նախատեսվում է ավանդական տոնական միջոցառումների շարք: «Միջոցառումները բաղկացած են երկու հիմնական մասից՝ Շուշի և Ստեփանակերտ: Մայիսի 8-ին միջոցառումներն ամբողջությամբ Շուշիում են լինելու՝ մշակութային իրադարձություններ, տոնավաճառ, համահայկական 6-րդ խաղերի ջահի վառումը»,-տեղեկացրեց Դավիթ Բաբայանը: Իսկ մայիսի 9-ին արդեն Ստեփանակերտում կլինեն միջոցառումներ՝ այցելություն հուշահամալիր, ծաղկեպսակների տեղադրում Հայրենական մեծ պատերազմի և Արցախյան ազատամարտի հերոսների հուշարձաններին: «Հրապարակում կլինի նաև ռազմական տեխնիկայի ցուցադրում, համերգներ: Իսկ մայիսի 10-ին Սբ Ղազանչեցոց եկեղեցում կլինի պատարագ՝ պաշտպանության բանակի համար:

Կարդալ ավելին 05-08-2015

Եվրախորհրդարանում կանցկացվեն ԼՂ ինքնորոշմանը նվիրված քննարկում եւ Արցախի ամիս
Եվրախորհրդարանում կանցկացվեն ԼՂ ինքնորոշմանը նվիրված քննարկում եւ Արցախի ամիս

Տարին բուռն է լինելու Լեռնային Ղարաբաղի Հանրապետության եւ Եվրոպական խորհրդարանի միջեւ լայն գործակցության առումով: Այս տարվա ընթացքում նախատեսվում են մի շարք զանգվածային միջոցառումներ, որոնց նպատակն է, ոչ միայն աշխարհին ներկայացնել Արցախի հարցը, այլեւ միջազգային օրակարգում պահել ինքնորոշոման խնդիրը: «Արմենպրես»-ի հետ զրույցում ՀՅԴ Հայ դատի Եվրոպայի հանձնախմբի ղեկավար Գասպար Կարապետյանը նշում է, որ հունիսին Եվրոպական խորհրդարանում կկայանա ազգերի ազատ ինքնորոշման իրավունքին նվիրված գիտաժողով, որի հիմքում կլինի ԼՂՀ ժողովրդի ազատ ինքնորոշման իրավունքը: «Գիտաժողովը կընթանա երկու ուղղությամբ` գիտական եւ քաղաքական: Կմասնակցեն Եվրախորհրդարանի պատգամավորները, նաեւ գիտնականներ, միջազգային իրավունքի մասնագետներ»,- ասաց Գասպար Կարապետյանը` հավելելով, որ նման քննարկումների նպատակն է ոչ միայն ուշադրություն հրավիրել ԼՂ հիմնախնդրին, այլեւ միջազգային հանրության ընկալմանը հասցնել փաստը, որ ազգերի ազատ ինքնորոշումը պետք է վեր դասվի ամեն ինչից: Արցախի թեման Եվրախորհրդարանում կրկին օրակարգային կդառնա սեպտեմբերին: Արցախի անկախության օրվա առթիվ Եվրոպական խորհրդարանի շենքում ոչ միայն կկայանա հյուրասիրություն, որին կմասնակցեն Եվրախորհրդարանում Լեռնային Ղարաբաղի բարեկամությամբ խմբի պատգամավորները, այլեւ քննարկում` նվիրված հայկական երկրորդ պետությանը: «Հոկտեմբերին կկազմակերպվի Արցախի ամիս Եվրախորհրդարանում: Սա ավանդական միջոցառում է եւ իրականացվում է երկրորդ անգամ»,- ասաց Կարապետյանը` հավելելով, որ շատ քիչ երկրներ են ունենում նման ամիսներ եվրոպական այդ հեղինակավոր կառույցում: Բացի քաղաքական համագործակցությունից, շեշտը կդրվի նաեւ մշակութային եւ կրթական հարաբերությունների զարգացմանը: Մասնավորապես, Արցախի եւ Բելգիայի պետական համալսարանների միջեւ կնքվել է գործակցության համաձայնագիր, ինչի արդյունքում մայիսի կեսերին Բելգիայի համալսարանի քաղաքական գիտությունների մի խումբ դասախոսներ կայցելեն Ստեփանակերտ եւ հանդիպումներ կունենան ուսանողների հետ: Հունիսին էլ Արցախի պետական համալսարանի երկու դասախոսներ կգնան Բելգիա եւ կունենան հանդիպումներ եւ փորձի փոխանակում: «Այս ամենը միտված է հասնելու այն իրականությանը, որ Եվրախորհրդարանը ճանաչի Լեռնային Ղարաբաղի անկախությունը»,- ասաց Կարապետյանը` հավելելով, որ դա երկար աշխատանք է եւ արդյունքը չի կարող լինել միանգամից: Գասպար Կարապետյանը հավելում է, որ նման միջոցառումները հիմք են նախապատրաստում, որ Եվրոպայում ապրող մարդիկ տեսնեն ու հասկանան Արցախի էությունն ու հարցը քննարկեն առաջին հերթին մարդկային տեսանկյունից: «Հենց դա է պատճառը, որ, բացի քաղաքական հարցերից, նաեւ գիտական եւ մշակութային քննարկումներ ենք կազմակերպում, որպեսզի մարդիկ հասկանան, որ Արցախը աճող, զարգացող պետություն է»,-նշեց Կարապետյանը: Մշակութային ծրագրերի շրջանակում նա կարեւորում է հոկտեմբերին Եվրախորհրդարանում Արցախի երիտասարդ նկարիչների ստեղծագործությունների ցուցահանդեսը: Այժմ Եվրոպայում լայն թափով ներկայացվում է նաեւ արցախյան գորգագործության առանձնահատկությունը: Դրանք առաջին հերթին ներկայացվում են ոչ թե բիզնեսի, այլ մշակույթի ու պատմական տեսանկյունից:

Կարդալ ավելին 05-07-2015

Ստեփանակերտում կայացել է մայիսյան եռատոնին նվիրված հանդիսավոր միջոցառում:
Ստեփանակերտում կայացել է մայիսյան եռատոնին նվիրված հանդիսավոր միջոցառում:

Այսօր՝ Ստեփանակերտի մշակույթի և երիտասարդության պալատում կայացել է հանդիսավոր միջոցառում՝ նվիրված Հայրենական մեծ պատերազմում տարած հաղթանակի 70-րդ տարեդարձին, Լեռնային Ղարաբաղի Հանրապետության պաշտպանության բանակի և Շուշիի ազատագրման օրվան: «Արցախպրես»-­ի փոխանցմամբ միջոցառմանը բացման խոսքով հանդես է եկել ԼՂՀ պաշտպանության նախարար Մովսես Հակոբյանը, ով շնորհավորել է ներկաներին մայիսյան տոների կապակցությամբ, որից հետո տեղի է ունեցել տոնական համերգ՝ ԼՂՀ պաշտպանության նախարարության «Ասպետ» համույթի և Ստեփանակերտի մանկապատանեկան ստեղծագործական կենտրոնի սաների մասնակցությամբ: Միջոցառմանը ներկա էին ԼՂՀ նախագահ Բակո Սահակյանը, ՀՀ վարչապետ Հովիկ Աբրահամյանի գլխավորած պաշտոնական պատվիրակությունը , ԼՂՀ երկրորդ նախագահ Արկադի Ղուկասյանը, Հայ Առաքելական Եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԼՂՀ ԱԺ նախագահ Աշոտ Ղուլյանը, ԼՂՀ վարչապետ Արա Հարությունյանը, Հայաստանի և Արցախի խորհրդարանների անդամներ, ՀՀ և ԼՂՀ բարձրաստիճան պաշտոնյաներ, սփյուռքահայեր, հյուրեր արտերկրից:

Կարդալ ավելին 05-07-2015

Մայիսյան Եռատոնի առթիվ Մարտակերտի շրջվարչակազմի ղեկավարն ու պաշտոնատար անձինք այցելել են առաջնագիծ
Մայիսյան Եռատոնի առթիվ Մարտակերտի շրջվարչակազմի ղեկավարն ու պաշտոնատար անձինք այցելել են առաջնագիծ

Այսօր` մայիսի 7-ին Մարտակերտի շրջվարչակազմի ղեկավար, ԱԱՄ վարչության անդամ, պահեստազորի գեներալ-մայոր Վլադիկ Խաչատրյանի գլխավորությամբ, ԼՂՀ ԱԺ պատգամավորներ, հիմնարկ ձեռնարկությունների ղեկավարներ եւ պաշտոնատար անձիք Մարտակերտի շրջանի տարբեր ուղղություններով այցելել են առաջնագիծ: Մարտակերտի շրջանի «Ջրաբերդ» պաշտոնաթերթի փոխանցամաբ՝ նրանք առաջնագիծ են այցելել սահմանապահ զինվորների գալիք մայիսյան եռատոնը շնորհավորելու` իրենց հետ տանելով նաեւ սննդամթերք, քաղցրավենիք, մրգեղեն եւ այլն: Շրջվարչակազմի ղեկավար Վլադիկ Խաչատրյանը զինվորների Եռատոնը շնորհավորելով` նրանց մաղթել է անփորձանք ծառայություն եւ հայ գրողների ստեղծագործություններից մի քանի դրվագ պատմել զինվորներին, որոնց մեջ կար եւ խորհուրդ , եւ մեծարում ու այն ամենը ինչը հայրենասիրություն է նշանակում:

Կարդալ ավելին 05-07-2015

ԿԸՀ-ն հրապարակել է ընտրությունների արդյունքները
ԿԸՀ-ն հրապարակել է ընտրությունների արդյունքները

Արցախի ԱԺ ընտրություններին համամասնական ընտրակարգով մասնակցած բոլոր 7 կուսակցություններին քվեարկել են 68 հազար 915 ընտրող: Այս մասին քիչ առաջ հայտնել է ԼՂՀ ԿԸՀ նախագահ Սրբուհի Արզումանյանը: Ըստ ԿԸՀ նախագահի հաղորդած նախնական տվյալների` «Ազատ հայրենիք» կուսակցությանը քվեարկել է 32 հազար 632 ընտրող կամ բոլոր կուսակցություններին քվեարկածների 47,5 տոկոսը: «Ազգային վերածնունդ» կուսակցությանը` 3709 կամ 5,38 տոկոսը, Արցախի ժողովրդավարական կուսակցությանը` 13.105 կամ 19.1 տոկոսը, ԼՂՀ Կոմունիստական կուսակցությանը՝ 1136 կամ 1.65 տոկոսը, «Խաղաղություն և զարգացում» կուսակցություն 591 կամ 0,86 տոկոսը, ՀՅԴ կուսակցությանը 12.965 կամ 18,81 տոկոսը,«Շարժում -88» կուսակցությանը 4477 կամ 6.93 տոկոսը: Ինչպես նշել է Ս. Արզումանյանը ԼՂՀ ընտրական օրենսգրքի համաձայն ընտրությունների արդյունքներով 5 տոկոսի շեմը հաղթահարած կուսակցությունները կներկայացվեն Խորհրդարան: Տվյալ դեպքում այդ կուսակցություններն են` «Ազատ հայրենիք»-ը, ԱԺԿ-ն, ՀՅԴ-ն , «Ազգային վերածնունդ»-ը և «Շարժում-88»-ը:

Կարդալ ավելին 05-04-2015

Երևանում ԼՂՀ ընտրողների մեծամասնությունը քվեարկել է «Ազատ հայրենիքի» օգտին
Երևանում ԼՂՀ ընտրողների մեծամասնությունը քվեարկել է «Ազատ հայրենիքի» օգտին

Երեւանում ԼՂՀ մշտական ներկայացուցչության շենքում տեղակայված արտերկրում Արցախի միակ ընտրատեղամասի քվեարկության արդյունքերի համաձայն՝ թվով 575 ընտրողների ձայների մեծամասնությունը ստացել է «Ազատ հայրենիք» կուսակցությունը՝ 200 ձայն, «Արցախի ժողովրդավարական կուսակցությունը»՝ 172, ՀՅԴ-ն՝ 145, «Շարժում 88»-ը՝ 23, «Ազգային վերածնունդ» կուսակությունը՝24, ԼՂԿԿ-ն՝ 3, «Խաղաղություն եւ զարգացում» կուսակցությունը՝ 1 ձայն, մյուս քվեաթերթիկները անվավաեր են ճանաչվել: Այս մասին այսօր՝ մայիսի 3-ին, NEWS.am-ի հետ զրույցում հայտնեց «Ազգային վերածնունդ» կուսակցության վստահաված անձ Ասպրամ Մանուկյանը: Ասպրամ Մանուկյանը նշեց, որ Երեւանում ԼՂՀ խորհրդարանական ընտրություններն առանց խախտումների են անցել: «Որպես վստահաված անձ կարող եմ վստահեցնել, որ անթերի եւ գովելի ընտրություններ էին, ոչ մի խախտում եւ միջադեպ չի գրանցվել»- ասաց Ասպրամ Մանուկյանը: Նշենք, որ Երեւանում ԼՂՀ մշտական ներկայացուցչության շենքում տեղակայված արտերկրում Արցախի միակ ընտրատեղամասում քվեարկելու հնարավորություն ունեին արցախցի շուրջ 500 ուսանողներ եւ կուրսանտները, իսկ լրացուցիչ ցուցակներով քվեարկել են այն քաղաքացիները, որոնք այսօր Երեւանում են գտնվել: Քվեարկությունն ընթացել է միայն համամասնական կարգով: Հիշեցնենք, որ այսօր՝ մայիսի 3-ին, ԼՂՀ-ում տեղի ունեցան խորհրդարանական ընտրություններ։ ԼՂՀ ԱԺ 33 մանդատների համար պայքարում էին համամասնական համակարգով 7 քաղաքական կուսակցություններ՝ «Ազատ հայրենիք» (50 մարդ), «Ազգային վերածնունդ» (14 մարդ), «Արցախի ժողովրդավարական կուսակցություն (35 մարդ), Լեռնային Ղարաբաղի կոմունիստական կուսակցություն (14 մարդ), «Խաղաղություն եւ զարգացում» (6 մարդ), ՀՅԴ (34 մարդ) եւ «Շարժում 88» (14 մարդ): Մեծամասնական ընտրակարգով առաջադրվել էր 50 թեկնածու, որոնցից 27-ը ինքնաառաջադրվածներ են։ Երեք թեկնածու առաջադրել էր ՀՅԴ-ն, 4-ական թեկնածուներ՝ «Ազատ Հայրենիքը» եւ Արցախի ժողովրդավարական կուսակցությունը, 5 թեկնածու՝ «Ազգային վերածնունդը», 7 թեկնածու՝ «Շարժում 88»-ը։ Մեծամասնական ընտրակարգով առաջադրվածներից 34-ն անկուսակցական են։

Կարդալ ավելին 05-04-2015

Արցախի խորհրդարանական ընտրությունների ոչ պաշտոնական նախնական արդյունքները.
Արցախի խորհրդարանական ընտրությունների ոչ պաշտոնական նախնական արդյունքները.

33 պատգամավորական տեղը բաժանված է 22 համամասնական և 11 մեծամասնական տեղի: Համամասնական 22 տեղի համար պայքարում են 7 կուսակցություններ՝ «Ազատ հայրենիք», «Ազգային վերածնունդ», «Արցախի ժողովրդավարական», «Լեռնային Ղարաբաղի կոմունիստական», «Խաղաղություն և զարգացում», «Հայ հեղափոխական դաշնակցություն», «Շարժում-88» կուսակցությունները: Այս ընտրություններին հրավիրվել ու մասնակցում են 100-ից ավելի միջազգային և 110-ից ավելի տեղական դիտորդներ, չորս տասնյակից ավելի ԶԼՄ-ների 100-ից ավելի ներկայացուցիչներ: Ի դեպ, դիտորդների մեջ կան ՀՀ-ի, Գերմանիայի, Ֆրանսիայի, Իսպանիայի, Ավստրիայի, Կիպրոսի և Եվրոպական խորհրդարանի պատգամավորներ: Թարմացում՝ 21,00-ի դրությամբ՝ Ընտրատեղամասերը փակվել են, և սկսվել է ձայների հաշվարկման գործընթացը: ԿԸՀ տվյալներով՝ ժամը 20,00-ի դրությամբ՝ ընտրություններին մասնակցել են ընտրողների 70,6 տոկոսը, որն ավելի բարձր է, քան 2010թ. ցուցանիշը: ժամը 17,00-ին 101583 ընտրողների շուրջ 63 տոկոսն արդեն կատարել է իր քաղաքացիական պարտքը, ինչը բավականին բարձր ցուցանիշ է: Ժամը 14,00-ի դրությամբ՝ մասնակցայնությունը 46,8% էր: Թարմացում՝ գիշերվա ժամը 3:00-ի դրությամբ՝ ըստ որոշ կուսակցություների հաշվարկների՝ ոչ պաշտոնական ու մոտավոր պատկերը հետևյալն է: 1. «Ազատ հայրենիք» կուսակցություն – 47%, 2. «Ազգային վերածնունդ» կուսակցություն – 5%-ի շեմին է, 3. «Արցախի ժողովրդավարական կուսակցություն» – 19%, 4. «Լեռնային Ղարաբաղի կոմունիստական կուսակցություն» – 1.5%, 5. «Խաղաղություն եւ զարգացում« կուսակցություն – 1%-ից քիչ, 6. «Հայ հեղափոխական դաշնակցություն» կուսակցություն – 19%, 7. «Շարժում-88» կուսակցություն – 6.5%: Սրանք նախնական և կլորացրած արդյունքներն են, և կարող են թեթև շեղում տալ վերջնական արդյունքներից: Ըստ կրկին նախնական ու ոչ պաշտոնական տվյալների՝ մեծամասնական ընտրակարգով հաղթածների ցուցակը հետևյալն է: Ի դեպ, որոշ ընտրատարածքներում կատաղի պայքար է մղվել, և չնչին տարբերությամբ են որոշ թեկնածուներ հաղթել, այնպես որ չեմ բացառում, որ տվյալների վերջնականացումից հետո փոփոխություն լինի ներքոնշյալ ցանկում: 1. Դավիթ Մելքումյան («Արցախի ժողովրդավարական կուսակցություն»), 2. Արսեն Առստամյան (անկախ), 3. Արզիկ Մխիթարյան («Ազատ հայրենիք» կուսակցություն), 4. Վահրամ Բալայան («Հայ հեղափոխական դաշնակցություն» կուսակցություն), 5. Վիտալի Բալասանյան («Շարժում-88» կուսակցություն), 6. Իվան Ավանեսյան («Ազատ հայրենիք» կուսակցություն), 7. Սերգեյ Հարությունյան («Ազատ հայրենիք» կուսակցություն), 8. Դավիթ Իշխանյան («Հայ հեղափոխական դաշնակցություն» կուսակցություն), 9. Արթուր Թովմասյան («Ազատ հայրենիք» կուսակցություն), 10. Լեռնիկ Հովհաննիսյան («Հայ հեղափոխական դաշնակցություն» կուսակցություն), 11. Արմո Ծատուրյան («Արցախի ժողովրդավարական կուսակցություն»): Ըստ վերոնշյալ ցանկերի ու նախնական տվյալների՝ վեցերորդ գումարման Ազգային ժողովի 33 տեղերը կբաշխվեն հետևյալ համամասնությամբ՝ 1. «Ազատ հայրենիք» կուսակցություն – 15 մանդատ (11 համամասնական և 4 մեծամասնական), 2. «Հայ հեղափոխական դաշնակցություն» կուսակցություն – 7 մանդատ (4 համամասնական և 3 մեծամասնական), 3. «Արցախի ժողովրդավարական կուսակցություն» – 7 մանդատ (4 համամասնական և 3 մեծամասնական), 4. «Շարժում-88» կուսակցություն – 2 մանդատ (1 համամասնական և 1 մեծամասնական), 5. «Ազգային վերածնունդ» կուսակցություն – եթե 5%-ի շեմը հաղթահարի վերջնական արդյունքներով, ապա՝ 1 համամասնական մանդատ, այլապես կուսակցություններից մեկը կստանա այդ մեկ մանդատը, իսկ թե որ կուսակցությունը, դժվարանում եմ ասել: Այս 32 մանդատին գումարվում է 1 անկախ պատգամավորի մանդատ:

Կարդալ ավելին 05-04-2015

Արցախի ընտրությունները կարող են օրինակ հանդիսանալ բազմաթիվ երկրների համար. Ֆրանկ էնգել
Արցախի ընտրությունները կարող են օրինակ հանդիսանալ բազմաթիվ երկրների համար. Ֆրանկ էնգել

Եվրախորհրդարանի պատգամավոր Ֆրանկ էնգելը, ով մայիսի 3-ին դիտորդական առաքելություն է իրականացրել ԼՂՀ-ում, շեշտում է, որ վաղուց չի տեսել նման կազմակերպված ընտրություններ, բարձր մակարդակ և մասնակցության նման ցուցանիշ: Ֆրանկ Էնգելի խոսքով՝ ԼՂՀ ընտրությունների պատկերն ու ընթացքը պետք է օրինակելի դառնան բազմաթիվ երկրների համար, որոնք ցանկանում են հասնել ժողովրդավարական ցուցանիշի: «2013թ. մի երկրում, կարծեմ անունը Ադրբեջան է, նախագահական ընտրություններ էին և նախքան քվեատուփերի բացումն արդեն հայտնի էր, թե ով է հաղթել ընտրություններում: Արցախում մենք նման բան չենք տեսել: Ես եղել եմ 20 ընտրատեղամասում և ընտրական գործընթացը համապատասխանում էր այն չափանիշներին, որոնք կան Եվրոպայում»,- ԼՂՀ ԿԸՀ մամուլի կենտրոնում կայացած ասուլիսի ժամանակ,- ասաց Ֆրանկ Էնգելը` հավելելով, որ Արցախը հերթական անգամ ապացուցեց իր ժողովրդավարական բարձր մակարդակը: Եվրախորհրդարանի պատգամավորը նաև ափսոսանք հայտնեց ԼՂՀ ԱԺ ընտրությունների վերաբերյալ Եվրամիության և եվրոպական այլ կառույցների հայտարարությունների առնչությամբ: «Համոզված եմ, որ եթե Լեռնային Ղարաբաղում չլինեին ընտրություններ, ապա նրանք կասեին որ Արցախը Կովկասում ժողովրդավարական սև փոս է, երբ կան ընտրություններ, նրանք հայտարարում են, որ չեն ճանաչում: Ես այդ մոտեցումը չեմ ընդունում, և դա չի կարելի կիրառել Արցախի ժողովրդի համար, քանի որ այս երկրի ժողովուրդն առանձնանում է իր քաղաքական կամքով և այն կերտում ժողովրդավարական ճանապարհով»,- ասաց Էնգելը:

Կարդալ ավելին 05-04-2015

Կրկին վերադառնալու եմ Արցախ և հնարավորինս նպաստելու եմ նրա զարգացմանն ու ճանաչմանը. բուլղարացի պատգամավոր
Կրկին վերադառնալու եմ Արցախ և հնարավորինս նպաստելու եմ նրա զարգացմանն ու ճանաչմանը. բուլղարացի պատգամավոր

Մայիսի 3-ին Արցախում կայացած ընտրությունների ընթացքում բուլղարացի դիտորդ, քաղաքական և հասարակական գործիչ Պավել Չերնևը «Ազատություն» կուսակցության նախագահն է, որը Բուլղարիայի խորհրդարանում ներկայացված քաղաքականն ուժ է: «Արցախպրես»-ի թղթակցի հետ զրույցում, Պ. Չերնևը նշեց, որ երկրորդ անգամ է Արցախում: Նրա խոսքով, 3 տարի առաջ իր ունեցած այցելությունից հետո շատ բան է փոխվել Արցախում: Մասնավորապես Չերնևը նկատում է , որ այստեղ մեծ առաջընթաց է արձանագրվել՝ մարդիկ ապահովված են աշխատատեղերով և ամենուր նկատելի է մարդկանց բարեկեցության մակարդակի բարձրացումը: «Ինձ առանձնապես զարմացնում է այստեղ բոլոր բնագավառներում արձանագրված առաջընթացը: Արցախը ծաղկում է: Մարդկանց հայացքները ժպտերես ու լավատես են: Ես կարծում եմ, որ Արցախը զարգանում է նախևառաջ որպես ժողովրդավարական երկիր: Գտնում եմ, որ եվրոպական երկրները պետք է ճանաչեն Արցախը: Ես որպես բուլղարացի քաղաքական գործիչ աշխատելու եմ այդ ուղղությամբ և համոզմունք ունեմ, ըստ որի, պաշտպանում և շարունակելու եմ հետևողականորեն պաշտպանել ազատ, անկախ Արցախի ու նրա բնակչության շահերը: Հայ-բուլղարական բարեկամությունը դարավոր պատմություն ունի: Եվ կարծում եմ, որ այն ինչ լավ է հայերի համար՝ լավ է նաև բուլղարացիների համար: Արցախը քրիստոնեական քաղաքակրթություն ներկայացնող պետություն է, որը պայքարում է բռնապետական Ադրբեջանի դեմ: Հայ ազգն այստեղ պայքարել և պատերազմել է, իսկ այժմ ստեղծում է քաղաքակիրթ պետություն, որի նկատմամբ հետաքրքրությունն էլ ինձ առաջնորդեց Արցախ: Նպատակ ունեմ այսուհետև առավել ակտիվորեն զբաղվել Հայոց ցեղասպանության և ԼՂՀ անկախության ճանաչման հարցերով, մասնավորապես ասաց բուլղարացի դիտորդը: Անդրադառնալով մայիսի 3-ին կայացած խորհրդարանական ընտրություններին, Չերնևը նշեց, որ ընտրություններն անցել են ամբողջությամբ օրենքի սահմաններում՝ քաղաքացիների ազատ կամարտահայտման իրավունքի պահպանմամբ: Ընտրությունների արդյունավետ կազմակերպման վերաբերյալ բուլղարացի դիտորդի միակ առաջարկությունն էլ՝ սահմանափակ կարողություններ ունեցող ընտրողների համար հարմար պայմանների ստեղծման մասին է, որն ըստ նրա հնարավորություն կընձեռի ևս մեկ քայլ կատարել ընտրությունները ՝ եվրոպական չափանիշներին համապատասխանեցնելու ուղղությամբ: Լավ տպավորություններ ունեմ հատկապես այն առումով, որ նոր և երիտասարդ կուսակցություններ են ստեղծվել Արցախում: Վստահ եմ, որ այդ կուսակցություններ նոր տեսակետներ բերելով հանդերձ՝ կնպաստեն ժողովրդավարության զարգացմանն այստեղ: «Ծրագրում եմ ընկերներիս հետ այս տարի կրկին գալ այստեղ և հնարավորինս կփորձեմ օգտակար լինել Արցախի շենացման գործին»,- հավաստիացրեց Չերնևը:

Կարդալ ավելին 05-04-2015

Արցախում խորհրդարանական ընտրությունները համապատասխանում են միջազգային չափանիշներին . ամերիկացի դիտորդ
Արցախում խորհրդարանական ընտրությունները համապատասխանում են միջազգային չափանիշներին . ամերիկացի դիտորդ

Արցախում խորհրդարանական ընտրությունները գնահատվում են որպես ազատ, թափանցիկ և համապատասխանում են միջազգային չափանիշներին։ Կալիֆորնիայի նահանգի Ֆրեզնո վարչական շրջանի կառավարիչների խորհրդի անդամ Անդրեաս Բորխեսի խոսքով Լեռնային Ղարաբաղի Հանրապետություն է այցելել ԱՄՆ-ի և Մեքսիկայի դիտորդական առաքելության խմբի հետ: «Արցախպրես»-ի հաղորդմամբ՝ ԼՂՀ ԿԸՀ մամուլի կենտրոնում կայացած ասուլիսի ժամանակ Բորխեսը ընդգծեց, որ ԱՄՆ-ում ընտրություններին բնակչության մասնակցություներին մասնակցությունը 70 տոկոսի չի հասնում, ինչն ինքը արձանագրել է Արցախում։ «Այս ընտրությունները համապատասխանում են ժողովրդավարության չափանիշներին և դրանք շատ լավ հիմք են պետության կայացման գործում»,- ասաց Բորխեսը:

Կարդալ ավելին 05-04-2015

ԿԸՀ նախագահը մանրամասներ է հաղորդել ընտրողների քվեարկության թվերի վերաբերյալ
ԿԸՀ նախագահը մանրամասներ է հաղորդել ընտրողների քվեարկության թվերի վերաբերյալ

ԼՂՀ Ազգային ժողովի 6-րդ գումարման ընտրություններին մասնակցել է 72 հազար 39 մարդ կամ ընտրողների ընդհանուր թվի 70,6 տոկոսը: ԼՂՀ ԿԸՀ նախագահ Սրբուհի Արզումանյանի հաղորդմամբ, նախնական տվյալներով, մասնավորապես թիվ 1 ընտրատարածքում ընդհանուր 9329 ընտրողներից քվեարկությանը մասնակցել է 6107-ը կամ 65,5 տոկոսը:Թիվ 2 ընտրատարածքում` 9463 ընտրողից քվեարկությանը մասնակցել է 6479-ը կամ 68,5 տոկոսը:Թիվ 3 ընտրատարածքում` 9360 ընտրողից` 6370-ը կամ 68,1 տոկոսը: Թիվ 4 ընտրատարածքում` 8928 ընտրողից` 5706-ը կամ 63,9 տոկոսը:Թիվ 5 ընտրատարածքում` 855 6 ընտրողից` 6589-ը կամ 77 տոկոսը:Թիվ 6 ընտրատարածքում` 8885 ընտրողից 6864-ը կամ 77,3 տոկոսը:Թիվ 7 ընտրատարածքում` 8912 ընտրողից` 6259-ը կամ 70,2 տոկոսը:Թիվ 8 ընտրատարածքում 8796 ընտրողից` 6245-ը կամ 71 տոկոսը:Թիվ 9 ընտրատարածքում 8686 ընտրողից` 6160 –ը կամ 70,9 տոկոսը:Թիվ 10 ընտրատարածքում 10651 ընտրողից` 7465-ը կամ 71 տոկոսը:Թիվ 11 ընտրատարածքում 9637 ընտրողից` 7220-ը կամ 74,9 տոկոսը: Երևան քաղաքում ձևավորված ընտրական տեղամասում գրանված 831 ընտրողից քվեարկել է 575-ը կամ 69, 2 տոկոսը: Հիշեցնենք, որ լրացուցիչ ընտրացուցակների հետ միասին Արցախում ընտրողների ընդհանուր թիվը կազմել է 102 հազար 34 մարդ:

Կարդալ ավելին 05-03-2015

Նախագահ Սահակյանը կարեւորել է միջազգային դիտորդների այցելությունն Արցախ
Նախագահ Սահակյանը կարեւորել է միջազգային դիտորդների այցելությունն Արցախ

Արցախի Հանրապետության Նախագահ Բակո Սահակյանը մայիսի 1-ին հանդիպումներ է ունեցել 2015թ. մայիսի 3-ին կայանալիք խորհրդարանական ընտրությունների ընթացքում դիտորդական առաքելություն իրականացնելու նպատակով Արցախ Եվրոպայից, Ամերիկայից եւ Հայաստանից ժամանած մի խումբ դիտորդների հետ: ԼՂՀ նախագահի աշխատակազմի տեղեկատվության գլխավոր վարչության փոխանցմամբ՝ հանդիպումների ժամանակ արծարծվել են Արցախում պետականաշինությանը, ժողովրդավարական եւ քաղաքացիական հասարակության կառուցմանն առնչվող հարցեր: Նախագահ Սահակյանը կարեւորել է միջազգային դիտորդների այցելությունն Արցախ` տարբեր մակարդակների ընտրություններում դիտորդական առաքելություն իրականացնելու համար` նշելով, որ այն օգտակար ու պահանջված է մեր պետության համար: Ինչքանո՞վ են կուսակցությունները կարողացել արդյունավետ օգտագործել քարոզարշավի համար հատկացված ժամանակը. կարծիքներ Արցախում կյանալիք խորհրդարանական ընտրությունների քարոզարշավն այսօր ավարտվեց և ընդհամենը մեկ օր հետո՝ մայիսի 3-ին, կկայանան 6-րդ գումարման ԼՂՀ Ազգային ժողովի ընտրությունները։ Իսկ ինչքանո՞վ են կարողացել արդյունավետ օգտագործել քարոզարշավի համար շուրջ մեկ ամիս հատկացված ժամանակը. «Արցախպրես»-ի հարցերին պատասխանել են մասնակցության համար հայտ ներկայացրած կուսակցությունների ներկայացուցիչները, որոնք ձեր ուշադրությանն ենք ներկայացնում ըստ ընտրցուցակի հերթականության։ «Ազատ հայրենիք» կուսակցության մամլո խոսնակ Վահրամ Պողոսյանի խոսքով, ընդհանուր առմամբ, քարոզարշավն անցել է օրենքի սահմաններում, ամենակարեւորը՝ մրցակցային «Կարծում եմ՝ մենք, հասնելով եզրագծին, արդեն իսկ կարող ենք արձանագրել, որ կարողացել ենք այս ամբողջ քարոզարշավը կազմակերպել ժողովրդավարական երկրին հարիր ձևով: Համոզված ենք, որ ընտրություններն անցնելու են օրենքի տարրին համաձայն»,-ասաց Վ. Պողոսյանը՝ հավելելով, որ քարոզարշավի ընթացքում հասցրել են լինել հանրապետության գրեթե բոլոր համայնքներում, և հաշվի առնելով մարդաշատ հանդիպումները կարող է եզրակացնել, որ «Ազատ հայրենիք» կուսակցությունը Արցախում մեծ ժողովրդականություն է վայելում և առաջիկա խորհրդարանական ընտրությունների արդյունքով կրկին լինելու է երկրի առաջատար քաղաքական ուժը: «Ազգային վերածնունդ» կուսակցության նախագահ Հայկ Խանումյանի խոսքով, կուսակցության ներկայացուցիչները փորձել են հանդիպումներ կազմակերպել Արցախի բոլոր բնակավայրերում, սակայն շատ բնակավայրերում բավարարվել են անհատական աշխատանք կատարելով: «Մենք ներողություն ենք հայցում բոլոր այն բնակավայրերի բնակիչներից, որտեղ ժամանակի սղության պատճառով չկարողացանք լինել: Քարոզարշավի ընթացքում մենք հրապարակայնորեն խոսեցինք երկրում առկա խնդիրների մասին, քննադատեցինք իշխանությունների վարած քաղաքականությունը, ներկայացրինք մեր ծրագրերը և մոտեցումները»,-ասաց Հ. Խանումյանը՝ հավելելով, որ ձայն տալով «Ազգային վերածնունդ» կուսակցությանը՝ մարդիկ ձայն կտան քաղաքականության, տնտեսության, մշակույթի, կրթության, գիտության ոլորտներում նոր հնարավորությունների ստեղծմանը։ Արցախի ժողովրդավարական կուսակցության ներկայացուցիչ Վարդգես Բաղրյանը նշեց, որ հասցրել են լինել Արցախի գրեթե բոլոր համայնքներում, որտեղ ընտրողների հետ հանդիպել են և՛ կուսակցության նախագահը, և՛ համամասնական ընտրակարգով առաջադրված պատգամավորության թեկնածուները։ «Հանդիպումների ընթացքում քարոզարշավի շրջանակներում բնակիչները բարձրաձայնել են իրենց հուզող խնդիրներն ու ներկայացրել առաջարկներ։ Մեր հերթին մենք ներկայացրել ենք մեր ծրագրերը՝ ինչպես տպագրված տարբերակով, այնպես էլ ԶԼՄ-ներով ու բանավոր հանդիպումների ժամանակ։ Այն տպավորությունն ենք ստացել, որ ընտրողներն ընկալել են մեզ, այնուամենայնիվ, կարծում եմ, որ իրական պատկերը կարտացոլեն ընտրությունների արդյունքները»,- ասաց Վ. Բաղրյանը և հավելեց, որ իրենց հաջողվել է ներկայացնել նախընտրական ծրագիրը և ակնկալում են ընտրողների բարի վերաբերմունքն։ Լեռանային Ղարաբաղի կոմունիստական կուսակցության ներկայացուցիչ Արիս Գրիգորյանը պատմեց, որ նախընտրական քարոզարշավի շրջանակներում եղել են Հադրութի, Մարտակերտի, Մարտունու Ասկերանի շրջկենտրոններում և մի շարք համայնքներում։ «Համապատասխան քարոզչական աշխատանքներ ենք տարել՝ ներկայացնելով մեր կուսակցության դիրքորոշումը՝ կապված ներկա իրավիճակի հետ։ Մեր քարոզարշավի շրջանակներում անդրադարձել ենք նաև գյուղատնտեսության ոլորտին վերաբերող խնդիրների, որոնք հիմնականում կապվաած են հողի սեփականաշնորհման ոչ ճիշտ քաղաքականության հետ»,-ասաց Ա. Գրիգորյանը և հավելեց, որ հանդիպումների ընթացքում կոչ են արել քաղաքացիներին ակտիվ մասնակցել ընտրություններին և կատարել իրենց քաղաքացիական պարտքը՝ դրանով իսկ նպաստելով Արցախի հետագա զարգացմանը։ «Խաղաղություն եւ զարգացում» կուսակցության ընտրական շտաբի պետ Վարուժան Գաբրիելյանի խոսքով, Արցախն առաջին անգամ ընտրում է պրոֆեսիոնալ խորհրդարան, և կարևոր են ոչ միայն ներկայացվող ծրագրերը, այլ թե ովքեր պետք է դրանք իրականացնեն: «Մեր համամասնական ցուցակը գլխավորող թեկնածուները իրենց ոլորտների արհեստավարժ մասնագետներ են, և կուսակցության նախընտրական ծրագիրն էլ կազմվել է` հաշվի առնելով նրանց և կուսակցության ներուժը: Քարոզարշավի ընթացքում այն հնարավորությունները, որոնք մենք ունենք, իրացրել ենք լիարժեք: Այլ հարց է, թե ինչպիսին էր ընտրությունների կազմակերպման որակը»,- ասաց Վ. Գաբրիելյանը՝ ավելացնելով, որ քաղաքական ուժերի միջև չեն եղել բանավեճեր, կուսակցությունների ծրագրերի մասին մարդիկ տեղեկացել են միայն խոստումների ձևով: ՀՅԴ Արցախի կենտրոնական կոմիտեի ներկայացուցիչ Դավիթ Իշխանյանի տեղեկացմամբ, նախընտրական քարոզարշավի ընթացքում հնարավորինս փորձել են ներկայացնել կուսակցության մոտեցումները և սկզբունքները, Արցախի առջև ծառացած խնդիրները։ «Մենք գտնում ենք, որ ԱԺ-ն քաղաքական բեմահարթակ լինելուց բացի օրենսդրական նախաձեռնությունների և օրենքների շրջանակներում, բնակչության կողմից արծարծվող խնդիրները բարձրաձայնելու և լուծելու հնարավորություններ է ընձեռում։ Մենք փորձել ենք արդյունավետ օգտագործել քարոզարշավի ժամանակահատվածը։ Հաշվի առնելով Արցախում կուսակցության տարածվածության աշխարհագրությունը՝ համապատասխան մոտեցումներ ենք ցուցաբերում։ Պետք է նշել, որ մենք այս խորհրդարանական ընտրությունների նախապատրաստական աշխատանքների, քարոզարշավի ընթացքի և ավարտի նախատեսված սցենարը, հասցրել ենք արդյունավետ իրագործել»,- ասել է Դ. Իշխանյանը։ «Շարժում-88» կուսակցության փոխնախագահ Գագիկ Բաղունցի ներկայացմամբ չնայած մեկ ամիս էր հատկացված քարոզարշավի կազմակերպման և անցկացման համար, այնուամենայնիվ կարծես թե միշտ էլ մի օր չի հերիքում։ «Այսօրվա պայմաններում շատ անելիքներ կան. խոսքը վերաբերում է բացատրական աշխատանքներին, մեր երկրի վերջին 20 տարիների անցած ուղու և առկա իրավիճակը ճիշտ գնահատելու համար մեր երկրի հետագա զարգացման ուղիների մշակման հարցերին»,-ասաց Գ. Բաղունցը և ավելացրեց, որ եթե քարոզարշավի սկզբնական փուլում պասիվություն էր նկատվում, հարցեր չէին հնչեցնում, իրենց պահանջները չէին ներկայացնում, ապա վերջին հանդիպումների ժամանակ ժողովրդի ակտիվությունը. կարծիքները հնչել են ավելի հստակ։ «Իդեալական ոչինչ չի լինում. ծրագրերից շեղումներ եղել են, բայց դրանք չնչին էին, ու հիմնականում մեր խնդիրը համարում ենք կատարված»,-ասաց «Շարժում-88» կուսակցության փոխնախագահը։

Կարդալ ավելին 05-02-2015

ԼՂՀ արտաքին գործերի նախարարն ընդունել է Գերմանիայից ժամանած դիտորդներին
ԼՂՀ արտաքին գործերի նախարարն ընդունել է Գերմանիայից ժամանած դիտորդներին

Մայիսի 1-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանն ընդունել է դիտորդական առաքելությամբ Արցախ ժամանած Գերմանիայի «Ձախեր» կուսակցության անդամներ Պիոտր Շտեֆան Յան Լուցակին ու Սվեն Դիդերիխին և Հայաստանում ԳԴՀ նախկին դեսպան Հանս-Յոխեն Շմիդտին։ ԼՂՀ ԱԳՆ մամլո ծառայության հաղորդմամբ, Կարեն Միրզոյանը դիտորդներին ներկայացրել է Արցախում ազատ, արդար և թափանցիկ ընտրությունների ապահովմանն ուղղված ԼՂՀ իշխանությունների ջանքերը։ Կողմերը համոզմունք են հայտնել, որ ԼՂՀ խորհրդարանական ընտրությունները ևս մեկ քայլ կհանդիսանան Արցախում ժողովրդավարական ավանդույթների և արժեքների ամրապնդման ուղղությամբ։ Հանդիպման ընթացքում կողմերը նաև քննարկել են փոխադարձ հետաքրքրություն ներկայացնող մի շարք հարցեր։

Կարդալ ավելին 05-02-2015

ԼՂՀ ԿԸՀ նախագահն ընդունել է ԱՄՆ-ից ժամանած դիտորդական խմբին
ԼՂՀ ԿԸՀ նախագահն ընդունել է ԱՄՆ-ից ժամանած դիտորդական խմբին

Այսօր՝ մայիսի 1-ին ԼՂՀ կենտրոնական ընտրական հանձնաժողովի նախագահ Սրբուհի Արզումանյանն ընդունել է ԼՂՀ 6-րդ գումարման Ազգային ժողովի մայիսի 3-ի ընտրություններին դիտորդական առաքելությամբ մասնակցելու նպատակով Ամերիկայի Միացյալ Նահանգներից Արցախ ժամանած 6-հոգանոց դիտորդական խմբին, որին ուղեկցում էր ԱՄՆ-ում և Կանադայում ԼՂՀ մշտական ներկայացուցիչ Ռոբերտ Ավետիսյանը: ԼՂՀ կենտրոնական ընտրական հանձնաժողովի պաշտոնական կայք էջի փոխանցմամբ՝ ողջունելով ամերիկացի հյուրերին և կարևորելով նրանց այցն Արցախի Հանրապետություն (ընդ որում` նրանցից շատերի համար ոչ առաջինը), ԿԸՀ նախագահ Սրբուհի Արզումանյանը հանդիպման մասնակիցներին տեղեկացրել է, որ ԼՂՀ այս խորհրդարանական ընտրություններն անցկացվում են ընտրական նոր օրենսգրքին համապատասխան, որտեղ հաշվի են առնված նաև նախորդ ընտրությունների ընթացքում դիտորդների ներկայացրած դիտողություններն ու առաջարկությունները: Մատնանշելով նոր օրենսգրքով սահմանվող առավել կարևոր փոփոխությունները, ԿԸՀ նախագահն այնուհետև պատասխանել է հյուրերի հարցերին։ ԼՂՀ կենտրոնական ընտրական հանձնաժողովի մամուլի կենտրոն

Կարդալ ավելին 05-02-2015

Գործում է ԼՂՀ ԿԸՀ մամուլի կենտրոնը
Գործում է ԼՂՀ ԿԸՀ մամուլի կենտրոնը

ԼՂՀ Ազգային ժողովի մայիսի 3-ի ընտրությունների ընթացքը լուսաբանելու նպատակով գործում է ԼՂՀ կենտրոնական ընտրական հանձնաժողովի մամուլի կենտրոնը, որի ղեկավար է նշանակվել Լեոնիդ Միքայելի Մարտիրոսյանը: ԼՂՀ կենտրոնական ընտրական հանձնաժողովի պաշտոնական կայք էջի փոխանցմամբ՝ մամլո կենտրոնը գտնվում է Ստեփանակերտ քաղաքում, Հովհ. Թումանյան, 59 հասցեում (Մշակույթի և երիտասարդության պալատի շենք): Մամլո կենտրոնն ապահովված է համացանցով և միջազգային հեռախոսակապով, համակարգչային և կազմակերչական այլ անհրաժեշտ տեխնիկայով` միջազգային և տեղական դիտորդների, ինչպես նաև ԶԼՄ-ների ներկայացուցիչների գործունեությունն ապահովելու համար: Հայերեն, ռուսերեն և անգլերեն լեզուներով պատրատված են մեդիափաթեթներ` ինչպես ԼՂՀ-ի, այնպես էլ անցկացվելիք խորհրդարանական ընտրությունների վերաբերյալ տեղեկատվական անհրաժեշտ նյութերով: ԼՂՀ ԿԸՀ նախագահի, ինչպես և միջազգային դիտորդների ճեպազրույցներն ու մամլո-ասուլիսները կանցնեն անմիջապես մամլո կենտրոնի շենքում: Բացի այդ, ընտրությունների օրը` մայիսի 3-ին երեքժամյա պարբերականությամբ տվյալներ կհաղորդվեն քվեարկության ընթացքի մասին: ԼՂՀ կենտրոնական ընտրական հանձնաժողովում հավատարմագրված բոլոր լրագրողները հրավիրվում են լուսաբանելու խորհրդարանական ընտրությունների ընթացքն ու արդյունքները:

Կարդալ ավելին 05-02-2015

Կարծում եմ ԱՄՆ-ում պետք է օրինակ վերցնեն Արցախում անցկացվող ընտրություններից. Անդրեաս Բորխես
Կարծում եմ ԱՄՆ-ում պետք է օրինակ վերցնեն Արցախում անցկացվող ընտրություններից. Անդրեաս Բորխես

Երկրորդ անգամ եմ Արցախում, սակայն առաջին անգամ` դիտորդական առաքելությամբ: Զարմացած եմ այն կայուն առաջընթացով, որը նկատում եմ այստեղ: Այս մասին «Արցախպրես»-ի թղթակցի հետ զրույցում ասաց ԱՄՆ Կալիֆորնիա նահանգի Ֆրեզնո վարչական շրջանի կառավարիչների խորհրդի անդամ Անդրեաս Բորխեսը: «Կարծում եմ, որ ԱՄՆ-ում պետք է օրինակ վերցնեն Արցախում անցկացվող ընտրություններից: Մասնավորապես կնշեի այն օրենքը, ըստ որի ընտրության օրվանից առաջ արգելվում է նախընտրական պաստառների կիրառումը, ինչն` ի տարբերություն ԱՄՆ-ի, գործնականում կիրառվում է այստեղ Կարող եմ նշել, որ ընտրությունների կազմակերպումն Արցախում անցկացվում է քաղաքակիրթ ձևով, ինչն էլ հիմք է տալիս կարծելու, որ արդար և թափանցիկ ընտրություններ են սպասվում»,- ասաց Բորխեսը և հավելեց, որ շատ ուրախ է, որ որպես դիտորդ ներկայացված է Արցախում անցկացվող խորհրդարանական ընտրություններին, քանի որ դրանք ուղղված են Արցախի ինքնիշխանության և անկախության խթանմանը: Նշենք, որ 2013 թվականի ապրիլին ԱՄՆ Ֆրեզնո վարչական շրջանի կառավարիչների խորհուրդը բանաձև է ընդունել, որի համաձայն, սահմանվում է, որ Լեռնային Ղարաբաղի բնակչությունը ընտրել են ինքնակառավարման ձևը և նրանց ցանկությունները պետք է հարգվեն:

Կարդալ ավելին 05-02-2015

Ընտրություններն Արցախի բնակչության համար են, ոչ թե միջազգային հանրության. ԼՂՀ վարչապետ
Ընտրություններն Արցախի բնակչության համար են, ոչ թե միջազգային հանրության. ԼՂՀ վարչապետ

Արցախի Հանրապետության վարչապետ Արայիկ Հարությունյանը մայիսի 2-ին ընդունել է խորհրդարանական ընտրությունների ընթացքին հետևելու նպատակով Արցախ ժամանած մի խումբ միջազգային դիտորդների: ԼՂՀ կառավարության աշխատակազմի տեղեկատվության և հասարակայնության հետ կապերի բաժնի փոխանցմամբ՝ Վարչապետն իր խոսքում կարևորել է լայն աշխարհագրություն ընդգրկող դիտորդական առաքելությունների դերն՝ Արցախի ժողովրդավարության հաջողությունները աշխարհին ներկայացնելու և փորձի փոխանակման գործում: Կառավարության ղեկավարը հավելել է, որ, թեև իշխանությունները չեն անտեսում միջազգային դիրքորոշումները, այնուամենայնիվ, ժողովրդավարական ընտրություններն անցկացվում են Արցախի բնակչության, ոչ թե միջազգային հանրության համար: Ա. Հարությունյանը հակիրճ կերպով անդրադարձել է ընտրություններին նախապատրաստվելու հետ կապված աշխատանքներին՝ նախընտրական քարոզարշավի ընթացքը գնահատելով օրենքի պահանջներին համապատասխանող: Նա համոզմունք է հայտնել, որ առաջիկա ընտրությունները մեկ քայլ առաջ են լինելու ժողովրդավարության կայացման ճանապարհին: Դիտորդները հետաքրքրվել են ընտրությունների կազմակերպչական աշխատանքներից, Արցախի ընտրական համակարգի առանձնահատկություններից, ինչպես նաև ընտրողների մասնակցայնության մակարդակից:

Կարդալ ավելին 05-02-2015

ԵԽ-¬ի կուսակցության ԼՂՀ-ն ճանաչելու մասին ՄԱԿ-¬ին հղած կոչը ցնցել է Ադրբեջանի իշխող կուսակցությանը
ԵԽ-¬ի կուսակցության ԼՂՀ-ն ճանաչելու մասին ՄԱԿ-¬ին հղած կոչը ցնցել է Ադրբեջանի իշխող կուսակցությանը

Լեռնային Ղարաբաղի Հանրապետությունը ճանաչելու մասին Եվրախորհրդարանի «Եվրոպական ազատ ալյանս» կուսակցության ՄԱԿ¬-ին հղած կոչը ցնցել է Ադրբեջանի իշխող «Ենի Ազերբայջան» կուսակցությանը (ԵԱԿ): «Արմենպրես»¬-ի փոխանցմամբ, աշխարհի առաջադեմ հատվածի կողմից Հայոց ցեղասպանության 100¬-ամյա տարելիցը ոգեկոչելու հետ կապված թուրք-¬ադրբեջանական դաշինքի հակահայկական գործողությունների ամոթալի ձախողումից հետո ԼՂՀ-¬ի անկախությունը ճանաչելու Եվրախորհրդարանի կուսակցության ՄԱԿ-¬ին հղած կոչը կաթվածի ազդեցություն է ունեցել Ադրբեջանի իշխող կուսակցության վրա: Ինչպես հաղորդում է «Արմենպրես»-¬ը, այդ իրադարձությունից ցնցված՝ ԵԱԿ¬-ի գործադիր քարտուղարի տեղակալ, խորհրդարանի պատգամավոր Սիյավուշ Նովրուզովը haqqin.az-¬ի հետ զրույցում անհեթեթ արտահայտություններ է արել՝ ասելով, թե Ադրբեջանը ՄԱԿ է մտել ԼՂ¬-ի հետ միասին: Դա այն դեպքում, երբ Ադրբեջանն անկախություն էր հռչակում, ԼՂ¬-ն, ԽՍՀՄ օրենքների համաձայն, արդեն դուրս էր եկել Ադրբեջանի Խորհրդային Հանրապետության կազմից: Նա ասել է, թե ԼՂՀ¬-ն ճանաչելու եվրոպական քաղաքական գործիչների ջանքերը, իբր, հաջողություն չեն ունենալու: «ԵԱԿ-¬ն իր եվրոպական գործընկերների հետ անպայման կդիմի «Եվրոպական ազատ ալյանս» կուսակցությանը` պահանջելով դադարել պաշտպանել անջատողականներին»,¬- ասել է նա եւ «հույս» հայտնել, որ դա իրենց կհաջողվի:

Կարդալ ավելին 04-30-2015

ԵԱՀԿ ՄԽ համանախագահները ճանաչում են ԼՂ ժողովրդի դերն իր ապագան որոշելու հարցում
ԵԱՀԿ ՄԽ համանախագահները ճանաչում են ԼՂ ժողովրդի դերն իր ապագան որոշելու հարցում

ԵԱՀԿ Մինսկի խմբի համանախագահներ Իգոր Պոպովը (ՌԴ), Ջեյմս Ուորլիքը (ԱՄՆ) և Պիեր Անդրիոն (Ֆրանսիա) հայտարարություն են տարածել Փարիզում Հայաստանի և Ադրբեջանի արտաքին գործերի նախարարներ Էդվարդ Նալբանդյանի և Էլմար Մամեդյարովի հետ առանձին կայացած հանդիպումների վերաբերյալ: ԵԱՀԿ մամլո ծառայության հաղորդմամբ, հանդիպումներին ներկա է եղել նաև ԵԱՀԿ գործող նախագահի անձնական ներկայացուցիչ Անջեյ Կասպշիկը: Նախարարները համանախագահներին մանրամասներ են ներկայացրել Ֆրանսիայի նախագահ Ֆրանսուա Օլանդի՝ ապրիլի 24-¬25-ին Հայաստան և Ադրբեջան կատարած այցի շրջանակում տեղի ունեցած քննարկումների վերաբերյալ: «Մենք շեշտել ենք յուրաքանչյուր նախարարին երկու երկրների նախագահների երկխոսության ինտենսիվացաման և այս տարվա ընթացքում ավելի ուշ նախագահների հանդիպման կազմակերպման կարևորությունը»,-¬ նշված է ԵԱՀԿ հաղորդագրության մեջ: Նախարարները համաձայնել են կրկին հանդիպել միմյանց՝ համանախագահների մասնակցությամբ, ձևակերպելու համար Հայաստանի և Ադրբեջանի նախագահների հանդիպման օրակարգը, ինչպես նաև ողջունել են համանախագահների՝ տարածաշրջան կատարելիք առաջիկա այցը: Համանախագահները նաև արձանագրել են, որ մայիսի 3-¬ին Լեռնային Ղարաբաղում տեղի կունենան խորհրդարանական ընտրություններ: «Հակամարտության համապարփակ կարգավորման համատեքստում մենք ճանաչում ենք Լեռնային Ղարաբաղի ժողովրդի դերն իր ապագան որոշելու հարցում: Այնուամենայնիվ, մեր երեք երկրներից և ոչ մեկը, ինչպես նաև որևէ այլ երկիր, չի ճանաչում Լեռնային Ղարաբաղը որպես անկախ և ինքնիշխան պետություն: Համապատասխանաբար, մենք չենք ընդունում այս ընտրությունների արդյունքների ազդեցությունը Լեռնային Ղարաբաղի իրավական կարգավիճակի վրա և շեշտում, որ դրանք որևէ կերպ չեն կանխորոշում ԼՂ-¬ի վերջնական կարգավիճակը կամ ընթացիկ բանակցությունների արդյունքները, որոնց նպատակն է հասնել ԼՂ հակամարտության տևական և խաղաղ կարգավորմանը»,¬ -ասված է հայտարարության մեջ:

Կարդալ ավելին 04-30-2015

Մինսկի խմբի համանախագահները Փարիզում հանդիպել են Ադրբեջանի արտգործնախարարի հետ
Մինսկի խմբի համանախագահները Փարիզում հանդիպել են Ադրբեջանի արտգործնախարարի հետ

Լեռնային Ղարաբաղի հակամարտության կարգավորման գծով ԵԱՀԿ Մինսկի խմբի համանախագահներն այսօր` ապրիլի 30-¬ին, Փարիզում հանդիպել են Ադրբեջանի արտաքին գործերի նախարար Էլմար Մամեդյարովի հետ: Այս մասին Twitter-¬ի իր էջում գրառել է ամերիկացի համանախագահ Ջեյմս Ուորլիքը: «Մենք նախարար Էլմար Մամեդյարովի հետ մտքեր ենք փոխանակել այն հարցերի շուրջ, որոնք պետք է քննարկեն Հայաստանի եւ Ադրբեջանի նախագահները»,- ¬գրել է դիվանագետը: Ապրիլի 29-¬ին համանախագահները հանդիպել են Հայաստանի արտաքին քաղաքական գերատեսչության ղեկավար Էդվարդ Նալբանդյանի հետ:

Կարդալ ավելին 04-30-2015

Նոր աշխատատեղերի ստեղծումը մեր պետության առջեւ ծառացած կարեւորագույն խնդիրներից են. Բակո Սահակյան
Նոր աշխատատեղերի ստեղծումը մեր պետության առջեւ ծառացած կարեւորագույն խնդիրներից են. Բակո Սահակյան

Արցախի Հանրապետության Նախագահ Բակո Սահակյանը շնորհավորական ուղերձ է հղել աշխատավորների համերաշխության միջազգային օրվա առթիվ, որում մասնավորապես ասված է. «Սիրելի հայրենակիցներ, Արցախի Հանրապետության իշխանությունների եւ անձամբ իմ անունից ի սրտե շնորհավորում եմ ձեզ Մայիսի 1-ի` Աշխատավորների համերաշխության միջազգային օրվա առթիվ: Աշխատանքի հանդեպ առանձնահատուկ վերաբերմունքը մեր ժողովրդին ուղեկցել է դարեր շարունակ, օգնել է նրան դիմակայել ճակատագրի հարվածներին, հաղթահարել դժվարություններն ու փորձությունները: Ազնիվ ու քրտնաջան աշխատանքի շնորհիվ ինչպես հայրենիքում, այնպես էլ աշխարհի տարբեր ծայրերում հայերը կարողացել են ստեղծել իրենց օջախն ու մշակույթը` անջնջելի հետք թողնելով համաշխարհային քաղաքակրթության պատմության մեջ: Այսօր արցախցին շարունակում է սեփական ձեռքերով կառուցել հայրենի երկիրը, կերտել իր սերունդների ապագան: Մարդկանց աշխատանքով ապահովումը, նոր աշխատատեղերի ստեղծումը մեր պետության առջեւ ծառացած կարեւորագույն խնդիրներից են: Յուրաքանչյուր ոք պետք է կարողանա իր արժանի տեղը գտնել հայրենիքում եւ բարեխիղճ աշխատանքով հոգալ իր ընտանիքի հոգսերը: Իշխանություններն այսուհետ էլ կանեն հնարավորն այս ուղղությամբ: Թանկագին արցախցիներ, մեկ անգամ եւս շնորհավորում եմ բոլորիդ այս գեղեցիկ տոնի առթիվ եւ մաղթում խաղաղ ու ստեղծարար աշխատանք»:

Կարդալ ավելին 04-30-2015

Արցախում ՀՕՊ զորավարժություն է կայացել
Արցախում ՀՕՊ զորավարժություն է կայացել

Ապրիլի 28-30-ը բանակի զենիթահրթիռային բրիգադներից մեկի հետ անց է կացվել մարտական հրաձգությամբ մարտավարական զորավարժություն, որի կրակային փուլին հետեւում էին նաեւ ԼՂՀ նախագահ Բակո Սահակյանը, ԶՈւ գլխավոր շտաբի պետ, գեներալ-գնդապետ Յուրի Խաչատուրովը, ԼՂՀ պաշտպանության նախարար, գեներալ-լեյտենանտ Մովսես Հակոբյանն ու բարձրաստիճան զինվորականներ: ԼՂՀ ՊՆ մամլո ծառայության հաղորդմամբ, մարտական հրաձգությամբ մարտավարական զորավարժության ընթացքում պաշտպանության բանակի հակաօդայինները, գերազանց իրականացնելով մարտական խնդիրը, ճիշտ եւ ժամանակին խոցել են բոլոր թիրախները: Զորավարժության ավարտին բանակի հրամանատարը նախ` շնորհակալություն է հայտնել մասնակիցներին զորախաղերի ընթացքում առաջադրված բոլոր խնդիրներն անթերի իրականացնելու համար, իսկ այնուհետեւ մի շարք զինծառայողների պարգեւատրել է պատվոգրերով, արժեքավոր նվերներով եւ կրծքանշաններով:

Կարդալ ավելին 04-30-2015

Ֆրանսիացի դիտորդներն Արցախում մարտական դիրքեր են բարձրացել
Ֆրանսիացի դիտորդներն Արցախում մարտական դիրքեր են բարձրացել

Ապրիլի 30-ին ԼՂՀ ԱԺ ընտրություններում դիտորդական առաքելություն իրականացնելու նպատակով Արցախ ժամանած Ֆրանսիա-Ղարաբաղ բարեկամության շրջանակի հիմնադիր անդամ, Ֆրանսիայի խորհրդարանի անդամ Ֆրանսուա Ռոշբլուանը, Կովկասում ԵԱՀԿ նախկին հատուկ ներկայացուցիչ, ժողովրդավարության եւ համագործակցության ինստիտուտի Փարիզի գրասենյակի ներկայացուցիչ Մորիս Բոննոն եւ իրավաբանների ֆրանսիական միության նախագահ Պիեռ դ’Էսպեռոնան այցելել են ՊԲ հյուսիսարեւելյան ուղղությամբ տեղակայված մարտական հենակետեր: ԼՂՀ ՊՆ մամլո ծառայության հաղորդմամբ, առաջնագծում Ֆրանսիայից ժամանած դիտորդները հետաքրքրվել են հրադադարի ռեժիմի խախտման դեպքերի հաճախականությամբ, ծանոթացել զինծառայողների սոցիալ-կենցաղային պայմաններին եւ վերջում կիսվել իրենց տպավորություններով: Նրանք, մասնավորապես, բարձր են գնահատել հայ զինվորի մարտական ոգին եւ պատրաստականության աստիճանը, առաջնագծում զինվորների անվտանգ ծառայությունն ապահովելու ուղղությամբ կատարված աշխատանքերը եւ դատապարտել իրադրությունն ապակայունացնելու Ադրբեջանի փորձերը:

Կարդալ ավելին 04-30-2015

196 ծնողներ ուղեւորվեցին Արցախ՝ հանդիպելու իրենց զինծառայող որդիներին
196 ծնողներ ուղեւորվեցին Արցախ՝ հանդիպելու իրենց զինծառայող որդիներին

Այսօր՝ ապրիլի 30-ին, Արագածոտնի մարզից ժամկետային զինծառայողների 196 ծնողներ ուղեւորվեցին Արցախ՝ հանդիպելու ԼՂՀ պաշտպանության բանակում ծառայող իրենց որդիներին: NEWS.am-ի փոխանցմամբ, ծնողներին ուղեկցում է մարզպետ Սարգիս Սահակյանը, խմբի մեջ ընդգրկված են բժիշկներ, ինչպես նաեւ Ներքին Բազմաբերդի երգի-պարի համույթը: Ուղեւորությունը տեւելու է 2 օր: Արցախյան այցելությունը կազմակերպելու համար մարզի ղեկավարությունը համագործակցել եւ համապատասխան պայմանավորվածություններ է ձեռք բերել ՀՀ եւ ԼՂՀ պաշտպանության նախարարությունների հետ: Նշենք, որ մարզում նման նախաձեռնություններ կազմակերպվում են 2011 թվականից սկսած։

Կարդալ ավելին 04-30-2015

Սահմանն անառիկ պահելու թիվ 1 նախապայմանը ենթականերին ճիշտ հրամաններ տալն է. Մովսես Հակոբյան
Սահմանն անառիկ պահելու թիվ 1 նախապայմանը ենթականերին ճիշտ հրամաններ տալն է. Մովսես Հակոբյան

Սահմանն անառիկ պահելու թիվ մեկ նախապայմանը բոլոր աստիճանի հրամանատարների կողմից ենթակա անձնակազմին ճիշտ հրամաններով ուղղորդելու կարողության մեջ է: ԼՂՀ ՊԲ մամլո ծառայության փոխանցմամբ՝ այս մասին հայտարարել է ԼՂՀ ՊՆ, ՊԲ հրամանատար, գեներալ-լեյտենանտ Մովսես Հակոբյանը՝ ապրիլի 24-ին կայացած ՊԲ հրամկազմի, շտաբի բաժինների եւ ծառայությունների պետերի, միավորումների, զորամասերի եւ ենթակա ստորաբաժանումների հրամանատարների ու նրանց տեղակալների մասնակցությամբ տեղի ունեցած ռազմական խորհրդի նիստում: Այն նվիրված է եղել մարտական հերթապահության վիճակի եւ դրա կատարելագործման ուղիների քննարկմանը: Նախքան օրակարգային հարցերին անցնելը ԼՂՀ ՊՆ, ՊԲ հրամանատար, գեներալ-լեյտենանտ Մովսես Հակոբյանն իր ներածական խոսքում համառոտ ներկայացրել է առաջնային գծում տեղ գտնող վերջին շրջանի զարգացումները եւ, ըստ այդմ, կարեւորել օրվա միջոցառման անցկացման անհրաժեշտությունը: Նա իր երախտագիտությունն է հայտնել գյուտարարական եւ նորարարական աշխատանքներ հեղինակած մի շարք զինվորականների եւ քաղաքացիական անձանց, եւ վերջիններիս հանձնել խրախուսական պարգեւներ: Այնուհետեւ մարտական հերթապահության պատրաստման եւ իրականացման շուրջ համապարփակ զեկույցով հանդես է եկել բանակի շտաբի պետը, ով մանրամասն վերլուծականով ներկայացրել է հակամարտ զորքերի շփման գծում տիրող օպերատիվ-մարտավարական վիճակը եւ դրանից բխող պաշտպանական ու կանխարգելիչ նշանակության խնդիրների իրականացման համալիրը: Քննարկվող հարցերի շուրջ, ըստ ուղղությունների, հանդես են եկել նաեւ բանակի շտաբի մի շարք բաժինների պետեր եւ զորամասերի հրամանատարներ: Ռազմական խորհրդի նիստը եզրափակվել է բանակի հրամանատարի ամփոփիչ խոսքով: Արցախի պաշտպանական գերատեսչության ղեկավարը հատկապես կարեւորել է հրամանատարների դերակատարությունը մարտական հերթապահության կազմակերպման գործում` շեշտելով, որ նախահարձակ հակառակորդին ճնշելու եւ երկրի սահմանն անառիկ պահելու թիվ մեկ նախապայմանը բոլոր աստիճանի հրամանատարների կողմից ենթակա անձնակազմին ճիշտ հրամաններով ուղղորդելու կարողության մեջ է: Ելնելով այս իրողությունից` պաշտպանության նախարարը վերջում ներկաներին տվել է համապատասխան հանձնարարականներ եւ ցուցումներ:

Կարդալ ավելին 04-28-2015

ԵԱՀԿ-ն դիտարկում է անցկացրել Մարտակերտի շրջանի Թալիշ գյուղի ուղղությամբ
ԵԱՀԿ-ն դիտարկում է անցկացրել Մարտակերտի շրջանի Թալիշ գյուղի ուղղությամբ

Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` ապրիլի 27-ին ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացրել ԼՂՀ Մարտակերտի շրջանի Թալիշ գյուղի հյուսիսային ուղղությամբ: ԼՂՀ արտգործնախարարության տեղեկատվական վարչության փոխանցմամբ՝ ԼՂՀ պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնական Իրժի Աբերլեն (Չեխիա) և ԵԱՀԿ ԳՆԱՆ գրասենյակի աշխատակից Պետեր Սվեդբերգը (Շվեդիա): Շփման գծի hակառակ կողմից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնական Եվգենի Շարովը (Ուկրաինա) ու ԳՆԱՆ անձնական օգնական Սայմոն Թիլերը (Մեծ Բրիտանիա): Դիտարկումն անցել է ըստ նախատեսված ժամանակացույցի, կրակի դադարեցման ռեժիմի խախտումներ չեն արձանագրվել: Դիտարկման առաքելությանը ղարաբաղյան կողմից ուղեկցել են ԼՂՀ արտաքին գործերի նախարարության և պաշտպանության նախարարության ներկայացուցիչները:

Կարդալ ավելին 04-28-2015

Վլադիմիր Պուտինը Սերժ Սարգսյանի հետ հանդիպմանն ընդգծել է հայ-ռուսական հարաբերությունների առանձնահատուկ բնույթը
Վլադիմիր Պուտինը Սերժ Սարգսյանի հետ հանդիպմանն ընդգծել է հայ-ռուսական հարաբերությունների առանձնահատուկ բնույթը

ՀՀ Նախագահ Սերժ Սարգսյանն այսօր հանդիպում է ունեցել Հայոց ցեղասպանության 100-րդ տարելիցի հիշատակի արարողությանը մասնակցելու նպատակով Հայաստան ժամանած Ռուսաստանի Դաշնության Նախագահ Վլադիմիր Պուտինի հետ: ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչության հաղորդմամբ, հանրապետության Նախագահը շնորհակալություն է հայտնել Նախագահ Պուտինին՝ հայ ժողովրդի համար կարևոր նշանակություն ունեցող այս օրը Երևանում՝ մեր ժողովրդի կողքին լինելու համար: Սերժ Սարգսյանը ՌԴ Նախագահին նաև առանձնահատուկ շնորհակալություն է հայտնել երկու օր առաջ իր ուղերձում, իսկ այսօր՝ Ծիծեռնակաբերդի հուշահամալիրում ունեցած ելույթում այնպիսի խոսքեր հնչեցնելու համար, որոնք հուզեցին յուրաքանչյուր հայի հոգին: Նախագահ Սերժ Սարգսյանն ընդգծել է, որ և՛ իր, և՛ Հայաստանի քաղաքացիների գնահատականով, այդ խոսքերը դաշնակցային, եղբայրական պետության ղեկավարի խոսքեր են: «Դուք այսօր Ձեր ելույթում ասացիք, որ Ռուսաստանի Դաշնությունը դեռևս 100 տարի առաջ ճանաչել է և Ֆրանսիայի ու Մեծ Բրիտանիայի կառավարությունների հետ համարել է, որ այն գործողությունները, որոնք Օսմանյան կառավարությունն իրականացրել է հայերի նկատմամբ, հանցագործություն են մարդկության դեմ, և այդ հանցագործությունը պետք է պատժվի: Դա վկայում է Ռուսաստանի քաղաքականության հետևողականության մասին: Դրա համար իրապես շատ ուրախ եմ: Անչափ շնորհակալություն, որ Դուք եկել եք: Մեկ անգամ ևս բարի գալուստ Հայաստան»,-ասել է Նախագահ Սերժ Սարգսյանը: Պատասխան խոսքում ՌԴ Նախագահը շնորհակալություն է հայտնել ՀՀ Նախագահին հրավերի համար և ևս մեկ անգամ ընդգծել Հայաստանի և Ռուսաստանի, հայ ժողովրդի և ռուս ժողովրդի, ինչպես նաև Ռուսաստանի Դաշնության այլ ժողովուրդների միջև հարաբերությունների առանձնահատուկ բնույթը: «Այդ ամենը շատ խորը պատմական արմատներ ունի: Մենք միշտ եղել ենք մտերիմ դաշնակիցներ, եղել ենք և այդպիսին կլինենք ապագայում: Այսօր մեր երկրների միջև հարաբերությունները զարգանում են: Այժմ չեմ խոսի քաղաքականության մասին, այն ինքնըստինքյան հասկանալի է, մենք աջակցում ենք միմյանց միջազգային հարթակներում: Սերտորեն աշխատում են մեր արտաքին գործերի նախարարությունները, մենք զարգացնում ենք մեր հարաբերությունները ինտեգրացիոն գործընթացների ոլորտում, և ես շատ ուրախ եմ, որ Հայաստանը միացել է Եվրասիական տնտեսական միությանը: Տնտեսական հարաբերությունները ևս դրական դինամիկա ունեն: Չնայած անցյալ տարվա բոլոր դժվարություններին, մենք առևտրաշրջանառության աճ ունենք, և կարևոր է պահպանել այդ դրական դինամիկան: Ռուսաստանյան կապիտալի ներդրումները Հայաստանում աճում են, բոլոր օտարերկրյա ներդրումների 40 տոկոսը ռուսաստանյան ծագման ներդրումներ են: Ինձ շատ հաճելի է այսօր այստեղ գտնվել Ձեզ հետ և հնարավորություն ունենալ խոսել մեր փոխգործակցության ամբողջ համալիրի մասին: Շնորհակալություն հրավերի համար»,-ասել է ՌԴ Նախագահ Վլադիմիր Պուտինը:

Կարդալ ավելին 04-24-2015

Արցախի Հանրապետության Նախագահ Բակո Սահակյանի Ու ղ ե ր ձ ը Ցեղասպանության զոհերի հիշատակի օրվա կապակցությամբ
Արցախի Հանրապետության Նախագահ Բակո Սահակյանի Ու ղ ե ր ձ ը Ցեղասպանության զոհերի հիշատակի օրվա կապակցությամբ

Սիրելի հայրենակիցներ, Այսօր ողջ հայ ժողովուրդը, բոլոր հայերը աշխարհի տարբեր ծայրերում ոգեկոչում են Հայոց ցեղասպանության 1,5 միլիոն անմեղ զոհերի հիշատակը: Այսօր աշխարհի բոլոր հայկական եկեղեցիներում հնչող զանգերն ազդարարում են Մեծ եղեռնի 100-րդ տարելիցը, եւ ամեն մի ղողանջի հետ նորոգվում են մեր 100-ամյա ցավն ու մորմոքը: Մեր ազգի հիշողության մեջ 1915-ի վերքերը չեն սպիացել եւ չեն էլ կարող սպիանալ, քանի դեռ 20-րդ դարասկզբին աշխարհի աչքի առջեւ Օսմանյան կայսրության կողմից հայ ժողովրդի դեմ իրականացված այդ հրեշավոր ոճրագործությունը չի ստացել արժանի գնահատական, քանի դեռ այդ հանցավոր քաղաքականությունը շարունակվում է նաեւ մեր օրերում` ամեն անգամ ստանալով նոր կերպարանք ու նոր անուն: Մենք խորապես շնորհակալ ենք ու երախտապարտ բոլոր այն ժողովուրդներին ու պետություններին, ովքեր օգնության ձեռք մեկնեցին թուրքական յաթաղանից հրաշքով փրկված մեր հայրենակիցներին՝ ապաստան եւ ապրելու հնարավորություն տալով տասնյակ հազարավոր հայ ընտանիքների ու որբերի: Նրանք հետագայում դարձան այդ երկրների արժանի քաղաքացիներ` նշանակալի ներդրում ունենալով իրենց երկրորդ հայրենիքի զարգացման գործում: Շնորհակալ ենք բոլոր նրանց, ովքեր իրենց ձայնը բարձրացրին բարբարոսների դեմ` մարդասիրական, բարոյական ու քաղաքական զորակցություն հայտնելով մեր ժողովրդին, ճանաչեցին ու դատապարտեցին Հայոց ցեղասպանությունը: Հայ ժողովուրդը, որ աշխարհի ամենահին քաղաքակրթության կրողներից է, իր բազմադարյա պատմության ընթացքում տեսել է շատ արհավիրքներ, տարել անասելի զրկանքներ ու դիմակայել անհամար փորձությունների, սակայն երբեք չի կորցրել իր հույսն ու հավատը եւ ամեն անգամ դարձել է ավելի ամուր, ուժեղ ու իմաստուն: Ցեղասպանության ենթարկվելով եւ կորցնելով գրեթե ամեն ինչ` հայն աչքի լույսի պես պահել ու փայփայել է իր հավատքն ու լեզուն, մշակույթն ու ազգային ինքնությունը: Եվ դա օգնել է մեզ տարիներ հետո կերտել փառավոր հաղթանակներ եւ վերականգնել հայոց անկախ պետականությունը: Այսօր Մայր Հայաստանը, ազատ ու անսասան Արցախը եւ հայրենանվեր Սփյուռքը միասին ու ձեռք ձեռքի կառուցում են իրենց կյանքի ճանապարհը. դա հայ ժողովրդի հավերժության ճանապարհն է, արդարության ու լույսի հաղթանակի ճանապարհը:

Կարդալ ավելին 04-24-2015

ՊԲ զինծառայողները բարձունքում անմոռուկի տեսքով խարույկ են վառել՝ Հայոց ցեղասպանության տարելիցի կապակցությամբ
ՊԲ զինծառայողները բարձունքում անմոռուկի տեսքով խարույկ են վառել՝ Հայոց ցեղասպանության տարելիցի կապակցությամբ

Հայոց ցեղասպանության 100-րդ տարելիցի նախօրյակին ԼՂՀ ՊԲ հարավային ուղղությամբ տեղակայված առաջին կարգի զորամասի դիվիզիոններից մեկի զինվորները մայոր Ժիրայր Աղաջանյանի նախաձեռնությամբ կազմակերպել էին ջահերով երթ դեպի մոտակա բարձունքը։ Hayzinvor.am-ի փոխանցմամբ՝ «երթին մասնակցող սպաներն ու զինվորները հիշեցին ու ոգեկոչեցին, հարգանքի տուրք մատուցեցին Օսմանյան Թուրքիայի կողմից բնաջնջման ենթարկված անմեղ զոհերի հիշատակին։ Նաեւ երդվեցին` լինել ուժեղ, խիզախ, անձնազոհ եւ անողոք թշնամու հանդեպ»:

Կարդալ ավելին 04-24-2015

Ադրբեջանի ոճի մեջ է նման օրերը օգտագործելու «ավանդույթը». Հովհաննիսյան
Ադրբեջանի ոճի մեջ է նման օրերը օգտագործելու «ավանդույթը». Հովհաննիսյան

Ադրբեջանին հատուկ է Հայաստանի ու Արցախի համար կարևոր օրերին ադրբեջանա-հայկական շփման գծում որոշակի լարվածություն ստեղծելու «ավանդույթը»: Tert.am –ին այս մասին հայտնեց ՀՀ պաշտպանության նախարարության մամուլի քարտուղար Արծրուն Հովհաննիսյանը: «Ադրբեջանը, սովորաբար, նման օրերն օգտագործում է , դա իր«ավանդույթն» է, ինչի վկայությունն է նաև Արցախի նկատմամբ չհաջողված դիվերսիոն գործողությունները»: Հիշեցնենք, որ վերջին երկու-երեք օրերին դիվերսիայի երկու փորձ է եղել, և հակառակորդի կողմից մեքենա է պայթեցվել հեռակառավարման եղանակով: Հիշեցնենք, որ միջադեպի արդյունքում զոհեր և վիրավորներ չկան: Նկատելով, որ սա նոր գործելաոճ է, Արծրուն Հովհաննիսյանն ասաց.«Այդ մեթոդները հայտնի են, և եթե շատ բան չենք մանրամասնում, դա չի նշանակում, որ չգիտենք` ինչն ինչոց է»:

Կարդալ ավելին 04-24-2015

ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԿՈՂՄԻՑ ԴՐԱՄԱԿԱՆ ԱՋԱԿՑՈՒԹՅՈՒՆ` ԹԱԼԻՇԻ ՆՈՐԱՍՏԵՂԾ ԵՐԿՈՒ ԸՆՏԱՆԻՔՆԵՐԻՆ
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԿՈՂՄԻՑ ԴՐԱՄԱԿԱՆ ԱՋԱԿՑՈՒԹՅՈՒՆ` ԹԱԼԻՇԻ ՆՈՐԱՍՏԵՂԾ ԵՐԿՈՒ ԸՆՏԱՆԻՔՆԵՐԻՆ

Ընտանիքը պետության հիմքն է, ամուր ընտանիքը` ուժեղ պետության երաշխիքը: Ապրիլի 10-ին շրջվարչակազմի ղեկավար Վլադիկ Խաչատրյանը հանդիպում ունեցավ շրջանի Թալիշ գյուղի նորաստեղծ երկու ընտանիքի` Մհեր Խաչատրյանի եւ Մարգարիտա Աբելյանի, Էրիկ Բաբայանի եւ Արեւհատ Սարգսյանի հետ: Շրջվարչակազմի ղեկավարը ողջունելի համարեց այն, որ այդ երիտասարդներն ընտանիք են կազմել, որ Արցախում, հատկապես նրա սահմանամերձ գյուղում նոր ընտանիքներ են ձեւավորվում: Արցախի Հանրապետության Նախագահ Բակո Սահակյանն առանձնահատուկ հոգատարություն է ցուցաբերում շրջանի սահմանամերձ Թալիշ գյուղի հանդեպ` որպես սահմանամերձ գյուղի: Դա արտահայտվում է նաեւ Թալիշի նորաստեղծ ընտանիքներին դրամական աջակցություն ցուցաբերելով: Այս անգամ եւս երկրի Նախագահն իր անձնական միջոցներից 300.000-ական դրամ է հատկացրել Թալիշի նորաստեղծ երկու ընտանիքներին, որը նրանց հանձնեց շրջվարչակազմի ղեկավար Վլադիկ Խաչատրյանը: Հանդիպմանը ներկա էր նաեւ Թալիշի համայնքի ղեկավար Վիլեն Պետրոսյանը:

Կարդալ ավելին 04-21-2015

ՊԲ-ն կորուստներ պատճառելով հետ է շպրտել ադրբեջանական հերթական դիվերսիոն-հետախուզական խմբին
ՊԲ-ն կորուստներ պատճառելով հետ է շպրտել ադրբեջանական հերթական դիվերսիոն-հետախուզական խմբին

Ղարաբաղա-ադրբեջանական հակամարտ զորքերի շփման գծի հյուսիսարևելյան (Սեյսուլան) ուղղությամբ ապրիլի 20-ի լույս 21-ի գիշերը ժամը 05:15-ի սահմաններում հակառակորդը ձեռնարկել է դիվերսիոն-հետախուզական ներթափանցման հերթական փորձը: ԼՂՀ ՊՆ մամուլի ծառայության փոխանցմամբ՝ ՊԲ առաջապահ ուժերը, ժամանակին հայտնաբերելով ադրբեջանական դիվերսիոն խմբի առաջացումը, անցել են շրջանաձև պաշտպանության և մերձամարտի բռնվել նրա հետ: Շուրջ քառորդ ժամ տևած մարտերի արդյունքում հակառակորդը դեպքի վայրում է թողել արյան բազմաթիվ հետքեր, 5 հատ նռնակի մասեր, ՎՈԳ-25-ի մեկ արկ, 5 դատարկ պահունակ, հատուկ դիպուկահար հրացանի («Վինտարեզի») 1 պահունակ` 4 փամփուշտով, կապի համար նախատեսված 1 կոճ, բժշկականասեղներ, տարբեր տրամաչափի բազմաթիվ պարկուճներ և ճողոպրել իր ելման դիրքերը: Ըստ հավաստի տեղեկությունների, ադրբեջանական կողմը մարտի ընթացքում տվել է առնվազն 1 զոհ և վիրավորներ: ՊԲ դիրքապահ ուժերը կորուստներ չեն ունեցել: Միջադեպի հետ կապված մյուս մանրամասները ճշտվում են:

Կարդալ ավելին 04-21-2015

ԱՐՑԱԽԸ ՊԵՏՔ Է ԴԱՌՆԱ ՀԱՅ ԺՈՂՈՎՐԴԻ ՄԻԱՍՆՈՒԹՅԱՆ ԿԻԶԱԿԵՏ
ԱՐՑԱԽԸ ՊԵՏՔ Է ԴԱՌՆԱ ՀԱՅ ԺՈՂՈՎՐԴԻ ՄԻԱՍՆՈՒԹՅԱՆ ԿԻԶԱԿԵՏ

ԼՂՀ Ազգային ժողովի համապետական ընտրությունների քարոզարշավի շրջանակներում ապրիլի 14-ին Հայ Հեղափոխական Դաշնակցության ներկայացուցիչները հանդիպում ունեցան ԼՂՀ կառավարության աշխատակազմի և Շ. Ազնավուրի անվան մշակույթի կենտրոնի կոլեկտիվի հետ։ Առաջին հանդիպումն անցավ ԱԺ պատգամավորության թեկնածուներ Արթուր Աղաբեկյանի ու Վահրամ Բալայանի, երկրորդը՝ վերջինիս և Արմեն Սարգսյանի հետ։ Խոսելով ՀՅԴ-ի մասին՝ Վ. Բալայանն ասաց, որ իրենք ներկայացնում են մի քաղաքական ուժ, որն ավելի քան մեկդարյա պատմություն ունի, պատմական տարբեր ժամանակահատվածներում պատվով է կատարել իր առջև դրված խնդիրները և վերջին 20 տարիների ընթացքում, հանդես գալով որպես ընդդիմադիր ուժ, նաև կարողացել է տեսնել ու գնահատել իշխանությունների կողմից կատարված լավը, կողմնակից է եղել միայն կառուցողական քննադատության։ Բայց դա չի նշանակում, որ գերնպատակն իրագործված է։ Երկրում առայսօր առկա են խնդիրներ, որոնց լուծումը Դաշնակցությունն այլ ձևով է տեսնում, և այդ խնդիրների վերացմանը ընտրողները կարող են մեծապես նպաստել՝ իրենց քվեն տալով Հայ Հեղափոխական Դաշնակցությանը։ Վ. Բալայանը նշեց, որ խորհրդարանական այս ընտրություններն իրենց կուսակցությունը չի դիտարկում որպես հերթական ընտրություն, աշխարհաքաղաքական ներկա վիճակն այն դարձնում է վճռորոշ՝ արժանապատիվ ապագայի տեսլականի առումով։ Ընդգծվեց, որ հենց այդ պատճառով է, որ Հայ Հեղափոխական Դաշնակցությունը մասնակցում է ընտրություններին և ձգտում ԱԺ¬ում կազմել մեծամասնություն, քանի որ միայն ա՜յն կարող է արմատական բարեփոխումներ կատարել կառավարման համակարգում, էապես մեծացնել պետության ներգրավվածությունը տնտեսության ռազմավարական նշանակության ոլորտներում, չեզոքացնել պետականությանը սպառնացող վտանգը, ամրապնդել նրա անվտանգությունը, համատեղել ողջ հայության ներուժը՝ ի բարօրություն հզոր պետության։ Նշենք, որ ՀՅԴ համամասնական ցուցակով առաջադրված է 34 հոգի, մեծամասնական ընտրակարգով թեկնածուները 4-ն են՝ Վահրամ Բալայան, Դավիթ Իշխանյան, Լեռնիկ Հովհաննիսյան, Կամո Բարսեղյան։ Դաշնակցությունը խորհրդարանական ընտրությունների է դուրս եկել ՙԽաղաղություն, արդարություն, աշխատանք՚ կարգախոսով։ Թե ինչու հատկապես այդպես՝ Ա. Աղաբեկյանը պարզաբանեց. ՙՄեր խաղաղությունը շատ փխրուն է, և անչափ թանկ ու կարևոր մեզ համար։ Միայն ՀՅԴ¬ն կարող է, համախմբելով համայն հայության ներուժը՝ պահպանել և ամրապնդել այդ խաղաղությունը։ Արդարություն՝ քանի որ սա այն անգնահատելի պայմանն է, որի առկայությունը բարձրացնում է ժողովրդի վստահության մակարդակն իր ընտրյալների հանդեպ, և որի պակասը հասարակության անդամների ու տարբեր խավերի շրջանակներում խռովք է առաջ բերում։ Այսօր արդարությունը մեր կյանքի ամենամեծ դեֆիցիտն է, և Դաշնակցությունը խոստանում է առաջիկա 5 տարիներին (ԱԺ¬ում մեծամասնություն կազմելու պարագայում) վերականգնել այն։ Աշխատանքն այն անհրաժեշտ գործոնն է, առանց որի ոչ մի գործում արդյունք չի կարող լինել՚։ Դաշնակցության, ինչպես նաև մյուս թեկնածուների նախընտրական ծրագրերը խոստումնալից են։ Այլ հարց է՝ դրանց ո՜ր մասն իրականում կկենսագործվի։ ՀՅԴ նախընտրական ծրագրի հիմնադրույթների մի զգալի փաթեթ վերաբերում է սոցիալական ոլորտին։ Նշվեց, որ սոցիալապես անապահով շերտերի արժանապատիվ կյանքի ապահովումը, որ պետության գերխնդիրն է, պետք է երաշխավորել հայեցակարգային լուծմամբ։ Անհրաժեշտ է քայլեր ձեռնարկել սոցիալական բևեռացումը մեղմելու համար։ Որոշել կարիքավորության աստիճանը և հասնել հասցեագրված սոցիալական օգնության, նոր ձևավորված ընտանիքներին լուրջ ֆինանսական աջակցություն ցուցաբերել և կատարելագործել ծնելիության աճի խթանման ծրագիրը։ Ըստ ՀՅԴ¬ի՝ արմատական բարեփոխումների կարիք ունի նաև նպաստների համակարգը։ Հատկապես ուշադրություն է դարձվում կրթության ոլորտին, քանի որ կադրերն են որոշում ամեն ինչ, և, ըստ բանախոսների, սա մեր երկրի ամենաթույլ օղակներից մեկն է։ Ըստ նրանց՝ դպրոցաշինություն՝ չի նշանակում դպրոցական շենքի կառուցում, այն ավելի լայն հասկացություն է, և մեծ ուշադրություն պետք է դարձնել կրթության խնդիրներին։ Բյուջեից սնվող համակարգերը հսկայական բեռ են, և այդ բեռը պետք է հասցվի նվազագույնի, պետք է զարկ տալ արտադրության, արդյունաբերության զարգացմանը, արտաքին ներդրումների ապահովմանը, ներքին ռեսուրսներով սեփական պահանջները բավարարելուն և արտաքին առևտրաշրջանառության մակարդակի բարձրացմանը։ ՙԵթե կադրային ներկա քաղաքականությունը չփոխվի, և մեր ռեսուրսները ճիշտ չօգտագործենք, սերունդները մեզանից պատասխան են պահանջելու՚,- համոզված է Ա. Աղաբեկյանը։ Ա. Սարգսյանը, ելույթ ունենալով ընտրողների առջև, ասաց, որ Հայ Հեղափոխական Դաշնակցության դերը շատ մեծ է եղել հայկական սփյուռքի պահպանման, միաբանման, Հայ Դատի գաղափարների տարածման ու նրա ճանաչման որոշակի արդյունքներ գրանցելու գործում։ Ազգային մշակույթի պահպանման ու տարածման հարցում էլ, նրա խոսքով, օրինակներ, ինչքան ասես, կարելի է բերել։ Նա նշեց, որ Դաշնակցությունը միշտ կողմ է եղել պետության պառլամենտական մոդելին, քանի որ այս ձևով ՙանձի՚ գործոնը նվազագույնի է հասցվում, հետևաբար՝ շատ խնդիրներ, հատկապես Դաշնակցության կարգախոսի երկրորդ կետի՝ արդարության հետ կապված։ ՀՅԴ¬ի համար սկզբունքային խնդիր է կոռուպցիայի ու հովանավորչության դեմ համապարփակ պայքարի կազմակերպումը, քանի որ դրանց վերացմամբ միայն կարող է ԼՂՀ¬ն դիտարկվել իրապես ժողովրդավար, կայուն զարգացում ապահովող երկիր, ձևավորել քաղաքացիական հասարակություն, սոցիալական արդարություն և հաստատել օրենքի գերակայություն։ Դաշնակցությունն առաջնահերթ խնդիր է համարում երկրի անվտանգության, պետության պաշտպանվածության ու բանակի մարտունակության բարձրացումը։ Թեկնածուները համոզված են, որ Արցախը պետք է դառնա հայ ժողովրդի միասնության գաղափարական ու առարկայական կիզակետը։ Եվ նրա Ազգային ժողովը, որը կընտրվի, չպետք է լինի այնպիսին, ինչպիսին եղել է մինչև այժմ։ Այն պետք է լինի նախաձեռնող և ոչ կցորդ ու պարտադրի բոլորին, այդ թվում և գործադիր իշխանությանը՝ ապրել օրենքի համաձայն, երկիր կառուցել ու շենացնել օրենքի շրջանակներում, կառավարվել նույն օրենքով։ Միայն այս պարագայում խորհրդարանը կարող է դառնալ քաղաքական մարմին, ունենալ արհեստավարժ փորձագետներ և ճիշտ ու գրագետ աշխատանքով, կառուցվածքային համակարգով ներկայանալ աշխարհին։

Կարդալ ավելին 04-21-2015

ԼՂՀ Ազգային ժողովը Հայոց ցեղասպանության 100-րդ տարելիցի կապակցությամբ հանդես է եկել հայտարարությամբ
ԼՂՀ Ազգային ժողովը Հայոց ցեղասպանության 100-րդ տարելիցի կապակցությամբ հանդես է եկել հայտարարությամբ

Այսօր կայացած ԼՂՀ 5-րդ գումարման Ազգային ժողովի 11-րդ նստաշրջանի արտահերթ նիստում, որը նախագահում էր խորհրդարանի ղեկավար Աշոտ Ղուլյանը, Հայոց ցեղասպանության 100-րդ տարելիցի կապակցությամբ ԼՂՀ խորհրդարանը հանդես է եկել հայտարարությամբ։ Հայտարարության մեջ մասնավորապես ասված է. Լեռնային Ղարաբաղի Հանրապետության Ազգային ժողովը` - հիմք ընդունելով ՄԱԿ-ի Գլխավոր վեհաժողովի՝ 1948 թվականի դեկտեմբերի 9-ին ընդունած «Ցեղասպանության հանցագործությունը կանխարգելելու և պատժելու մասին» Կոնվենցիան, շեշտելով ցեղասպանության հանցագործության վաղեմության ժամկետ չունենալու հանգամանքը, - ոգեկոչելով 1894-1923 թվականներին Օսմանյան կայսրության և Թուրքիայի տարբեր վարչակարգերի կողմից Արևմտյան Հայաստանում իրականացրած ցեղասպանության զոհերին, - կարևորելով ցեղասպանության 100-րդ տարելիցի Համահայկական հռչակագիրը, - երախտագիտություն հայտնելով այն պետությունների խորհրդարաններին, պետական և տեղական կառույցներին ու միջազգային կազմակերպություններին, որոնք պաշտոնապես ճանաչել են Հայոց ցեղասպանությունը, ընդունել Հայոց ցեղասպանության ժխտումը քրեականացնող օրենքներ՝ կոչ է անում մյուս երկրների խորհրդարաններին, միջխորհրդարանական և միջազգային կազմակերպություններին պաշտոնապես ճանաչել Օսմանյան կայսրության և Թուրքիայի տարբեր վարչակարգերի կողմից 1894-1923 թվականներին Արևմտյան Հայաստանում իրականացրած Հայոց ցեղասպանությունը՝ որպես մարդկության դեմ հանցագործություն:

Կարդալ ավելին 04-20-2015

Ապրիլի 24-ին Ծիծեռնակաբերդ կայցելեն ավելի քան 60 երկրների եւ միջազգային կազմակերպությունների պատվիրակություններ
Ապրիլի 24-ին Ծիծեռնակաբերդ կայցելեն ավելի քան 60 երկրների եւ միջազգային կազմակերպությունների պատվիրակություններ

Հայոց ցեղասպանության 100-րդ տարելիցի ոգեկոչման արարողություններին նվիրված գլխավոր միջոցառումների մեկնարկը կտրվի ապրիլի 21-ի երեկոյան` Հայոց Ցեղասպանության թանգարան-ինստիտուտի վերակառուցված սրահի բացմամբ: «Արմենպրես»-ի փոխանցմամբ` ՀՀ Նախագահի աշխատակազմի ղեկավար, Հայոց ցեղասպանության 100-րդ տարելիցի միջոցառումների համակարգող Վիգեն Սարգսյանը թանգարանի պատրաստվածությունը գնահատում է հարյուր տոկոսանոց: «Թանգարանն ամբողջությամբ ձեւափոխվել է, ցուցասրահի տարածքը եռապատկվել է, եւ գաղափարական առումով հետաքրքրական ցուցադրություն է ստացվել: Թանգարանով հպարտանալու առիթ ենք ունենալու, քանի որ այն հսկայական գործ է կատարում, ինչպես եղածը ցույց տալու եւ այնպես էլ նոր նյութեր ժողովելու առումով: Բացի լուսանկարներից եւ տեքստից, ցուցադրությունը պարունակում է ցուցանմուշներ, իրեր, վերապրածների առարկներ, որոնք ներկայացնում են հանցագործությունները` ողջ խորությամբ»,- ասաց Սարգսյանը: Ապրիլի 22-ին Կարեն Դեմիրճյանի անվան մարզահամերգային համալիրում կմեկնարկի երկօրյա «Ընդդեմ Ցեղասպանության հանցագործության» գլոբալ հասարակական-քաղաքական համաժողով, որը նվիրված է Ցեղասպանությունների դեմ միջազգային պայքարին: «Շատ ներկայանալի կազմ է լինելու: Նախատեսվում է, որ համաժողովի երկրորդ օրը կլինեն խորհրդարանական ձեւաչափով քննարկումներ, որին կմասնակցեն տարբեր երկրների պատգամավորներ: Իսկ ապրիլի 22-ին հիմնականում կլինեն մասնագիտական քննարկումներ` իրավական եւ քաղաքական ասպեկտներով»,- ասաց Վիգեն Սարգսյանը: Ապրիլի 23-ին Մայր աթոռ սուրբ Էջմիածնում կկայանա Հայոց ցեղասպանության նահատակների սրբադասման կարգ: «Դա բացառիկ երեւույթ է, քանի որ հայ առաքելական եկեղեցին մի քանի դար չի կատարել սրբադասման կարգ եւ այն չափազանց կարեւոր նշանակություն ունի տարելիցի հոգեւոր եւ բարոյական հենքը ձեւավորորելու համար»,- ասաց Սարգսյանը` հավելելով, որ միջոցառումը բաց է բոլոր ցանկացողների համար: Խորհուրդ է տրվում Էջմիածին այցելել հանրային տրասնպորտով: «Սրբադասման կարգը կավարտվի երեկոյան 19:15-ին: Դա խորհրդանշական թիվ է եւ կազդարարվի համազգային լռության րոպեով, որը կընթանա զանգերի հարյուր ղողանջով: Այդ նախաձեռնությանը կմիանան նաեւ աշխարհի բազմաթիվ եկեղեցիներ. Բուենոս Այրեսի եկեղեցիներից մինչեւ Փարիզի Աստվածամոր տաճար կհամախմբվեն եւ կհիշատակեն զոհերին»: Ապրիլի 24-ին ոգեկոչման արարողությունները կմեկնարկեն առավոտյան, երբ Հայաստան ժամանած ավելի քան վաթսուն երկրների եւ միջազգային կազմակերպությունների պատվիրակություններ կայցելեն Հայոց ցեղասպանության թանգարան-ինստիտուտ, որից հետո կմեկնարկի ոգեկոչման գլխավոր արարողությունը, հետեւաբար խորհուրդ է տրվում Ծիծեռնակաբերդ հուշահամալիր այցելել ցերեկը ժամը 13:00-ից հետո: Նույն օրը երեկոյան կկայանա ավանդական ջահերով երթ, իսկ այցելություն հուշահամալիր կկայանա նաեւ ապրիլի 25-ին: Ապրիլի 24-ին երեկոյան ութն անց տասնհինգ Հանրապետության հրապարակում կկայանա մեծ համերգ, որտեղ 43 երկրների ավելի քան 100 երաժիշտներ կկատարեն Հայ կոմպոզիտորների ստեղծագործությունները` այդ կերպ հարգանքի տուրք մատուցելով ցեղասպանության զոհերի հիշատակին եւ վերապրածներին: Այս ընթացքում եւ ողջ տարվա ընթացքում կցուցադրվեն բազմաթիվ վավերագրական-գեղարվեստական ֆիլմեր: Մասնավորապես կկայանա «Հիշողության քարտեզ» վավերագրական ֆիլմի շնորհանդեսը, որը պատմում է օտարերկրյա միսիոներների աշխատանքի մասին: Ողջ տարվա ընթացքում տեղի կունենա «Քեզ հետ, Հայաստան» խորագրով նախաձեռնությունը, որը ենթադրում է, որ աշխարհահռչակ նվագախմբերն իրենց ելույթներից մեկը նվիրում են Հայոց ցեղասպանության հիշատակին: Նմանատիպ համերգներ կկայանան Բրյուսելում, Սանկտ Պետերբուրգում, Նյու Յորքում:

Կարդալ ավելին 04-20-2015

Ապրիլի 24-ին քրիստոնեական բոլոր եկեղեցիները 100 անգամ զանգ կհնչեցնեն
Ապրիլի 24-ին քրիստոնեական բոլոր եկեղեցիները 100 անգամ զանգ կհնչեցնեն

Հայ Առաքելական եկեղեցին ապրիլի 23-ին կիրականացնի Հայոց ցեղասպանւթյան 1.5 միլիոն զոհերի սրբադասման արարողություն: Սրբադասման արարողությանն է անդրադարձել «Вести» կայքը` հղում անելով «Ինտերֆաքս»-ին: «Հիմնական արարողությունը` տեղի կունենա ապրիլի 23-ին: Այդ օրը Ցեղասպանության բոլոր զոհերը կսրբացվեն, որպես նահատակներ հավատքի և հայրենիքի համար»,- հայտարարել է Նոր-Նախիջևանի և Ռուսաստանյան թեմի առաջնորդ Եզրաս Արքեպիսկոպոս Ներսիսյանը: Նրա խոսքով, առաջիկա օրերին աշխարհի տարբեր երկրներում տեղի կունենա Ցեղասպանության 100-ամյա տարելիցի կապակցությամբ հիշատակի արարողություններ: Եկեղեցիներում պատարագներ կմատուցվեն, աշխարհի բոլոր վայրերում, որտեղ կան հայկական համայնքներ, կանցկացվեն հուշ երեկոներ, որոնք կուղեկցվեն խաչքարերի բացման, արխիվային նյութերի հրապարակման արարողություններով: Իսկ քրիստոնեական բոլոր եկեղեցիներում 100 անգամ զանգեր կհնչեցվեն: «Մենք ստացել ենք Համայն ռուսիո պատրիարք Կիրլլի օրհնությունը: Այդ օրը մեր ժողովուրդների և քույր եկեղեցիների համար կարևոր օր է, համընդհանուր ահազանգին կմիանա նաև Մոսկվայի Քրիստոս փրկչի տաճարն իր զանգերով, իսկ երգչախումբը հայերեն լեզվով կկատարի «Հայր մեր»-ն ու «Սուրբ Աստված»-ը»,- նշել է թեմի առաջնորդը և հավելել, որ Հայրենական մեծ պատերազմի թանգարանում կբացվի ցուցադրություն «Ռուսական հայացք Հայոց ցեղասպանությանը» խորագրով: Հիշեցնենք, որ ապրիլի 12-ին Վատիկանի Սուրբ Պետրոսի տաճարում Հայոց ցեղասպանության 100-րդ տարելիցի առթիվ զոհերի հիշատակին նվիրված պատարագի ժամանակ Հռոմի պապ Ֆրանցիսկոսը 1915 թվականին Օսմանյան կայսրությունում հայերի կոտորածն անվանել է 20-րդ դարի առաջին ցեղասպանություն: Որից հետո Վատիկանում Թուրքիայի դեսպան Մեհմեթ Փաչաջեն հետ է կանչվել Թուրքիա:

Կարդալ ավելին 04-20-2015